Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Enriko Gabaj
VLORË- 20 stola me një vlerë prej 25 milionë lekësh të vjetra secili, e në total 500 milionë, janë vendosur përgjatë gjithë shëtitores buzë detit në Vlorë. Lungomarja padyshim është një ndër projektet më madhore të bërë nga qeveria e vendit përgjatë këtyre viteve për sa i përket qytetit të Vlorës. Ajo çka mbetet problem është mosfunksionimi i këtyre stolave, të cilët janë amortizuar vetëm pak kohë pas instalimit të tyre. Supozohet se ata duhet të funksionojnë si shpërndarës interneti wifi dhe një tjetër funksion i tyre është karikimi i celularit përmes portës USB, por asnjë nga këto dy funksione nuk përmbushet nga stolat e kësaj shëtitore.
Bashkia e Vlorës u bë qyteti i parë në vend me sistemin smartcity, duke ofruar internet dhe karikim telefoni përgjatë të gjithë zonës së Lungomares. Në prononcimin e tij për mediat, më 25 shtator 2017, kryebashkiaku i Vlorës Dritan Leli tha se këto stola do të kenë një sërë funksionesh.
“Përveçse funksionit si një stol për ata që shëtisin dhe duan disa çaste pushimi, ky stol inteligjent mund të ofrojë shërbim wifi interneti, karikim wifi dhe me kabëll, dhe njëkohësisht gjatë natës me elementët fotovoltarik që ka dhe baterinë që zotëron brenda, mund të shërbejë si një mundësi ndriçimi”, tha ai gjatë promovimit të këtij investimi.
Por ndërsa kanë kaluar vetëm 3 vjet nga përfundimi i projektit të Lungomares, shumë pjesë përgjatë saj janë të amortizuara. Për qytetarët vlonjatë kjo është më tepër një vjedhje nga xhepat e tyre sesa një e mirë në shërbim të komunitetit. Stolat inteligjentë, nuk e mbajnë më këtë emër, me “krenarinë” e fillimit. Nga një vëzhgim i bërë vihet re dhe heqja e njërit prej stolave inteligjentë, i cili ishte vendosur i pari në radhë, që në hyrje të shëtitores. Nuk dihet ende arsyeja e ”shpërnguljes” së stolit, por një gjë është e sigurt, që asnjëri prej 19 stolave inteligjentë të mbetur në Lungomare nuk funksionon në mënyrë të plotë. Nga 19 stolat aktualë, 3 prej tyre duket se i kanë shpëtuar amortizimit, duke kryer një rol gjysmak. Ata funksionojnë vetëm për karikimin e celularëve smartphone, ndërsa për sa i përket internetit ëifi nuk funksionon në asnjërin prej tyre. Për shkak edhe të instalimit të tyre në një pozitë aspak të favorshme për shkak edhe të distancës nga deti, 3 vite më vonë nga momenti i inaugurimit, ata janë ndryshkur nga lagështia. Ndërsa banorët më të vjetër të qytetit thonë se për këtë projekt që në dukje ishte tejet interesant duhej të ishte studiuar fillimisht zona në të cilën do të vendosnin stolat, pasi kripa e detit i ka dëmtuar plotësisht, e më pas të hidheshin gjithë ato lekë.
Një prej tyre është dhe gjysh Naimi, i cili del çdo ditë për të peshkuar buzë detit. Ai është vlonjat 24 karatësh, dhe ndaj e njeh dhe e do këtë qytet në çdo pëllëmbë të tij. Ai shprehet se ka qenë kundra vendosjes së stolave, dhe jo se nuk e do teknologjinë dhe projektet moderne për qytetin ku janë lindur brez pas brezi gjyshërit e stërgjyshërit e tij, por ama ai kërkon investime më të qenësishme për qytetin.
“Të hiqen sa më parë ata stola, le të investohet në arsim, në shëndetësi, e në paga apo pensione. Nuk e kuptoj se si mund të marrim ne stola nga 20 milionë lekë, kur ne mezi marrim pensione nga 70 mijë lekë të vjetra”, thotë me të drejtë ai.
Ndërsa për sa i përket dëmtimit të tyre, Naimi bën me faj bashkinë që sipas tij e ka lënë në harresë gjithë Vlorën e jo më shëtitoren e Lungomares. “Kemi shumë probleme, pse patjetër duhet të shkojmë tek gjërat e qejfit, këtë nuk kuptoj”, vijon ai për Portën Vendore.
Shumë nga qytetarët e Vlorës, ndajnë të njëjtin opinion, por po ashtu ka edhe nga ato turistë që vizitojnë qytetin bregdetar gjatë verës e që shprehen kritikë mbi këtë investim të kushtueshëm, i cili në krye të 3 viteve është jofunksional.
Yanita Ankeve, e ardhur vetëm 1 javë më parë nga Ukraina është duke shijuar pushimet në Vlorë, qytetin të cilin shprehet se e pëlqen së tepërmi.
Atë e takojmë gjatë vëzhgimit tonë për stolat inteligjentë, ku kureshtare Yanita afrohet për të marrë informacion rreth tyre. Në momentin kur merr vesh për vlerën e tyre, ajo shprehet se është e habitshme për një vend me ekonomi të ulët, të bëjë shpenzime të tilla.
“Pse nuk investojnë për popullin? Më duket shumë e pavend, e për më tepër është argëtim. Në një vend si Shqipëria ku paguhen me rroga mesatare 150 € në muaj, kjo është e palogjikshme”, shprehet ajo, ndërsa nuk nguron të bëjë me faj edhe qytetarët, të cilët shkatërrojnë gjithçka e madje sipas saj vetëm gjobitja i shpëton këto objekte nga shkatërrimi.
Altini është një tjetër turist në qytetin bregdetar. Ai ka ardhur nga qyteti i Korçës ndërsa nuk mund të mos i bënte foto këtyre stolave për të cilët kishte dëgjuar më parë.
Për Altinin, vendosja e stolave disi ndryshe është diçka e mirë, pasi ofron dhe shërbime ndryshe nga të tjerët, por ajo çka duket e habitshme është vlera marramendëse e tyre. “Kisha dëgjuar për shëtitoren e Lungomares dhe më pëlqen shumë, madje edhe për stolat inteligjentë më kanë folur të afërmit që vijnë shpesh në Vlorë. Më duket diçka interesante, por më vjen keq që nuk funksionojnë. Sipas meje, kur realizohet një projekt, ndërtohet një objekt apo çfarëdo qoftë, duhet të kujdesemi për të. Me sa duket përkujdesja ndaj këtyre stolave ka munguar, ndaj janë në këtë gjendje. Shpresoj të rivendosen në punë dhe t’i shërbejnë qytetarëve, të cilët nuk kanë mundësi për oferta interneti, duke përmbushur kështu edhe objektivin për të cilin këto stola janë vendosur”, thotë ai për Portën Vendore.
Porta Vendore kërkoi informacion pranë Bashkisë Vlorë mbi mosfunksionimin e këtyre stolave, si dhe masat që pritet të ndërmarrë bashkia për vënien në funksion të tyre. Në përmbushje të afatit 10 ditor të kërkesës për informacion, Bashkia Vlorë tha shkuartimisht se është në proces gjyqësor me kompaninë që ka montuar stolat inteligjent. Kompania që ka fituar këtë tender prej 634 milion lekë me tvsh, dhe e cila kreu punimet në një kohë rekord prej 4 muajsh është COMMUNICATION PROGRESS, me seli në Tiranë, e themeluar që në vitin 1998 dhe e specializuar për Shërbime në fushën e teknologjisë se informacionit dhe komunikimit (TIK). Ky është tenderi i parë dhe i vetëm që kjo kompani ka fituar në Bashkinë Vlorë pasi 5 të tjera i ka në bashkëpunim me Bashkinë Tiranë.
Përgjatë shëtitores janë të instaluar një numër i madh kamerash, të cilat kanë fushëpamje nga stolat, lulishtja apo bregdeti, por sërish ky sistem sigurie nuk e ka ndalur shkatërrimin e tyre nga dora e njeriut, me ndihmën e detit, dhe harresën e institucioneve vendore për mbarëvajtjen e tyre.
1 vit nga zgjedhjet e 25 prillit si e shikoni gjendjen e vendit:
LEZHË- COVID-19 është përhapur gjerësisht shkollat e qarkut të Lezhës. Mësohet se deri më tani kanë rezultuar të infektuar 17 mësues dhe 7 nxënës.Ndërkohë,...
TIRANE– Kolegji i Posaçëm i Apelit ka shkarkuar përfundimisht nga detyra Luan Dervishin, ish-gjyqtarin e apelit të Shkodrës.Komisioni i Pavarur i Kualif...
BALLSH– Naftëtarët e Ballshit vijojnë grevën e urisë pavarësisht se gjendja shëndetësore e disa prej tyre nuk është dhe aq e mirë për momentin.Aleksandër Mejdaj...
TIRANË- OFL (Operacioni Forca e Ligjit) ka zbarkuar ditën e sotme në Tiranë, ku u ka dërguar pusullën 2 të dënuarve, Alfred Beqiri dhe Besim Zenuni. Sipas ...
TIRANË– Gjykata Penale e Tiranës do të vendosë në seancën e radhës nëse do të thirren në sallë dëshmitarët e kërkuar nga Izet Haxhia. Kërkesa e Proku...
TIRANE– Në ditën e lindjes së inxhinieres së njohur shqiptare, Luljeta Bozos, ka ardhur dhe urimi i djalit të saj Petrit.Petri është një emër shumë i dëgjuar pë...
GJIROKASTËR- Shqiponjat e Gjirokastrës kanë goditur një rast të kultivimit të kanabisit ku i përfshirë është edhe një punonjës policie. Në një njoftim për ...
TIRANE– Mëngjesin e sotëm në bulevardin ‘Bajram Curri’ është aksidentuar një shtetas i cili është dërguar menjëherë në spital. Sipas policisë ...
GRAMSH– Një 60-vjeçar është arrestuar në qytetin e Gramishti ditën e sotme pasi ka dhunuar bashkëshorten e tij.Ishte kjo e fundit ajo e cila ka lajmëruar...
VALBONE– Një nga atraksionet turistike në Shqipëri është padyshim Valbona e cila vizitohet nga mijëra turistë anë e mbanë botës. Mirëpo herë pas here dhe Valbon...
