Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Shoqata e Ndërmjetësuesve kërkon që në draftin “Për profesionin e ndërmjetësit të pasurive të paluajtshme”, i cili është duke u konsultuar me Ministrinë e Drejtësisë, të merren në konsideratë edhe sugjerimet e tyre në luftën kundër pastrimit të parave në sektorin e ndërtimit.
Shoqata Kombëtare e Ndërmjetësve të Pasurive të Paluajtshme të Shqipërisë (NAREA) thotë se, bazuar nga të dhënat agjencive imobiliare, ekziston mundësia e pastrimit të parave për prona me vlerë mbi 150,000 euro. Kërkesa e NAREA është që në draftin e ri për profesionin e ndërmjetësit për një periudhe tranzitore 5-vjeçare, transaksionet për shitjen e pronave me vlerë mbi 150,000 euro të kryhen nëpërmjet zyrave të licencuara të ndërmjetësimit.
Sipas Shoqatës të Ndërmjetësuesve, bazuar edhe te raportimit e institucioneve ndërkombëtare, aktualisht vetëm 8% e volumit të transaksioneve me pasuritë e paluajtshme kryhet nga zyrat e ndërmjetësimit. “Duke u bazuar në eksperiencën dhe indiciet e marra nëpërmjet aktorëve në treg që NAREA përfaqëson, mundësitë që pastrimi i parave të konsumohet, rritet në mënyrë eksponenciale sa më tepër rritet vlera e pasurisë në fjalë, si për shembull në ato prona me vlera të konsiderueshme mbi 150,000 euro.
Sugjerojmë që për një periudhe tranzitore 5-vjeçare, të gjitha transaksionet mbi 150,000 euro, të cilat nuk afektojnë shtresën e mesme, të kryhen detyrimisht nëpërmjet ndërmjetësve të licencuar/certifikuar të zyrave të ndërmjetësimit. Në këtë mënyrë garantojmë luftën ndaj një fenomeni të tillë, shumë të dëmshëm dhe të tej zgjatur në këto 30 vite tranzicion”, thuhet në rekomandimet e NAREA për draftin e ri.
Sipas shoqatës, ky propozim i tyre nuk është pranuar nga Ministria e Drejtësisë, pasi çekuilibrohen rregullat e konkurrencës të tregut dhe profesioni i ndërmjetësuesit ende nuk rezulton i rregulluar dhe i licencuar, siç është profesioni i avokatit dhe noterit. Shoqata propozon se nëse do të shtrohet rruga e duhur ligjore për 3 deri 5 vitet e ardhshme zyrat e ndërmjetësimit të pasurive të paluajtshme, mund të funksionojnë po aq të sigurta, siç janë dhomat e avokatëve dhe noterëve.
Shoqata e Ndërmjetësuesve kërkon që në draft të merren në konsideratë edhe sugjerimet e tyre në luftën kundër subjekteve të palicencuara. NAREA sugjeron të përcaktohen më mirë mjetet dhe metodat e ndjekura. Konkretisht rekomandohet që në ligj të përcaktohet qartë mënyra e listimit të pronave në portalet online, ku nëpërmjet të cilave sot kryhet dhe volumi më i madh i transaksioneve të ndërmjetësimit.
“Të kërkohet qartësisht Identifikimi i saktë i pronarit shitës dhe i dokumenteve të pronësisë, kur kjo pronë trajtohet nga vet pronari; dhe i ndërmjetësit, nëpërmjet NUIS dhe numër licence/certifikate, kur prona në fjalë trajtohet jo nga pronari”. Sugjerimet e NAREA në përmirësim të profesionit të ndërmjetësit të pasurive përfshijnë edhe në nenet kodin e etikës, certifikimin e ndërmjetësve, masa e penaliteteve në rast shkeljesh etj.
Nga konsultimet e nisura në shtator të 2020 deri tani në draft nga Ministria e Drejtësisë janë përfshirë disa nga sugjerimet e propozuara nga Shoqata e Ndërmjetësuesve. NAREA kërkon që ky profesion të jetë plotësisht i rregulluar sipas ligjit të ri dhe të ndikojë në luftën kundër pastrimit të parave, duke konsideruar edhe sugjerimet e tjera të bëra prej tyre.
Sugjerimet e NAREA për përmirësimin e projektligjit
Neni 5 -Ushtrimi i profesionit të ndërmjetësit të pasurive të paluajtshme, pikat 3 dhe 4
–Personat Fizik ose Juridik që kryejnë shërbimin e Ndërmjetësimit të Pasurive te Paluajtshme Online, ose reklamimin e çfarëdo lloj me qëllimin e realizimit të këtij aktiviteti, janë subjekt i këtij ligji dhe duhet të jenë të licensuar, duke ju nënshtruar përgjegjësive që rrjedhin nga ky ligj; -Ndërmjetësi i pasurive të paluajtshme, gjatë ushtrimit të profesionit të tij dhe veçanërisht gjatë komunikimeve në largësi duhet të jetë i identifikueshëm, si ndërmjetës i pasurive të paluajtshme dhe lehtësisht i dallueshëm.
Neni 6 Kodi i Etikës Profesionale
Kodi i Etikës Profesionale përcakton standardet për respektimin dhe zbatimin e rregullave të etikës profesionale të ndërmjetësve të pasurive të paluajtshme, të drejtat dhe detyrat në marrëdhënie me klientët, ndërmjetësit e tjerë dhe institucionet shtetërore; Kodi përcakton rregulla të hollësishme mbi të drejtat dhe përgjegjësitë profesionale të detyrueshme për zbatim në ushtrimin e veprimtarisë ndërmjetësuese; Kodi miratohet me urdhër të ministrit, pas konsultimit me grupet e interesit.
Neni 8 Kriteret për certifikimin si ndërmjetës i pasurive të paluajtshme, pika c
Të mos jetë në gjykim për veprat penale në fushën e pastrimit të parave, financimit të terrorizmit apo armëve të shkatërrimit në masë dhe mashtrimit.
Neni 10- Organizimi i ndërmjetësve të pasurive të paluajtshme
Ndërmjetësi i pasurive të paluajtshme ushtron veprimtarinë në mënyrë individuale ose i organizuar në zyra të ndërmjetësimit të pasurive të paluajtshme ose si i punësuar pranë një zyre ndërmjetësimi të pasurive të paluajtshme.
Neni 18 Të drejtat e ndërmjetësit, pika ç
-Ndërmjetësi ka të drejtë që pa pagesë të aksesojë në kohë reale regjistrin e pasurive të paluajtshme, të shqyrtojë të dhënat online, që kanë lidhje me pasuritë e paluajtshme objekt ndërmjetësimi nga organi shtetëror që administron regjistrin e pasurive të paluajtshme, ASHK me qëllim përfitimin e informacionit të saktë dhe të plotë në lidhje me gjendjen juridike dhe kufizimet e vendosura mbi pasurinë e paluajtshme, pasi të ketë përmbushur detyrimet e parashikuara nga legjislacioni në fuqi. Trajnimi për përdorimin e sistemit online të organit shtetëror që administron regjistrin e pasurive të paluajtshme dhe aksesi në të do të kryhet nga vetë regjistri (ASHK) në momentin e licensimit dhe secilit ndërmjetësi do ti përcaktohen të dhëna unike identifikimi.
Neni 22 Shkeljet dhe masat disiplinore , pika C dhe D
Gjobë në masën 50 000 (pesëdhjetë mijë) lekë deri në 100 000 (njëqind mijë) lekë në proporcion me shkeljen dhe bazohet në përshkallëzimin e mëposhtëm:
i. Për mospërmbushje të përgjegjësive sipas Nenit 19, pika b, gjoba është në masën 50 000 (pesëdhjetë mijë) lekë;
ii. Për mospërmbushje të përgjegjësive sipas Nenit 19, pika c, gjoba është në masën 50 000 (pesëdhjetë mijë) lekë;
iii. Për mospërmbushje të përgjegjësive sipas Nenit 19, pika ç, gjoba është në masën 50 000 (pesëdhjetë mijë) lekë;
iv. Për mospërmbushje të përgjegjësive sipas Nenit 19, pika d, gjoba është në masën 50 000 (pesëdhjetë mijë) lekë;
v. Për mospërmbushje të përgjegjësive sipas Nenit 19, pika dh, gjoba është në masën 100 000 (njëqind mijë) lekë;
vi. Për mospërmbushje të përgjegjësive sipas Nenit 19, pika e, gjoba është në masën 100 000 (njëqind mijë) lekë;
vii. Për mos përmbushje të përgjegjësive sipas Nenit 19, pika f, gjoba është në masën 100 000 (njëqind mijë) lekë; -Pezullim nga detyra për një periudhë nga një deri në një vit.
Neni 23 (të hiqet)
Ministri mbyll hetimin, nëse provohet se pretendimet janë të pabazuara ose provat e mbledhura dhe rezultatet e hetimit të çojnë drejt përfundimit se:
a) provat janë të pamjaftueshme për të provuar kryerjen e shkeljes disiplinore;
b) çështja ka qenë objekt i një hetimi të mëparshëm që është mbyllur ose për të cilën është dhënë vendim i formës së prerë, në kuadër të një procedimi disiplinor, përveç rasteve kur paraqiten fakte ose prova të reja;
c) çështja është parashkruar në kohën kur është filluar hetimi, për shkak të kalimit të afateve;
ç) ndërmjetësi i pasurive të paluajtshme ka ndërruar jetë.
Neni 29 Komisioni Disiplinor
Komisioni Disiplinor është organ kolegjial, i cili përbëhet nga: a)dy përfaqësues nga ministria; c)një përfaqësues nga ministria që mbulon çështjet e financave; c)dy përfaqësues nga shoqatat profesionale të ndërmjetësve të pasurive të paluajtshme.
Neni 37-Penalitetet
Cilido që kryen veprime juridike me pasuritë e paluajtshme, në kuptim të këtij ligji, pa qenë i pajisur me certifikatën përkatëse ose nuk vepron në përputhje me parashikimet e nenit 39, të këtij ligji, ndëshkohet me masë administrative me gjobë 500 000 (pesëqind mijë) lekë, në përputhje me parashikimet e legjislacionit në fuqi për kundërvajtjet administrative./MONITOR
Cila mendoni se është alternativa më e mirë:
Importet e energjisë këtë vit kanë arritur një vlerë rekord, më të lartën ndonjëherë në historinë e vendit ku nga janari në nëntor janë shpenzuar 213 milionë eu...
Rimëkëmbja e post-pandemisë “kërcënohet” nga mungesa e lëndëve të paraNga Nertila MahoRimëkëmbja ekonomike e post-pandemisë është lajmi i mirë që po përjetojnë ...
Debati politik që shoqëron çdo emetim Eurobondi nga Qeveria Shqiptare, ndoshta mund të jetë i justifikuar, por është disi i pazakontë për agresivitetin d...
Flet Les Nemethy, ekspert i tregjeve financiareRritja e borxhit në valutë të huaj mund të jetë një kërcënim serioz për ekonominë shqiptare. Les Nemethy, ekonomi...
Emetimi i pestë e çon stokun e borxhit në 1.8 miliardë euro, 50% e borxhit publik në valutë, rreziku nga interesat në rritjeNga Nertila MahoShqipëria mby...
Virusi koksaki është përhapur shumë në çerdhe dhe kopshte ndaj edukatorët duhet të bëjnë kujdes kur shikojnë fëmijë me puccra në fytyrë, në mënyrë që ti ...
Shumica e popullsisë ka një mendim të ndryshëm nga ai që reket të imponojë kasta dominante, e cila vrapon pas me te fortit. Këto janë rezultatet e një ankete ng...
TIRANË– Rritja e përgjithshme e çmimeve që ka përfshirë të gjithë globin pas pandemisë, në Shqipëri po reflektohet me ritme më të ulta se në E...
TIRANË– Numri i kartave të lëshuara nga bankat tregtare në Shqipëri arriti në 1 milionë e 332 mijë njësi në fund të tremujorit të tretë. Statistikat ...
TIRANË– Përdorimi i pagesave bankare nëpërmjet internetit po shfaq tendenca të rritjes së shpejtë. Sipas statistikave të Bankës së Shqipërisë, për në...
