Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Sipas denoncimit, ai që po ndërton, është Dejni Zylyftari, i cili punon si topograf në Bashkinë e këtij qyteti, por njëkohësisht edhe i afërm i Kryetares së PS në Berat, Valbona Zylyftari, e cila është prefekte e qarkut.
BERAT-Një ndërtim pa leje në lagjen “28 nëntori” në Berat, zonë e klasifikuar e mbrojtur, e kontrolluar nga Instituti i Monumenteve të Kulturës është denoncuar nga emisioni “Stop”. Sipas denoncimit, ai që po ndërton, është Dejni Zylyftari, i cili punon si topograf në Bashkinë e këtij qyteti, por njëkohësisht edhe i afërm i Kryetares së PS në Berat, Valbona Zylyftari, e cila është prefekte e qarkut.
Denoncuesi: Jam trashëgimtar i kësaj shtëpisë këtu. Kisha një shtëpi këtu përballë, dikush e ka shitur, nuk e dimë se kush e kishte blerë. Kur vij këtu, ai kishte kryer punime, por nuk dukeshin në ato moment sepse ishte vetëm kati, sa ishte shkatërruar si shtëpi.
Gazetari: Katin e dytë e kishin shkatërruar komplet?
Denoncuesi: E kishte shkatërruar, edhe kishte ruajtur vetëm strukturën e katit të parë, këto muret. Dhe nga infrastruktura që ka ngritur ne na ka shqetësuar shumë, se na ka ardhur mbi shtëpi. Sepse këtu rrugicat janë shumë të ngushta, 2 metra, 1 metër e 80. Në qoftë se ai del rreth 70 centimetra sa ka dal tani nga shtëpia, ai vjen mbi shtëpi, ne nuk rrimë dot të qetë në jetën tonë. Menduam se do ta bënte shtëpi, ai po e bënë hotel, sepse duket nga struktura. Edhe ai vetë ma ka pranuar. Ky person po vjen nga jashtë dhe ky është një punonjës i bashkisë, kjo është pjesa më e rëndë.
Gazetari: Është punonjës bashkie?
Denoncuesi: Është punonjës bashkie, punon topograf dhe ky është personi i parë që duhet të zbatojë ligjin. Ai duhet të më mësoj mua se çfarë të bëj, jo të bëjë vetë. Ja shikoje, ore të marrësh një njeri nga rruga aty, të marrësh një njeri nga rruga ta shikojë, sepse ne jemi uniformë këtu. Unë nuk e di ku e gjen forcën ky njeri.
Sipas “Stop”, ekspertët tregojnë, se vendi, ku po ndërtohet nuk është i lejuar. Por kështu edhe materialet e betonit apo hekurit nuk lejohen të përdoren në këtë zonë.
Pas konstatimit emisioni i është drejtuar Institutit të Monumenteve të Kulturës Berat, për të pyetur a ka leje për këtë ndërtim. Përgjigja ishte, se nuk rezulton të jetë dhënë leje nga IMKK.
Instituti i Monumenteve të Kulturës, Berat: Po me ç’më thotë drejtori, ka leje vetëm nga Bashkia…
Gazetari: Nga Instituti nuk ka?
Instituti i Monumenteve të Kulturës, Berat: Nga Instituti jo.
Pas kësaj ata kanë informuar IMKK-në dhe Ministrinë e Kulturës, ku juristja na tha se do të merren të gjitha masat, për rikthimin e situatës në kushtet e parandërhyrjes.
Në bashkinë e Beratit nuk është bërë asnjë lëvizje edhe pse para denoncimit në “Stop” një tjetër ishte bërë në IMT-në e bashkisë.
Instituti Kombëtar i Monumenteve: Ky i ka marrë vetëm në Bashki, domethënë në Ministrinë e Kulturës… Bashkia nuk duhet ta japë lejen pa marrë miratimin tek ne fillimisht dhe puna është, se këtu duhet të kishte reaguar drejtoria rajonale. E përcjellin ata në Tiranë për ta hequr… Tani të tregohem edhe unë e sinqertë, sepse në fund të ditës të gjithë përgjigjemi për veten tonë. Tani e vërteta është, që drejtoria rajonale, si institucion i specializuar, i ka në administrim dhe ajo, në momentin, që shikon një punim, shkon e vërteton ke leje, s’ke leje dhe duhet t’i pezullojë punimet dhe njoftimi i shkon IMT-së. Kjo gjë nuk është bërë nga drejtoria rajonale. Kjo gjë bëhet tani, domethënë, do bëhet tani… A ka vlerë tani, se ai i ka përfunduar, ai tani duhet ta kthejë në gjendjen e mëparshme me ligjin 27 të 2018-ës të Trashëgimisë Kulturore. Këtij zotërisë do t’i bëhet një kërkesë dhe do i thuhet, që projekti nuk ka marrë miratimin e KKTM-së, që është Këshilli Kombëtar i Trashëgimisë Kulturore dhe objekti do kthehet në gjendjen e mëparshme.
Drejtuesi provizor i IMT-së Berat, Gerti Konti, erdhi vetë në terren, ku konstatoi ndërtimin pa leje me beton e hekur në një zonë të ndaluar, monument kulture. Konti tha, se do te merren masat, gjobë dhe prishje e ndërtimit nga strukturat e IMT-së Berat.
Gazetari: Ja ku është nusja, ja ku është dhëndri! Domethënë duket qartë, është ndërtuar, është bërë soletë…
IMT Berat, Gerti Kondi: Duket, ajo është gjë, që …nuk ka nevojë për…
Gazetari: Nuk do as laps, as kalem të kuptohet, që është ndërtim i ri…
IMT Berat, Gerti Kondi: Tamam!
Gazetari: Ideja është që kur konstaton një ndërtim pa leje, çfarë ndiqet si jurist?
IMT Berat, Gerti Kondi: Si jurist ndiqet… bëhet kallëzimi në polici, ndjek hallkat për ndërtim pa leje për anën e shkeljes ligjore tek prokuroria. Pjesa e IMT-së zbaton vendimet me gjoba, urdhër prishje, të gjitha procedurat zinxhir.
Gazetari: Do merren të gjitha këto masat tani?
IMT Berat, Gerti Kondi: Po po, masat do merren. Çfarë parashikon ligji që do penalizohet, do penalizohet. Çdo masë do merret.
Foto ilustruese ELBASAN- Një aksident ka ndodhur në aksin rrugor "Elbasan-Rrogozhinë", ku një automjet është përplasur ...
Burgu i Peqinit PEQIN-Në Burgun e Peqinit të dënuarit janë duke u përgatitur për grevë urie, sipas praktikës s&eum...
TIRANË- Ndodh sërish! Një tentativë për grabitje ka ndodhur në një karburant në Tiranë. Ngjarja ka ndodhur në...
Ilir Beqaj TIRANË- Pas më shumë se 9 orësh, ish-ministri i Shëndetësisë, Ilir Beqaj ka dalë nga ambientet e SPAK.&n...
Fran Frrokaj Ish-kryebashkiaku i Lezhës Fran Frrokaj është marrë i pandehur nga prokuroria e Lezhës me akuzën e “shp&eu...
Linda Karçanaj Në këto kohë digjitalizimi, ku kryefjalën e ka përdorimi i Inteligjencës Artificiale, kur asistenti vir...
Nga sondazhi i realizuar në gjashtë vende anëtare të BE-së, del se vetëm 20 për qind prej tyre thanë se Kosova duhet t...
Foto nga prezantimi KUKËS- Ditën e sotme është prezantuar në Kukës, prefekti i ri i qarkut pas pezullimit nga detyra me k&eu...
Dronët Bayraktar TIRANË- Teknologjia e fundit ushtarake do të implementohet dhe në Forcat e Armatosura Shqiptare, veçanëri...
Ergys Dashi TIRANË-Ergys Dashi, i vrarë në Ekuador, është një nga personat që del në komunikimet me grupin e kokain...
