LIVE UPDATES
Bota

A u panë shenja përparimi pas negociatave mes Rusisë dhe Perëndimit?

15 Janar 2022, 08:26 Nga DOSJA
A u panë shenja përparimi pas negociatave mes Rusisë dhe

RUSI- Pas disa orëve të bisedimeve më të rëndësishme për sigurinë e Evropës ndër vite, zëvendësministri i Jashtëm rus, Aleksander Grushko, është ulur para një morie mikrofonash dhe ka nisur deklarimet. Sipas tij, degradimi i mëtejmë i situatës me NATO-n do të çojë në “pasoja më të ashpra dhe të paparashikueshme për sigurinë evropiane”. Më vonë ka bërë komente tjera.

“Kanë qenë biseda të sinqerta… kanë qenë të vështira, por të sinqerta, mirëpo kjo është gjë e mirë nga pikëpamja e situatës së sigurisë evropiane. Dua ta theksoj sërish se kemi bërë hapin e parë përpara”, ka thënë ai.

“Ne e shohim këtë gjë në mënyrë realiste, ne nuk kemi pritje të mëdha, mirëpo jemi pragmatikë. Nëse ka mundësi për t’u nisur në drejtimin e duhur, pse të mos provojmë?”

Me më shumë se 100,000 trupa ruse afër kufirit me Ukrainën dhe me marrëdhënie mes Moskës, NATO-s dhe Shteteve të Bashkuara, drejt konfliktit, diplomatët rusë, amerikanë dhe evropianë, kanë tentuar të ndalin përshkallëzimin. Ende nuk është e qartë nëse kanë arritur diçka të tillë. Në Uashington, këshilltari për siguri kombëtare, ka bërë sërish paralajmërime të ashpra për Moskën.

Kremlini, në anën tjetër, i ka konsideruar bisedimet, “të pasuksesshme”. Ekspertët besojnë se bisedimet kanë rezultuar me hap të vogël në drejtimin e duhur. Apo thjesht, si hap që nuk ka shkuar në drejtim të gabuar.

“Diçka absolutisht e pabesueshme është duke ndodhur si rezultat i bisedimeve Rusi-NATO”, ka thënë, Tatyana Stanovaya, analiste politike ruse, përmes një postimi në platformën, Telegram.

“NATO-ja refuzon kërkesat kryesore të Rusisë, mirëpo ka gatishmëri për të vazhduar dialogun. Retorikë shumë konstruktive, rënie e theksuar e armiqësive”.

“Në palën ruse, bazuar në deklaratat e Grushkos, ka vend për disponim optimist dhe qetësues”, ka shkruar ajo.

“Në njërën anë, është e qartë se ajo çfarë po ndodh përbën arritje të madhe – një përgjigje multilaterale ndaj akumulimit të kontradiktave me dekada”.

Një gjë është e sigurt. Deklaratat publike të zyrtarëve rusë kanë qenë kontroverse. Kolegu i Grushkos, Sergei Ryabkov, ka thënë se bisedimet kanë përfunduar, meqë në televizionin rus, RTVi, ka deklaruar se “nuk sheh bazë për të biseduar në ditët në vijim”.

“Neve na duhen garanci ligjërisht obliguese dhe të paprekshme. Jo zotime. Garanci”, ka thënë Ryabkov, i cili ka udhëhequr delegacionin rus në bisedimet e mbajtura në Gjenevë gjatë javës. Më vonë, Ryabkov ka bërë deklaratë edhe më pesimiste.

“Moska nuk sheh arsye për takime të reja me Shtetet e Bashkuara dhe aleatët e saj rreth propozimeve të sigurisë”, është cituar të ketë thënë ai, sipas agjencisë së lajmeve TASS, më 13 janar.

Në konferencën e tij vjetore para mediave, të mbajtur më 14 janar, ministri i Jashtëm rus, Sergei Lavrov, po ashtu ka tingëlluar pesimist. Megjithatë, ai ka thënë se Moska do të presë për një reagim të shkruar, para se të vendosë si do të veprojë në të ardhmen.

“Ne presim përgjigje me shkrim nga kolegët tanë të Perëndimit, sa u përket propozimeve tona”, ka thënë ai.

“Ne jemi të bindur se, nëse ka gatishmëri për kompromis, atëherë mund të arrihet deri te opsionet e pranueshme nga të dyja palët”, ka thënë ai.

“Rusia është duke pritur për reagimin e SHBA-së dhe Rusisë, e më pas do të vendosë”, ka thënë për Radion Evropa e Lirë, Nikolau Sokov, ish-diplomat rus, i cili tani punon në Qendrën e Vjenës për Çarmatosje dhe Mospërhapje.

“Në të njëjtën kohë, ata duhet të japin shenja se janë të gatshëm për të biseduar. Ka pak shpresë. Pak, por të paktën diçka”, ka thënë ai.

Dyer të hapura, apo të mbyllura?

Në Bruksel, prej nga ka folur Grushko, deklaratat e tij janë përcjellë nga deklaratat e Sekretarit të Përgjithshëm të NATO-s, Jens Stoltenberg, dhe kryenegociatores amerikane, Wendy Sherman, njeriut të dytë më të lartë në Departamentin amerikan të Shtetit. Ata kanë qenë të drejtpërdrejtë sa i përket politikës së NATO-s për “dyer të hapura” si dhe për paralajmërimet e Perëndimit për forcat ruse të pozicionuara afër kufirit me Ukrainën. Megjithatë, të dy kanë dhënë sinjale të vogla për përparim të mundshëm.

“Ka shumë punë për të bërë, ku kemi hapësirë për të rritur sigurinë bashkërisht”, u ka thënë Sherman gazetarëve.

“Në disa fusha, nuk mundemi. Mirëpo mund të ketë përparim. Nuk ka pasur zotim për shmangie të përshkallëzimit, jo”, ka thënë ajo, kur është pyetur për qëndrimin e Rusisë në bisedime.

Sam Greene, drejtor i Institutit për Rusinë në Kolegjin King në Londër, ka thënë se “bisedimet kanë arritur atë që ka mundur të arrihet, dhe ajo është që asnjëra palë nuk ka shpërthyer në zemërim”.

“Të dyja palët janë duke qëndruar në pozicionet fillestare, gjë që nuk krijon befasi, duke marrë parasysh sa të thella janë pozicionet e palëve. E kam të vështirë të besoj se Moska seriozisht ka menduar që pas disa orëve bisedime, ka mundur të arrijë te koncesionet serioze me Shtetet e Bashkuara dhe aleatët e NATO-s”, ka thënë ai për Radion Evropa e Lirë.

“Pavarësisht retorikës, mendoj se ata do të jenë të përfshirë në këtë gjë për kohë të gjatë dhe kjo përbën lajm të mirë – sepse për aq kohë sa flasin, ata nuk do të përdorin armët”.

Evropa e dikurshme

Rusia ka propozuar që të rishkruhet e gjithë korniza e sigurisë evropiane, e cila lidhet me zgjerimin e NATO-s. Duke marrë parasysh natyrën e kërkesave ruse, dhe kërcënimin e pushtimit të dytë rus në Ukrainë, negociatorët – kryesisht rusë dhe amerikanë – tani janë të përfshirë në diskutime të nivelit të lartë, në Kremlin dhe në Shtëpi të Bardhë, për të vendosur se çfarë do të ndodhë pas bisedimeve të zhvilluara në Gjenevë, Bruksel dhe Vjenë.

“Duket e vështirë, e gati edhe e pamundshme për udhëheqësinë ruse që të kthehet në pozicionet maksimaliste, siç është parë në draft-traktatet”, ka thënë për Radion Evropa e Lirë, Sabine Fischer, eksperte për Rusinë në Institutin e Gjermanisë për Studime dhe Siguri Ndërkombëtare.

“Si rezultat, situata në përgjithësi do të mbetet e brishtë, sidomos përgjatë kufirit Ukrainë-Rusi. Moska dëshiron që homologe kyçe ta ketë SHBA-në dhe jo NATO-n”, ka thënë ajo në disa komente të dërguara me email. Ndoshta ata mendojnë se një qëndrim pak më paqësor në bisedimet me Uashingtonin, do të ndikojë në atmosferë më të mirë dhe do të fokusojë vëmendjen në këtë fije ndërveprimi”.

Propozimet e Rusisë për të kthyer mbrojtjen e NATO-s në situatën e vitit 1997, dhe sigurimin e deklaratës se aleanca nuk do të pranojë kurrë republikat ish-sovjetike si Ukrainën dhe Gjeorgjinë, kanë vdekur në momentin që janë prezantuar. Rusia është duke kërkuar edhe zotime se NATO-ja nuk do të dërgojë armë në Ukrainë.

“Ne nuk do të lejojmë askënd që të mbyllë politikën e NATO-s për dyer të hapura, e cila ka qenë gjithmonë në qendër të aleancës tonë”, ka thënë Sherman.

Megjithatë, ajo ka sugjeruar se diskutimet për çështjet si pozicioni i raketave me rreze të mesme në Evropë, mund të jetë pjesë e marrëveshjes.

Në Uashington, Këshilltari i Shtëpisë së Bardhë për Siguri Kombëtare, Jake Sullivan, ka përzier me nxitje, paralajmërimet e reja për Moskën. Ai ka thënë se inteligjenca amerikane nuk ka vendosur nëse Rusia është e përkushtuar për pushtim të ri.

“Nuk mund të hy në kokë të rusëve”, ka thënë Sullivan më 13 janar.

“Siç e shihni nga komentet e tyre publike, ata kanë thënë shumë gjëra. Disa prej tyre janë kontroverse. Nga ana e tyre kanë folur disa persona brenda një jave, duke dhënë edhe sinjale shpresëdhënëse dhe shumë pesimiste. Duhet t’i pyesni ata se cili është pozicioni i tyre”.

“Siç janë gjërat tani, Rusia ka mundësi për t’u kthyer në tavolinë”.

Bisedimet e kësaj jave kanë qenë pozitive dhe nuk janë shkatërruar krejtësisht, ka thënë Dmitry Trenin, ekspert për Rusinë dhe udhëheqës i Qendrës Carnegie në Moskë.

“As skandale dhe as këputje përfundimtare”.

Secila bisedë ka të bëjë me gjetjen e një “balance në mes të asaj që pëlqehet dhe pranohet”, ka thënë Sokov.

“Të gjitha palët duhet të pranojnë se nuk do të marrin çfarë duan, pavarësisht se si i arsyetojnë pozicionet e tyre. Kur të pranohet kjo gjë, mundësitë për rezultat pozitiv, rriten në mënyrë drastike”.

Marrë nga REL

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

bota bota aleksandër grushko bisedimet rusi nato aleksandër grushko bisedimet rusi nato

Sondazh

Poll

“Më hodhe në ujë”, policia e gjobiti dhe i bllokoi skafin, momenti kur efektivët rrisin shpejtësinë

“Më hodhe në ujë”, policia e gjobiti dhe i bllokoi skafin, momenti kur efektivët rrisin shpejtësinë

Fluksi në pikat e kalimit kufitar, reagon Policia: Rreth 90 mijë shtetas hynë në vend gjatë 24 orëve

MEGAAKSIONI! Policia operacion antidrogë në Shkodër, Lezhë, Kukës, Krujë, Gjirokastër dhe Dibër

Kakavijë/ Radhë kilometrike për të hyrë në Shqipëri

'O Like, dua t'ja fus njërit, ndihmoje vëllain'/ Gjergj Luca përfshihet në përplasjen PS-PL

Kakavijë/ Radhë kilometrike për të hyrë në Shqipëri, shkak mungesa e sporteleve në palën greke

Aksidentohet traileri me grurë, drithi derdhet në “Tiranë-Durrës”

Meta paralajmëroi qeveri teknike, Berisha zbulon çfarë do ndodhë: Duhen referendumet

Zgjedhjet lokale, Berisha: Do kemi siglën tonë, Rama e ka humbur pak, e di ai se...

Breshëri dhe stuhia bllokuan rrugët e Tiranës, zonat më problematike

Stuhi në Tiranë, shi i rrëmbyer, nis edhe breshëri

"Lustracioni" i Ramës, Berisha: Ai e ankimoi në GJK në 2008, u rrëzua në mënyrë të padrejtë

Stuhi në Tiranë, shi i rrëmbyer, nis edhe breshëri

Në zgjedhjet lokale me61 kandidatë apo do ndahen zonat me Partinë e Lirisë? Ja si përgjigjet Berisha

Aksi Qukës-Qafe Pllocë, Berisha: Ka kaluar çdo afat kohor

DËSHTOI PLANI! Tentoi të arratisej në Greqi, arrestohet autori i vrasjes së Luan Hushit

Sekuestrohen 3 mina me telekomandë në Korçë, vihet në pranga 35-vjeçari nga Lezha

E frikshme në Vlorë, burri gjuan me kallash në prani të fëmijëve pas sherrit me gruan

U plagos për disa ullinj, vdes 55-vjeçari tek Trauma, nuk i mbijetoi dot plumbave

Policia aksion në call Centre

Zjarr në Berat, rrufeja godet shtyllën e tensionit, banorët mbeten pa energji elektrike

I këputi varësen nga qafa qytetares në Golem, arrestohet gjysmë i zhveshur 30-vjeçari

Zjarr në qendren e përpunimit të plehrave në Gjirokastër, policia nuk lejon gazetarët: Mos filmoni

Bllokimi i mjeteve lundruese pas tragjedisë në Himarë, protestë para Policisë së Shtetit

Inceneratorët, PL paraqet fakte të reja: Qeveria ka lënë peng në banka pronat publike

Banda e “skifterëve” i vë armën në kokë 23-vjeçarit për t’i grabitur paratë dhe biçikletën

Zjarr në“Malin e Bardhë”,banorët nisin aksionin para zjarrfikësve,shuajnë flakët me mjete rrethanore

Digjen pyjet në Mat! Aktivizohet një tjetër vatër zjarri, në Ulëz dhe Baz

Rreth 1 ton drogë në tre skafe, ja SKEMA që përdorën trafikantët për të 'mashtruar' radarët

Megaoperacioni antidrogë në Vlorë, policia jep detaje: U kap në ujërat italiane, kapëm 992kg kanabis

Turizmi në Shqipëri, Berisha konferencë urgjente: Kam 2 propozime, fokus tek transporti

E RËNDË! Përplasen dy makina pranë Kallmetit, 7 të plagosur, mes tyre dhe fëmijë

Tragjedia e Himarës, Policia aksion në bregdet, në 'shënjestër' dhjetëra 'Jet ski', gomone dhe skafe

Përfshihet nga flakët “Golfi” tek “Zogu i Zi”, shkak problemet teknike

Kulla e vrojtimit bosh...në Potam mungon roja bregdetare, pushuesit në mëshirë të fatit

Dita e tretë e protestave në Vlorë/ Pronarët e skafeve dhe gomoneve: Na lini të lundrojmë

8 kg kanabis, në makinë iu gjet edhe një kallashnikov! Arrestohen 3 të rinj në Tropojë

Bllokohen dy turistë gjermanë në Tropojë, përfundojnë në spital

Aktivizohet një vatër zjarri në Sarandë, digjet ullishtja

Sali Berisha: Ilir Meta është opozitar i vërtetë, do të bashkërendojmë aksionin

Çuçi pranon shoqatën e velierave: E kam krijuar me miq pasionantë, s'kam biznes

Bosh plazhi i Livadhit në Himarë, sezoni i verës dështim në Shqipëri

PARALAJMËRIMI/ Berisha-Ramës: Bëj ç’të duash, e ke kohën e numëruar!

Afera e Portit të Durrësit/ Berisha: Mos bini pre, mos blini apartamente

Tragjedia në Himarë/ Berisha: Janë zhdukur kamerat që kanë filmuar skenën e aksidentit

Meta: Do vendosë sovrani, do shikoni pastaj politikanët do bëjnë më si të fortë?

Meta i bën premtimin Ramës: Do përfundosh nën këmbët e popullit të lirisë!

Meta i del në krah Berishës: PD është një dhe vetëm një, koha e përgjumjes ka mbaruar

Begaj s'ka reaguar për tragjedinë e Himarës/ Meta: Nuk është etike ta komentoj, Çuçi të ketë turp

Ilir Meta: Iniciative ligjore në Kuvend për të garantuar indeksimin e pagave