Aktualitet

Sot 76-vjetori i Çlirimit! 29 nëntori festohet larg, Rama s’i afrohet Metës, i lë pranë Ruçin. Kryeministri gabon me “vargjet”e Qemal Stafës: Jetë e re lulëzon gërmadhash!

Sot në 76-vjetorin e çlirimit të Shqipërisë, kryeministri Edi Rama, presidenti ilir Meta dhe kryetari i Kuvendit Gramoz Ruçi dhe ministrat e qeverisë kanë zhvilluar homazhe në varrezat e Dëshmorëve. Prej 7 prillit të vitit 1939 e deri më 29 nëntor të vitit 1944, Shqipëria ishte e pushtuar nga forcat fashiste.
Featured image of article: Sot 76-vjetori i Çlirimit! 29 nëntori festohet larg, Rama s’i afrohet Metës, i lë pranë Ruçin. Kryeministri gabon me “vargjet”e Qemal Stafës: Jetë e re lulëzon gërmadhash! Foto ilustruese

TIRANË– Dita e sotme shënon 76-vjetorin e çlirimit të Shqipërisë nga pushtuesit. Për shkak të pandemisë, janë zhvilluar homazhe vetëm tek , ku politikanët u shfaqën me maska dhe duke respektuar masat anti-COVID. Megjithatë as sot nuk pati asnjë shenjë afrimiteti mes kryeministrit Edi Rama dhe presidentit Ilir Meta, pasi të dy qëndruan larg njëri-tjetrit. Bashkë me ta në ceremoni morën pjesë edhe kryetari i Kuvendit Gramoz Ruçi, kryebashkiaku i Tiranës, Erion Veliaj, e ministret Olta Xhaçka e Elisa Spiropali. Pas tyre, nderimet i kreu edhe kryetarja e LSI-së, Monika Kryemadhi. Kjo e fundit u shfaq sërish në publik pa maskë.

Pas homazheve, presidenti Meta në një prononcim për mediat është shpreh se nuk ka asnjë debat për datat e çlirimit, pasi për të është vetëm 29 nëntori. Ai shtoi se të gjithë shqiptarët duhet të marrin fatin e tyre në dorë për ta bërë Shqipërinë një vend më të mirë.

Ndërsa kryeministri Edi Rama ka përkujtuar sot 76-vjetorin e Çlirimit me vargjet e Qemal Stafës, të cilat Rama i cilësonte si të mençura por gaboi. Por në fakt, vargjet janë recituar nga aktori Kastriot Çaushi në filmin “Qortimet e vjeshtës”, ku edhe luante rolin e Stafës. 

Prej 7 prillit të vitit 1939 e deri më 29 nëntor të vitit 1944, Shqipëria kishte qenë e pushtuar nga Italia fashiste dhe pas kapitullimit të saj, në vjeshtë të vitit 1943, Shqipëria pushtohet nga forcat gjermane.  Në fund të nëntorit 1944, pas Çlirimit të Tiranës, më 17 nëntor dhe pjesës kryesore të Shqipërisë së Veriut, mbetej te çlirohej qyteti i Shkodrës dhe qarku i tij. Shkodra u çlirua më 29 nëntor të vitit 1944, datë kjo e cila shënon ditën e çlirimi të Shqipërisë nga pushtimi gjerman.

Për më shumë bëhu pjesë e grupit më viral në Facebook, Dosja.al

Dje në 108-vjetorin e shpalljes së Pavarësisë, festa bëri bashkë në Vlorë presidentin e vendit, Ilir Meta, kryeparlamentarin Gramoz Ruçi dhe Kryeministrin Edi Rama, megjithatë asnjë prej tyre nuk tregoi shenja afrimi ndaj njëri-tjetri. Herët në mëngjes për ditën e Çlirimit ka uruar edhe ambasadorja amerikane Yuri Kim.

Prej 7 prillit të vitit 1939 e deri më 29 nëntor të vitit 1944, Shqipëria ishte e pushtuar nga Italia fashiste dhe pas kapitullimit të saj, në vjeshtë të vitit 1943, Shqipëria pushtohet nga forcat gjermane.  Në fund të nëntorit 1944, pas Çlirimit të Tiranës, më 17 nëntor dhe pjesës kryesore të Shqipërisë së Veriut, mbetej te çlirohej qyteti i Shkodrës dhe qarku i tij. Shkodra u çlirua më 29 nëntor të vitit 1944, datë kjo e cila shënon ditën e çlirimi të Shqipërisë nga pushtimi gjerman.

Dje në 108-vjetorin e shpalljes së Pavarësisë, festa bëri bashkë në Vlorë presidentin e vendit, Ilir Meta, kryeparlamentarin Gramoz Ruçi dhe Kryeministrin Edi Rama, megjithatë asnjë prej tyre nuk tregoi shenja afrimi ndaj njëri-tjetri. Herët në mëngjes për ditën e Çlirimit ka uruar edhe ambasadorja amerikane Yuri Kim.

(k.m./dosja.al)

  • 14:56

    “Lavdi Enver Hoxhës!”/ Komunistët nuk mungojnë as këtë 29 nëntor, shkojnë tek Varrezat e Dëshmorëve, vendosin lule dhe nderojnë me grusht

    Ditën e Çlirimit të Shqipërisë nuk kanë munguar as nostalgjiket e diktaturës dhe komunistët. Me portretin e diktatorit Enver Hoxha në duar dhe me pankarta ku shkruhej “Lavdi shqiptarit të madh Enver Hoxha” dhe “Rroftë Partia Komuniste Shqiptare”, ata kanë shkuar tek Varrezat e Dëshmorëve dhe kanë përshëndetur të rënët e luftës me grusht.

  • 12:42

    Dita e Çlirimit të Shqipërisë, Meta: S’ka debat për datën, 29 nëntori është fakt historik! Qytetarët të marrin fatet e tyre në duar

    TIRANË– Presidenti Ilir Meta, pas kryerjes së nderimeve pranë monumentit “Nëna Shqipëri” ka zhvilluar një prononcim për mediat duket folur edhe për debatin lidhur me datat. Në fjalën e tij, Meta u shpreh se nuk ka asnjë debat për datat, pasi për të është vetëm 29 nëntori për çlirimin. Ndërkohë që shtoi se të gjithë shqiptarët duhet të marrin fatin e tyre në dorë për ta bërë Shqipërinë një vend më të mirë.


    FJALA E METËS:

    Shqiptarët nuk e pranuan pushtimin, me qëndresën historike të Mujo Ulqinakut dhe shumë të tjerëve. E deri në ditën kur ushtria anti-fashiste shporri nga terrirori i vendit tonë edhe forcat më të fundit pa ndihmën e fuqisë së kuqe. Dha kontribut edhe përtej kufijëve duke rritur prestigjin dhe kontributin në këtë luftë të madhe që bëri të mundur edhe mbojtjen e sovranitetit të Shqipërisë. Ne sot përkulemi me nderim para Qemal Stafës, Vojo Kushit, Margarita Tutulanit që dhanë jetën për të lënë Shqipërinë një shtet të lirë dhe të pavarur. Tutulani i shkruante të vëllait “pse na duhet atdheu”, kur të rritesh do ta kuptosh por na duhet që të jemi të lirë. Sot është më e lehtë duhet të ketë më shumë angazhim. Duhet të jetë e mundur që të gjithë ata që kanë ikur të kthehen.

    A jemi të rritur politikisht për të dashur atdheun?

    Meta: Mendoj se populli shqiptar ka treguar se di të ngrihet mbi përçarjet dhe forcat që duan të shterin forcat pozitive. Jam optimist se shqiptarëve u duhet ndryshim. Do të marrin fatet në duar, nuk kanë nga të presin.

    Demokratët ishin dje, kur do t’i jepet debatit për datën?

    Meta: Për mua nuk ka debat për datat, është e provuar dhe argumentuar nga histografia. Nuk ka asnjë përpjekje që unë të eklipsioj LANÇ. Një pjesë e madhe e udhëheqësve të kësaj lufte u persekutuan gjithashtu, kishin qëllime të kundërta nga pushteti. Absolutisht ka qënë luftë e jashtëzakonshme që shpëtoi Shqipërinë nga ndarja. Edhe sot ka ligje që fajësojnë Shqipërinë si një vend sulmues. Falë atij gjaku ne shpëtuan shtetin tonë dhe në këtë drejtim duhet të jemi mirënjohës për atë epope të jashtëzakonshme.

  • 14:08

    Presidenti doli kundër ngritjes së komisionit për raportin e Dick Marty, Gjiknuri: Askush mos të shqetësohet, Meta synon të drejtojë opozitën

    VLORË– Deputeti i Partisë Socialiste, Damian Gjiknuri ka reaguar për deklaratat e Presidentit Meta në lidhje me miratimin e Komisionit Parlamentar për raportin e Dick Marty. Komentet e Metës, Gjiknuri i cilësoi si deklarata politike duke u shprehur se kreu i shtetit fliste si lideri i opozitës.

     “Po ka gjë antikombëtarme janë akuzat që ka ngritur Dick Marty për sakrificat e popullit të Kosovës, kështu që ata që janë të pastër dhe nuk kanë gjë që të fshehin, nuk kanë pse të shqetësohen për çfarë do të bëjë Komisioni Hetimor. Këto janë deklarata të karakterit politik. Ne e dimë shumë mirë që presidenti Meta nuk flet si president, fler si lider i një pjese të opozitës. Mbase synon të marrë dhe opozitën nën kontroll, kështu që të gjithë deklaratat e tij duhen marrë në kontekstin politik dhe nuk po i jap rëndësi. Kjo ditë meriton më shumë vëmendje. Iu uroj gjithë të mirat,”-tha Gjiknuri.

  • 11:21

    Yuri Kim uron ditën e Çlirimit me vargjet e Naim Frashërit: O atdhe! Më i dashur sa më s’ka…

    TIRANË-Ambasadorja e SHBA-së në Shqipëri, Yuri Kim ka uruar Shqipërinë për Ditën e Çlirimit me disa vargje nga poeti Naim Frashëri. Në një status që ka bërë në Twitter, ambasadorja i ka cilësuar këto vargje si frymëzuese dhe Naim Frashërin si një poet të madh.

    Statusi i Ambasadës Amerikane:Me këto vargje frymëzuese nga poeti i madh Naim Frashëri, ne nderojmë Ditën e Çlirimit të Shqipërisë!

    O atdhe! Më i dashur sa më s’ka. Më je nënë, më je motër, më je vlla. Nga ç’ka rrotull më i shtrenjti ti më je. Je më i miri nga çdo gjë që ka ky dhè.

  • 11:10

    E gjitha në të zeza! Monika Kryemadhi homazhe tek “Nëna Shqipëri”: Të rrënjosim pasionin dhe dashurinë për vendin

    Kryetarja e Lëvizjes Socialiste për Integrim, Monika Kryemadhi zhvilloi homazhe tek “Nëna Shqipëri” për 76-vjetorin e Çlirimit të vendit. Kryemadhi ka zhvilluar homazhe te varrezat e Dëshmorëve, por ajo që vihet re është se edhe këtë herë ka shkelur masat anti-COVID, pasi as ajo dhe as anëtarët e partisë së saj, nuk kanë vendosur maskë. 


    Është e rëndësishme detyra jonë si klasë politike, si gra dhe si nëna për të rrënjosur pasionin dhe dashurinë për vendin. Nëna Shqipëri është jeta e çdo shqiptari, është ditë që mos të bëjmë më gabimet që kemi bërë për të ringritur pasionin dhe dashurinë për vendin. Duhet pasur arsye dhe mirënjohje. Lavdi dëshmorëve!,”-u shpreh ajo.

  • 10:14

    Politika nderime tek “Nëna Shqipëri”, Veliaj rri në krah të Ramës, kryeministri shumë larg Metës, i lë Ruçin t’i “bëjë shoqëri”

    Politika  shqiptare ka vendosur kurora me lule tek “Nëna Shqipëri”. Të gjithë se bashku janë përulur para atyre që dhanë jetën për lirinë e vendit. Megjithatë nuk i kanë lënë pas “sherret” e tyre. Kryeministri Edi Rama i qëndron shumë larg presidentit Ilir Meta dhe diferenca dallohet qartë nga distanca që ka me kryebashkiakun Erion Veliaj.


    Ndryshe nga Rama, kryeparlamentari Gramoz Ruçi duket se nuk ka asnjë problem me kreun e shtetit dhe qëndron pranë tij.

  • 10:04

    Rama bëhet lëmsh! Vargjet e recituara i bën si të Qemal Stafës, Paloka i kap gabimin: Kështu është kur formimin ia dedikon Kinostudios “Shqipëria e re”

    Ish-deputeti Edi Paloka ka nxjerrë zbuluar një gabim të kryeministrit Edi Rama, mëngjesin e 76-vjetrit të Çlirimit të vendit. Me anë të një postimi në Facebook, Paloka shkruan se citimi që Rama nxorri si të Qemal Stafës, një varg të shkruar nga Friedrich Schiller në veprën “Wilhelm Tel”.

    Nuk ka faj Elisa qe Don Kishotin e shpalli veper te “folklorit shqiptar”…”skenderbeu” i saj (me i dituri dhe i lexuari i “rilindasve” ) e dika qe “Vilhelm Telin” e paska shkruajtur Qemal Stafa…Hajde merru me Gjicin pastaj. Kështu ështe kur edhe formimin kulturor ja dedikon Kinostudios “Shqiperia e re” të kohës së komunizmit,”-shkruan me ironi Paloka.

    Filmi
  • 9:25

    ‘E vjetra po shembet!’/ 76-vjetori i Çlirimit! Rama kujton vargjet e Qemal Stafës: Jetë e re po lulëzon gërmadhash…

    Edi Rama

    Kryeministri Edi Rama ka përkujtuar sot 76-vjetorin e Çlirimit të Shqipërisë me vargjet e Qemal Stafës. Përmes një statusi në Facebook, Rama shpërndau një foto të Qemal Stafës, krahas së cilës ishin shënuar fjalët e tij, të cilat numri një i qeverisë i cilëson si të mençura.

    E vjetra po shembet, kohët po ndryshojnë, një jetë e re po lulëzon gërmadhash,”-citon Rama.

    Qemal Stafa ishte bashkëthemelues i Grupit Komunist të Shkodrës, pjesëtar në takimin e themelimit të partisë, anëtar i Komitetit Qendror dhe sekretar politik i të rinjve.

Një Koment në “Sot 76-vjetori i Çlirimit! 29 nëntori festohet larg, Rama s’i afrohet Metës, i lë pranë Ruçin. Kryeministri gabon me “vargjet”e Qemal Stafës: Jetë e re lulëzon gërmadhash!

  1. Burrat e shtetit …turp ..turp ..edhe nje dit te shenuar rrin larg njeri tjetrit ..kto Mostra ke perfaqesojn ????Shqiptaret ?? Jo kurr …te till mostra zor se do i vin me ne krye kti populli …na vjen ndot kur i shohim e kur i degjojme ..mjer ky vend ne dor te kujt ka ren ..turp ..

Shto Koment