Aktualitet

SKANDALI/ Gjithë Tirana pa ujë, UKT justifikohet: Defekt në Bovillë… hesht bashkia

  • Defekt në linjën e Bovillës/ Zonat në Tiranë që ngelen pa ujë
  • Nga ana tjetër Bashkia e Tiranës nuk e ka marrë mundimin që të bëjë një reagim në lidhje me mungesën e furnizimit me ujë në kryeqytet. Bashkia ka zgjedhur të heshtë ndërkohë që prej më shumë se 7 orë Tirana është tharë për ujë.
    Featured image of article: SKANDALI/ Gjithë Tirana pa ujë, UKT justifikohet: Defekt në Bovillë… hesht bashkia Foto Ilustruese

    TIRANË– Tirana do të mbetet pa ujë deri në orën 19:00 të ditës së sotme. Dosja.al kontaktoi me zyrat e UKT-së të cilët u shprehën se mungesa e ujit në kryeqytet do të vijojë edhe për disa orë të tjera.

    “Ka ndodhur një defekt në në linjën e Bovillës dhe për pasojë të gjithë qytetarët e Tiranë skanë mbetur pa ujë ditën e sotme. Në orën 19:00 do të rikthehet furnizimi normal,”- shprehet UKT.

    Nga ana tjetër Bashkia e Tiranës nuk e ka marrë mundimin që të bëjë një reagim në lidhje me mungesën e furnizimit me ujë në kryeqytet. Bashkia ka zgjedhur të heshtë ndërkohë që prej më shumë se 7 orë Tirana është tharë për ujë.

    Për më tepër kjo situatë do të vazhdojë deri në orët e vona të pasdites së sotme.

    Për më shumë bëhu pjesë e grupit më viral në Facebook, Dosja.al

    Mëngjesin e sotëm, UKT ka bërë të njëjtin njoftim duke shkruar se në linjën e Bovillës ka ndodhur një defekt dhe si pasojë pjesa më e madhe e Tiranës do mbetet pa ujë.

    Ujësjellësi Tiranë dëshiron të njoftojë qytetarët se inxhinierët dhe grupet tona në terren po punojnë intensivisht për riparimin sa më parë të defektit të ndodhur”, thuhet në njoftim. 

    (f.m/dosja.al)

    Shto Koment