Politike

Miratohen 6 projektligje në Kuvend/ Maliqi kërkon llogari për krimin në vend, Lleshaj: Shijoni paratë e djemve ‘problematikë’ e shani Policinë. Spiropali akuzon Metën për misogjeni, Gjoni e propozon si kryeministre ‘teknike’

Seanca në Kuvend ka nisur me debate mes ministrit të Brendshëm, Sandër Lleshaj dhe deputetit Lefter Maliqi lidhur me kriminalitetin në vend. Kryeministrit Edi Rama ka interpelancë me deputetët e opozitës për minoritetet në vend, por nuk është paraqitur. Ministrja Elisa Spiropali ka akuzar për misogjeni presidentin Ilir Meta, ndërsa Ralf Gjoni e ka propozuar si kryeministre në vendin e Ramës. Ndërkohë që tre deputetë kanë shkelur aktin normative duke u shfaqur pa maska në Kuvend.
Featured image of article: Miratohen 6 projektligje në Kuvend/ Maliqi kërkon llogari për krimin në vend, Lleshaj: Shijoni paratë e djemve ‘problematikë’ e shani Policinë. Spiropali akuzon Metën për misogjeni, Gjoni e propozon si kryeministre ‘teknike’ Pamje nga Kuvendi sot

TIRANË– Përplasje të forta në Kuvend mes deputetëve të opozitës dhe maxhorancës. Seanca ka filluar me debate mes ministrit të Bredshëm, Sandër Lleshajt dhe deputetit Lefter Maliqi. Ministri është thirrur në interpelancë për të diskutuar situatën kriminale në vend, ku Maliqi i ka kërkuar llogari lidhur me kultivimin e kanabisit në vend. Deputeti tha se kryeministri Edi Rama po e përdorte ministrin, duke e paralajmëruar se do të kishte fatin e paraardhësit të tij, Saimir Tahiri. 

Lleshaj iu kundërpërgjigj duke u shprehur se treguesi i krimit në vend është në nivelin më të mirë historik duke shtuar se është e papranueshme sipas tij të bëhet politikë mbi krimin kundër policisë. Gjatë fjalës së tij, në foltoren e Kuvendit, Lleshaj i ka kërkuar deputetit Maliqi që t’i nënshtrohet Vettingut në Polici, edhe pse i larguar nga strukturat për të sqaruar edhe dy largimet e tij nga “blutë” e vendit. Maliqi iu kundërpërgjigj duke u shprehur se është larguar njëherë për arsye politike dhe herën tjetër ishte larguar pasi kishte pushuar nga detyra një efektiv të lidhur me krimin. 

Në foltore është diskutuar edhe lidhur me projekligjin për mbrojtjen nga diskriminimi, ku fjalën e ka marrë ministrja Elisa Spiropali, e cila duke përdorur gjuhë urrejtje ndaj presidentit Ilir Meta, e ka akuzuar për misogjeni. Spiropalit deputeti Ralf Gjoni i ka premtuar se do të përmendë çdo herë që kryeministri Edi Rama përdor gjuhë diskriminuese duke propozuar shkarkimin e Metës dhe dorëheqjen e Ramës. Gjoni u shpreh dakord për zëvëndësimin e dy prej figurave më të larta të shtetit me gra socialiste. Duke kërkuar kështu një “qeveri teknike” para zgjedhjeve. Ndërkohë që në rend dite është interpelanca me kryeministrin Edi Rama që është kërkuar nga deputetët Vasil Sterjovski dhe Ligoraq Karamelo, për mbrotjen e minoriteteve në Shqipëri, mirëpo kreu i qeverisë nuk ka qënë prezent në Kuvend.

Për më shumë bëhu pjesë e grupit më viral në Facebook, Dosja.al

Në fund të seancës janë miratuar 6 projektligje një prej tyre heqja e tatim fitim për biznesin  me xhiro nga 0-14 mln lekë dhe heqja e TVSH për biznese me xhiro nga 0-10 mln lekë (deri tani pragu i tvsh ishte 2 mln).  Me shumicë votash ka kaluar projektligji për sistemin e taksave vendore; për tatimin mbi vlerën e shtuar në RSH; për mbrojtjen nga diskriminimi; për masat ndaj dhunës në marrëdhëniet familjare; për metrologjinë dhe për mënyrën e përdorimit dhe kontrollin e mjeteve lundruese, turistike e të kënaqësisë, me motor me fuqi mbi 30 kv ose 40.8 kf dhe tonazh nën 150 GT.

Ndërkohë që sot ka hyrë në fuqi akti normative për mbajtjen e maskës me detyrim në ambientet e hapura. Deputetët Arlind Çaçani, Lefter Maliqi dhe Selami Jenisheri janë “rebeluar” ndaj urdhërit të lëshuar nga qeveria, duke u shfaqur pa maskë në Kuvend.

(j.v.k.m/dosja.al)

  • 13:47

    “Nuk mund të bëhet politikë me sëmundjen”/ Manastirliu: Mbajtja e maskave është një hap për të kufizuar përhapjen e virusit

    Ministrja e Shëndetësisë, Ogerta Manastirliu tha sot në seancën e Kuvendit se mbajtja e maskave është një hap për të kufizuar përhapjen e virusit. Ajo theksoi se nuk mund të bëhet politikë me virusin.

    “Mbajtja e maskave është një hap për të kufizuar përhapjen e virusit. Maska, distacimi social dhe higjena janë e rregullat kryesore. Sot në parlament po bëhej politika e ditës me virusin. Konteksti është i qartë, kush nuk do të shohë qartë e përdor këtë situatë për politikë. Edhe ata që janë jashtë kërij parlamenti flasin edhe me lapsuese. Kjo është një luftë e të gjithë qytetarëve shqiptare, dhe në këtë mënyrë po shmangin një mbyllje të dytë. Jam sot shumë e kënaqur që kam parë që qytetarët po mbajnë maska, dua që kjo gjë të vijojë edhe në ditët e ardhshme. Ne e kemi mirëmenaxhuar këtë situatë. Qëllimi ynë është që qytetarët të marrin shërbimin shëndetësor që meritojnë. “, u shpreh ministrja.

  • 12:55

    “Meta po flet me një gjuhë urrejtjeje”/ Spiropali përplaset me Gjuzin: Nuk e kemi zgjedhur ne Presidentin. Deputeti: Edhe Rama na ka diskriminuar

    Elisa Spiropali

    Ministrja për Marrëdhëniet me Parlamentin, Elisa Spiropali në seancën e sotme në Kuvend foli për ndryshimet dhe shtesa në ligjin për mbrojtjen nga diskriminimi, ku mori shembull Presidentin Ilir Meta.

    Spiropali tha se vetë Meta dhe institucioni i Presidencës ka sulmuar me gjuhë urrejtje, por theksoi se ajo nuk ndikohet apo diskriminohet. Menjëherë ka reaguar Kujtim Gjuzi, i cili i ka theksuar Spiropalit se edhe kryeministri Edi Rama ka diskriminuar deputetët e opozitës së re.

    Debati: 

    Elisa Spiropali: Një gjuhë ndaj diskriminimit gjinor, e gjen nga Presidenti i Shtetit. Unë jam një ministre, grua, nënë që jam përballur me atë që luan rolin e institucionit të Presidentit. Jo vetëm zëdhënësi, grupi afër tij apo partia që ka degraduar, por vetë Presidenti përdor gjuhë urrejtje. Nuk është puna për mua, dhe di të mbrohem, nuk më heshtin dhe intimidojnë. Është puna e shembullit që jep Presidenti për gratë, vajzat dhe qytetarët që duan të kenë institucione të rregullta, që mos përdorin gjuhë misogjene, seksiste diskriminuese. Si ka mundësi të bjerë në nivele të tilla jo vetëm komunikimi i Presidentit, por institucionit, jo vetëm Ilir Metës por edhe zëdhënësve. Në ’99 jam larguar nga Shqipëria kur Ilir Meta dhe kryetarja e LSI vidhnin votat në FRESSH dhe PS, unë jam larguar me bursë të plotë nga Shqipëria, dhe jo me paratë e babait në Londër. Duhet theksuar, se s’mund të guxojë një njeri që ka marrë peng në gjithë vendi jo vetëm Presidencën. Të lexojë konventat, bashkë me ata që kanë dalë mendsh. E kanë nga dëshmërimi. Ne do luftojmë, po luftojmë dhe do luftojmë për një Shqipëri europiane, reformën në drejtësi, që qytetarët të kenë të drejta të barabarta. Do luftojmë për trashëgiminë kulturore dhe historike. Nuk na mposhtin dot. Qytetarët që na votojnë nuk janë mesjetarë.

    Kujtim Gjuzi: Nuk ka shanse të ketë më çizme, bojë, zhavorr. Edhe kryeministri na ka diskriminuar ne. Korrektoni kryeministrin dhe hapni vendet për minorancat. Nuk keni shanse ta merrni. Një nga imamët e Shqipërisë mbahet në regjimin 41-bis. Keni 25 mandate të vjedhura dhe thoni që do merrni sërish pushtetin.

    Elisa Spiropali: Zoti Gjuzi. Ne nuk e kemi zgjedhur presidentin e Republikës se nëse do të kishim votat për të zgjedhur një president do të zgjidhimin një tjetër. Ai është zgjedhur me votat e tij. Përsa, i përket diskriminimit dhe fjalën që e përdorni shumë shpesh, duhet të themi që është shumë e rëndë. Ka edhe kategori njerëzisht që mendojnë edhe mund të shkatërrojnë komunikimin politik. Politika nuk është guhë e urrejtjes. Është një vend ku paraqiten alternativa. Nuk mundet që fëmijët e këtij vendi të dëgjojnë këtë gjuhë. Të rinjtë ikin pasi nuk mund të dëgjojnë një njeri në krye të shtetit me atë gjuhë.

  • 12:44

    PROPOZIMI i Ralf Gjonit: Rama të japë dorëheqjen, të zëvëndësohet me një grua. Zonja Spiropali zijeni ju vendin e tij

    Deputeti Ralf Gjoni ka bërë një propozim nga Kuvendi i Shqipërisë. Pas fjalës së Spiropalit kundër gjuhës së urrejtjes që ajo pretendon se ka marrë nga presidenti Ilir Meta, Gjoni ka propozuar që edhe kryeministri Edi Rama, mos të përdorë më një gjuhë të tillë. Ai ka kërkuar shkarkimin e Metës dhe Ramës, dhe zëvëndësimin e tyre nga gra.

    “Thuhen kaq shumë të pavërteta, nëse keni problem me presidentin. Shkarkojeni dhe zëvëndësojeni me një grua socialiste. Kërkojini dhe kryeministrit tuaj që është një nga diskriminues. Ftojeni Ramën që të japë dorëheqjen, të zëvëndësohet me një grua dhe zonja Spiropali jam shumë dakord që ta zini iu vendin e tij. “Thuhen kaq shumë të pavërteta, nëse keni problem me presidentin. Shkarkojeni dhe zëvëndësojeni me një grua socialiste. Kërkojini dhe kryeministrit tuaj që është një nga diskriminues. Ftojeni Ramën që të japë dorëheqjen, të zëvëndësohet me një grua dhe zonja Spiropali jam shumë dakord që ta zini iu vendin e tij. Unë jam dakort që ju Spiropali të jeni kryeministrja e rradhës dhe jo të talleni ta bëni këtë një debat mes jush dhe presidentit,”-tha Gjoni,”-tha Gjoni.

  • 12:37

    “Jam grua dhe nënë që jam sulmuar nga presidenti”/ Spiropali i sulet Metës nga Kuvendi: Mua s’më mundin dot, ne na quajnë “kukulla”

    Ministrja e Marrëdhënieve me Kuvendin, Elisa Spiropali ka folur lidhur me projekligjit për mbrojtjen nga diskriminimi. Spiropali nga foltorja e Kuvendit ka përmendur replikat e presidentit Ilir Meta ndaj saj, duke shtuar se është shembulli më i mirë i gjuhës së urrejtjes. Edhe pse vetë e shkeli gjithë thelbin e fjalimit të saj kundër gjuhës së urrjetjes, duke i cilësuar të gjithë personat pranë presidentit Meta “të dalë mendsh”, sërish ministrja ka kërkuar që politikanët të ndjekin rregullat e përcaktuara në Konfenta.

    “Jam grua dhe nënë që jam sulmuar nga presidenti i republikës. Jo vetëm zëdhësi i tij zyrtar, por edhe vetë presidenti përdor gjuhë urrejtje. Nuk është puna për mua personalisht, se mua nuk më mundin dot, por është puna e shembullit që jep presidenti. Mos të përdorin gjuhë misogjene dhe seksiste. Çfarë shembulli është ky?,”-tha Spiropali.

    PJESË NGA FJALA E SPIROPALIT: 

    Jam grua dhe nënë që jam sulmuar nga presidenti i republikës. Jo vetëm zëdhësi i tij zyrtar, por edhe vetë presidenti përdor gjuhë urrejtje. Nuk është puna për mua personalisht, se mua nuk më mundin dot, por është puna e shembullit që jep presidenti. Mos të përdorin gjuhë misogjene dhe seksiste. Çfarë shembulli është ky? Si ka mundësi që të bjerë në nivele të tilla komunikimi por edhe institucioni. Kjo s’më përket mua. Jam larguar nga Shqipëria në ’99 kur Meta dhe Kryemadhi vidhinin votat në FRESSH për të zhvatur Shqipërinë. Kam ikur me bursë të plotë, jo me paratë e babait në Londër. Është diferencë e madhe dhe duhet theksuar. Nuk duhet të thyjë çdo konventë dhe kod moral. T’i mbledhë edhe ata që ka rreth që kanë dalë mendsh. E kanë nga dëshpërimi. Do luftojnë që të kenë të drejta të barabarta. Ky është problemi që kanë me ne. Nuk na mposhtin dot se shqiptarët nuk janë mesjetarë, janë ata. Jo vetëm gratë që rëndom i quajnë “kukulla”, godasin barazinë gjinore. Se ka gra këtu, kanë punuar. Kemi barazi të plotë dhe këtu në qeveri. Kjo është arritja jonë dhe nuk mund ta zhbëjnë ata. Më 25 prill do ta marrin përgjigjen edhe për gjuhën e tyre.

  • 10:47

    Maliqi- Leshajt: Jam larguar se denoncova drejtorin e lidhur me krimin. Herën e dytë u largova për politikën.

    Deputeti Lefter Maliqi, i është përgjigjur Ministrit Lleshaj i cili i ka përmendur disa ngjarjeve në Rrëshen, që lidhen me periudhën kur Maliqi ka shërbyer në këtë zonë si punonjës i policisë. Ai ka treguar arsyet e largimit të tij dy herë nga policia, ndërsa ka thënë se uron që mos të  fatin e Saimir Tahirit. “Një me syze nuk e mposht dot atë që ka sytë si shqiponjë. Në Mirditë, po është e vërtetë që jam kërcënuar nga Agim Pepa dhe e kam arrestuar në bashkëpunim me forcat e policisë së Lezhës. Agim Pepa që vrau komisar Malushin, që bashkëpunonte me drejtues të policisë së sot është me burgim të përjetshëm. Jam larguar nga policia dy herë, pasi kam denoncuar një drejtor policie të lidhur me mafien dhe me krimin dhe u dënua 7 vjet, me kërkesën time. Jam larguar në 2005 sepse ju futa politikës me kërkesën time. Kur të duash, herën tjetër t’i bie dy shkresat që kam ikur me kërkesën time. Nuk do të merrem me rezultatet po ju them zoti Ministër, jeni mirë, rrini urtë, ishalla ju mbajnë, ju ka prishur karrigia shumë. Nuk po merrem kur ke qenë komandant i regjimentit, u ke dhënë tre vëllezërve të tu tre ish-reparte ushtarake, i ke privatizuar në Marikaj, Vorë dhe depo uji në Kamëz, apo ndonjë shtëpi në Lalëz. Kur të duash Ministër, me ato që ke aty, ndonjë drejtues ta ka marrë në makinë peng ai Agim Pepa. Rri urtë se nuk je i zoti të drejtosh Rrëshenin, as Lezhën, as Ministrinë. Nuk të pyet drejtori i përgjithshëm, nuk të pyet sekretari i përgjithshëm, të kanë mbajtur një ministër kukull. Uroj të mos kesh fatin e Saimir Tahirit”, tha Maliqi.

  • 11:30

    “Rama është gaforre, ndryshon mendje shpesh”/ Ralf Gjoni kundër mbajtjes së maskës: Unë e vura gjithë vitin dhe më zuri COVID-i, qeveria do të përballet me inatin e popullit

    Ralf Gjoni: “Më vjen keq që Rama po e bën sport kombëtar politikën e tij, duke vënë minimasa për t’u hedhur hi shqiptare, në një moment që ne do të përballemi me një krizë globale. Kjo është një krizë e paprecedentë, që nuk lidhet vetëm me një krizë globale, por me çdo hallkë të ekonomisë. Kemi probleme në strukturë. Mirë bëni që hiqni taksat deri në 8 milionë lekë. Më shqetëson që Rama nuk ka asnjë plan ekonomik për të menazhuar krizën, për të mbështetues biznesin e vogël. Nuk kam dakord me Hysenin e cila thotë se maska duhet mbajtur. E kam mbajtur gjatë gjithë vitit dhe prapë më zuri COVID-i. Rama merr vendime pa u konsultuar me ekspertët mjeko-ligjorë. Është gafore, prandaj ndryshon mendje.  Madje vendos edhe gjoba, do të përballemi me inat popullor, prandaj ai kërkon fabula. A e dini pse Rama është më i aftë për politikë se Basha, ilir Meta dhe Sali Berisha? Sepse ai është piktor dhe krijon fabula.  Sa malet i tha Meta Saliut për ditëlindje, edhe 10 vjet të tjera në kuriz të shqiptarëve. ERama hap sherr me Ilir Metën, mban fjalë tek asambeja dhe flet për  Ilir Metës. Na lodhët ka ardhur koha që të largoheni nga politika. Meta duhet të dorëhiqet nga posti i presidentit , dhe Rama të dorëhiqet para zgjedhjeve.

  • 11:26

    “Uroj të mos kesh fatin e Tahirit/ Maliqi përplaset me Lleshajn: Rama po të përdor, keni mbushin policinë me militantë

    Në seancën e sotme plenare ministri i Brendshëm Sandër Lleshaj u përfshi në një debat me deputetin Lefter Maliqi, sa i përket krimit në vend. Lleshaj gjatë fjalës së tij i tha deputetit se di shumë gjëra dhe nuk janë mirë që të bëhen publike, duke i kujtuar dhe kohën kur ka qenë polic në Rrëshen.

    Dola këtu dhe lexoja në respekt për ata që dëgjojnë, dola me letër në shenjë përgjejgësie. Në ndërhyrjej tuaj të dytë u përpoqa që të shënoja ndonjë gjë, por je aq kreativ sa nuk kapesh dot. Nga makina, tek Vettingu, tek Rrësheni. Po Rrëshenin besoj se e njeh mirë, ke shërbyer disa kohë atje, të palavdishme, dhe shpresoj që të mos bëhen publike ato ndodhi aty se do u pengojnë që të dilni në këtë foltore”, tha ministri.

    Ndërsa, Maliqi tregoi se është kërcënuar dy herë nga një kriminel në Rreshen dhe shtoi se nga Policia është largur dy herë me kërkesën e tij. Ai i theksoi ministrit se uron që të mos ketë fatin e Saimir Tahirit, pasi po përdoret nga Rama.

    Një me syze nuk e mposht dot ata që i ka sytë pish si shqiponjë. Për Mirditën, po është e vërtetë që jam kërcënuar nga Agim Pepa, që më pas e kam arrestuar me forcat e Policisë së Lezhës dhe tani ai është në burgim të përjetshëm. Është e vërtetë që jam larguar dy herë nga Policia e Shtetit, njëherë se denoncova një drejtor policie që ishte lidhur me mafien dhe u dënua 7 vjet, dhe herën tjetër se ia jam futur politikës. Fllusk sapuni, krimi është bërë njësh me politikën dhe drejtuesit e policisë, ju ka prishur makina luksoze dhe privilegjet dhe ju bën aq të mos ta keni mendjen, kur rroga juaj pa llogaritur dieta shkon 4 fish, ndërkohë që policët marrin 300-500 mijë lekë dhe as dietat nuk i marri. Me makinën tënde mund të ishin blerë shumë dron dhe nuk ishte nevoja që policët të shkonin në male. Kur ndodhi krimi në Malësinë e Madhe çuan 50 polic, 500 çuat te naftëtarët e Ballshit, 1000 të Teatrit. Ju vajtët me Ballën në Elbasan, na bëtë show, ditën tjetër vrasje. Keni mbushin policinë me militant, për ca e përdoni policinë, për të arrestuar të varfër. Po të përdor aq keq sa mos paç fatin e Tahiri”, tha Maliqi. ”, u shpreh deputeti.

  • 11:22

    ‘Rama është gaforre, e ndërron mendjen si me hënë’/ Ralf Gjoni në versionin “alla Meri Shehu” në Kuvend, i pret “ditën e vdekjes” Sali Berishës: Edhe 10 vite…

    Deputeti i opozitës, Ralf Gjoni ka kundërshtuar vendimin e qeverisë për mbajtjen e maskave me detyrim në publik. Gjoni mori rastin e tij duke u shprehur se maskën e ka mbajtur gjithë kohës por megjithatë u infektuar nga pandemia në fund të korrikut. Më pas, Gjoni “alla Meri Shehu”, studoi shenjën e zodiakut të kryeministrit, duke i “prerë” edhe ditën e ndarjes nga jeta ish-kreut të qeverisë, Sali Berisha. Sipas Gjonit, Berisha do të jetojë edhe 10 vite.

    “Unë e kam mbajtur maskën gjithë vitit. Prapë më zuri COVID-i në korrik. Kush e mori këtë vendim për maskat? Kë pyeti Rama? E ndërron mendjen si me hënë, është gaforre e ndërron mendjen si me hënë. Ky është i paparë. Ky po përballet me popullin. Do përballeni me inat popullor. A doni ta dini pse Rama është më i aftë se Meta dhe Berisha për pushtet? Sepse është piktor i mirë, pikturon fabula imagjinare. Berisha ka edhe ditëlindjen sot. Sa malet i tha Meta, sa malet edhe 10 vite të tjera në kurriz të shqiptarëve,”-tha Gjoni në fjalën e tij.

  • 11:17

    “Mirëmengjes kryeministër…Fino”/ Ralf Gjoni “ngatërron” kreun e qeverisë: Respekt për ju…!

    Deputeti Ralf Gjoni ka “ngatërruar” kryeministrin e Shqipërisë në vend. Në fjalën e tij në foltore, Gjoni përshëndeti deputetin socialist Bashkim Fino, duke shprehur vlerësimet e tij në kohën si kryetar qeverie. 

    “Mirëmengjes kryeministër…Fino. Respekt për ju si kryeministër dhe për kohën tuaj,“-tha në fjalën e tij deputeti i opozitës. 

  • 10:47

    Maliqi- Leshajt: Lam larguar se denoncova drejtorin e lidhur me krimin. Herën e dytë u largova për politikën

    Maliqi- Leshajt: Lam larguar se denoncova drejtorin e lidhur me krimin. Herën e dytë u largova për politikën.

  • 10:44

    REPLIKAT ME MALIQIN, ministri Lleshaj i bën ftesën nga foltorja: Futju Vettingut, pse u larguar dy herë nga Policia e Shtetit?

    Ministri i Brendshëm, Sandër Lleshaj ka sfiduar deputetin Lefter Maliqi që t’i nënshtrohet Vettingut për të sqaruar dhe arsyet se përse dy herë është larguar nga Policia e Shtetit. Më tej në fjalën e tij, Lleshaj i ka kërkuar që në interpelancë të paraqesin shifra.

    PJESË NGA DISKUTIMET:

    Sandër Lleshaj: Rrëshenin e njeh mirë. Ke shërbyer ca kohë atje, të palavdishme. Uroj që historitë e Rrëshenit të mos bëhen publike se do të frenojnë daljet në foltore nëse do dihen ashtu siç i di unë. Kanë qenë kohë pa lavdi. Meqënëse ra fjala tek Vettingu. Ju si ish-punonjës përfitoni një Vetting gratis. Se dhe do flasim personalisht. Iu rekomandoj ta bëni dhe t’i thoni shqiptarëve pse jeni larguar dy herë nga Policia e Shtetit. Shifrat në bëjnë të besueshëm. Se fantazi bën kushdo këtu.

    Ruçi: Iu lutem zoti ministër, duhet të jemi rigoroz me kohën.

    Sandër Lleshaj: I kemi të shkruara, fjalët i merr era dhe e shkruara mbetet. I kemi për të qënë të kapshëm publikisht.

  • 10:47

    “Jeni të paaftë”/ Lleshaj- Maliqit: Ata që në darkë shijojnë paratë e djemve që merren me drogë, në mengjes shajnë policinë

    Gjatë interpelancës me deputetin Lefter Maliqi, ministri i Brendshëm Sandër Lleshaj deklaroi se niveli i treguesve të krimit në vend është në nivelin më të mirë historik. Ministri theksoi se është papranueshme sipas tij të bëhet politikë mbi krimin kundër policisë. Lidhur me vrasjen e dy të rinjve në Malësinë e Madhe para disa ditësh, ministri i Brendshëm iu përgjigj opozitës, duke theksuar se duhet të heshtin pasi i cilësoi “të djegur”.

    “Nuk kemi ndonjë njollë të rrezikshme ku nuk rekomandohet kalimi, ndërkohë që njolla të tilla ka në shumë shtete europiane, meritë e shtetasve shqiptarë dhe kontribut i shtetit shqiptar. Drejtimi i gishtit vetëm te policia është në rastin më të mirë dashakeqësi. Krimi është fenomen social e përballë të tij kanë detyra të gjithë. E pandershme që ata që në darkë shijojnë me koshiencë paratë e ardhura nga djemtë që u merren me drogë në mëngje mallkojnë policinë për rrugën e mbrapshtë që u kanë dhënë vetë atyre. Policia jo tabelë qitje për zbrazjen e mllefeve dhe frustrimeve të akumuluara, nuk na duhet politikë mbi krimin kundër policisë, keq përdorimi i ngjarjeve kriminale për teza elektorale është thjesht i papranueshëm. Dy të rinj u ekzektuan më Malësi të Madhe për shkak të kultivimit të kanabisit, prandaj 25 prilli është dita kur Rama të lajë borxhin e hakun e dhimbjes që u ka shkaktuar shqiptarëve e familjeve të tyre”, tha Lleshaj.

  • 10:30

    Vrasja e dy të rinjve në Malësinë e Madhe/ Maliqi i kërkon llogari Lleshajt: Çfarë do na thoni? Kjo është një paaftësi

    Seanca e sotme në Kuvend ka nisur me interpelancën e  thirrur nga deputeti Lefter Maliqit me ministrin e Brendshëm, Sandër Lleshaj. Deputeti i ka kërkuar llogari Lleshajt për  vrasjen e dy të rinjve në Malësinë e Madhe. Po kështu ai i ka kërkuar llogari ministrit edhe për kultivimin e drogës në vend.

    “Ngushëllime për shkak të paaftësisë së parandalimit të policisë në fushën e krimit, ç’mund të na thoni për kriminalitetitn, ndërkohë që Çela po thotë se krimi ka pushtuar qytetin e Elbasanit, për vrasje makabër në Lushnje e Shkodër, për problemet e drogës, ku dy ditë më parë u kapën 1.2 ton drogë. Vrasjen që u bë në Malësinë e Madhe, por ç’mund të na thoni edhe për parcelat me drogë, kur s’kemi marrë asnjë masë po policët. Ç’mund të na thoni për Vettingun skandaloz në Polici, për veprimet e OFL-së dhe veprimet e tyre të famshëm apo për policinë shtetërore”, tha Maliqi.

  • 10:12

    Nuk respektojnë vendimin/ Arlind Çaçani, Lefter Maliqi dhe Selami Jenisheri pa maskë në kuvend

    Arlind Çaçani

    Pavarësisht se ditën e sotme ka hyrë në fuqi vendimi për mbajtjen e detyruar të maskave,  disa deputetë të opozitës nuk e kanë respektuar këtë vendim të ri të qeverisë. Një nga deputetët që është shfaqur pa maskë në ambientet e jashtme të kvuendit është Arlind Çaçani.

    Po kështu pas maskë kanë shkuar sot në Kuvend edhe deputetët Lefter Maliqi dhe Selami Jenisheri. Ndërkohë Lefter Maliqi ka deklaruar se mbajtja e maskës është një vendim i Ramës për të shmangur vëmendjen nga krimi dhe droga që kanë pushtuar vendin. “Nuk respektoj urdhrat që jepen për t’u vendosur gjobë qytetarëve”, tha Maliqi.

Shto Koment