Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Në një reagim zyrtar kërkojnë zbardhjen e plotë të çështjes dhe vendosjen e fajtorëve para drejtësisë.
TIRANË- Rrjeti “Safe Journalists”, që përfaqëson më shumë se 8200 profesionistë të medias në Ballkanin Perëndimor ka reaguar menjëherë pas dhunimit të gazetarit të ReportTv, Ervis Hila. Në një reagim zyrtar kërkojnë zbardhjen e plotë të çështjes dhe vendosjen e fajtorëve para drejtësisë.
REAGIMI I PLOTË:
Të enjten, datë 25 janar 2023, në orën 16:40 në Lezhë të Abanisë, dy persona kanë sulmuar fizikisht gazetarin e Report Tv, Elvis Hila dhe bashkëshorten e tij. Të mërkurën, Elvis Hila kishte raportuar për Report Tv dhe Shqiptarja.com për një vendim gjykate në Lezhë. Pas këtij denoncimi, dy persona kanë sulmuar fizikisht atë dhe bashkëshorten e tij Benereta Hila, e cila është goditur në kokë nga autorët teksa tentonte të ndërhynte dhe të merrte telefonin që i kishte rënë përdhe për shkak të sulmit. Gazetari nga dhuna ka marrë fraktura në trup dhe ka shkuar në spital bashkë me bashkëshorten. Më pas ata e kanë denoncuar ngjarjen në polici.
“Është në dorë të drejtësisë, por kjo nuk më pengon të them të vërtetën në punën time, pavarësisht se disa segmente nuk e pëlqejnë”, tha Hila në Report TV, pas sulmit. Policia ka reaguar në lidhje me sulmin ndaj reporterit të Report Tv në Lezhë, Elvis Hila dhe bashkëshortes së tij. Specialistët për Hetimin e Krimeve në Komisariatin e Policisë Lezhë shpallën në kërkim dy autorët.
Kjo nuk është hera e parë që Hila sulmohet për shkak të punës së tij si gazetar. Rrjeti SafeJournalist ka reaguar në vitin 2020 për ndalimin e paligjshëm nga Policia e Elvis Hilës (këtu).
“Ky është një rast shumë i rëndë ndaj një gazetari vendas, i përkeqësuar sepse përfshin edhe gruan e tij, por edhe sepse është një tregues i vështirësive që hasin gazetarët në raportimin e çështjeve që lidhen me krimin apo krimin e organizuar. Nga ana tjetër, vlerësohet reagimi i shpejtë i autoriteteve dhe solidariteti dhe mbështetja publike për Elvis Hilën” – Blerjana Bino, Rrjeti i Gazetarëve të Sigurt në Shqipëri.
Rrjeti SafeJournalists, që përfaqëson më shumë se 8200 profesionistë të medias në Ballkanin Perëndimor, i dënon këto raste dhe u bën thirrje organeve kompetente që të garantojnë sigurinë e gazetarëve, veçanërisht në kohë delikate. Për më tepër, u bëjmë thirrje institucioneve përgjegjëse që të hedhin dritë mbi të gjitha rastet e sulmeve ndaj gazetarëve që kanë ndodhur në Kosovë, sepse çdo rast i pandëshkuar sjell më shumë krime ndaj gazetarëve.
Rrjeti SafeJournalists do të informojë të gjithë aktorët përkatës kombëtarë dhe ndërkombëtarë për rastet e fundit. Çdo sulm ndaj gazetarëve është sulm ndaj interesit publik, demokracisë dhe të drejtave të të gjithë qytetarëve. Beograd – Podgoricë – Prishtinë – Sarajevë – Shkup – Zagreb, 26.01.2023
Si ndodhi ngjarja?
Gazetari Elvis Hila është dhunuar ditën e djeshme për shkak të detyrës. Pre e sulmit ka rënë edhe bashkëshortja e tij. Vetë gazetari Hila ka bërë kallëzimin në Polici, në të cilin ka deklaruar se ngjarja ka ndodhur këtë pasdite dhe se gjithçka lidhet me një lajm që ai ka publikuar për Fran Amerin, një qytetar i shpallur fajtor për veprën penale "Falsikim Dokumentesh". Hila thotë se fillimisht është tleefonuar nga dy personat e shpallur në kërkim për ngjarjen në fjalë Paulin Përgjini dhe Indrit Ameri, të cilët i kanë lënë takim. Në momentin që është përballur me ta, gazetari thotë se personat në fjalë kanë nisur ta kërcënojnë dhe t’i kërkojnë llogari për lajmin. Më pas e kanë dhunuar. Mes tyre ka ndërhyrë dhe bashkëshortja e Hilës, të cilën e kanë qëlluar gjithashtu. Burrë e grua kanë përfunduar në spital, ku kanë marrë ndihmën e nevojshme mjekësore, por ndodhen jashtë rrezikut për jetën.
Rovena Voda TIRANË- Prokuroria e Posaçme kundër Korrupsionit dhe Krimit të Organizuar, në bashkëpunim me anti-mafian itali...
Tracy Walder SHBA- Ish-kolegia e ish-agjentit të FBI-së Charles McGonigal, Tracy Walder shprehet se vënia nën akuzë e ti...
Fermerët SHKODËR- Reshjet e dendura të shiut të cilat sollën përmbytje në disa qarqe të vendit lanë pas dë...
Kali LESKOVIK- Një kalë është vrarë ditën e sotme në zonën e Shelegurit në Leskovik. Me anë të ...
Peter Zingraf dhe Policia TIRANË- Policia Federale Gjermane dhuron 5 automjete dhe një sërë pajisjesh të tjera logjistike, të...
Autobusi TURQI- Një kamion shqiptar është kapur në drogë në Turqi. Mësohet se kamioni shqiptar u mbajt nën v&...
Floriana Garo TIRANË- Partia Demokratike ka reaguar ndaj dhunës së ushtruar ndaj gazetarit Elvis Hila si dhe bashkëshortes së...
Fatos Tushe TIRANË- Ish-kryebashkiaku i Lushnjes, Fatos Tushe është liruar nga burgu. Pas një vit e gjysmë qëndrimi në p...
TIRANË- Pesë persona janë arrestuar nga policia pasi janë kapur duke vënë baste sportive përmes celularëve. ...
Makine ITALI- Guardia di Finanza ka dhënë disa detaje në lidhje me megaoperacionin në bashkëpunim me autoritetet shqiptare dhe Eur...
