Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Në fund, shtëpia i kaloi një personi të lidhur me ish-burrin e saj, kunatit të tij.
Në 6 Shtator të këtij viti, emsioni investigativ “Stop” në Tv Klan transmetoi një rast problematik në Lezhë, pasi një zonjë tregoi se çfarë “lojrash” ka bërë ish-bashkëshorti me të cilin jetoi 23 vjet për t’i marrë shtëpinë. Ky i fundit në bashkëpunim me firmën ndërtuese, tjetërsuan pasurinë e blerë në vitet 2017-2018. Në fund, shtëpia i kaloi një personi të lidhur me ish-burrin e saj, kunatit të tij. Në të gjitha këto veprime, denoncuesja nuk është pyetur fare nga noteri, Fran Gjoni.
Denoncuesja: Ne ja kemi blerë Davës. Ky ka bërë letra të tjera e kontratë tjetër. Ia ka blerë Ndrekë Lleshit dhe kanë rënë dakord që Ndreka të ja shesë prapë kunatit të Gjergj Sutit pa lejen time.
Avokati Arben Llangozi tregoi shkeljet e Kodit të Familjes në këtë rast, përmes kontratave fiktive në zyrën e noterit, në një kohë, kur sistemi i noterëve nuk i lejon këto akte.
Arben Llangozi: Noteri nga viti 2013 e vijim kemi me një regjistër noterial shqiptar, RNSH quhet dhe çdo lloj veprimi apo transaksioni, noteri e ka të përcaktuar në këtë regjistër.
Vetë noteri nuk i pranoi shkeljet.
Noteri: Po, ku di unë. Shife, ku thotë Gjergj Suti këtu, i ka dhënë… përfaqësues… ja urdhëro. E ka bërë pa dijeninë e gruas. Kur e ka porosit, ka dijeninë e gruas, kur e ka revukuar pa gruan.
Qytetari: I bie është gabim!
Qytetari: Domethënë, kur unë blej një shtëpi dhe jam i martuar ose porosis diçka, kur bëj revokim, nuk del atje domethënë, që unë jam i martuar dhe duhet të vijë edhe nusja, që të firmosë, apo…?
Noteri: Që në 2019-tën, o djali. E kam bërë në 2019-tën me sistemin e vjetër të asaj, kurse tani, me sistemin e ri, që e kanë fut automatikisht edhe gruan, është problem tjetër. Deri atëherë, s’e kanë pas fut gruan.
Kur gruaja ka tentuar të hyjë në apartamentin, të cilin e mban ish-burri me letra të falsifikuara, zonja u dhunua, jo vetëm nga ai, por edhe nga djali 18-vjeçar.
Ajo u ekzaminua nga një mjek, u shtua në spital dhe u pajis me raport mjeko-ligjor për 9 ditë paaftësi.
“Ndodhi që hapa derën dhe kanë kaluar një gjysmë ore, isha me gocën e vogël dhe motrën. Goca ishte e gëzuar dhe kur vjen burri im me dy çunat dhe një shok të çunit dhe ku merr, ishte një punëtor tek shtëpia, e merr e shtyn dhe i thotë ça do te shtëpia ime. Vjen çuni tek unë të më regjistrojë edhe mundohet të më gjuajë”, tha denoncuesja.
Gjergj Suti: E di, që ke prek pronën e huaj?
Denoncuesja: Mos e prek burrin e huaj! Ik!
Djali: Merr Policinë, merr!
Denoncuesja: Ik të thashë, ik! Hë gjuaj!
“Djali e heq kamerën. Pasi është mbyllur kamera vjen burri më fut duart në fyt dhe më fut dy grushte në kokë. Më thotë me u larguar nga këtu se kjo nuk është shtëpia jote”, tha denoncuesja.
Më pas, bëri dhe denoncim në polici. Por ish-bashkëshorti, pas tre javësh qëndrim në burg, sot është i lirë dhe zonja ndjehet e kërcënuar.
Denoncuesja: Mora policinë, erdhi policia dhe shkuam të gjithë në polici, ku unë bëra kallëzimin për dhunë në familje. Pastaj Gjergj Suti hyri në burg për 3 javë. Me datë 8 Shtator, mora vesh, që ai ka dalë nga burgu. Unë, pasi jam dhunuar, jam shtruar në spital, për një javë edhe më kanë dhënë raport më shumë se 9 ditë.
Gazetarja: Ju keni qenë së bashku me vajzën e vogël në momentin që është ushtruar dhunë ndaj jush. A ka dhënë ndonjë deklaratë edhe fëmija juaj?
Denoncuesja: Po, goca ime është marrë në pyetje me psikolog në Prokurorinë e Lezhës. Goca ka treguar atë, që ka parë edhe prapë Gjergj Suti është lëshuar edhe me deklarimin e gocës. Jam me të vërtetë shumë në rrezik. Është një gjë shumë e pabesueshme, që një person të vijë të gjuajë, të të shesë shtëpinë, të gjuajë në sy të fëmijës minoren dhe të jetë i lirë. Kjo nuk më duket një gjë normale.
“Stop” kërkoi informacion zyrtar nga Prokuroria e Lezhës për situatën, ku u tha se veprimet hetimore janë ndjekur, por janë sekret hetimor. Prokuroria ka kërkuar burgim për agresorin, por gjykata ka vendosur detyrim paraqitjeje për Gjergj Sutin.
Eksperti mjek-ligjor, që ekzaminoi viktimën e dhunës, pranon, se zonjën e “ka mbytur burri i vet”. Ajo ka patur dëmtime e konfuzion cerebral. Por ky raport i ekspertit, i ka shkuar prokurorisë, vetëm pas interesimit të “Stop”.
Eksperti Mjeko-Ligjor: Ajo ka pas dëmtime, konfuzion cerebral, konfuzion corpus. Kartelën e ka të hapur, është problematike ajo, se e ka mytur burri i vet.
Gazetarja: Ju a keni informacion nëse kartela apo informacioni mjeko-ligjor është depozituar në Prokurori?
Eksperti Mjeko-Ligjor: Jo në Prokurori, akoma nuk është çuar, se Prokuroria ka qenë pushim këtë muaj, muajin e Gushtit, tani fillon Prokuroria. Unë i kam dokumentet, s’ka ardhë kush me i marrë. Nuk i çoj unë. Kuptove?
Gazetarja: Dëmtimet kanë qenë më pak apo më shumë se 9 ditë?
Eksperti Mjeko-Ligjor: Më shumë se 9 ditë.
Marrë nga Tv Klan
Fshati Lin POGRADEC- Fshati Lin është një nga më piktoreskët në Shqipëri. Ai ndodhet në brigjet e liqenit të P...
Olta Ganaj VLORË- Spitali Psikiatrik i Vlorës është në fokusin e ‘Piranjave’ prej 3 javësh. Një investigim i...
Gezim TIRANË- Pedofilët dhe manjakët janë kthyer në mankth i të miturave në rrjetet sociale të cilët shkruajn&...
TIRANË- Javën e kaluar te emisioni investigativ ‘Piranjat’ u publikua rasti i Denadës, e cila kishte 6 vite që nuk takonte vaj...
Foto Ilustruese GRAMSH- Një rrufe ka goditur një tufë bagëtish në Gramsh, pasiditen e sotme. Mësohet se ngjarja e rë...
Biseda TIRANË- A ka qenë në dijeni ministrja Ogerta Manastirliu për situatën skandaloze në spitalin psikiatrik të Vlor&e...
droga e sekuestruar GREQI- Janë identifikuar personat e arrestuar nga policia greke, e cila në bashkëpunim me DEA Amerikane sekuestroi ...
Pamje nga aksidenti DIVJAKË- Një aksident ka ndodhur pasditen e sotme në Divjakë, ku një automjet tip “Fiat panda” ka ...
pamje nga vendngjarja FIER- Në pyllin me pisha të Pishporos janë riaktivizuar sërish disa vatra zjarri te favorizuara nga era e fo...
Artan Hoxha TIRANË- Gazetari Artan Hoxha ka publikuar disa foto nga qytetet, ku sipas tij gëlon paraja e narkotrafikut global. Në Facebook, ...
