Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË– Ish-deputeti i PD-së, Enkelejd Alibeaj ka ngritur pikëpyetje lidhur me tenderin 1.5 milionë eurosh për blerjen e ushqimeve për Rezervën e Shtetit. Në një deklaratë për shtyp nga selia, Alibeaj tha se në garën ishin 35.099 kompani, të cilat merren me tregtimin e mallrave ushqimorë, por brenda ditës doli fituese “Eurovia” shpk., nga Maqedonia e Veriut.
Sipas Alibeajt, kompania shtoi si objekt tregtimin e ushqimeve vetëm pak ditë para hapjes së tenderit më 25 mars.
“Pas 24 orësh nga shpallja e tenderit, kemi një fitues pa garë dhe oferta e vetme, nga 35.099 kompani në Shqipëri, fiton kompania filial nga Maqedonia “Eurovia” shpk. Pak ditë para shpalljes së tenderit pa garë, kompania shtoi si objekt tregtimin e ushqimeve. Qeveria hesht për vjedhjen,”– tha demokrati.
DEKLARATA E PARË
Alo Edi, Alo Xhaçka, telefoni ynë nuk ra. Ju heshtët, Nuk keni sesi të pergjigjeni, sepse ju doni të vidhni shqiptarët edhe në dite të zeza e krize, si sot. Në Shqipëri ka 35.099 kompani, të cilat merren me tregtimin e mallrave ushqimorë, por Edi Rama dhe Olta Xhaçka, pritën 1 muaj që kompania që ata kanë zgjedhur për të ndarë paratë, të ndryshonte objektin. Ministrja e Mbrojtjes Olta Xhaçka, nën drejtimin e Edi Ramës, ka zhvilluar më datë 25 Mars 2020 një tender urgjent për “blerje paketa ndihme për familjet në nevojë dhe materiale mbrojtëse në mbështetje të personelit të Forcave të Armatosura të angazhuar në përballimin e emergjencës së shkaktuar nga rënia e pandemisë së virusit COVID – 19”, me vlerë rreth 1.5 milion Euro. Pas 24 orësh nga shpallja e tenderit, kemi një fitues pa garë dhe oferta e vetme, nga 35.099 kompani në Shqipëri, fiton kompania filial nga Maqedonia “Eurovia” shpk. Kriteri i vetëm i vendosur nga Ministria për kompaninë fituese ishin kontratat për ekzekutimin e furnizimeve të ngjashme, të kryera gjatë tri viteve të fundit, në një vlerë jo më të ulët se 40% e vlerës së përllogaritur të tenderit. Alo Edi, Alo Xhaçka? 1. Kompania që keni vendosur të ndani plot 1.5 milion euro, a e ka eksperiencën e nevojshme në fushën e tregtimit të ushqimeve? 2. Sa muaj apo vite eksperiencë ka? 3. Si e gjetët këtë kompani për t’i dërguar ftesë për ofertë për blerjen e ushqimeve pa garë dhe pa shpallje publike? Te dashur shqiptarë, ju që po prisni ndihmat në shtepitë tuaja, ju të moshuar që nuk mund të levizni dot as me dhe as pa leje, të presim pak se mos na marrin në telefon për të na sqaruar se çfarë po bëhet me 1,5 milion eurot e ushqimeve tuaja.
Pak orë më vonë, Alibeaj doli sërish në një deklaratë për shtyp në selinë blu duke dhënë detaje të tjera lidhur me kompaninë “Eurovia” shpk.
Ish-deputeti bën me dije se kompania “Eurovia”, është regjistruar në Shqipëri thuajse një vit më parë, më 19 mars të 2019 dhe ka si administrator Emir Shefitin, një pronar kompanie bastesh sportive të regjistruar në Tetovë, të quajtur “Sports and More”. Aktiviteti i kompanisë ka qenë i lidhur kryesisht me pajisje elektronike, ndërtim dhe sisteme kompjuterike por vetëm 6 ditë para tenderit kanë shtuar edhe “tregëtim ushqimesh”.
“Deri përpara se të mbyllte pazarin me Edi Ramën dhe Olta Xhackën, objekti i kompanisë ishte “Import dhe eksport, instalim, mirëmbajtje, tregti me pakicë dhe shumicë të pajisjeve kompjuterike, kancelarike, telefonike, elektronike, mekanike, të telekomunikacionit, elektrike, hidraulike, impjanteve e pajisjeve termosanitare…etj,”-shtoi Alibeaj.
DEKLARATA E DYTË
Alo Enkelejdi jam! Edi? Olta? Nuk ju vjen zëri, nuk degjoheni! Normal, jeni shumë të zënë duke vjedhur. Të dashur shqiptarë, tani do t’ju vertetojme se si tenderi për blerjen e ushqimeve për familjet në nevojë u vonua, sepse Edi Ramës dhe Olta Xhaçkës u mori pak kohë skema e vjedhjes. Ata gjithmonë e gjejnë kohen! Kur bëhet fjalë për abuzime, marrin kohën që u nevojitet, se nuk u duhët shumë, nëse ti, i dashur qytetar, ke ngelur pa pune apo nuk ke për të marrë rrogën këtë muaj. Mjafton që Edi & Olta të vjedhin bukën tënde. E vërteta është që kompania që Edi Rama dhe Olta Xhaçka kanë parapërzgjedhur t’i japin plot 1.5 milion euro, nuk ka asnjë eksperiencë në tregtimin e produkteve ushqimore. E vërteta është që kompania “Eurovia” që Alo Edi dhe Olta Xhaçka ka parapërzgjedhur për t’i dhënë tenderin është e specializuar për pajisje kompjuterike dhe ndërtim, jo për tregtimin e produkteve ushqimore. E vërteta është që kompania “Eurovia”, është rregjistruar në Shqipëri rreth një vit më parë, në Shkurt 2019. Aktiviteti i saj kryesor lidhet me pajisje elektronike, ndërtim dhe sisteme kompjuterike. Ajo ka si administrator shtetasin Emir Shefitin, një pronar kompanie bastesh sportive të regjistruar në Tetovë, të quajtur “Sports and More”, e cila merret me lojra kompjuterike dhe programime teknologjike. E vërteta është që në datë 19 Mars 2020, pra vetëm 6 ditë para se të shpallej fituese e tenderit për ushqime nga Ministria e Mbrojtjes, kompania “Eurovia” shpk, dega Shqipëri, ka modifikuar objektin e aktivitetit të saj, duke shtuar edhe tregtimin në produktet ushqimore. Vetëm 6 ditë pas këtij modifikimi, pa asnjë eksperiencë në këtë fushë, ajo shpallet fituese e tenderit 1.5 milionë euro të zhvilluar nga Ministria e Mbrojtjes për paketat ushqimore. Deri përpara se të mbyllte pazarin me Edi Ramën dhe Olta Xhackën, objekti i kompanisë ishte “Import dhe eksport, instalim, mirëmbajtje, tregti me pakicë dhe shumicë të pajisjeve kompjuterike, kancelarike, telefonike, elektronike, mekanike, të telekomunikacionit, elektrike, hidraulike, impjanteve e pajisjeve termosanitare…etj.” Më datë 19 Mars 2020, gjashtë ditë përpara se Ministria e Mbrojtjes ta shpallte fituese për blerjen e pakove ushqimore, kompania “Eurovia” shpk shtoi në objektin e aktivitetit të saj edhe “Import eksport te mallrave industriale e ushqimore, prodhime bujqesore e blegtorale, prodhim e shitje pije alkoolike, tregtimin e tyre me shumice e pakicë”. Menjëherë pas këtij ndryshimi, Ministria e Mbrojtjes e identifikon dhe i dërgon Ftesë për Ofertë, në një procedurë pa garë dhe me negocim pa shpallje publike. Kjo është një aferë e pastër korruptive. Ky është akti që provon edhe njëherë që Qeveria vjedh edhe në kohë pandemie. Prandaj nuk ka para Edi Rama për të paguar pagat e punonjësve që sot janë në shtëpi, prandaj nuk ka para të paguar dhe ndihmuar biznesin, prandaj nuk ka para për famijet e varfra dhe në nevojë për mbijetesë. Paratë i shqiptarëve i kanë për t’i ndarë me miqtë e tyre!
Ndërkohë pavarësisht dy deklaratave të njëpasnjëshme të ish-deputetit demokrat dhe denoncimit të tij për vjedhjen e fondeve, sërish nuk ka asnjë deklaratë as nga ministrja e Mbrojtjes, Olta Xhaçka dhe as nga kryeministri Edi Rama.
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Kryeministri Edi Rama ka publikuar të dhënat e kurbës së përhapjes së koronavirusit në Europë dhe në botë, ku nuk mungonte as ajo e Shqipërisë.Kurb...
TIRANË- Ish-deputeti i LSI, Luan Rama ka reaguar pas lajmit të Dosja.al se një prej mjekëve e nisur për të ndihmuar Italinë ka qenë punonjës në një karbura...
TIRANE- Gazetari Klodian Tomorri ka komentuar lajmin e botuar nga Dosja.al për rastin e Qazim Ismailit, njëri nga 30 anëtarët e stafit mjekësor që u dërguan nga...
Tiranë– Kryetari i Partisë Demokratike, Lulzim Basha në një bashkëbisedim online me gazetarët ka deklaruar se buxheti i shtetit ka para për të përballuar krizën...
TIRANË– Profesori Përparim Kabo ka kërkuar ndjesë, pasi i kërkoi ish-deputetit Tritan Shehu që të shkojë e të dalë vetë në vijë të parë në luftën ndaj Covi...
TIRANË– Kryetari i Partisë Demokratike Lulzim Basha ka bërë thirrje për transparencë nga ana e qeverisë në lihdje me masat e marra në kohën që Shqipëria po...
Tiranë- Kreu i Partisë Demokratike, Lulzim Basha gjatë një konference me gazetarët ka deklaruar se qeveria është në ‘gjendje të rëndë mendore’, pasi hapi edhe...
TIRANË– Ka mjaftuar vetëm dërgimi i 30 mjekëve dhe infermierëve të Shqipërisë drejt vendit fqinj që kryeministri Edi Rama të bëjë xhiron e mediave italiane...
Tiranë- Kryetari Partisë Demokratike, Lulzim Basha i ka kërkuar qeverisë që t’i heqë Arben Ahmetajt, çdo përgjegjësi që ka për situatën e krijuar nga ven...
Tiranë- Kreu i Partisë Demoraktike, Lulzim Basha në një komunikim me gazetarët ka deklaruar se paketa ekonomike e qeverisë nuk mjafton për përballimin e krizës ...
