Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
“Të gjitha qytetet janë çmenduri; por çmenduria është argëtim. Të gjitha qyetet janë të bukura por bukuria është zymtësi”- Christopher Morley
Gjatë leximit të librit Best Seller “Triumfi i një qyteti” të autorit shumë të njohur Edëard Glaeser u ndriçova papritmas për të reflektuar disi lidhur me realitetin e vyer të Kryeqytetit tonë pompoz Tirana. Në kohën kur njeriu ulet në poltronin e rehatisë ka kohë të bollshme për të medituar mbi rutinën e vrazhdë që e moleps dhe i merr frymën, por edhe për të medituar mbi të mirat e arritura në hamullinë e pashmangshme të territ kolapstik. Meditimet e mia nuk shkojnë shumë larg, janë shumë të prekshme dhe të ndjeshme. Mendoj për Tiranën, për Kryeqytetin e gjithë shqiptarëve dhe jo vetëm.
Pyes veten, si mundet Tirana t`i ndrijë suksesit?
Tolstoi mund të ketë patur të drejtë kur thoshte “Familjet e lumtura janë të gjitha njësoj, çdo familje jo e lumtur ka pakënaqësi me veten e vet”.
Tirana është familja më e madhe e gjithë shqiptarëve, si brenda kufijve të saj gjeografikë, ashtu edhe jashtë juridiksionit të saj. Ajo ka një histori modeste krahasuar me metropolet e zhvilluara të vendeve Europiane, por ka dhe një rendësi të veçantë në mënyrën se si ajo u jetësua me frymën që sollën arkitektët Italianë Armando Brasini, Florestano Di Fausto, Gerardo Bosio e deri tek arkitektura e stilit stalino-komunist. Nuk dua të zgjerohem lidhur me zhvillimin e master planit urbanistik të këtij qytetit, por për hapat e parë të formatizimit dhe përqasjes së tij me modelet më të mira Europiane.
Ata që kërkuan lulëzimin dhe konceptimin e një Tirane moderne sigurisht që ishin njerëz mendjehapur, intelektualë, qëndrestarë, pasionantë, burra shteti të aftë për të punuar dhe bashkëpunuar për të patur një kryeqytet dinjitoz me të gjitha fasilitetet e mundshme.
Sistemi komunist i instaluar fatkeqësisht për më shumë se gjysëm shekulli në vendin tonë ndryshoi në mënyrë tangente historinë e zhvillimit arkitekturor, ideo-kulturor dhe ekonomiko-social të kryeqytetit tonë. Qyqarët e sistemit monopartiak, edhe pse të ndryshëm në mendime, por hermetikë në të shprehur, ushqenin fort ideologjitë parimore moniste duke pranuar dhe bërë sehir ndaj qëndrimit në vend të ecurisë të kryeqytetit që kishte uri për demokraci dhe zhvillim.
Vonë, por më në fund Demokracia trokiti.
Tiranës i erdhi momenti i duhur për t`u lartësuar dhe qëndruar krah simotrave të saj Europiane. Mjeshtrat e mëdhenj të demokracisë premtuan se do e bënin Tiranën dhe gjithë Shqipërinë shtetin më efektiv, më të fuqishëm, më të bukur dhe më të gjallë në Europë.
Tirana ishte një plaçkë e bukur! Fatkeqësisht plaçkitësit mbërritën të etur, dolën nga zgavrrat e injorancës, rrëmbyen magjinë e saj dhe u mrekulluan.
Tiranës i plaçkitën institucionet, ekonominë, tokën, lumenjtë, rrugët, trotuaret, lulishtet, malin, fushën, vreshtat, bimësinë, ajrin, pastërtinë, dijen, kulturën, artin, ushtrinë, sipërrmarrjen, industrinë, kohën dhe historinë.
Politikat dërrmuese, shfrytëzuese, korruptive, banditeske, dekurajuse, manipuluese e kthyen kryeqytetin në bishë gllabëruese, në një gorgone të frikshme.
Çfarë duhet të bëjmë që Tirana të triumfojë përsëri?
Një depresion i madh post-komunist ka kapluar Tiranën. Nuk ështe i vetmi vend në botë që kalon këtë cikël të zymtë tranzicioni. Tirana ka shpresë. Jemi në kohë të kuptojmë që të gjithë qytetet e mëdha në botë kanë një energji njerëzore të pasur që shprehin veteveten në mënyra të ndryshme, në hapësirën e vet ideosinkretike.
Në shumë vende problematike dhe të varfëra të botës, kapitali njerëzor është e vetmja formë që sjell ndryshim. Një miks talentesh dhe të rinjsh të formuar në universitetet prestigjioze, persona energjikë dhe pozitivë që vijnë nga sipërmarrje të sukseshme në vend, përthithja e intelektualëve dhe elitës në gjirin e udhëheqjes do të ishte një nga elementet kryesore për largimin përfundimtar të kulisave dhe hajnave nga politikëbërja.
Madhësia e Tiranës është e menaxhueshme dhe në çdo lloj forme ajo mund të sigurojë një model ekonomiko-social, më të zhvilluarin në Ballkan.Kryqyteti kuçedër që digjet nga smogu i makinave dhe autobusave duhet të ndryshojë frymën arkaike dhe t’i nënshtrohet një organizimi madhështor të transportit publik nëpërmjet metrosë ose tramvajit.Nëse hartohet një master plan për zhvillimin urban, dhe infrastrukturor për rehabilitimin e rrjetit të kanalizimeve të ujërave të zeza dhe të bardha, zgjerimi i pusetave thithëse të ujërave sipërfaqësore, atëherë Tirana estetikisht dhe fizionomisht do të Triumfojë.
Nëse shporrim militantizimin, rruajmë vlerat dhe parimet qytetare, shkundim votën duke pranuar programin më të mirë partiak, njohim të drejtat dhe detyrimet civile, njohim referendumet dhe protestat, mbrojmë interesin social dhe kërkojmë ndërgjegjësim publik, atëherë Tirana intelktualisht do të Triumfojë.
Nëse rritim aksesin për një edukim të avancuar, rritim standartin dhe kualitetin e shkollave publike, investojmë në shkencë, teknologji dhe në laboratore kërkimore-shkencore,atëherë Tirana shkencërisht do të Triumfojë.
Nëse vendoset një urë lidhëse partneriteti midis qeverisë lokale dhe sektorit privat, duke përfshirë në dialog sindikatat dhe shoqërinë civile në hartimin e projekt-ligjeve dhe në vendimarrjen e financimit të projekteve të mëdha që mund të kenë një impakt shqetësues për publikun atëherë Tirana katërcipërisht do të Triumfojë.
Nëse rritet përgjegjshmëria dhe efektiviteti i strukturave institucionale, vendosen politika dhe praktika të drejta, të paanshme, transparente, jodiskriminuese,atëherë Tirana institucionalisht do të Triumfojë.
Nëse vendosim strategji zhvillimi ekonomik për përmirësimin e klimës së biznesit, në ruajtjen e biznesit ekzistues, në përthithjen e investimeve të huaja direkte si dhe në stimulimin e hapjeve dhe promovimin e bizneseve të reja atëherë Tirana ekonomikisht do të Triumfojë.
Nëse qeveritë lokale dhe qëndrore heqin kthetrat nga fyti i sistemit gjyqësor, lejojnë organet e drejtësisë të kryejnë në mënyrë të pavarur punën e tyre, atëhere Tirana arbitrarisht do të Triumfojë.
Nëse përmirësojmë kujdesin shëndetësor, tjetërsojmë shërbimin spitalor, standartizojmë cilësinë e barnave dhe materialeve mjekësore, nxitim higjienizimin publik dhe hartojmë politika parandaluese të infektimit të popullatës nëpëmjet depistimit rutinë, atëherë Tirana në shëndet publik do të Triumfojë.
Nëse ruajmë trëshëgimitë kulturore, natyrore, shpirtërore dhe i kthejmë ato në destinacione të përqëndruara turistike atëherë Tirana globalisht do të Triumfojë.
Nëse mbrojmë hapësirat e gjelbërta, rritim aksesin për parqe dhe rekreacione për një jetë aktive dhe të shëndetshme atëherë Tirana ambientalisht do të Triumfojë.
Nëse unë dhe ti sëbashku i vendosim gishtin kokës, duam dhe respektojmë njëri – tjetrin, nuk xhelozojmë me keqdashje, arsyetojmë, tregojmë edukatë dhe emancipim, atëherë Tirana në Europë do të Triumfojë.
Jorgji Qeramixhi
MBA
1 vit nga zgjedhjet e 25 prillit si e shikoni gjendjen e vendit:
TIRANË– Moderatori i njohur Ledion Liço, rikthehet sërisht në vëmendjen e mediave, pas një shkëputje të gjatë nga televizioni.Këtë herë ai është emë...
TIRANË- Avokatja shqiptare Erida Baxha ka një qasje tjetër për temën e tradhtisë. Edhe pse për shumicën, tradhtia është fundi i një lidhjeje, për të, tradh...
SHBA– Matthew Hughes, i akuzuar për grabitjen e banesës së këngëtarit Eminem, ditën e djeshme ka dalë para gjykatës dhe është përballur me akuzat.I riu është sh...
Nga Mimoza Cika*Pyetje: Zoti Kadare, ju kujtohet momenti kur vendosët të largoheshit nga Shqipëria? Ishte i vështirë për ju?Ismail Kadare: Më kujtohet, natyrish...
KANADA- Një mi “kurioz”, është fotografuar duke ngrënë gjethe kanabasi në Neë Brunsëick, një zonë në Kanada ku kanabisi është i ligjshëm. Miu i vogël u gjend n...
DashiMund t’iu duhet të reflektoni lidhur me disa çështje që kanë të bëjnë me familjen. Venusin nuk e keni më kundër dhe do të keni mundësi që të rikuper...
TIRANE-Ditën e sotme në emisionin “Rudina” në Tv Klan është trajtuar një tema e tradhëtisë bashkëshortore, si ndikon ajo në sjelljen në shoqëri dhe pasojat që l...
Qendra më e njohur arkeologjike në Shqipëri, qyteti antik i Butrintit, pritet të menaxhohet për dhjetë vitet e ardhshme nga një agjenci e re. Në ligjin e miratu...
DashiShume shanse e mundesi qe keni patur ne jeten tuaj tashme do zvogelohen ne numer, por edhe mund te permbysen ato qe keni arritur deri tani.DemiDo futeni ne...
RUSI- Një modele ruse ka ndërruar jetë në mënyrë të mistershme.Galina Fedorova 32 vjeçarja nga Rusia u gjet pas një zhytjeje me Yev Taranov ndërsa udhëto...
