Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Antoneta Sevdari fitoi procesin me shtetin në Gjykatën e Strasburgut, gjatë të cilit u theksua se ishin shkelur procedurat vetëm për shkakrkimin e saj.
TIRANË- Ish-prokurorja Antoneta Sevdari, e cila u shkarkuar nga Vettingu, do të marrë dëmshpërblim 24 600 euro nga shteti. Vendimi është marrë sot nga Këshilli i Ministrave, pasi Sevdari fitoi procesin me shtetin në Gjykatën e Strasburgut, gjatë të cilit u theksua se ishin shkelur procedurat vetëm për shkakrkimin e saj. Ndaj dhe sot, ajo ka marrë gati 25 mijë euro dëmshpërblim. Gjykata Ndërkombëtare e të Drejtave të Njeriut në Strasburg vendosi se ne lidhje me rastin e Sevradit ka shkelje te nenit 8 dhe se shkarkimi nuk ka qene proporcional. Sevdari u shkarkua pasi kaloi filtrin pozitivisht në shkallën e parë të Vettingut. Ajo u zgjodh edhe anëtare e Këshillit të Lartë të Prokurorisë, por Kolegji i Posaçëm i Apelimit e shkarkoi.
EKZEKUTIMIN E VENDIMIT TË GJYKATËS EVROPIANE PËR TË DREJTAT E NJERIUT, DATË 13.12.2022, PËR ÇËSHTJEN “SEVDARI KUNDËR SHQIPËRISË” (PËR KËRKESËN NR.40662/19)
Në mbështetje të nenit 100 të Kushtetutës, të nenit 46, të Konventës Evropiane për Mbrojtjen e të Drejtave të Njeriut dhe Lirive Themelore, ratifikuar me ligjin nr.8137, datë 31.7.1996, “Për ratifikimin e Konventës Evropiane për Mbrojtjen e të Drejtave të Njeriut dhe Lirive Themelore”, të neneve 5 e 45, të ligjit nr.9936, datë 26.6.2008, “Për menaxhimin e sistemit buxhetor në Republikën e Shqipërisë”, të ndryshuar, dhe të nenit 14, të ligjit nr.84/2022, “Për buxhetin e vitit 2023”, me propozimin e Kryeministrit, Këshilli i Ministrave
V E N D O S I:
1. Ekzekutimin e vendimit të Gjykatës Evropiane për të Drejtat e Njeriut, datë 13.12.2022, për çështjen “Sevdari kundër Shqipërisë”, kërkesa nr.40662/19, përfundimtar në datën 13.3.2023, në shumën 19 600 (nëntëmbëdhjetë mijë e gjashtëqind) euro, në lidhje me dëmin pasuror dhe jopasuror, si dhe në shumën 5 000 (pesë mijë) euro, në lidhje me kostot dhe shpenzimet, plus çdo taksë që mund të jetë e aplikueshme.
2. Vlera e përcaktuar si detyrim në pikën 1, të këtij vendimi, konvertohet në lekë, në bazë të kursit të këmbimit të bankës ku depozitohet shuma në datën e kryerjes së pagesës.
3. Vlera e përcaktuar si detyrim në pikën 1, të këtij vendimi, depozitohet në një nga bankat e nivelit të dytë, në emër të kërkueses Antoneta Sevdari, në vlerën që shteti shqiptar detyrohet, sipas vendimit përfundimtar të Gjykatës Evropiane për të Drejtat e Njeriut, datë 13.12.2022, “Sevdari kundër Shqipërisë”, kërkesa nr.40662/19.
4. Pagimi i shumës të depozituar, sipas përcaktimeve në pikën 3, të këtij vendimi, në favor të kërkueses Antoneta Sevdari, bëhet nga Ministria e Financave dhe Ekonomisë, pas paraqitjes së dokumentacionit të nevojshëm ligjor për kryerjen e pagesave nga buxheti i shtetit, brenda afatit 3-mujor nga dita kur vendimi i gjykatës është bërë përfundimtar.
5. Mbi shumën e përcaktuar në pikën 1, të këtij vendimi, duke filluar nga data 13.6.2023 deri në datën e ekzekutimit të këtij vendimi, paguhen interesa të thjeshta, të barabarta me kursin margjinal të huas së Bankës Qendrore Evropiane, gjatë periudhës së mospagimit, plus 3 (tre) %.
6. Efektet financiare, të parashikuara për ekzekutimin e këtij vendimi, përballohen nga fondi rezervë i buxhetit të shtetit, për vitin 2023.
7. Ngarkohet Ministria e Financave dhe Ekonomisë për zbatimin e këtij vendimi. Ky vendim hyn në fuqi menjëherë dhe botohet në “Fletoren zyrtare”.
Si u shkarkua Antoneta Sevdari?
Përballja e ish-prokurores në Vetting është një nga proceset që ka marrë një vëmendje të shtuar nga mediat pasi deri në momentin e shkarkimit, Sevdari cilësohej si një nga yjet në ngjitje në sistemin e drejtësisë. KPA vendosi ta shkarkonte pasi Komisioneri Publik kërkoi rihapje të hetimit. Ishte pasuria e të shoqit që solli edhe shkarkimin e saj, bashkë me denoncimin e një personi të njohur si Aleksandër Marku. Komisioni Publik ankimoi vendimin për pasurinë e bashkëshortit, ndërsa Sevdari e justifikoi me punën e tij jashtë vendi, më konkretisht në Arabinë Saudite. Sevdari u shpreh se natyra e të ardhurave të tilla, nuk parashtrohet në deklaratat e pasurisë pasi punëdhënësi i tij ka ndërruar jetë. Një tjetër çështje që solli shkarkimit ishte ankimimi i Komisionerit, pasi Sevdari akuzohej se ka pushuar çështjen për një ish-kryetar komune, i cili ka qenë i akuzuar për fshehje pasurie dhe deklarim të rremë. Strasburgu po shihet si dera e fundit e shpresës për të gjithë ata që janë djegur nga Vettingu. Bashkë me Sevdarin, Gjykatës i është drejtuar edhe Besa Nikëhasani, ish-prokurorja e Apelit në Shkodër./Dosja.al
foto ilustruese TIRANË- Qeveria ka vendosur që të zgjasë gjendjen e emergjencës në furnizimin me energji elektrike, deri...
Foto ilustruese DURRËS- Një 57-vjeçar nga Kosova ka rënë në prangat e Policisë së Durrësit, pasi akuzohet se...
Albert Deda ITALI- Mikëpritja e një personi në banesë, dyshohet se u bë shkak për sherrin masiv mes shqiptarëve pas...
KRUJË- Policia e Krujës në bashkëpunim me atë të Tiranës finalizuan fazën e 32-të të operacionit policor t&e...
Claudia Sofia Cameron Jaimes TIRANË- Kolumbiania Claudia Sofia Cameron Jaimes protestoi sot në një mënyrë të pazakonte p...
Pamje nga kampi i MEK TIRANË- Muxhahedini 78-vjeçar Ali Mostashari e humbi jetën nga një arrest kardiak ditën e 20 Qershorit, ku...
Pamje nga aksioni TIRANË- Ministri i Mbrojtjes, Niko Peleshi ka bërë me dije situatën me vatrat e zjarreve në disa zona të ve...
Ramiz Mici ELBASAN- Gjykata e Elbasanit dënon me burgim të përjetshëm Ramiz Micin duke e deklaruar fajtor për veprën penale &...
foto ilustruese TIRANË- Komisioneri për të Drejtën e Informimit dhe Mbrojtjen e të Dhënave Personale ka kërkuar nga komp...
Francesco Becchetti dhe Edi Rama TIRANË- Duket se çështja “Becchetti” ka futur në një zinxhir borxhesh institu...
