Aktualitet

Vdekja e fëmijës në Kakavijë, Gonxhe: Nëna e la djalin t’i priste rrugën ambulancës, s’u kujdes për krijesën e saj

Ndër rreshta, Gonxhe shkruan edhe për aksidentin që i mori jetën fëmëijës 10-vjeçar, Samuel Ndoj, i cili prej më shumë se dy ditësh po priste në radhë, që të kalonte kufirin. Sipas drejtorit të transporteve, përgjejgësinë për këtë aksident e ka prindi, i cili nuk u kujdes për fëmijën dhe e la t’i priste rrugën ambulancës.
Featured image of article: Vdekja e fëmijës në Kakavijë, Gonxhe: Nëna e la djalin t’i priste rrugën ambulancës, s’u kujdes për krijesën e saj Blendi Gonxhe dhe Samuele Ndoj
Përditësuar:

TIRANË– Drejtori i Drejtorisë së Përgjithshme të Shërbimeve të Transportit Rrugor, Blendi Gonxhe ka komentuar radhët kilometrike në Kakavijë, teksa shkruan se të gjithë ata që nuk e kanë këtë udhëtim me ngut, duhet të kthehen në shtëpi dhe të dëgjojnë shtetin.

Ndër rreshta, Gonxhe shkruan edhe për aksidentin që i mori jetën fëmëijës 10-vjeçar, Samuel Ndoj, i cili prej më shumë se dy ditësh po priste në radhë, që të kalonte kufirin. Sipas drejtorit të transporteve, përgjejgësinë për këtë aksident e ka prindi, i cili nuk u kujdes për fëmijën dhe e la t’i priste rrugën ambulancës.

“Apo kur fëmijën 10-vjeç e lë t’i presi rrugën ambulancës, e humb se nuk kujdesesh si prind/përgjegjës për krijesën tënde! Hijenat e korbat po mblidhen rreth e sipër Kakavijës që të shkëlyejnë ç’të dali, por përse të bëhemi pakujdesisht pre e tyre?!”- shkruan ai ndër të tjera.

Reagimi i plotë

Për më shumë bëhu pjesë e grupit më viral në Facebook, Dosja.al

Si shumë familje shqiptare, jeta na lidh me Greqinë, kemi mall e nevoja, por kjo pandemi e flamë botërore na ndau gjalli e prishi çdo plan për t’u parë nga afër – ndaj nuk kemi udhëtuar, kemi duruar, sepse ky nuk është moti për të rrezikuar e për të sprovuar fatin! Ky është moti për të lëvizur sa më pak, mundësisht aspak, përveçse për punë, hall, aktivitete të domosdoshme, detyrë a një arsye shumë e fortë! Çmallemi në internet, mbrohemi, kujdesemi, mirëkuptohemi, duhemi njësoj. Sytë e merakun i kemi te Kakavija, mbrëmë ndamë ushqime, por përse duhej udhëtuar me dhjetra mijëra në këtë kohë pandemie, kur rishkruhen kriteret kufitare çdo javë? Kur s’dimë çfarë na pret? Kur e dimë që duhet të lëvizim e shpenzojmë sa më pak sepse është jo vetëm krizë shëndetësore por edhe ekonomike! Se do martohemi tani? Apo se do pushojmë në atdhe? Apo se do çmallemi patjetër me përqafim fizik kur mund ta kemi edhe virtual! Përse sot shajme shtetin tonë kur e dinim se as ka gjë në dorë për kushtet e fqinjëve dhe mbi të gjitha kur po e shohim qartë se numrat e infektimeve në Shqipëri rriten pikërisht se ne nuk zbatojmë masat anti-Covid19 dhe se po i bëjmë karshillëk armikut kaq të pabesë! Ç’faj na kanë grekët nëse ne nuk kujdesemi për veten? Shteti ynë po bën maksimumin të sensibilizojë, disiplinojë, udhëzojë sesi të mos rriten numrat e infeksioneve dhe fataliteteve, por shteti i një vendi nuk është asgjë më shumë se përfaqësimi i koshiencës së atij vendi. Shteti jemi të gjithë ne bashkë si sjellje. Shteti nuk ia del dot nëse shumica do dasmën, bredhjen, grumbullimet pa protokolle! Apo kur fëmijën 10-vjeç e lë t’i presi rrugën ambulancës, e humb se nuk kujdesesh si prind/përgjegjës për krijesën tënde! Hijenat e korbat po mblidhen rreth e sipër Kakavijës që të shkëlyejnë ç’të dali, por përse të bëhemi pakujdesisht pre e tyre?! Media ka përgjegjësi të informohet saktë e analizojë mirë përpara sesa t’i japi zë një derti të tillë! Shteti shqiptar s’ka asnjë tagër mbi virusin apo mbi fqinjët! Mbro veten, familjen! Nëse nuk ke ngut, kthehu!

Samuel Ndoj u përplas për vdekje nga një autoambulancë në aksin Kakavijë-Gjirokastër, teksa në një hije, priste me të ëmën, që të kalonte për në Greqi. I mituri ndërroi jetë në vend, ndërsa sipas dëshmitarëve, ambulance ishte bosh dhe po ecte me shpejtësi.

Kjo ngjarje u shoqërua me dedikime prekëse në rrjetet sociale, dhe një prej tyre ishte vetë mësuesja e të voglit nga Lezha, e cila shkruante se mërgimtarit iu pre ëndrra në mes.

(f.m/dosja.al)

5 Komente në “Vdekja e fëmijës në Kakavijë, Gonxhe: Nëna e la djalin t’i priste rrugën ambulancës, s’u kujdes për krijesën e saj

  1. Shteti shqiptar??? Cfare te beje shteti shqiptar ne kete kaos??? E pra, nese quheni shtet dhe kryetare shteti, duhet te informoheni per keto situata, sepse Kakavija ka qene problem c'do vit per emigrantet edhe pa COVID-19!!!
    Nuk i shkoi ndermend asnjerit prej "kokave" te shtetit shqiptar se emigrantet qe ktheheshin ne atdheun e tyre per rinovim dokumentesh (dhe jo per dasma dhe ahengje), do te riktheheshin perseri ne shtetin fqinj? Nuk mund te informoheshin qe ne diten e pare qe greket po benin tampone ne kufi?
    Nuk mund te organizoheshin dhe te dergonin ekipe mjekesh me autoambulanca perpara ambasades greke dhe t'iu benin tampone bashkatdhetareve te tyre per te lehtesuar gjendjen?!!!
    Eshte kollaj te flasesh nga maja e mullarit, zoti Gonxhe, sepse nuk je ti qe duhet te piqesh ne piken e diellit per 4 dite rresht me gjithe femije e familje, sepse ti dhe shume te tjere si ty i kini xhepat plot!!!
    Turp te kini!!!!

  2. Nuk je vecse një bastard.

  3. Kjo eshte logjika tipike e paraardhesve te Gonxhes. Mallkimi i kesaj nene fatkeqe iu ndjekte tere jeten. Mos pafshi nje dite te bardhe more bastarde.

  4. JO VETEM NJE BASTARD POR DHE PA SKRUPUJ MADJE
    KOMENTON PA PIKEN E TURPIT NJE NENE QE KA HUMBUR FEMIJEN E SAJ, MBASE SKE HUMBUR FEMIJE AKOMA TI E PRANDAJ GJYKON ZOTROTE
    MBETURINAT E VENDIT JENI VETEM JU

  5. Në djall vafsh gonxhe, mos pafsh ditë me sy. Lotët e prindërve që derdhin për femijen që humbën, u bëfshin mallkime për ty dhe familjen tende…..

Shto Koment