Politike

Rama fton PD për bashkëpunim: Bashkohuni me ne për zgjedhjen e presidentit! Socialistët që na kanë nxirë faqen do t’ia lënë vendin dikujt tjetër! (MESAZHET)

VIDEO
  • Rama ‘vë gishtin’ tek ata që i kanë nxirë faqen, ish-ministri rrotullohet nga sikleti
  • Rama do mbledhë Kongresin e jashtëzakonshëm më 12 qershor: Edhe festë edhe rirreshtim rezultatesh
  • Berisha: Po firmos fundin e shpejtë të një krimineli puçist!
  • Nga Pallati i Brigadave, para ekipit të socialistëve, Rama tha se një personash grotesk që turpëron Shqipërinë me praninë e tij në krye të shtetit si Ilir Meta, duhet larguar. Kreu i qeverisë tha se ende nuk kanë një emër për Presidentin e ri por që do ta konsultojë me PD-në. Kryeministri tha se pikësynimi i tij para krijimit të qeverisë së re është që të ‘spastrojë’ të gjithë ata që nuk kanë arritur objektivin
    Featured image of article: Rama fton PD për bashkëpunim: Bashkohuni me ne për zgjedhjen e presidentit! Socialistët që na kanë nxirë faqen do t’ia lënë vendin dikujt tjetër! (MESAZHET) Edi Rama

    TIRANË– Kryeministri Edi Rama e ftoi sërish Partinë Demokratike për bashkëpunim…këtë herë për zgjedhjen e Presidentit të ri të Republikës, pas shkarkimit të Ilir Metës. Nga Pallati i Brigadave, para ekipit të socialistëve, Rama tha se një personash grotesk që turpëron Shqipërinë me praninë e tij në krye të shteti si Ilir Meta, duhet larguar. Kreu i qeverisë tha se ende nuk kanë një emër për Presidentin e ri por që do ta konsultojë me PD-në.


    Gjatë fjalës së tij, kryeministri tha se pikësynimi i tij para krijimit të qeverisë së re është që të ‘spastrojë’ të gjithë ata që nuk kanë arritur objektivin dhe nuk ia kanë zbardhur ‘faqen’ kësaj partie do të largohen. Këtë gjë, numri një i socialistëve tha se do ta bëjë duke thirrur Kongresin e Jashtëzakonshëm më 12 qershor, ditë kur PS-ja feston 30-vjetorin e themelimit.

    Për më shumë bëhu pjesë e grupit më viral në Facebook, Dosja.al

    “Edhe festë, edhe rirreshtim të rezultateve,”– tha vete kryeministri. Një tjetër pikë ku u ndal Rama ishte edhe administrata. Njësoj si për radhët e socialistëve, Rama tha se ka ardhur momenti që të gjithë ata punonjës që u kanë nxirë faqen, të largohen për tu lënë radhë të rinjve që duan të punësohen në bazë të meritokracisë. Në fund, Rama falënderoi të gjithë ata që kanë dhënë kontributin e tyre për të siguruar mandatin e tretë, duke shtuar se lufta vazhdon në mënyrë që Shqipëria të ngjitët në majë.

    (f.m;f.g/Dosja.al)

    • 10:29

      ‘Dridhet’ administrata! Rama: Ata që na kanë nxirë faqen, do largohen…Shqipërinë do e ngjisim në majë


      Kryeministri Edi Rama mblodhi ditën e sotme të gjithë deputetët. Përballë tyre ai paralajmëroi se të gjithë ata që ia kanë nxirë faqen partisë socialiste do të largohen si dhe do të pastrojnë administratën.

      Edi Rama: Shqipëria mund dhe duhet patjetër të ngjitet tek ajo majë brenda kësaj decade. Në do të nisim mbajtjen e premtimeve që nga rritja e pagave deri në 400 mijë lekë. Do kthejmë çdo shërbim në një ndërveprim online. Do ta pastrojmë deri në fund administratën nga njerëz që na kanë nxirë faqen. Me qartësinë që siç kemi bërë me policët, me infermierët dhe të tjerët, do të vijohet edhe me administratën. Një rrugë e re në bazë të meritave duhet të hapet për të gjithë ata vajza, gra, burra e djem. Kjo është sfida e vazhdueshme, prandaj jeni gati që të vazhdojmë të përballemi me çdo sfidë. Synimi ynë është që të ngjisim Shqipërinë në majë. Shumë faleminderit të gjithë, në mbyllje, fjalinë e fundit duke ju parë është se dua t’ju them: një pjesë e juaja janë sërish deputetë, një pjesë jo. Skuadra jonë ka fituar falë rolit të gjithsecilit prej jush. Ne duhet tani të bëjmë gjithçka na takon për të merituar plotësisht atë që shqiptarët panë dhe votuan për numrin 12. Kështu më 12 qershor do ta kremtojmë.

    • 10:23

      Rama: Ne nuk kemi marrë një mandat për të luftuar me PD! Do ta mbajmë dorën shtrirë…


      Kryeministri Edi Rama tha ditën e sotme se në mandatin e tretë kanë gati një plan jo për të luftuar kundër PD-së por për të cuar deri në fund punën që kanë nisur. Ai tha se dorën do ta mbajnë shtrirë dhe janë gati që të bashkëpunojnë me demkoratët.

      Rama: Kemi një plan shumë ambiciz. Ne nuk kemi marrë një mandat për të luftuar me PD por për të cuar deri në fund punë të mëdha, do ta presim PD deri kur të rivendosë lidhjen me realitetin, por jemi gati të bashkëpunojmë me demokratët. Do ta mbajmë të shtrirë dorën dhe nuk do lëmë rast pa ua treguar me vepra se kjo është dekada. Nuk do të thotë që do ti kthejmë arenën debatit politik, do të vazhdojmë punën për të cilën shqiptarët na zgjodhën ne. Do të përkushtohemi që të afrojmë sa më shumë talente të reja.

    • 10:19

      Shkarkimi i Metës, Rama i PRERË: Do ta votojmë në bllok, do konsultohemi me PD për zgjedhjen e presidentit të ri

      Kryeministri Edi Rama tha ditën e sotme përballë deputetëve se shkarkimi i Metës duhet të bëhet patjetër. Përballë tyre, ai tha se Meta është një personazh grotesk që po turpëron shtetin me qëndrimin e tij. Në fund, kreu i qeverisë shtoi se do të konsultohen me Partinë Demokratike për të bërë zgjedhjen e presidentit të ri.

      ‘Shkarkimi i Metës nuk është i gjithi në dorën tonë, por do të bëjmë cdo gjë që ta votojmë në bllok shkarkimin.Nuk ka lidhje me asgjë tjetër vetëm me pozicionimin, që populli nuk do ta shikojë. Në cdo rast qoftë para kohe, ne do konsultohemi me PD për zgjedhjen e presidentit të ri.’-tha Rama.

    • 10:14

      Rama paralajmëron ‘spastrime’: Të gjithë ata që nuk ia kanë zbardhur faqen kësaj partie dhe nuk kanë arritur objektivin, do t’i lënë vendin dikujt tjetër


      Kryeministri Edi Rama mbajti ditën e sotme fjalimin pas fitores në zgjedhjet e 25 prillit. Përballë deputetëve, ai tha se kush nuk e ka arritur objektivin duhet t’ja lërë vendin dikujt tjetër.

      Edi Rama: Mesazhi im i parë për të gjithë familjen politike është që të jemi gati, gati për fitoren e radhës. Gati për të analizuar në çdo aspect mandatin e dytë në ndeshjen e sapopërfudnduar në mënyrë që të ndërhyjmë sa më tej, si natyrisht për të reformuar më tej Shqipërinë dhe Partinë Socialiste. Nga ana tjetër duhet të rirreshtojmë rezultatet. Kush e nuk e ka arritur objektivin duhet t’ia lërë vendin dikujt tjetër, do t’ia lërë vendin dikujt tjetër. Kush nuk ia ka zbardhur faqen kësaj partie, do t’ia lërë vendin dikujt tjetër. 12 qershori është dita e duhur për të thirrur konferencën e jashtëzakonshme, PS-ja bën 30 vjeç. Punë për kalendarin e reformave do të bëhet tani deri në formimin e qeverisë. Më të dalluarit do të futen në ndeshjen që sapo kemi filluar.

    • 10:10

      Pas fitores, Rama mban fjalim përballë deputetëve: Urime për fitoren! Ishte një garë e brendshme, solli dëme anësore


      Kryeministri Edi Rama tha ditën e sotme se fitorja e mandatit të tretë ishte shumë domethënëse. Përballë deputetëve ai tha se jo të gjithë kanë dalë të lumtur nga ndeshja sfiduese që fituan me një rezultat të qartë.

      Rama: Urime për fitoren shumë domethënëse për mandatin e tretë. Me punë dhe përkushtim, një arritje e mrekullueshme e Shqipërisë. Urimi im është për të gjithë ju, pavarësisht se jo të gjithë keni dalë të lumtur nga ndeshja sfidese që fituam me një rezultat të qartë. Nuk është aspak retorike kjo që them, të gjithë duhet të ndihemi fitues, duhet të mendoni si fitues, që të jeni gati, për ta kthyer këtë fitore për një fitore të madhe te Shqipërisë. Ishte një garë e brendshme, në listat e brendshme që ndodhte për herë të parë, por ka sjellë dhe dëme anësore. Gjynaf që nuk kemi mundur ta maksimizojnë rezultatin final. Kjo është një 74 shumë domethënëse për shkak të tërmetit dhe të pandemisë.

    Një Koment në “Rama fton PD për bashkëpunim: Bashkohuni me ne për zgjedhjen e presidentit! Socialistët që na kanë nxirë faqen do t’ia lënë vendin dikujt tjetër! (MESAZHET)

    1. Lum shqiptaret qe te kan …oooooo hajvon🍆

    Shto Koment