Aktualitet

Anti-KÇK nis me Altin Hajrin, OFL sekuestron ‘Golden’ në Shijak, tre shtëpi dhe një pikë karburanti/ 200 emra në sitë, SPAK dhe GJKKO vrullshëm në punë

  • Dalin PAMJET e operacionit KÇK/ OFL me maska e armë ‘rrethojnë’ pronat e Hajrit
  • Efektivët e “Operacioni Forca e Ligjit” nisën punën nga Shijaku. Sekuestrohet kompleksi "Golden", tre shtëpi dhe pika e karburantit “Alti Oil 2008” në pronësi të Altin Hajrit. Detajet do t'i dorëzohen SPAK-ut,  i cili duhet të shprehet për 15 ditë dhe po  kaq edhe gjykata.
    Featured image of article: Anti-KÇK nis me Altin Hajrin, OFL sekuestron ‘Golden’ në Shijak, tre shtëpi dhe një pikë karburanti/ 200 emra në sitë, SPAK dhe GJKKO vrullshëm në punë Altin Hajri dhe grupi anti-KÇK

    SHQIPËRI- “Anti KÇK” ka nisur sot punën duke zbritur në terren. Lufta anti-KÇK ka nisur punë nga kompleksi “Golden” në Shijak.  

    Altin Hajri është në kërkim për pengmarrjen dhe vrasjen makabre të Jak (Jani) Prengës më 17 janar por efektivët e “Operacioni Forca e Ligjit” kanë zbarkuar në Shijak dhe i kanë sekuestruar  kompleksin. Bashkë me “Golden” në sekuestro janë edhe tre shtëpi në emrin e tij dhe pikën e karburantit “Alti Oil 2008”.

    Sekuestrimi i pasurisë në këtë rast parashikohet në nenin 19 të ligjit Anti-KÇK që vjen drejtpërdrejt nga Policia e Shtetit pasi konsiderohet si rast emergjence. Mësohet se dosja për hetim ka kaluar menjëherë në Prokurorinë e Posaçme gjithashtu e njohur si SPAK.

    Pasi SPAK të përfundojë hetimet, të gjitha të dhënat do t’i kalojnë për gjykim Gjykatës Kundër Krimit të Organizuar dhe Korrpsionit për të shqyrtuar provat. Nga momenti që dosja do të bjerë në dorën e gjyqtarëve, GJKKO-ja do të ketë vetëm 15 ditë kohë për të marrë një vendim.

    Për më shumë bëhu pjesë e grupit më viral në Facebook, Dosja.al

    Deri më tani në duart e OFL-së kanë rënë 150 subjekte, ndërsa në total 250 të tilla od të duhet që të justifikojnë pasurinë e tyre.

    Ashtu siç deklaroi edhe një ditë më parë kryeministri Edi Rama teksa foli për “Anti KÇK-në”, sot do të shpërndahen formularët e parë për personat të cilët struktura e OLF-së ka dyshime se kanë vendosur pasurinë nga krimi.  Janë rreth 200 persona duhet që brenda 48 orëve të deklarojnë pasuritë e  tyre. Pasi të plotësojnë formularët, këta të fundit do t’i dërgohen  SPAK-ut,  i cili duhet të shprehet për 15 ditë dhe po  kaq edhe gjykata. Pra cikli, pa llogaritur apelin në hapin e parë, mbyllet brenda muajit.

    Çfarë deklaroi Rama një ditë më parë?
    Kryeministri Edi Rama u shpreh se paketa “Anti KÇK” do ua bëjë jetën ferr kriminelëve.  Ai theksoi se Policia e Shtetit është e angazhuar si asnjëherë më parë në këtë nismë të re dhe kjo është një sprovë për SPAK. Kryeministri nënvizoi se prokurorët dhe gjyqtarët e korruptuar do të pezullohen brenda 3 ditësh. Kreu i qeverisë shtoi se çdo pasuri që nuk do të justifikohet do të sekuestrohet. Ndërsa për mjetet motorrike luksoze, ai u shpreh se do t’u vihen në dispozicion Policisë së Shtetit pasi kriminelët nuk meritojnë të hipin as mbi gomar.

    Disa ditë më parë qeveria miratoi aktin normativ kundër KÇK, që sipas saj është një paketë ligjore speciale dhe do luftojnë krimin e organizuar dhe pasurinë e tyre. Rama platformën anti KÇK e ka prezantuar gjatë vitit 2019 dhe ka thënë se do jetë një paketë ligjore kundër krimit. Sipas Ramës, ligji kundër KÇK-së do trondisë krimin dhe do arrijë të gjurmojë paratë e tyre. Por do jetë një mekanizëm ligjor, kundër njerëzve të drejtësisë që abuzojnë me detyrën pasi mund të digjen nga Vetting-u.
    (J.V;F.G/Dosja.al) 

    • 18:52

      https://dosja.al/shijaku-bionde/

      Dalin pamjet nga operacioni i parë anti-KÇK në Shijak në pronën e Altin Hajrit, i cili është shpallur në kërkim për pengmarrjen dhe vrasjen e Jak Prengës. 

      Ndryshe nga çdo operacion tjetër, kësaj herë njoftimi i plotë është lexuar nga një efektive bionde, e cila kishte vënë një palë syze të errëta për të mos e zbuluar identitetin e saj.

      “Dosja pasurore e shtetasit Altin Hajrit do t’i kalojë menjëherë SPAK-ut dhe në jo më shumë se 15 ditë SPAK duhet t’ja dërgojë GJKKO-së,e cila ka 15 ditë kohë për të konfirmuar ministrisë. Ministria e Brendshme do të vendosë për shfrytëzimin ose rrëzimin e këtij objekti. Policia e Shtetit është e vendosur që në bashkëpunim me SPAK dhe me agjensitë e tjera ligjzbatuese ta çojë dëri në fund këtë operacion jetik me interes të madh kombëtar dhe ndërkombëtar,”-lexoi ndër të tjera efektivia.

    • 15:42

      Anti-KÇK/ OFL-të 'zhbirolojnë' kompleksin 'Golden' në Shijak, Altin Hajrit i sekuestrohen edhe 3 shtëpi dhe 1 pikë karburanti. GJKKO vetëm 15 ditë kohë për një vendim

      Pamje nga kompleksi “Golden”

      Altin Hajri është në kërkim për pengmarrjen dhe vrasjen makabre të Jak (Jani) Prengës më 17 janar por efektivët e “Operacioni Forca e Ligjit” kanë zbarkuar në pronën e tij në Shijak, “Golden”.  Ligji Anti-KÇK ka sekuestruar kompleksin “Golden” pranë Shijakut, tre shtëpi në emrin e tij dhe pikën e karburantit “Alti Oil 2008”. Sekuestrimi i pasurisë në këtë rast parashikohet në nenin 19 të ligjit Anti-KÇK që vjen drejtpërdrejt nga Policia e Shtetit pasi konsiderohet si rast emergjence. Mësohet se dosja për hetim ka kaluar menjëherë në Prokurorinë e Posaçme gjithashtu e njohur si SPAK.  Pasi SPAK të përfundojë hetimet, të gjitha të dhënat do t’i kalojnë për gjykim Gjykatës Kundër Krimit të Organizuar dhe Korrpsionit për të shqyrtuar provat. Nga momenti që dosja do të bjerë në dorën e gjyqtarëve, GJKKO-ja do të ketë vetëm 15 ditë kohë për të marrë një vendim. Deri më tani në duart e OFL-së kanë rënë 150 subjekte, ndërsa në total 250 të tilla od të duhet që të justifikojnë pasurinë e tyre. 

    • 13:28

      LAJM I FUNDIT/ Me FOTO, super-policat e OFL-së rrethojnë kompleksin GOLDEN në Shijak, kështjella e luksit në sitën e "anti-KÇK"

      Dosja.al sjell pamjet nga kontrolli që po zhvillohet në Kompleksin ‘Golden’ në Shijak, aty ku efektivët e Operacionit Forca e Ligjit, kanë zbarkuar për të ushtruar kontrolle. Altin Hajri, është një nga 200 subjektet që është pjesë e paketës ‘Anti KCK’. Hajri është një nga emrat që drejtoria e Policisë Durrës i ka dërguar Policisë Kriminale. Mësohet se në ambientet e këtij kompleksi, OFL po kryen kontrolle, një javë pasi u arrestuan anëtarët e fisit ‘Hajri’ për rrëmbimin dhe vrasjen e Jan Prengës.

    • 10:37

      OFL zbret në terren, drejtoritë e policisë japin emrat e të 'fortëve' të çdo qarku, ja kush është 'koka' e parë e madhe që do skanohet nga anti-KÇK

      Operacioni Forca e Ligjit bashkë me efektivët e përzgjedhur kanë nisur tashmë punën në kuadër të paketës “anti-KÇK”, ose siç njihet ‘Kap ça të kapësh’. Burime i thanë Dosja.al se 12 drejtoritë vendore të policisë, kanë dërguar në Policinë Kriminale një listë të detajuar me emrat që njihen si më problematikët dhe që dyshohet se pasuria e tyre ka si burim aktivitetin kriminal. Po të njëjtat burime thanë se një ndër emrat e listës është Altin Hajri, pronari i ‘Golden’ në Shijak, i shpallur tashmë në kërkim për rrëmbimin dhe vrasjen e Jan Prengës, ngjarje e ndodhur më 17 janar. Lista me emrat do t’i dërgohet edhe SPAK që do të nisë gjithashtu verifikimet për këta persona, si dhe do t’ju kërkohet të provojnë burimin e pasurisë së tyre.

    Shto Koment