Arrestohet Vangjush Dako! SPAK pret "urdhër arreste" edhe për 9 ish-zyrtarë të bashkisë së Durrësit
Pse përfundoi në SPAK Vangjush Dako? Banorët e pallatit të rrënuar nga tërmeti e denoncuan, ish-kryebashkiaku kish...
Pse përfundoi në SPAK Vangjush Dako? Banorët e pallatit të rrënuar nga tërmeti e denoncuan, ish-kryebashkiaku kish...
Raporti vjetor i Prokurorisë së Përgjithshme, Çela: Berati, qarku më i qetë, Gjirokastra mban “trofeun&rdq...
Rezultati në Rrogozhinë, Ivi Kaso: Do e çojmë vendimin e KAS në Kolegjin Zgjedhor 6 Qershor, 12:32 ...
"S’ka zgjidhje pa përfshirë Berishën"/ Salianji: Basha i padëshirueshëm, duhen figura të reja në parti ...
Pasi u diagnostikua me COVID-19, E. dhe nënës së tij iu rekomandua nga mjeku marrja e terapisë së antibiotikëve me injeksion, me shpjegimin se infeksioni kishte prekur lehtë mushkërinë. Me të blerë ilaçet, 2 familjarët nisën kërkimin e një infermieri që mund të kryente injeksionet, pasi nga qendra shëndetësore iu komunikua se shërbimi në banesë ishte i pamundur.
“Pyetëm edhe në privat, por kosto ishte e papërballueshme për ne”, tregon E., i cili i ndodhur në këto kushte vendosi që injeksionet t’i kryejë në qendrën shëndetësore, duke thyer dhe rregullat e izolimit, që synojnë frenimin e përhapjes së infeksionit. “S’kemi zgjidhje tjetër”,-thotë ai, teksa së bashku me nënën e tij presin radhën në Qendrën Shëndetësore Nr. 10, në kryeqytet.
Infermierja e turnit në këtë qendër, thotë se ky nuk është një rast i izoluar, pasi janë të shumtë pacientët e diagnostikuar me COVID-19, të cilët në pamundësi për të marrë shërbimin infermieror në banesë, thyejnë karantinën për kryerjen e injeksioneve apo marrjen e serumeve, që iu rekomandohet nga mjeku.
“Nuk tregojnë që janë të infektuar me COVID-19, ndërsa ne jemi të detyruar t’u japim shërbimin”,-thotë infermierja, që mban veshur vetëm përparësen e bardhë e jo veshjen e posaçme për COVID-19. Kryetari i Shoqatës së Infermierëve, Elson Jaçaj konfirmon të njëjtën situatë.
“Është e vërtetë dhe ndodh që personat e infektuar nuk tregojnë, pasi i druhen mungesës së shërbimit, por në këtë formë rrezikojnë edhe personelin, të cilët vazhdojnë të punojnë pa mbrojtjen e duhur”,-thotë ai.
Luljeta Janaqi, një infermiere që tashmë ka dalë në pension, tregon se me shpërthimin e epidemisë ka patur shumë kërkesa për kryerjen e injeksioneve të familje.
“Kam patur shumë raste, por do veçoja një të moshuar, e cila nuk kishte asnjë lloj mundësie financiare për të kryer injeksionin”,-tregon Luljeta. “Kërkoi ndihmë te unë, por nuk i shkova, pasi nuk kisha veshje, kërkoi në ambulancë, nuk i shkuan dhe më pas nuk e di sesi ia bëri”,-shton më tej ajo.
Që nga 9 marsi 2020, kur në vendin tonë u regjistrua rasti i parë me COVID-19 e deri në mesin e muajit janar, kanë rezultuar si të prekur nga infeksioni mbi 65 mijë qytetarë, pjesa më e madhe e të cilëve nuk janë hospitalizuar. Olimbi Hoxhaj, kryetare e Rrjetit të Shoqatave të Pacientëve thotë se “mijëra persona me COVID-19 që nuk kërkojnë shtrim në spital kanë nevojë për kujdes shtëpiak. Por, edhe ata që janë të shtruar në spital me simptoma më të rënda prej virusit do të kenë nevojë për kujdesin në shtëpi pas daljes nga spitali”.
“Në situatën e pandemisë, anëtarët e familjes mbeten ofruesit më të mëdhenj të shërbimeve shëndetësore dhe po përballojnë barrën në kujdes, trajtim dhe mbështetje për familjarët dhe të afërmit e personave me gjendje kronike, me COVID-19 me simptoma të lehta apo edhe me problemet psikologjike për asimptomatikët”,-shton ajo. Edhe kryetari i Shoqatës së Infermierëve thotë se kujdesi infermieror në banesë për të prekurit nga COVID-19, ka probleme.
“Ndonëse duket se aktualisht mjeku i familjes ka marrë një rol të shtuar në menazhimin e situatës, në krahasim me muajt e parë të pandemisë, ky shërbim nuk ofrohet edhe sot”,– thotë ai.
Dosja.al kontaktoi me dhjetra pacientë të diagnostikuar me Covid-19, të cilët konfirmuan se shërbimin infermieror në banesë e kanë siguruar privatisht, teksa mungesa e këtij shërbimi nga shteti i ka ekspozuar këta pacientë drejt shpenzimeve të larta.
“Në kushtet kur pacientët vënë përballë nevojat për shërbime dhe aftësinë e sistemit në ofrimin dhe qasje, sigurisht personat në nevojë do të gjenë zgjidhje dhe alternativa, pasi jeta e çdo individi është e çmuar”,-thotë Hoxhaj.
“Për të plotësuar këto nevoja emergjente ju drejtohen shërbimeve në klinikat jopublike, shërbimeve infermieristike në banesë me shpenzimet e tyre, konsultave online me mjekë të specializuar, etj. Këto shërbime përfshijnë kryerjen e testimeve dhe analizave laboratorike me kosto të konsiderueshme, blerjen e medikamenteve, pagesa asistence në banesë për shërbime infermieristike, etj.”,-shton ajo, duke theksuar se në mjaft raste, kjo situatë ka sjellë edhe marrjen e terapive të gabuara. Edhe sipas Jaçajt, “janë disa spitale private apo disa lloj shërbimesh që janë ngritur privatisht dhe kanë një kosto shumë të lartë, për një shërbim që i takon për ta bërë shteti”.
Ministria e Shëndetësisë thotë se “shërbimi në banesë patjetër që ekziston”. “Madje pak muaj më parë MSHMS ka dyfishuar ekipet e Urgjencës Kombëtare për shërbimin në banesë”,-tha ministria në një përgjigje me shkrim. “Sipas të dhënave, më shumë se 50% e misioneve të Urgjencës Kombëtare për Covid janë shërbime që jepen në banesë”,-shtoi më tej ky dikaster.
PROBLEMET E SHËRBIMIT
Jaçaj thotë se në muajt e parë të pandemisë, një nga pengesat e shërbimit infermieror në banesë ishte mungesa e protokolleve, duke e bërë shërbimin jo të kontrolluar mirë e me terapi që shpesh herë nuk rekomandoheshin nga mjekët.
“Nëse mjeku nuk të ka dhënë një terapi për ta bërë dhe ti thjesht ke pyetur rutinë për të bërë atë terapi, normalisht infermieri nuk duhet ta aplikojë këtë gjë”,-thotë kreu i Shoqatës së Infermierëve, duke theksuar se në atë kohë nuk ishin dakord për të ofruar këtë shërbim. Po ashtu, sipas tij një tjetër pengesë është mungesa e veshjeve të posaçme, por mbi të gjithë numri i reduktuar i stafit.
“Vazhdon të mos pranohet që ne kemi mungesë të stafit, sidomos infermierë. Përveçse shumica janë larguar, portali i punësimit hapet dhe ofron shumë pak vende pune në krahasim me nevojën që ka vendi ynë tani”,-shton ai. Ky është një prej konstatimeve edhe në raportin “Në gjurmët e parave COVID-19”, i realizuar nga shoqata “Together for Life”.
“Është lënë jashtë vëmendjes dhe nuk ka asnjë ekip të trajnuar për të ndihmuar një pjesë të madhe të pacientëve me Covid-19, të cilët ndiqen nga një mjek i familjes dhe trajtohen në shtëpi”,-thuhet ndër të tjera në raport.
Hoxhaj e sheh më gjerë problemin, duke e lidhur me Paketën Bazë të Shërbimeve, që duhet të ofrojnë Qendrat Shëndetësore. Aktualisht, ky shërbim bazohet në një model të posaçëm/detajuar për dy kategori kryesore të personave në nevojë: gratë shtatzëna dhe fëmijët 0-12 muajsh, dhe bazuar në një model më të përgjithshëm për pacientët që vuajnë nga probleme të ndryshme shëndetësore që ua bën atyre të pamundur të shkojnë në Qendrat Shëndetësore.
“Ajo që ne si përfaqësues të grupeve të interesit konstatojmë është se ofrimi aktual i shërbimeve në banesë është me natyrë mjekësore dhe përqendrohet në urgjencat mjekësore dhe jo në shërbime të planifikuara për pacientët e moshuar apo ata që vuajnë nga sëmundje kronike”,-thotë Hoxhaj.
“Infermierët kryejnë detyra të specializuara të fragmentarizuara, kryesisht në praninë e mjekëve të familjes në qendrat shëndetësore.Vlerësimet apo ndërhyrjet në banesë kryhen rrallë”,-shton më tej ajo.
REKOMANDIMET
Jaçaj thotë se ia kanë parashtruar disa herë Ministrinë e Shëndetësisë këto probleme, por gjithçka ‘ka rënë në vesh të shurdhër’.
“Problem është që ne jemi i vetmi vend që nuk merr parasysh asnjë gjë që i atribuohet Ministrisë së Shëndetësisë, qoftë sugjerime apo bashkëpunime dhe kjo gjë na çudit se përse ndodh”,-thotë Jaçaj.
“Ne kemi bërë kërkesë, duke qenë se QSH kanë një personel që nuk është shumë i zënë, dmth nuk ka atë fluks pune, të mund të ndahej me grupe ose të punohet me turne, siç e kanë spitalet”,-shton ai. Kryetari i Shoqatës së Infermierëve thotë se i kanë sugjeruar ministrisë, që stafi i QSH-ve të punojë me 3 turne, ku një turn të punojë me shërbimet në familje dhe 2 turne të punojnë si zakonisht.
“Do të ishte një ndihmë për të gjithë: Edhe për punën në QSH sepse do të ulej fluksi e do e kishin shërbimin para se të vinin aty e të mos tregonin se janë të infemtuar. Por këto gjëra nuk janë marrë parasysh asnjëherë”,-thotë Jaçaj. Luljeta Janaqi, nisur nga përvoja e saj 24-vjeçare si infermiere në sistemin shëndetësor parësor thotë se ofrimi i shërbimit në banesë është tërësisht i mundur.
“Le të ketë në lagje, një mjek e një infermier, që t’i përgjgijet vizitave të shtëpisë. Atëherë i shërbehej çdokujt në shtëpi”,-shprehet Luljeta. “A mund të shkojë një i sëmurë me temperaturë 39 gradë, në ambulancë të bëjë 2 herë në ditë injeksionet?! Nuk shkon dot. Përse të mos ngrihet një shërbim që të ketë një makinë dhe të shkojnë t’ua bëjnë injeksionet, pasi numri i pacientëve nuk është aq i lartë sat ë mos përballohet”,-sugjeron ajo.
Ndërkaq, sipas Hoxhajt, “ofrimi i shërbimeve në banesë duhet të bëhet pjesë e Paketës Bazë të Shërbimeve dhe duhet të ofrohen nga Qendrat Shëndetësore bazuar në një model të posaçëm dhe të detajuar për të gjitha katëgoritë e personave në nevojë dhe llojet e shërbimeve”.
“Shërbimet bazë të kujdesit në banesë në nivelin komunitar janë një nevojë imediate në vendin tonë. Institucionet përgjegjëse duhet ta shikojnë me prioritet ofrimin e shërbimit të kujdesit në banesë, me vëmendje të shtuar drejt grupeve të caktuara përmes adresimit të tyre, duke u bazuar në patologjitë kryesore dhe në nevojat e shprehura e të evidentuara nga popullsia në zonën e mbulimit”,-thotë Hoxhaj.
“Kërkohet një riformulim thelbësor i asaj që një sistem shëndetësor është i detyruar të sigurojë te pacientët me gjendje kronike dhe ata në nevojë për shërbime infermieristike në banesë për shkak të COVID-19”,-përfundon ajo.
(Dosja.al)
1 vit nga zgjedhjet e 25 prillit si e shikoni gjendjen e vendit:
TRIPOJË– Dëbora dhe akulli ka izoluar Luginë në Valbonës në Tropojë. Mësohet se për shkak të motit të keq, dhe ngricat që janë krijuar në rrugë kalim...
TIRANË- Të tjera përgjime të dosjes së antimafias italiane janë zbardhur, ku edhe përmendet numri një i qeverisë së vendit, Edi Rama. Në faqen 627 të dosje...
TIRANË– Gazetari Carlo Bolino, ditën e sotme ka sqaruar më me detaje përgjimet nga hetuesit italianë, ku kanë dalë biseda që anëtarë të grupit mafioz...
SHKODËR- Drejtori i Përgjithshëm i KESH, Benet Beci, ditën e sotme ka bërë të ditur se gjatë këtyre ditëve, ku reshjet e shiut kanë përfshirë vendin, KESH ...
TIRANË- Në Shqipëri, java e fundit (19-25 Janar) shënoi një rritje të ndjeshme të rasteve dhe viktimave të koronavirusit, ndërsa testimet patën një rënie t...
ITALI- Një 43-vjeçar me origjinë shqiptare është arrestuar nga policia italiane, pasi gruaja e tij e denoncoi për shkak se ky i fundit udhtornte dhunë nd...
GREQI– Dalin pamjet e para nga vrasje e 27-vjeçarit shqiptar në Patra të Greqisë. Siç duket edhe nga pamjet, autorët i kanë prerë rrugën shq...
TIRANË – Shqipëria do të zgjerojë listën e zyrtarëve të lartë dhe familjarëve që do të jenë nën mbikëqyrje për krijimin e pasurive të pajustifikuara dhe rr...
TIRANË– Tritoli i vendosur në garazhdin e biznesmenit Saimir Naksi tronditi Qesarakën, mëngjesin e të shtunës, vetëm pak ditë më parë. Policia mbërri...
TIRANË- Një aksident është regjistruar pak minuta më parë në rrugën ‘Dritan Hoxha’, në Tiranë, pranë rrethrrotullimit të Zogut të Zi. Siç shihet në ...
