Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Shifrat janë luhatur gati në të njëjtat nivele edhe për vitet në vijim. Në total, në tre vitet e fundit akademike pa llogaritur vitin që nuk ka nisur ende, në Shqipëri janë regjistruar rreth 28 mijë studentë për Teknologji Informacioni dhe Komunikimi.
TIRANË- Departamenti i Informatikës në Fakultetin e Shkencave të Natyrës edhe këtë vit po mirëpret studentë të shumtë që në fazën e parë të aplikimeve. INSTAT na tregon se vrulli më i madh i studentëve që zgjedhin këtë degë ka nisur që nga viti akademik 2018-2019 ku u regjistruan rreth 10 mijë të tillë.
Shifrat janë luhatur gati në të njëjtat nivele edhe për vitet në vijim. Në total, në tre vitet e fundit akademike pa llogaritur vitin që nuk ka nisur ende, në Shqipëri janë regjistruar rreth 28 mijë studentë për Teknologji Informacioni dhe Komunikimi.
Kandidatët e dinë që të nesërmen do të jenë më të kërkuarit në tregun e punës dhe me paga të mira.
Ndryshe nga vitet e shkuara kur lënda e informatikës nëpër gjimnaze nuk trajtohej aq seriozisht sa matematika apo letërsia, tani po ndodh e kundërta. Mësuesit kanë parë interesin e studentëve dhe mundësinë që ofron tregu i punës., Ndonëse niveli i lëndës është shumë bazik në gjimnaz, ajo po merr prioritet. Orët janë shtuar dhe studentët po fokusohen më tepër.
Megjithatë, sipas pedagogëve të universiteteve, për studentët që vijnë nga rrethet vihet re një mungesë më e madhe njohurish. Gjë, që pavarësisht interesit të madh që mund të kenë i penalizon ata që në momentin kur vijnë, krahasuar me moshatarët e tyre. Të gjithë ata duket se i kanë kthyer sytë nga kompanitë e huaja. Nuk po preferojnë të punojnë më as si freelancer dhe as në administratë si disa vite më parë.
Pagat janë arsyeja kryesore. Një pagë e ulët në Perëndim, është një pagë e lartë për Shqipërinë.
“Në vitin tim të parë të punës, kur isha në administratë, paga ime mujore ishte 60 mijë lekë, shumë më e ulët krahasuar me kolegët e mi që punonin për kompani të huaja duke filluar nga 150 mijë në muaj.
E kuptova që nuk ia vlente të vendosja përpjekjet e mia atje kur mund të punoja në një kompani të tillë ku marr gati trefishin, lidhur dhe me pozicionin e punës që kam tani”, tha për Gazetasi.al Iva.L, një 25 vjeçare që punon si programuese.
Ajo thotë se një ndër arsyet përse po heqin dorë nga administrate, është fakti që kompanitë e huaja kanë politika shumë të mira duke nisur që nga fleksibiliteti i punës deri tek vlerësimet dhe trajtimet që bëjnë për punonjësit.
“Nuk ka fare nevojë që të shkoj në zyrë ashtu siç administrata kërkon. Ka shumë kohë që po punoj nga shtëpia. Përpos fleksibilitetit, gjëja tjetër që më pëlqen shumë është se kompanitë e huaja i kushtojnë shumë rëndësi shëndetit mendor të punonjësit.
Për festa gjithmonë kemi trajtime për stafin në shtete të ndryshme, gjatë javës kemi ‘happy hour’ ku shkëputemi nga puna dhe luajmë lojra sëbashku.
Ushqimin e drekës e mbulon kompania. Kemi dhe hapësira ku mund të pushojmë gjatë ditës, dhoma ping-pongu dhe ambiente të tilla qetësuese.
Pra, kur ti shikon gjithë këto sigurisht që nuk do zgjedhësh administratën”,-vijon mandej ajo duke iu referuar kompanisë amerikane ku punon për momentin, e lokalizuar në zonën e Selitës.
Për hendekun e pagave për Gazetasi.al foli me shqetësim edhe Denis Saatçiu, pedagog informatike dhe data engineer. Ai tha se diferenca më e madhe e rrogave mund të jetë dhe një arsye indirekte e sulmeve kibernetike.
"Më të mirët i ka marrë privati dhe të tjerët ndihen të demotivuar", thotë Saatçiu.
"Rrogat që ofron administrata janë shumë të ulëta krahasuar me rrogat që ofron tregu privat. Gjë, që mund t’i demotivojë ekspertët që punojnë në administrate”, tha ai.
Megjithatë, Sataçiu për cilësinë e dobët të mbrojtjes së serverave ‘drejton gishtin’ nga kompanitë që kanë bërë instalimet e këtyre sistemeve.
“Pjesa më e madhe e sistemeve, sidomos atyre që kanë qenë të mëdhaja apo kritike nuk janë ndërtuar nga punonjësit e administratës. Qeveria ka tenderuar dhe kontraktuar kompani qoftë të huaja ose shqiptare, me vlera marramendëse, për ndërtimin e atyre sistemeve. Fakti që ata kanë patur vulnerabilitet, nuk shikohet tek aftësia e punonjësve të administratës sepse realisht janë zhvilluar nga profesionistë shumë të mëdhenj. Se si dhe çfarë bënë është gjë tjetër që u takon organeve të caktuara për të vendosur kush e ka patur fajin. Unë parimisht jam dakord që të rriten pagat e administratës po nuk besoj që ka qenë ky faktori kryesor. Më tepër besoj që është te pjesa e mosinstalimit të çfarëdolloj gjëje që ka qenë e nevojshme për t’u mbrojtur nga sulmet”, thotë ai.
Megjithatë, nxitur nga sulmet e fundit kibernetike, ai pohon se është e domosdoshme që qeveria të nxisë dhe të stimulojë talentet e reja në Shqipëri në mënyrë që në situata të tilla, të ketë dhe nisma vullnetare nga ta për të ndihmuar.
“Si një shtet i vogël, gjeja më e madhe që mund të prodhojmë është mendja njerëzore. Shërbimet e IT janë një dritare e mirë që duhet të shfrytëzohet nga qeveria për të kënaqur të rinjtë. Në momentin që ti ke mundësi që t’i ofrosh një të riu zhvillim profesional, duhet ta bësh pa e menduar për ta mbajtur pranë vetes.
Nuk duhen vetëm trajnime dhe intershipe. Duhen nxitur edhe kompanitë e huaja që punojnë në Shqipëri sepse ata po faturojnë para nga Amerika apo shtete të tjera dhe i sjellin në ekonomitë shqiptare. Duhen financime, të rriten fondet dhe trajnimet në mënyrë që ekspertët të duan me dëshirë të punojnë në Shqipëri”, thotë ai.
Në fund ai shton se kompanitë e shqiptare nuk duhet t’i marrin si sfidë të huajat por duhet t’i shohin si nxitje konkurrence./GazetaSi
Protesta TIRANË- Ditën e sotme nxënësit e shkollës 'Mehmet Akif' kanë dalë në protestë. Duke kundërshtuar...
Christiane Hohmann TIRANË- Ambasadorja e BE-së në Tiranë, Christiane Hohmann ka prezantuar, disa kushte që sipas saj Shqipëri...
Pjerin Xhuvani ELBASAN- Është shtyrë për herë të 5-të seanca gjyqësore ndaj ish-oficerit të forcave speciale ...
policia italiane ITALI- Ai po shiste kokainë në zemër të qendrës historike të Forlì. Një i ri me kombës...
Caush Saliasi dhe Luad Zaimi TIRANË- Prokuroria e Tiranës ka mbyllur hetimet për ish-efektivin Ludjan Zaimi, i cili vrau kolegun e tij n&eum...
Droga e kapur ITALI- Dy persona janë arrestuar me sasi të mëdha kokainë me 22 kg, të fshehura brenda një "Porsche". I pari q...
Perfaqesuesit TIRANË- Ditën e sotme kanë dalë në një deklaratë për media, përfaqësuesit e shkollës&...
Policia BULQIZË- Një 30-vjeçar është arrestuar nga policia pasi ka dhunuar të atin. Policia informon se personi me iniciale...
Foto ilustruese TIRANË- Rrjeti ndërkombëtar i ‘Safe Journalists” ka reaguar pas urdhërit të Prokurorisë ndaj medi...
Arian Përmeti TIRANË- Komisioni i Pavarur i Kualifikimit ka konfirmuar në detyrë prokurorin Arian Përmeti. Mesa duket trupa g...
