"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar!
...
Sport
VIDEO /Giroud çon Milanin nga "Ferri" në “Parajsë”. Goli i Osimhen nuk vlen për t'u kualifikuar...
Napoli - Milan 1-1, por kuqezinjtë kalojnë gjysmëfinale. Alex Meret dhe më pas Mike Maignan presin penallti në Champions League.
18 Prill 2023, 21:30Nga DOSJA
ITALI - Një ndeshje e njëjtë me atë të çerekfinales së parë në "San Siro" edhe në stadiumin "Diego Armando Maradona" mes Napolit dhe Milanit.
Një 45-minutësh i pare, ku Napoli krijon raste dhe volum loje, por edhe Milani kishte rastet e saj, madje në të 22-tën minutë, kuqezinjtë kishin rastin më të mirë për të kaluar në epërsi me anë të një 11-metërshi.
Giroud e merr përsipër dhe e humbet, duke i sjellë një goditje psikologjike skuadrës.
Alex Meret bëhet kështu portieri i parë që priti një penallti në Champions League kundër AC Milan, që kur Jerzy Dudek priti atë të Andriy Shevchenkos në gjuajtjen finale të vitit 2005.
Por në mbyllje të pjesës së pare, pikërisht nga një aksion kundërsulmi të Milanit brilant të Rafael Leaos, i cili tregohet altruist dhe shërben për Giroud që me portën e boshatisur shpagon gabimin, duke shënuar për Milanin dhe çuar në avantazh 0-1 kuqezinjtë në dhomat e zhveshjes.
Pjesa e dytë sheh një Milan të tërhequr, në pritje të tentativave të Napolit, i cili afrohet shpesh te zona kuqezi, por pa mundur të rrezikojë portierin Maignan.
Në minutën e 81-të liderët e Serisë A kishin shansin më të madh për të rihapur llogaritë, pasi fitojnë një 11-metërsh, por këtë herë idhulli napoletan Kvartashkelia dështon përballë portierit të Milanit. Mike Maignan sërish vendimtar për kuqezinjtë që shkojnë drejt gysmëfinales, duke pritur kundërshtarin e radhës mes Interit dhe Benficës që luajnë nesër.
Në shtesë, në minutën 90’+2, Osimhen ekzekuton me kokë një ‘penallti’, duke barazuar në 1-1, rezultat ky që nuk vlen për kualifikimin. Milani, skuadra e Piolit, tashmë ka siguruar biletën e kualifikimit në gjysmëfinalen e Champions League.