Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
FIER- Drejtoria Arsimore Fier ka dalë në një komunikatë për shtyp lidhur mbi ngjarjen e ndodhur mëngjesin e sotëm në shkollën ‘Janaq Kilica’, vetë drejtoresha e Zyrës Arsimore Vendore në Fier, Yllka Beci, u shpreh se një nxënëse 16-vjeçare ishte shtatzënë. Në deklaratën për mediat, Zyra Arsimore bën me dije se në shkollën e mesme “Janaq Kilica” mësimi ka vijuar normalisht dhe janë bërë të gjitha kontrollet në ambientet e shkollës.
Më tej në reagim kërkohet qetësi nga prindërit dhe shtohet se situata po ndiqet me vëmendje maksimale dhe brenda shkollës do instalohet kamera sigurie. “Yllka Beci, e shqetësuar nga ajo çka po ndodhte, është përfshirë në një situatë aspak të këndshme, ku mes situatës kaotike prindërit tentonin të futeshin në mjediset e shkollës, dhe nevojitej që të qetësoheshin sa më parë“, shtohet në reagim. E më tej bëhet me dije se Beci ka qenë në panik dhe kur ka thënë vajzë ka pasur në mendje mesuesen e cila ishte shtatzënë e jo nxënësen.
REAGIMI I PLOTË
‘Sot në shkollën “Janaq Kilica” ka filluar mësimi normalisht, pasi janë bërë të gjitha kontrollet strikte në ambientet e shkollës. Megjithatë, kemi patur një nxënëse që ende ka mbetur nën ndikimin e frikës dhe panikut të një ditë më parë, çka ka sjellë edhe shqetësim mes prindërve. Aktualisht nxënësja që ka shfaqur probleme ankthi është shumë mirë dhe iu rikthye mësimit. Dëshirojmë të sigurojmë prindërit e nxënësve të shkollës se po monitorojmë me vëmendje maksimale çdo zhvillim. Na keni besuar neve gjënë më të shtrenjtë, fëmijën tuaj dhe ne përkushtohemi maksimalisht për të mbrojtur shëndetin e tyre. Janë shtuar oficerët e sigurisë për të parandaluar çdo lloj ngjarje të pakëndshme. Ambientet e shkollës janë të mirë-kontrolluara dhe në siguri të plotë për mësim, ndërsa kemi shtuar oficerët e sigurisë dhe do të përfundojë brenda një kohe të shkurtër edhe instalimi i kamerave të sigurisë. Situata e shkaktuar në shkollën e mesme “Janaq Kilica” në Fier, përgjatë këtyre dy ditëve është e pazakontë, por menaxhimi i rastit nga drejtoria e shkollës, stafi i mësuesve, psikologët dhe drejtuesit e Zyrës Arsimore Vendore, ka bërë që mësimi të vijojë normalisht në këtë shkollë.
Paniku që ka përfshirë nxënës dhe mësues, pas asaj që ndodhi një ditë më parë, vijon të jetë prezent dhe sigurisht që një shqetësim i tillë shoqërohet edhe me ankth tek nxënës e mësues. Pas njoftimit të marrë se një vajzë brenda shkollës, ndjehej keq dhe paraqiste shenja paniku, është kërkuar edhe ndihma mjekësore, ndërsa mbërritja e ambulancës ka alarmuar prindër e qytetarë. E ndodhur në këto kushte, kur një përgjigje ishte domosdoshmëri, kreu i Zyrës Arsimore Vendore në Fier, Znj. Yllka Beci, e shqetësuar nga ajo çka po ndodhte, është përfshirë në një situatë aspak të këndshme, ku mes situatës kaotike prindërit tentonin të futeshin në mjediset e shkollës, dhe nevojitej që të qetësoheshin sa më parë.
E tensionuar nga kjo situatë, Znj. Beci, në një komunikim me prindër e gazetarë është shprehur se nuk ka vend për panik, pasi nuk ka asnjë ngjarje të pazakontë në mjediset e shkollës, duke shtuar se ambulanca ka mbërritur për të marrë një vajzë që ndjehej keq. E ndërsa për në Spitalin Rajonal Fier është shoqëruar një nxënëse e shkollës, drejtuesja e arsimit, më parë ishte informuar se një mësuese shtatzënë, kishte shfaqur probleme, çka ka bërë që të krijohet edhe një keqkuptim. Drejtuesja e Zyrës Arsimore, me fjalën “vajzë” i referohej mësueses shtatzënë, dhe jo nxënëses e cila u shoqërua me autoambulancë në spital. Zyra Arsimore Vendore Fier, është pranë nxënësve dhe stafit mësimor për tejkalimin e kësaj situatë, ndërsa pritet që organet kompetente të zbulojnë të vërtetën e të gjithë kësaj ngjarje që ndodhi në një nga shkollat e mesme më të mëdha dhe më me emër në qytetin e Fierit.’
Sot ka pasur sërish me probleme në shkollën “Janaq Kilica” në Fier, pasi një tjetër nxënëse dyshohet se është helmuar dhe është transpotuar me ambulancë në spital. Ndërkohë, Drejtoresha e zyrës Arsimore, Yllka Beci gjatë tensionit të krijuar para shkollës, tha se vajza ishte shtatzënë. Një gjë e tillë është mohuar nga prindërit e vajzës, jashtë kamerave. Një helmim masiv u përsërit një ditë më parë në shkollën e mesme të Përgjithshme “Janaq Kilica” në qytetin e Fierit. Mbi 30 nxënës u dërguan me shenja të rënda helmimi në spital, pasi u ndjenë keq gjatë orëve të mësimit. Dyshohet se ata janë helmuar nga një spraj, që lëshohet në ajër, duke përsëritur të njëjtën gjë që ndodhi rreth një javë më parë, ku u helmuan 7 nxënës, po të kësaj shkolle. Për këtë ngjarje, Policia ka proceduar 2 të rinj, nga 15-vjeç.
(A.B. Dosja.al)
1 vit nga zgjedhjet e 25 prillit si e shikoni gjendjen e vendit:
ITALI- Autoritetet Italiane, kanë shkatërruar një grup kriminal të përbërë nga italianë dhe shqiptarë të cilët merreshin me trafikim emigrantësh. Gjatë operaci...
TIRANË- Gazetari Ylli Rakipi ka zhvilluar sot seancën e radhës gjyqësore kundër Kryeministrit Edi Rama, pasi ky i fundit e ka paditur për shpifje. Gazetari...
ITALI – Askush rreth meje, nuk është i sëmurë. E megjithatë, në universitetin amerikan, ku jam e ftuar si pedagoge, po flasim për diçka tjetër. Ndoshta k...
Shqipëri- Një nga zonat më të bukura të Shqipërisë, siç është gadishulli i Karaburunit, është nxjerrë në shitje nga qeveria. Nëpërmjet një ankandi, qever...
TIRANË- Drejtori i Përgjithshëm i Policisë së Shtetit Ardi Veliu priti sot në një takim Drejtorin e Përgjithshëm të Policisë Federale të Mbretërisë së Belg...
TIRANË– Drejtoresha e Drejtorisë Arsimore të Fierit, Yllka Beci ka sqaruar deklaratën e saj para kamerave që bëri xhrion e mediave ditën e sotme, teksa u s...
TIRANË- Operacioni Forca e Ligjit i ka dërguar Formularin e deklarimit të burimit të pasurisë tek biznesmeni kontravers, Mond Bega, i njohur edhe si Edmond...
Tiranë- Kryeministri Edi Rama ka humbur një prej gjyqeve, ku ka paditur ish-kryeministrin Sali Berisha. Njoftimi është dhënë nga avokati Dorian Matlija, i cili ...
TROPOJË- Bashkia Tropojë ndëeron me titullin ‘Qytetar Nderi’, Zarife Hasanajn, e cila humbi jetën në krye të detyrës në Letoni. Sipas bashkisë, nëntetarja ...
