Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
TIRANË– “Kokat” e shtetit mund të flasin pa limit në celular. Presidenti i Republikës Ilir Meta, Kryetari i Kuvendit Gramoz Ruçi, Kryeministri Edi Rama dhe Kryetari i Gjykatës së Kushtetuese, ende pa një kryetar, edhe pse aktualisht në post përkohësisht Vitore Tusha mund të flasin pa limit me njëri tjetrin. Vendimi është botuar ditën e sotme në fletoren zyrtare, ku edhe shkruhet se tabulatet e tyre do të rimbursohen nga buxheti i shtetit, duke përfshirë edhe shërbimin roming.
Në vitin 2012totali i shpenzimeve për celularin nuk lejohej më shumë se 2% e totalit të shpenzimeve për mallra dhe shërbime të miratuara për vitin buxhetor përkatës.
“1. Punonjësve të administratës publike, bazuar në funksionet që kryejnë, u ofrohet shërbimi i telefonisë celulare sipas specifikimeve të këtij vendimi. Shpenzimet për këtë shërbim, në nivel vjetor, përjashtuar shpenzimet për shërbimin sipas pikave 2, 3 e 10 të këtij vendimi, të jenë në çdo rast, jo më shumë se 2% e totalit të shpenzimeve për mallra dhe shërbime, të miratuara për çdo institucion në buxhetin vjetor përkatës,”-thuhej në vendimin e 2010.
VENDIMI I PLOTË I BOTUAR NË FLETORËN ZYRTARE:
VENDIM
Nr. 673, datë 2.9.2020
PËR PAJISJEN ME NUMËR TELEFONI CELULAR TË FUNKSIONARËVE PUBLIKË
Në mbështetje të nenit 100 të Kushtetutës dhe të nenit 16, të ligjit nr. 9936, datë 26.6.2008, “Për menaxhimin e sistemit buxhetor në Republikën e Shqipërisë”, të ndryshuar, me propozimin e ministrit të Financave dhe Ekonomisë, Këshilli i Ministrave
VENDOSI:
1. Punonjësve të administratës publike, bazuar në funksionet që kryejnë, u ofrohet shërbimi i telefonisë celulare, sipas specifikimeve të këtij vendimi. Shpenzimet për këtë shërbim, në nivel vjetor, të jenë jo më shumë se 2% e totalit të shpenzimeve për mallra dhe shërbime të miratuara për çdo institucion në buxhetin vjetor përkatës. Nga ky kufizim përjashtohen institucionet e pavarura me një numër jo më shumë se 100
punonjës.
2. Ky shërbim mund t’u ofrohet edhe me dalje ndërkombëtare dhe pa asnjë kufizim në mbulimin e shpenzimeve nga buxheti i institucionit funksionarëve, sipas lidhjes nr. 1, që i bashkëlidhet këtij vendimi dhe është pjesë përbërëse e tij.
3. Ky shërbim mund t’u ofrohet edhe me dalje ndërkombëtare, por jo më shumë se 40 000 (dyzet mijë) lekë në muaj, funksionarëve të përcaktuar
sipas lidhjes nr. 2, që i bashkëlidhet këtij vendimi dhe është pjesë përbërëse e tij.
4. Ky shërbim mund t’u ofrohet edhe me dalje ndërkombëtare, por jo më shumë se 20 000 (njëzetmijë) lekë në muaj, funksionarëve të përcaktuar
sipas lidhjes nr. 3, që i bashkëlidhet këtij vendimi dhe është pjesë përbërëse e tij.
5. Ky shërbim mund t’u ofrohet edhe më dalje ndërkombëtare, por jo më shumë se 10 000 (dhjetë mijë) lekë në muaj, funksionarëve të përcaktuar
sipas lidhjes nr. 4, që i bashkëlidhet këtij vendimi dhe është pjesë përbërëse e tij.
6. Ky shërbim mund t’u ofrohet edhe më dalje ndërkombëtare, por jo më shumë se 7 000 (shtatë mijë) lekë në muaj, për funksionin “zëvendësministër”
7. Ky shërbim mund t’u ofrohet edhe me dalje ndërkombëtare, por jo më shumë se 4 000 (katër mijë) lekë në muaj, funksionarëve të përcaktuar sipas lidhjes nr. 5, që i bashkëlidhet këtij vendimi dhe është pjesë përbërëse e tij.
8. Ky shërbim mund t’u ofrohet edhe më dalje ndërkombëtare, por jo më shumë se 2 000 (dy mijë) lekë në muaj, funksionit “drejtor drejtorie në ministri” (niveli II – b), si dhe çdo funksionari të barazuar në pagë apo me pagë përkatëse më të madhe se ky funksion, por që kryen funksione drejtuese. Në këtë kategori përfituesish përfshihen edhe funksionet “këshilltar/zëdhënës shtypi në kabinetin e titullarit”, që kanë pagë të këtij niveli, si dhe këshilltari ligjor dhe ekonomik në institucionet e rivlerësim it kalimtar të gjyqtarëve dhe prokurorëve dhe në institucionet e sistemit të drejtësisë. Për efekt të këtij vendimi, me termin “pagë” kuptohet paga e pozicionit për funksion, pa përfshirë shtesat mbi pagë për vjetërsi në punë apo shtesa të tjera mbi pagë, sipas legjislacionit përkatës.
9. Shërbimi i telefonisë Roaming u ofrohet pa pagesë për të gjitha telefonatat zyrtare të kryera nga jashtë vendit, për funksionin: zëdhënës shtypi i
Presidentit, i kryetarit të Kuvendit dhe i Kryeministrit.
10. Drejtuesit e njësive të vetëqeverisjes vendore kanë të drejtë të urdhërojnë pajisjen me numër telefoni celular të personave zyrtarë, bazuar në detyrën që kryejnë dhe brenda fondeve të parashikuara në buxhetin vjetor, sipas specifikimeve të mësipërme. Shpenzimet për këtë shërbim, në nivel vjetor, të jenë në çdo rast jo më shumë se 2% e totalit të shpenzimeve për mallra dhe shërbime, të miratuara për çdo institucion në buxhetin vjetor përkatës.
11. Drejtuesit e njësive të fondeve speciale, njësive të qeverisjes qendrore publike, kanë të drejtë të urdhërojnë pajisjen me numër telefoni celular të personave zyrtarë, bazuar në detyrën që kryejnë dhe brenda fondeve të parashikuara në buxhetin vjetor, sipas specifikimeve të mësipërme. Shpenzimet për këtë shërbim, në nivel vjetor, të jenë në çdo rast jo më shumë se 2% e totalit të shpenzimeve për mallra dhe shërbime, të miratuara për çdo institucion në buxhetin vjetor përkatës.
12. Drejtuesit e shoqërisë tregtare, me kapital 100% shtetëror, kanë të drejtë të urdhërojnë pajisjen me numër telefoni celular të personave zyrtarë, bazuar në detyrën që kryejnë dhe në varësi të mundësive financiare që kanë, të miratuar nga organet përkatëse, sipas specifikimeve të mësipërme. Shpenzimet për këtë shërbim, në nivel vjetor, të jenë në çdo rast jo më shumë se 2% e totalit të shpenzimeve administrative, të miratuara në planin financiar përkatës.
13. Për ofrimin e shërbimit, për funksionarët e përcaktuar në pikat 2, 3 dhe 4, të këtij vendimi, njësitë e qeverisjes së përgjithshme lidhin kontratat për këtë shërbim me cilindo prej operatorëve të shërbimit telefonik të lëvizshëm, që veprojnë në vend, sipas legjislacionit në fuqi.Në çdo rast, shërbimi i ofruar paguhet nga njësia e qeverisjes së përgjithshme, sipas faturës mujore për vlerën e shpenzuar.
14. Për përfitimin e shërbimit funksionarët e përcaktuar në pikat 5–12 të këtij vendimi, lidhet kontratë individuale me cilindo prej operatorëve të shërbimit telefonik të lëvizshëm që veprojnë në vend, për një numër të vetëm celular. Detyrimi financiar paguhet nga funksionari i cili kompensohet nga institucioni, kundrejt dokumentit të blerjes së shërbimit të numrit telefonik celular, por jo më shumë se kufijtë përkatës mujorë.
15. Çdo tejkalim i limitit mujor të përcaktuar si më sipër nuk kompensohet me limitin e muajit pasardhës.
16. Vendimi nr. 864, datë 23.7.2010, i Këshillit të Ministrave, “Për pajisjen me numër telefoni celular të personave juridikë, publikë”, shfuqizohet. Ky vendim hyn në fuqi pas botimit në Fletoren Zyrtare.
EMËRTESAT E FUNKSIONARËVE SIPAS
LIDHJEVE TË PËRKATËSE
Lidhja nr. 1-pa limit
Presidenti i Republikës
Kryetari i Kuvendit
Kryeministri
Kryetari i Gjykatës së Kushtetuese
Lidhja nr. 2-40 000 lekë/muaj
Kryetar i Gjykatës së Lartë
Prokuror i Përgjithshëm
Drejtues i SPAK/Byro Hetim
Lidhja nr. 3-20 000 lekë/muaj
Avokati i Popullit
Kryetari i Komisionit Qendror të Zgjedhjeve
Kryetari i Kontrollit të Lartë të Shtetit
Zëvendëskryetar i Kuvendit/
zëvendës
–
kryeministër
Ministri
Drejtori i Shërbimit Informativ të Shtetit Kryetar i Këshillit të Lartë Gjyqësor
Titullar i institucioneve të rivlerësimit kalimtar të gjyqtarëve dhe prokurorëve
Kryetar i Këshillit të Lartë të Prokurorisë
Kryetar i Inspektoratit të Lartë të Drejtësisë
Lidhja nr. 4-10 000 lekë/muaj
Sekretari i Përgjithshëm në institucionet Presidencë, Kuvend, Këshillin e Ministrave Drejtori i Kabinetit të Presidentit të Republikës, kryetarit të Kuvendit dhe Kryeministrit si dhe çdo funksionar në nivel politik ose në nivel drejtues i barazuar në pagë apo me pagë përkatëse më të madhe se ky funksion. Në këtë kategori
përfituesish përfshihen edhe funksionet “këshilltar në kabinetin e titullarit” që kanë pagë të këtij niveli.
Drejtori i Përgjithshëm i Policisë së Shtetit
Drejtori i Përgjithshëm i Doganave
Drejtori i Përgjithshëm i Tatimeve
Anëtarë të Gjykatës së Lartë/Gjykatës Kushtetuese
Komisionerë dhe gjyqtarë të institucioneve të rivlerësimit kalimtar të gjyqtarëve dhe prokurorëve
Lidhja nr. 5-4 000 lekë/muaj
Sekretari i Përgjithshëm në ministri
Magjistrat në strukturat e posaçme kundër korrupsionit dhe krimit të organizuar në sistemin e akuzës dhe gjykatave
Drejtori i Drejtorisë së Përgjithshme si dhe çdo funksionar në nivel drejtues i barazuar në pagë apo me pagë përkatëse më të madhe se ky
funksion. Në këtë kategori përfituesish përfshihen edhe funksionet “këshilltar në kabinetin e titullarit” apo ”zëdhënës shtypi në kabinetin e titullarit”, që kanë pagë të këtij niveli.
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
ATHINË– Mediat greke kanë analizuar situatën në vendin tonë pas kërkesës së bërë për zgjerim me 12 milje në detin Jon. Në një artikull të publikuar nga “Is...
TIRANE– Ish-nënkryetarja e Partisë Demokratike Jozefina Topalli ka paralajmëruar se nuk do të kthehet në Partinë Demokratike për sa kohë ajo do të drejtoh...
Deputetët e opozitës parlamentare Myslim Murrizi dhe Halit Valteri duket se krijimin e forcës së tyre të re politike kanë gjetur ta ‘festojnë’ me një personazh ...
TIRANË- ‘Reuters’ ka publikuar një artikull rreth metaleve që ka kontinenti i Evropës, duke përfshirë edhe vendin tonë. Në artikullin me titull; “Europa i ...
TIRANE– Shkarkohet nga detyra prokurori i Prokurorisë së Rrethit Gjyqësor Fier, Fatmir Lushi. Ky i fundit u shkarkua pak muaj më parë nga detyra nga KPK, pasi u...
TIRANË– Kreu i Partisë Konservatore, Kujtim Gjuzi ka lëshuar deklarata të forta në mbledhjen e Komisionit për Veprimtaritë Prodhuese, Tregtinë dhe Mjedisin...
TIRANË– Rasti i familjes së Nikë Prendit është kthyer në një “mollë sherri” mes Bashkisë së Tiranës dhe Partisë Demokratike. Fillimisht zëdhënë...
TIRANË– Ambasadorja amerikane në Shqipëri, Yuri Kim, zhvilloi sot një takim me kokën e re të BKH-së Aida Hajnaj dhe kryeprokurorin e Spak-ut, Arben K...
TIRANE– Këshilli Kombëtar Shqiptar ka filluar ditën e sotme shpërndarjen falas të teksteve shkollore për nxënësit shqiptarë në Luginën e Preshevës.Këtë la...
TIRANË– Opozita parlamentare ka propozuar 2 emrat e saj në komisionin për zgjedhjen e anëtarëve të KQZ. Bëhet fjalë për deputetët Edmond Stojku dhe M...
