Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdhi fundi!
Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
Ai tha se takimet në Prishtinë, që u zhvilluan disa ditë para zgjedhjeve parlamentare të 7 qershorit, inkurajoi udhëheqësit politikë që ta bëjnë prioritet integrimin në BE.
KOSOVË- Bashkimi Evropian mund ta mbështesë Kosovën, por i takon Prishtinës që të bëjë detyrat e shtëpisë, porositi presidenti i Këshillit Evropian, Antonio Costa, gjatë vizitës në Kosovë. Costa u takua gjatë ditës me krerët institucionalë në Kosovë dhe më pas gjatë një konference për media tha se beson që e ardhmja e vendit është në bllokun evropian. Ai tha se takimet në Prishtinë, që u zhvilluan disa ditë para zgjedhjeve parlamentare të 7 qershorit, inkurajoi udhëheqësit politikë që ta bëjnë prioritet integrimin në BE.
"Teksa Kosova shkon drejt zgjedhjeve këtë fundjavë mesazhi im për të gjithë liderët politikë që i takova sot ishte i thjesht: partneriteti vjen me përgjegjësi. BE-ja mund ta mbështesë Kosovën, por nuk mund ta bëjë detyrën e shtëpisë së Kosovës. Kosova ka nevojë për institucione të forta, stabile dhe funksionale, të afta për të zbatuar reformat dhe për të shfrytëzuar mundësitë që ofron Bashkimi Evropian", tha ai, duke shtuar se aktorët politikë duhet të tejkalojnë ndasitë politike dhe të punojnë në integrimin evropian.
Ndërkaq, krerët shtetërorë të Kosovës thanë se integrimi në BE është interes strategjik shtetëror dhe se në këtë drejtim është e rëndësishme marrja e statusit të vendit kandidat.
"BE-ja mund ta mbështesë Kosovën, por nuk mund ta bëjë detyrën e shtëpisë së Kosovës. Kosova ka nevojë për institucione të forta, stabile dhe funksionale, të afta për të zbatuar reformat dhe për të shfrytëzuar mundësitë që ofron Bashkimi Evropian", tha Costa gjatë konferencës për media.
Sipas tij, në kohë të “pasigurisë gjeopolitike globale dhe paqëndrueshmërisë ekonomike”, zgjerimi nuk është vetëm një mundësi.
“Ai është një domosdoshmëri gjeostrategjike për Evropën, një investim në paqen, stabilitetin dhe sigurinë e kontinentit tonë. Unë e përgëzoj Kosovën për rreshtimin e saj të plotë dhe vullnetar me politikën e jashtme dhe të sigurisë së përbashkët të BE-së. Kjo është një shenjë e qartë e orientimit strategjik të Kosovës”, tha ai.
Costa tha se normalizimi i raporteve mes Kosovës dhe Serbisë është i domosdoshëm për të ardhmen evropiane të të dyja vendeve. Vizitën në Kosovë, zyrtari evropian e nisi me takimin me ushtruesen e detyrës së presidentit, Albulena Haxhiu, e cila kërkoi që të avancohet procesi i integrimit, teksa Kosova është vendi i vetëm në rajon që nuk ka as statusin e vendit kandidat.
“Rruga e Kosovës drejt Bashkimit Evropian është interes strategjik shtetëror dhe zgjedhje demokratike e qytetarëve tanë”, tha Haxhiu përmes një postimi në Facebook, pas takimit me Costan.
Kosova ka dorëzuar aplikimin për anëtarësim në BE në dhjetor të vitit 2022. Megjithatë, ky aplikim ende nuk ka kaluar as në fazën e parë formale, atë të shqyrtimit nga Këshilli i BE-së dhe më pas dërgimit për opinion në Komisionin Evropian.
Haxhiu vlerësoi se Kosova ka shoqërinë më “proevropiane në rajon”, duke argumentuar se ky orientim është bazë për rrugën e shtetit drejt BE-së.
Ndërkaq, sa i përket Planit të Rritjes të BE-së për Ballkanin Perëndimor, Haxhiu tha se Kosova atë e sheh si mundësi konkrete për zhvillim, “për afrim me tregun e përbashkët evropian dhe për përfitime të drejtpërdrejta për qytetarët”.
Paketa financiare e BE-së për Ballkanin Perëndimor - për periudhën 2024-2027 - është në vlerë të 6 miliardë eurove. Fondet u ndahen vendeve të rajonit pjesërisht në formë grantesh dhe pjesërisht përmes kredive të favorshme. Gjatë qëndrimit në Prishtinë, Costa u takua edhe me kryeministrin në detyrë, Albin Kurti, si dhe do të takohet me udhëheqësit e partive opozitare në Kosovë. Kurti tha se BE-ja mbetet partnerja kryesore zhvillimore e Kosovës, teksa kërkoi që vendi të ketë statusin e kandidatit.
“Kryeministri në detyrë Kurti theksoi përkushtimin e Qeverisë ndaj reformave që derivojnë nga Plani i Rritjes dhe instrumentet e tjera të para-anëtarësimit, duke nënvizuar rëndësinë e marrjes së statusit kandidat”, u tha në njoftim.
Sipas Qeverisë në detyrë të Kosovës, Kurti dhe Costa po ashtu biseduan për sigurinë dhe rëndësinë e fqinjësisë së mirë. Vizita e zyrtarit evropian në Kosovë është në kuadër të një turneu në vendet e rajonit të Ballkanit Perëndimor.
“Turneu im i dytë në Ballkanin Perëndimor dërgon një sinjal të qartë: zotimi i Bashkimit Evropian për rajonin është i vërtetë, sikurse është e vërtetë edhe mundësia për zgjerim. Momentumi ekziston. Tani është koha që të japim rezultate”, tha ai përmes një njoftimi para nisjes së vizitave në rajon.
Costa nisi turneun ballkanik në Sarajevë, ku u takua me anëtarët e Presidencës së Bosnje e Hercegovinës dhe udhëheqësen e Këshillit të Ministrave. Një ditë më vonë, ai qëndroi në Tiranë ku u takua me kryeministrin shqiptar, Edi Rama, dhe presdientin, Bajram Begaj. Më pas, në Shkup zhvilloi takim me kryeministrin maqedonas, Hristijan Mickoski.
Pas qëndrimit në Prishtinë, Costa do të udhëtojë drejt Serbisë, për takime me presidentin serb, Aleksandar Vuçiq, kryetaren e Parlamentit, Ana Bërnabiq, dhe përfaqësuesit e organizatave të shoqërisë civile.
Vizitat në rajon, Costa do t’i përmbyllë në Mal të Zi, ku përveç takimeve me zyrtarët malazezë, ai do të jetë bashkëudhëheqës i samitit BE-Ballkani Perëndimro në Tivat. Tema e samitit të sivjetshëm, sipas BE-së, është “Prosperiteti i përbashkët dhe stabiliteti i BE-së dhe Ballkanit Perëndimor”.
Vitin e kaluar, ky samit u mbajt në Bruksel dhe Kosova u përfaqësua me tashmë ish-presidenten Vjosa Osmani, ndërkaq Serbia nuk mori pjesë. Në deklaratën e samitit të vitit të kaluar, u tha se “mungesa e normalizimit të raporteve mes Prishtinës dhe Beogradit po mban të dy shtetet të bllokuara në rrugën evropiane”.
Kosova dhe Serbia kanë nisur negociatat, nën ndërmjetësimin e Brukselit, mbi një dekadë më parë. Gjatë procesit janë arritur një sërë marrëveshjesh, por jo të gjitha janë zbatuar në terren. Dy vendet nuk kanë zhvilluar takim të nivelit të lartë politik që nga shtatori i vitit 2023, disa ditë para sulmit të armatosur në Banjskë të Zveçanit.
Një grup i serbëve të armatosur sulmoi Policinë e Kosovës, duke vrarë një reshter. Gjatë këmbimit të zjarrit që pasoi, u vranë edhe tre sulmues serbë. Kosova fajëson Serbinë për sulmin, por Beogradi mohon përfshirjen. Për sulmin në Banjskë, autoritetet në Kosovë kanë dënuar tre të akuzuar, teksa dhjetëra të tjerë gjenden në arrati.
Millan Radoiçiq, ish-nënkryetari i Listës Serbe – partisë kryesore të serbëve në Kosovë që gëzon mbështetjen e Beogradit – ka marrë përgjegjësinë për organizimin e sulmit, teksa Kosova kërkon vazhdimisht që Serbia ta ekstradojë atë./REL
TIRANË- Protestuesit janë nisur sërish drejt godinës së Kryeministrisë, duke vijuar protestën e tyre kundër proje...
pamjet TIRANË- Pas grumbullimit në Sheshin "Skëndërbej" dhe te Banka, protestuesit kanë vijuar marshimin drejt zonës s&...
TIRANË- Protesta për Zvërnecin vijon me zell në Kryeqytet, ku qytetarët janë mbledhur pranë Urës së Tajvanit, duk...
TIRANË- Pas Sheshit 'Skëndërbej', protestuesit janë zhvendosur te Banka, duke bllokuar të gjithë rrugën. Të ulur n&eum...
TIRANË- Protesta për Zvërnecin ka vijuar edhe pas shpërndarjes së qytetarëve para Kryeministrisë. Siç shihet edhe n&...
TIRANË- Protesta kundër projektit në Zvërnec ka përfunduar pas më shumë se tre orësh. Ndërkohë që ...
TIRANË- Bulevardi “Dëshmorët e Kombit” në Tiranë është mbushur sot me qytetarë që kanë kundë...
TIRANË- Një e re ka shprehur kritika të forta ndaj kryeministrit Edi Rama, duke kërkuar dorëheqjen e tij dhe duke kundërsht...
Pamje nga protesta TIRANË- Ish-kapiteni i Kombëtares shqiptare, Lorik Cana ka mbështetur kauzën për mbrojtjen e Zvërneci...
VLORË- Me thirrjet “Anuloni projektin”, “Atdheu nuk shitet” dhe me slogane politike drejtuar kryeministrit Edi Rama dhe Kryedemok...
