Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË- Rrufe në qiell të hapur. Kështu ishte deklarata e Bashkisë Tiranë që lajmëroi tërheqjen nga projekti i ndërtimit të Teatrit Kombëtar me Partneritet Publik Privat dhe njoftoi ndërtimin me lekët e buxhetit të shtetit. Edhe kundërshtarët më të flaktë të bashkisë nuk e besuan atë deklaratë. Të gjithë mbetën të shokuar, e më pas nisi euforia. Nga sheshi i teatrit ku për gati dy vite ka nisur një protestë (që siç thonë protagonistët: do mbyllet kur godina të mos jetë e rrezikuar nga shembja), nisi festa. Vetë protagonistët në media e më pas në deklartë zyrtare e quajtën fitore dhe një tërheqje të bashkisë. “Qeveria dhe Bashkia me një deklaratë të mekur pranuan dështimin për të çuar deri në fund projektin kriminal për të shembur Teatrin Kombëtar”, shkruhej në deklaratën e Aleancës për Mbrojtjen e Teatrit, e aktivistë të saj thonin se bashkia u tërhoq falë protestës së tyre.
Por kur kishin kaluar vetëm disa orë nga deklarata e Bashkisë Tiranë, që ishte thjesht një zotim, se nuk kishte një vendim, foli vetë kryetari. Numri 1 i Tiranës, Erion Veliaj shkroi se ishin plotësuar kërkesat teknike të artistëve jo militantë. “Komuniteti i artistëve jo-militantë ? kishte më shumë kërkesa teknike dhe kërkonte kalendar më të shpejtë punimesh se ç’ishte në gjendje të ofronte privati. Në këto kushte Qeveria Shqiptare dhe Bashkia Tiranë do ta ndërtojnë vetë Teatrin e Ri Kombëtar ? – më shpejt e me gjithë teknologjitë ekstra për skenën!???”, ishte postimi i Veliajt. Por qytetari i parë i Tiranës, nuk tregon se cilat janë këto kërkesa të artistëve, kush janë këta artistë jo militantë, e si do e bëjë teatrin më shpejt dhe më e rëndësishmja nga do dalin lekët.
KU DO GJENDEN PARATË?
Për Veliajn përgjigja është e thjeshtë: Do i kërkojmë në qeveri. Po qeveria ku do i gjejë? Sipas asaj që ka thënë vetë Veliaj dhe Edi Rama më parë, për të bërë teatër të ri lekë nuk ka. Në mijëra deklarata në dy vite, qysh në nisje të protestës të artistëve, Rama, Veliaj e çdo funksionar tjetër përbetoheshin se nuk kishin lekë dhe kishin gjetur idenë gjeniale: Ndërtimin me PPP. Ata gjetën dhe firmën qe do e ndërtonte, do ishte e famshmja Fusha sh.p.k. Kjo firmë kishte 198 metra tokë në rrëzë të Teatrit Kombëtar Eksperimental e do ishte bujare e madhe dhe do e falte atë, do ndërtonte teatrin 30 milionësh dhe në këmbim do merrte vetëm 6 kulla pas godinës ku artistët do merrnin duartrokitjen e spektatorëve. Kur deri dje nuk kishte para, 30 milionë Euro, ku do i gjejë sot bashkia e qeveria? Sepse Veliaj pak kohë më parë ka thënë: “Buxheti i shtetit tonë nuk i ka 30 milionë euro për ta ndërtuar teatrin, ndaj kemi bërë këtë kompromis. Ne kemi ofruar pronat për t’i dhuruar qytetit një teatër”.
A jemi në një situatë më të mirë financiare pas tërmetit të 26 nëntorit? Si do e alokojë qeveria këtë fond kur në buxhetin e vitit 2020 (vit në të cilin Veliaj mendon nisjen e punimeve) nuk ekziston fare si projekt? A ështe kjo deklaratë një mashtim i Veliajt vetëm për të shembur Teatrin Kombëtar dhe për të mbyllur protestën e artistëve?
PROJEKTI
Në fotot e publikuara bashkëngjitur me postimin që njoftonte se bashkia do e ndërtonte vetë teatrin, Veliaj kishte zgjedhur ato të projektit të arkitektit nga Danimarka, Bjarke Ingels. Edhe pse mbi këtë projekt u hodhën dyshime se ishte i vjedhur (Veliajt nuk i bën çudi se dje tregoi foto të projektit të Kampusit Universitar që rezultuan të ishin as më shumë e as më pak të vjedhura nga një godinë ekzistuese në SHBA), kreu i bashkisë e ritregoi edhe njëherë se sa bukur do bëhet ajo zonë. Por harroi që një nga kërkesat e artistëve, aktivistëve, organizmave ndërkombëtarë dhe vetë ligjit special është gara e hapur për projekt. Prandaj pyesim: Pse Veliaj u tregon qytetarëve një projekt që është në kundërshtim me ligjin (Ligji special në ndryshimet e fundit kërkon garë të hapur për projekt) dhe pse nuk lejon garën e hapur të marrin pjesë dhe studiot e tjera projektuese? Pse ngulmohet tek projekti Bjarke Ingels, i cili ka hedhur dyshime në vijim e idesë së vet për të ndërtuar teatrin në Shqipëri?
LIGJI SPECIAL
Qeveria e nxitur nga bashkia, për të përforcuar idenë e mos pasjes së 30 milionë eurove për të ndërtuar një teatër, arritën të gjenin 71 deputetë për të votuar një ligj special me procedurë të përshpejtuar në Kuvend. Ligji i votuar në një mbrëmje korriku mes protestash nga artistët e qytetarët, i jepte kompanisë Fusha sh.p.k të drejtën e ndërtimit të teatrit dhe çdo projektues tjetër mund të ngrohej në diell. Me arrogancë dhe krenari njëkohësisht dyshja qeveri-bashki, tregoi të gjithë planin (vetëm ndërtimin e kullave pas teatrit jo) dhe njoftoi se kishte gati çdo gjë, por vetëm procedurat po e pengonin. Por këto procedura e kanë penguar qeverinë e bashkinë për 2 vite të shembte godinën e teatrit të ndërtonte aty godinën moderne që ishte kërkuar nga artistët. Por dyshimet janë se kjo shtyrje e prishjes është bërë për shkak të protestës së artistëve dhe aktivistëve. Por kur Tirana ka humbur dy vite dhe nëse do ishin paratë në buxhetin e shtetit, pse u bë ligji special, u mor me dhunë Bjarke Ingels nga Danimarka për t’ju hedhur hi syve qytetarëve se teatri po bëhej me të huaj (ndërkombëtarë)?
GJYKATA KUSHTETUESE
Ligji special i pagëzuar me emrin Fusha, është rrëzuar dhe ai që e hodhi poshtë këtë ligj është vetë ai që e kërkoi, Erion Veliaj. Me të njëjtën arrogancë që mbështeti ligjin, po me të njëjtën arrrogancë njoftoi edhe ndërtimin me lekët e shtetit. Por kreu i Bashkisë Tiranë nuk tha asnjë fjalë për ligjin Fusha, nuk tregoi se ligji është tashmë në Gjykatë Kushtetuese. Në Kushtetuese, ligji është dërguar nga Presidenti Ilir Meta dhe pritet shqyrtimi nga kjo gjykatë. Nëse nesër Veliaj vendos prishjen e Teatrit Kombëtar, dhe pak muaj më vonë Gjykata Kushtetuese rrëzon ligjin Fusha, kush do mbajë përgjegjësi? Pse nuk pritet vendimi i Kushtetueses për të sqaruar njëherë e mirw situatën me teatrin? Kush do kompensojë çdo shpenzim për shembjen e jashtëligjshme të godinës? Kush do e kthejë sërish në këmbë godinën për të zbatuar vendimin e Kushtetueses?
KËRKESAT E ARTISTËVE
Artistët janë ndarë në dy kampe. Ata që duan shembjen e Teatrit Kombëtar, e të tjerë që duan ruajtjen dhe shpalljen e godinës monument kulture. Por në një pikë artistët bien dakord, që godina ekzistuese nuk i plotëson të gjitha kushtet për të punuar. Artistët bëhen bashkë dhe në një pikë tjetër, ruajtjen e truallit aq metra sa është tani. Por bashkia ende nuk e ka sqaruar sa metra do ndërtohet teatri i ri, çfarë do bëhet me projektin e kullave dhe truallin aty. A është anuluar projekti i kullave, çfarë do bëhet me parkimin pas teatrit dhe zonën përreth. Si do zhvillohet e gjithë zona aty dhe a ka një projekt tjetër për ndërtim kullash?
TËRHEQJE NË GJYSMË DRITË
Bashkia Tiranë kohët e fundit po reklamonte vijimin e projektit të ndërtimit të teatrit me Fushën. Ajo thoshte që kishin rënë në ujdi dhe shumë shpejt qytetarët do duartrokisnin artistët në godinën e re. Gjatë verës hoqën materialet e skenës dhe gërmat për të mos identifikuar godinën si Teatër Kombëtar. Gjatë muajit gusht propaganda qeveritare, pas një tentative për të marrë zotërimin e godinës nga brenda (por dështuan se që prej verës protestuesit janë zotërues të saj) nisën renditjen e argumenteve të tyre që godina duhej shembur e në shtator ajo zonë do ishte kantier ndërtimi. Por shtatori kaloi, kaloi dhe dhjetori e shkurti dheTeatri Kombëtar qëndron në këmbë e vështron çdo lëvizje nga të gjitha kampet. Teatri pa dhe tërmetet e njëpasnjëshme që goditën Shqipërinë, përbuzi dhe gjithë inxhinierët që firmosën vdekjen e tij, nëse lëkundja do ishte më shumë se 5 rihter. E sërish rikthehemi në fillim: Ku do gjenden lekët për ndërtimin e Teatrit të ri Kombëtar?
1 vit nga zgjedhjet e 25 prillit si e shikoni gjendjen e vendit:
Tiranë- Ish-deputeti i Partisë Socialiste, Taulant Dedja, i bashkohet marshimit të presidentit Ilir Meta që do të mbahet ditën e nesërme kundër qeverisë, të ci...
TIRANË- Nuk e di se çfarë është bërë në fushat e tjera sepse këtu është fjala për ngjarje që kam qenë vetë i pranishëm dhe i kam parë me sytë e mi d...
TIRANË- Pavarësisht se për çfarë akuzohet Henri Çili, do të jetë gjykata ajo që do të vërtetojë, ose jo, fajësinë e tij. Për mua, ajo që më k...
Unë Henri Çilin nuk kam shok. Nuk kam punuar asnjëherë me të dhe në të shumtën e rasteve nuk kam qenë fare dakord me qëndrimet e tij politike. Por kjo nu...
Sa shumë ngazëllim me rastien e vdekjes së Nexhmije Hoxhës! Njerëzit uronin njëri-tjetrin si për një ditë feste. “Sa mirë, shpëtuam nga një njeri i lig. ...
TIRANË– Kryeministri Edi Rama sot për herë të parë ka mbledhur Këshillin Kombëtar të Sigurisë, ku bashkë me ministrat treguan masat e marra për koronavirus...
Coronavirus-i mund te mos tregoje shenja infeksioni per shume dite- atehere si mund ta marre vesh dikush nese eshte prekur apo jo. Informacioni me i fundit esht...
KANADA- Vrasjet e grave mund të parandaloheshin nëse ministrja e Drejtësisë do të ishte më e përkushtuar në detyrën e saj funksionale sesa të merrej me statuse ...
TIRANË-Italia po zbulon mesatarisht 100 të infektuar në ditë me coronavirus. Për ta thënë me fjalët e shefit të OBSH, “Dirtarja e mundësive për të përmbajt...
ITALI- Pesë vjet më parë, autoritetet shqiptare filluan një veprimtari zhdukjeje të plantacioneve të drogës në fshat, duke shpresuar të shkatërrojnë fushat e ka...
