Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
SHBA- E ardhmja e të drejtës për abort po shkakton debate të ashpra në Shtetet e Bashkuara, ndërsa Gjykata e Lartë pritet ta shqyrtojë këtë çështje në qershor. Që nga shtatori, Teksasi ka ndaluar abortet pas javës së gjashtë të shtatzënisë. Shumë gra që duan të bëjnë procedurën e abortit tani janë në garë me kohën.
Amy, një poete, së fundmi vendosi të ndërpresë shtatzëninë. Kjo nuk ishte e lehtë për të. Nëna e divorcuar e një 3-vjeçareje, e cila banon në Taksas, thotë se nuk kishte kohë të mjaftueshme për të peshuar vendimin e saj, pasi mësoi se ishte shtatzënë.
“Nëse do të kisha patur pak më shumë kohë për të analizuar këtë çështje, për të ulur tensionin, ndoshta do të kisha marrë një vendim tjetër”, thotë ajo.
Në shtator, Teksasi miratoi ligjin më kufizues të abortit në Shtetet e Bashkuara. Amy, e cila nuk pranoi të jepte mbiemrin e saj, e dinte se kishte vetëm pak ditë për të marrë vendimin dhe për të gjetur klinikën ku do të bënte procedurën e abortit.
“Para se të merrja rezultatet nga testi i shtatzënisë fillova të hulumtoja në internet për klinikat ku mund të bëja procedurën e abortit në Teksas sepse doja ta dija që e kisha këtë opsion“, thotë ajo.
Përvoja e Amy-t në Teksas së shpejti mund të bëhet realitet për më shumë gra në Shtetet e Bashkuara.
Gjykata e Lartë pritet të vendosë për një çështje aborti në qershor, që mund të nxisë një valë kufizimesh të të drejtave të abortit në të gjithë vendin.
Aktivistët e mbrojtjes së të drejtave të abortit flasin me shqetësim për jetën në Teksas, pas miratimit të ligjit të ri, ku gratë duhet të bëjnë një abort deri në momentin kur mund të dëgjohen rrahjet e zemrës së fetusit, që ndodh rreth javës së gjashtë të shtatzënisë për shumicën e grave.
Ligji gjithashtu parashikon mundësinë e ngritjes së padive ndaj atyre që ndihmojnë gratë të bëjnë procedurën e abortit, pas javës së gjashtë të shtatzënisë.
Realiteti për shumicën e grave është se afati për të marrë një vendim për abortin është edhe më i shkurtër. Amy kishte më pak se një javë kohë për të marrë vendimin, pasi mësoi se ishte shtatzënë, por pas thirrjeve të shumta telefonike, ajo arriti të caktonte kohën për të bërë procedurën në një klinikë.
“Nuk kisha kohë as të vlerësoja mendimet e mia, ndjeva se koha po kalonte me shpejtësi”, thotë ajo.
Për aktivistët kundër abortit, ky kufizim kohor është një hap i madh në drejtimin e duhur.
“Qëllimi ynë është krijimi i një shoqërie ku asnjë grua nuk do të mendonte të bënte një abort nga frika e mungesës së një alternative tjetër. Ne kemi alternativa të shumta”, thotë Joe Pojman nga Aleanca e Teksasit për Jetën.
Në vend që të kërkojnë një abort, zoti Pojman dëshiron që gratë shtatzëna të vizitojnë afro 200 qendra të shtatzënisë në krizë të Teksasit, ku ai thotë se ato mund të marrin mbështetjen e duhur.
“Pra, ky është butiku ynë i foshnjave për nënat. Kur vijnë të ndjekin kurset tona, atyre u jepet mundësia të blejnë gjërat e nevojshme. Për çdo kurs që ato ndjekin fitojnë pikë që mund t’i përdorin më vonë për të marrë gjërat që u nevojiten. Këtu ato mund të bëjnë një sonogram dhe u japim atyre mundësinë përmes pajisjeve tona për të parë beben e tyre”, thotë Brittany Green-Benningfield nga Qendra e Shtatzënisë në Pflugerville.
Qendrat gjithashtu ndihmojnë gratë të caktojnë vizitat mjekësore dhe ofrojnë gjëra të tjera si produkte të konservuara për fëmijët deri në moshën 3 vjet e gjysmë. Zoti Pojman thotë se ky është një hap i madh në drejtimin e duhur, por se duhet shumë më tepër punë.
“Ndërsa numri i aborteve është ulur ndjeshëm dhe gratë po kërkojnë më shumë agjenci që ofrojnë alternativa ndaj aborteve, vazhdon të ketë ende dhjetëra mijëra aborte në Teksas“, thotë ai.
Në disa mënyra, Amy ishte skenari më i mirë për dikë që kërkon një abort në Teksas. Ajo e dinte ligjin, e dinte se duhej të lëvizte shpejt dhe kishte burime për të bërë një abort dhe ndoshta të udhëtonte jashtë shtetit nëse ishte e nevojshme. Por gratë e varfra nuk i kanë këto mundësi dhe ato dëmtohen më së shumti nga ligji, thonë aktivistët e mbrojtjes së të drejtave të abortit.
“Pasi ato mësojnë dhe informohen në klinikat tona se ligji i Teksasit nuk ua lejon të bëjnë proedurën e abortit këtu, ato ndeshen me pengesa shumë të mëdha, si mungesa e transportit ose mungesa e mundësisë për të marrë pushim nga puna për të bërë procedurën jashtë shtetit, ose nuk kanë njeri që mund të kujdeset për fëmijët e tyre. Kjo krijon një situatë të patejkalueshme”, thotë Sarah Wheat nga organizata “Planned Parenthood”.
Sipas Universitetit të Teksasit, mes shtatorit dhe dhjetorit të vitit të kaluar mbi 4000 gra nga Teksasi dolën jashtë shtetit për të bërë procedurën e abortit. Shumë gra të tjera që kaluan afatin blenë ilaçe aborti në internet, të cilat shoqërohen me rreziqe kur përdoren pa mbikëqyrje mjekësore. Amy thotë se kjo e shqetëson atë.
“Gratë do të bëjnë abort. Ato e kanë bërë këtë për shekuj, edhe kur kjo ishte e paligjshme dhe gratë vdisnin nga abortet. Kështu që nëse e drejta për të marrë këtë vendim u hiqet grave, në fund kjo mund të shkaktojë vdekjen e shumë prej tyre”, thotë ajo.
Ata që kundërshtojnë abortin thonë se edhe abortet marrin jetë njerëzish. Sigurisht, një debat i vështirë pa marrë parasysh se cilën perspektivë mbështesin palët e përfshira në të.
Marrë nga VOA
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
FRANCË- Do të jetë një rivotim i raundit të dytë të vitit 2017, ku Emmanuel Macron pluhurosi Marine Le Pen. Por këtë herë, askush të mos ketë asnjë iluzion...
HOLANDË- Në Shtetet e Bashkuara rreth 40 për qind e ushqimit hidhet poshtë. Në një përpjekje për t’i dhënë zgjidhje këtij problemi një kompani në Holandë k...
PAKISTAN- Politikani i opozitës pakistaneze Shehbaz Sharif paraqiti të dielën në parlament kandidaturën për të qenë kryeministri i ardhshëm i Pakistanit, njofto...
UKRAINË- Forcat ukrainase po pastrojnë shkatërrimet e lëna pas nga trupat ruse, ndërsa vijojnë të zbulohen varre masive me civilë të vrarë. Rusia nga ana t...
UKRAINË- Numri i të vdekurve në sulmin e stacionit të trenit në Kramatorsk, Ukrainë, u rrit në 57, tha të dielën kreu i administratës ushtarake rajonale të...
FRANCË- Presidenti Emmanuel Macron ka del në skenë duke përshëndetur mbështetësit. BBC shkruan se ai falënderoi ata që e votuan, si dhe kandidatët e tjerë ...
FRANCË- Emmanuel Macron mund të ketë fituar raundin e parë me pesë pikë, por ky sondazh i cili është transmetuar nga një prej dy rrjeteve të mëdha televizi...
FRANCË- Kandidati francez i ekstremit të djathtë, Eric Zemmour, tani, siç pritej, u ka kërkuar mbështetësve të tij që të votojnë për udhëheqësen e e...
TIRANË- Analisti dhe njohësi i Ballkanit, Janush Bugajski ka reaguar pas lajmeve se Serbia ka blerë armatim në mënyrë të fshehtë nga Kina. Me anë të një po...
SHBA- Shtetet e Bashkuara janë të angazhuara t’i ofrojnë Ukrainës “armët që i duhen” për t’u mbrojtur nga Rusia, tha të dielën këshillta...
