Politike

Skema e pensioneve, çudit Ahmetaj: Një 70-vjeçar në Shqipëri nuk quhet i vjetër

Arben Ahmetaj ka deklaruar së fundmi se në Shqipëri është rritur jetëgjatësia e njerëzve dhe sipas tij kur je 70-vjeç nuk quhesh i vjetër në moshë.
Featured image of article: Skema e pensioneve, çudit Ahmetaj: Një 70-vjeçar në Shqipëri nuk quhet i vjetër
Përditësuar:

Ish-ministri i Financave Arben Ahmetaj ka folur së fundmi në emisionin “Top Talk” në Top Channel për moshën e pensioneve.

Ai është shprehur se mosha e pensionit do të rritet vit pas viti me nga një muaj. Në këtë moment ish-ministri u ngacmua nga gazetari Dyrnjaja i cili tha se po shkojmë drejt  të 70-ave.

Menjëherë ndërhyri Ahmetaj i cili u shpreh se në Shqipëri nuk quhet më i vjetër një 70-vjeçar.

DEBATI: 

Gazetari:Ka një perceptim se “Skema e Pensioneve” është një gropë financiare që mund të na përpijë shtetin.

Ahmetaj: Kur kemi marrë përgjegjësinë e punës në 2013 realisht sistemi i pensioneve kishte risk rrëzimi. Sot me të gjithë atë reformë që bëmë tek pensionet u ul defiçiti. Deri më dje ka qenë 3.3% e GDP-së. Tani ky detyrim është ulur ka shkuar në 2.7% dhe do vazhdojë të bjerë avash avash.

Gazetari: Që do të thotë se kemi arritur moshën e daljes në pension.  Por kur do ta gëzojmë këtë pensionin se kjo është pyetja tani? Ne që do dalim në pension 70 apo 75 vjeç.

Për më shumë bëhu pjesë e grupit më viral në Facebook, Dosja.al

Ahmetaj: Mos fol pa shifra. Sot është 65 vjet për femrat dhe 67 për meshkujt. Pra do të ketë një rritje të moshës vit pas vit me muaj.

Gazetari: Ma sqaro këtë se duket sikur fshihet djalli në detajet, çdo të thotë  vit pas viti një muaj?

Ahmetaj: Pra vit pas viti do rritet një muaj mosha e pensioneve. Sot një 70-vjeçar në botë edhe në Shqipëri nuk quhet i vjetër.

Gazetari:  Më fal kjo është ironike, por kush do të punojë në moshën 70-vjeç?.

Ahmetaj: Jetëgjatësia mbizotëron sot në Shqipëri. (Lexo edhe këtë)

J.V/Dosja.al

Shto Koment