Rajoni

VV dhe LDK shkojnë në Kuvend pa marrëveshje, çfarë pritet në ndodhë nesër në Kosovë? Skenarët për qeverinë e re

  • ‘Tym i zi’ nga LDK dhe VV/ Kurti: Dje u bëra propozimin e fundit
  • Por duket se Kosova do të shkojë dhe njëherë në zgjedhje pasi Lëvizja Vetëvendosje (VV) dhe LDK nuk kanë gjetur gjuhën e përbashkët për ndarjen e pushtetit dhe të përgjegjësive.
    Featured image of article: VV dhe LDK shkojnë në Kuvend pa marrëveshje, çfarë pritet në ndodhë nesër në Kosovë? Skenarët për qeverinë e re Albin Kurti, Hashim Thaçi, Isa Mustafa dhe Kuvendi i Kosovës në sfond

    KOSOVË- Albin Kurti me anë të një video, dha një mesazh të fundit për Lëvizjen Demokratike të Kosovës (LDK). “LDK e ka në dorë përcaktimin për ndryshim”, ky ishte mesazhi i Kurtit për partinë me të cilën kërkon të krijojë qeverinë, duke shtrire dhe një herë të fundit dorën për t’u ulur në një raund bisedimesh që nesër të shkojnë në Kuvend me qeveri të formuar dhe të marrin besimin e deputetëve.

    Por duket se Kosova do të shkojë dhe njëherë në zgjedhje pasi Lëvizja Vetëvendosje (VV) dhe LDK nuk kanë gjetur gjuhën e përbashkët për ndarjen e pushtetit dhe të përgjegjësive.

    Presidenti Hashim Thaçi ka thirrur deputetët që nesër të jenë të pranishëm në seancë plenare, ku do tentohet formimi i qeverisë, por gjasat që të ndodh kjo janë të pakta. Albin Kurti do u kërkoj deputeve votëbesimin e tij, por ende nuk ka një kabinet të plotësuar.

    E nëse Kurti dështon të marrë besimin e deputeve dhe të shpall qeverinë e re, në lojë futet sërish Hashim Thaçi. Presidenti i Kosovës mund t’ia japë besimin për krijimin e qeverisë së re, ndonjë partie tjetër (LDK apo PDK), ose të shpall një datë të re zgjedhjesh.

    Për më shumë bëhu pjesë e grupit më viral në Facebook, Dosja.al

    Tashmë situata në Kosovë është në një amulli totale, pasi Albin Kurti në mesazhin e dhënë sot la të kuptohet se ai mund të afrojë dhe partitë e vogla që të formojë një qeveri me to, pasi u shpreh se nuk kërkohen zgjedhje të reja, por të formohen institucionet e reja.

    Nesër është dita finale, e gjithë Kosova pret tym të bardhë nga Kuvendit, por ndoshta tymi është i zi dhe liderët e partive do kërkojnë dhe njëherë votën e popullit dhe vendi të shkojë në zgjedhje të parakohëshme.

    (A.B. Dosja.al)

    Shto Koment