"Prona u është grabitur"/ Rama takohet me banorët e Zvërnecit: Do merrni paratë nëse gjykata do ju njohë si pronarë
“Zvërneci” në gjykatë/ Rama: Paratë e shitjes janë bllokuar, nëse fitoni ato ju takojnë juve 5 ...
“Zvërneci” në gjykatë/ Rama: Paratë e shitjes janë bllokuar, nëse fitoni ato ju takojnë juve 5 ...
FOTO/ Flamuj dhe flakadanë! Bulevardi “ndizet” kuq e zi, qytetarët kërkojnë largimin e Ramës 5 Qershor, 1...
Berisha: Dosjen e Lindave të AKSHI-t e ka mbyllur përfundimisht Rama, Gys Agasi ka bërë masakër në kadastër ...
GJKKO rrëzon Metën! Kërkesa për transmetim ‘live’ të seancës dhe dalja nga kafazi i xhamit, nuk pranoh...
Pak vite më parë Adriano organizoi një festë në një motel në plazhin e famshëm Copacabana në Rio de Zhaneiro dhe për nevojat e të ftuarve punësoi 18 prostituta për të cilat pagoi 30 mijë euro.
BRAZIL - Në këtë ditë të vitit 1982, lindi një nga futbollistët më të mirë brazilian – Adriano. Braziliani Adriano Leite Ribeiro ishte një nga futbollistët më të mirë në botë kur luante për Interin, por paraqitjet e tij të shkëlqyera në fushë u lanë në hije nga dramat e jetës që po kalonte...
Adriano ishte padyshim një nga futbollistët më të talentuar në historinë e futbollit, thoshin se vetëm qielli ishte kufiri i tij... Megjithatë, stili i tij i çmendur i jetës e shkatërroi plotësisht...
Në një kohë, Adriano ishte frika dhe tmerri i të gjithë portierëve të botës. Teksa luante për Interin dhe Parmën, Imperatori popullor ishte një enigmë e pazgjidhshme për mbrojtjen e kundërshtarëve, por pas vdekjes së të atit, gjithçka shkoi drejt greminës...
Fëmijëria e Adrianit ishte shumë e ashpër. Ai u rrit në favelat famëkeqe të Rios. Babai i tij Almiri donte ta çonte në rrugën e duhur, në mënyrë që djali i tij të bëhej një futbollist i famshëm. Një herë, babë e bir, duke u kthyer nga stërvitja në shtëpi, pa dashje u gjendën në mes të një përplasjeje të ashpër mes policisë dhe tregtarëve të drogës. Në shkëmbim zjarri Almiri u qëllua në kokë. Fatmirësisht ai shpëtoi, por plumbi i mbeti si kujtim në kafkën e tij.
View this post on Instagram
Ëndrra e babait u bë realitet 12 vjet pas kësaj ngjarjeje të rëndë. Adriano u bë një sulmues shumë i mirë. Pas një episodi të trishtë nën fanellën e Parmës, ai luajti për Interin. Ai u bë i preferuari i fansave, kënaqej në fushë... Megjithatë, gjithçka ndryshoi kur babai i Almirit vdiq nga një atak kardiak.
" Vdekja e babait më shkatërroi. Unë isha vazhdimisht i dehur. U izolova, e pashë veten në Itali vetëm, i pikëlluar dhe i dëshpëruar dhe fillova të pija. Vija edhe i dehur në stërvitje dhe më merrnin për të fjetur dhe pastaj raportoja. se jam i lënduar ”, tha Adriano për “ The Sun ”.
View this post on Instagram
" E di që kam vuajtur shumë kur më vdiq babai, dhe isha i lumtur vetëm kur isha i dehur dhe pija gjithçka: uiski, verë, vodka, birrë. Shumë birrë. Nuk munda të ndaloja gjithsesi dhe më duhej të largohesha nga Interi. E kuptova qe problemi ishin njerezit rreth meje te cilet me merrnin ne festa ku kishte femra dhe alkool.Nuk mendoja per asgje tjeter.U ktheva ne Brazil hoqa dore nga milionat por arrita te gjeja lumturine sërish”, tha Adriano .
Interi u përpoq të kthente në jetë golashënuesin e tyre. Ata punësuan psikologë, psikiatër, por nuk pati rezultate. Drejtuesit e klubit vendosën t'i japin Adrianos dorëheqjen dhe menjëherë pas kësaj ai vendosi të tërhiqej nga loja. Vetëm njëzet e shtatë vjeç.
Dalja në pension ishte jetëshkurtër. Pas një muaji ai nënshkroi për Flamengon. Ai nuk luajti keq, ai drejtoi skuadrën braziliane drejt titullit në vitin 2009. Por nuk hoqi dorë nga jeta e natës dhe veset.
Presidenti i Flamengos e qortoi Adrianin në publik për pirjen e tepërt. Jo shumë kohë më pas, Adrianos iu desh të dëshmonte para gjykatës se nuk i kishte dhënë para hua Fabian Atanasio da Silva, një anëtar i shquar i "Komandës Vermelha" ose "Komandës së Kuqe", një prej bandave më famëkeqe braziliane.
E pabesueshme, por e vërtetë... Të gjitha skandalet nuk ndikuan në vendimin e Romës për të punësuar Adrianon. Ai qëndroi vetëm shtatë muaj në fanellën e Romës, duke luajtur vetëm pesë ndeshje për ta. Pas një udhëtimi të shkurtër në Itali, ai u kthye në Brazil.
Gjatë asaj periudhe, ish-agjenti i tij Gilmar Rinaldi ishte shumë i shqetësuar për jetën e tij.
“ Kam frikë për jetën e tij ”, ishte i sinqertë Rinaldi. " Ai ka nevojë për ndihmë." Nuk më intereson karriera e tij futbollistike, më intereson vetëm ai. E dini, Adriano është si një djalë për mua. Prej vitesh është në depresion të rëndë dhe askush nuk dëshiron ta ndihmojë. Orgjitë, qejfet dhe shoqërimi me djemtë problematik nuk janë probleme, janë vetëm pasoja. Depresioni është fajtor për gjithçka. Mendoj se ai po mendon për vetëvrasje? Nuk e di, gjithçka që di është se ai ka nevojë për ndihmë ."
I shpenzoi të gjitha paratë dhe u kthye te nëna e tij në favelë
Sulmuesi legjendar humbi gjithçka që kishte fituar në një karrierë të pasur si lojtar dhe prej disa kohësh jeton në një favela me nënën e tij. Në një kohë, një nga sulmuesit më të mirë në botë, Adriano Leite, falimentoi.
I është konfiskuar edhe vila luksoze në Rio de Zhaneiro, ndaj prej disa kohësh ai jeton me nënën e tij në pjesën më të rrezikshme të Brazilit. Mënyra e tmerrshme e jetesës së Perandorit popullor e shkatërroi plotësisht karrierën e tij.
Ai luftoi kundër magjisë së zezë
Në mes të jetës së errët shoqërore, ai gjeti kohë të merrej me “shtrigën” që e zgjodhi si viktimë në një ritual të magjisë së zezë, të njohur në Amerikën e Jugut, Makumba.
Ai regjistroi një video në të cilën i thotë asaj:
"E di që ka një magjistare që më bëri magji, por ajo nuk do të ketë sukses, sepse Zoti është më i madhi. Më mirë të kujdeset për jetën e saj. Kuptova se është një grua, por nuk jam i zemëruar me të. Më vjen keq për të. Familja ime lutet për mua çdo ditë dhe kjo më shpëtoi nga magjitë e saj të mbrapshta... ”, tha Adriano.
Pasi ka shpenzuar paratë e fituara në karrierën e tij, 35-vjeçari Adriano paguan për mbrojtjen e bandave të favelës në Rio dhe shoqërohet me tregtarët e drogës
Karriera filmike në ekranin e madh
Një dokumentar për Adrianin, i cili më parë ishte parë në shoqërinë e mafies, pritej të transmetohej në vitin 2020.
Është vetëm fillimi i një kapitulli të ri sepse si pjesë e marrëveshjes, braziliani do të marrë edhe një nga rolet kryesore në një tjetër komedi.
View this post on Instagram
Mbylli “shtëpin publike”
Pak vite më parë Adriano organizoi një festë në një motel në plazhin e famshëm Copacabana në Rio de Zhaneiro dhe për nevojat e të ftuarve punësoi 18 prostituta për të cilat pagoi 30 mijë euro.
Mediat braziliane deklaruan se Adriano ka marrë me qira një motel në plazh për një festë private dhe për t'i bërë të ftuarit të ndihen më mirë, ka ofruar shërbimet e 18 prostitutave.
Futbollisti legjendar solli prostituta nga një shtëpi aty pranë, e cila duhej të mbyllte përkohësisht dyert për shkak të mungesës së stafit dhe shkaktoi një revoltë të klientëve të rregullt.
“Adriano erdhi me disa shokë dhe mori të gjitha prostitutat me vete ”, tha pronari i bordellos.
Braziliani kontrovers, karriera e të cilit u shënua nga shpërthime të shumta jashtë fushe si alkooli, depresioni dhe shoqërimi me kriminelët, planifikoi disa herë të rikthehej në futboll, por pa rezultat.
B.T (Dosja.al)
FRANCE - Ditët e fundit, FC Nice është gjetur në qendër të një skandali të madh, pasi në internet doli nj...
ANGLI - Portieri Emiliano Martinez, një nga lojtarët yje të Argjentinës në Kupën e Botës në Katar, do të nxjer...
ITALI - Tifozët e Nantes ishin në ekstazë pas barazimit 1-1 me Juventusin pas ndeshjes së tyre në 1/16-tat e Europa League.&n...
ANGLI - Cristiano Ronaldo nuk arriti të sigurojë aktivizimin e rregullt nën trajnerin e sapoemëruar të Manchester United, holandezin ...
ARABI SAUDITE - Cristiano Ronaldo ka gjetur asistin e parë në Arabinë Saudite. Legjenda portugeze u transferua tek Al Nassr, klub ku do të p...
ANGLI - Të mërkurën, Arsenali pësoi një humbje zhgënjyese 3–1 kundër Manchester Cityt në ...
GJERMANI - Si pjesë e një kursi stërvitor, Hansi Flick, Ralf Rangnick dhe Murat Yakin do të takohen në kampusin e DFB në Frankfu...
ANGLI - Federata Angleze e Futbollit (FA) ka hapur një hetim për objektet e hedhura nga tifozët e Arsenalit drejt mesfushorit De Bruy...
SPANJE - Sulmuesi Raphinha u largua nga fusha jashtëzakonisht i irrituar, kur u zëvendësua nga trajneri Xavi Hernández në fund...
SPANJE - Mbrojtja e Dani Alves ka kërkuar tashmë uljen e masave shtrënguese, por lojtari beson se do të vazhdojë të qëndroj&e...
