Vaksina kundër COVID/ Ekspertët në Britani nxjerrin të dhënat: Është e sigurtë! 800 mijë doza vijnë javën e ardhshme, të vaksinuarit do të mbikqyren, të parët do e marrin më të rrezikuarit

BRITANI-Disa orë pas aprovimit, shkencëtarët në Britaninë e Madhe kanë dhënë sqarime në lidhje me vaksinën e Pfizer. Në konferencë dolën drejtori Ekzekutiv i Mjekimeve në Produkteve Shëndetësore, June Raine, Shkencëtarët, Prof Sir Munir Pirmohamed, dhe Prof Wei Shen Lim, drejtori i Komitetit të Vaksinave. “Mbrojtja për publikun është e para”,-tha June Raine, duke deklaruar se “i është dhënë rëndësi thelbësore çdo të dhëne të vaksinës së Pfizer”.

Britania e Madhe u bë sot vendi i parë në botë që aprovoi vaksinën e Pfizer-BioNTech, duke nisur në ditët në vijim vaksinimin masiv. 800 mijë doza do të vijnë në vend javën e ardhshme, ndërkohë që qytetarët do të kontaktohen nga strukturat shëndetësore për të bërë vaksinimin. Grupi i ekspertëve deklaroi sot se prioritet do të kenë kategoritë e rrezikuara, punonjësit e shëndetit, ata socialë dhe të moshuarit.

(F.g/dosja.al)

• 11:32

  Kush do të vaksinohen në fillim? Përgjigjen ekspertët në Britaninë e Madhe: Do të mbrojmë më të rrezikuarit!

  Prof. Wei Shen Lim, kryetar i Komitetit të Përbashkët për Vaksinimin dhe Imunizimin, u pyet nga gazetarët në Britani, për prioritetin e vaksinimit. Lim tha se përparësia bazohet në rrezikun e vdekjes, duke iu dhënë së pari rëndësi individëve më të prekur. “në mënyrë që të mbrojmë më të prekshmit ne i kemi dhënë përparësi atyre së pari”.
• 11:24

  Të dhënat zyrtare të vaksinës kundër COVID/ Shkencëtari: Efektet anësore janë mesatare, ja sa zgjasin!

  Profesori Munir Pirmohamed deklaroi në konferencën e parë zyrtare të prezantimit të të dhënave për vaksinën e Pfizer, se siguria e vaksinës është njësoj si me prodhimet e tjera për sëmundjet e tjera. Shumica e efekteve anësore janë shumë mesatare dhe zgjasin vetëm një ditë, ose gjysmë dite tha ai. Ai shtoi se me rëndësi është mbikqyrja e qytetarëve pas vaksinimit dhe monitorimi i tyre, por nuk kërkohet asnjë test para marrjes së vaksinës.