LIVE UPDATES
Bota

Rusia: Bisedimet mbi Ukrainën, në një rrugë pa krye. Polonia paralajmëron luftë

14 Janar 2022, 06:52 Nga DOSJA
Rusia: Bisedimet mbi Ukrainën, në një rrugë pa krye. Polonia

VJENË – Ministri i Jashtëm i Polonisë tha të enjten se Evropa po rrezikonte të futej në luftë. Komentet e tij vijnë ndërsa Moska thotë se përpjekjet për zgjidhje diplomatike do të vazhdojnë, duke bërë të ditur njëkohësisht se ekspertët e saj ushtarakë po përgatisnin alternativa nëse tensionet mbi Ukrainën nuk shuhen.

Ambasadori amerikan në OSBE Michael Carpenter tha pas bisedimeve me Rusinë në Vjenë, se Perëndimi duhet të përgatitet për një rritje të mundshme të tensioneve me Moskën. “Daullja e luftës po bie fuqishëm dhe retorika është bërë mjaft e mprehtë“, u tha ai gazetarëve.

Rusia tha se dialogu do të vazhdonte, por po shkonte drejt një rruge pa krye, duke iu referuar përpjekjeve të saj për të bindur Perëndimin që të mos lejojë anëtarësimin e Ukrainës në NATO-n si dhe të zhbëjë dekada të tëra zgjerimi të aleancës në Evropë, kërkesa këto që Shtetet e Bashkuara i kanë quajtur të papranueshme.

Në këtë fazë (që jemi) është vërtet zhgënjyese“, u tha gazetarëve ambasadori rus Alexander Lukashevich pas një takimi të Organizatës për Siguri dhe Bashkëpunim në Evropë (OSBE), përpjekja e tretë në një seri bisedimesh Lindje-Perëndim këtë javë.

Ai paralajmëroi për ‘pasoja të mundshme katastrofike’ nëse të dyja palët nuk mund të bien dakord për atë që Rusia e ka quajtur ‘vijë e kuqe’ lidhur me sigurisë. Ai shtoi se megjithatë Moska nuk kishte hequr dorë nga diplomacia dhe madje do ta përshpejtonte atë.

Komentet e zyrtarëve rusë pasqyrojnë një model të njohur Moskës, e cila thotë se dëshiron të vazhdojë me përpjekjet diplomatike, por që refuzon thirrjet për të ndalur grumbullimin e trupave ushtarake të saj pranë Ukrainës ndërsa paralajmëron për pasoja, të cilat nuk i ka specifikuar, mbi sigurinë perëndimore nëse kërkesat e saj nuk merren parasysh.

Më herët, Ministri i Jashtëm polak Zbigniew Rau tha në forumin e sigurisë me pjesëmarrjen e 57 vendeve se: “rreziku i luftës në zonën e OSBE-së duket të jetë aktualisht më i madh se kurrë në 30 vitet e fundit”.

Komenti i tij nënvizoi nivelin e ankthit evropian rreth rritjes së pranisë ushtarake të Rusisë në kufi me Ukrainën. Moska ka vendosur aty rreth 100,000 trupa.

Zoti Rau nuk njoftoi asnjë përparim pas takimit, që pasoi një takim Rusi-SHBA mbajtur në Gjenevë të hënën dhe mbledhjen e këshillit Rusi-NATO në Bruksel të mërkurën.

 

Diferencat në qasje

Zëvendësministri i Jashtëm rus Sergei Ryabkov tha se takimet e mëparshme kishin treguar se kishte një “ngërç apo ndryshime në qasje” dhe se ai nuk shihte asnjë arsye për t’u ulur sërish në ditët në vijim për të rifilluar të njëjtat diskutime.

Ai tha për televizionit RTVI se specialistët ushtarakë rusë po i ofronin alternativa Presidentit Vladimir Putin në rast se situata rreth Ukrainës përkeqësohej, por shtoi se diplomacisë i duhej dhënë një mundësi. “Duhet të ritheksoj se dialogu është ende duke u zhvilluar në shumë nivele dhe në shumë drejtime”, tha zoti Ryabkov.

Monedha ruse, rubla, ra me më shumë se 2% kundrejt dollarit nga komentet e zotit Ryabkov, gjë që shkaktoi gjithashtu shitjen e obligacioneve qeveritare. Një përfaqësues i një banke të madhe ruse i tha agjencisë ‘Reuters’ se tregu kishte reaguar pjesërisht ndaj një komenti të zotit Ryabkov, në përgjigje të një pyetjeje, i cili as nuk e konfirmonte dhe as e përjashtonte mundësinë se Rusia mund të dislokonte “infrastrukturë ushtarake” në Kubë dhe Venezuelë.

Sekretari amerikan i Shtetit Antony Blinken i tha rrjetit televiziv MSNBC se “nuk dihet se cilën rrugë do të zgjedhë Vladimir Putin. A do të zgjedhë rrugën e diplomacisë dhe dialogut, për të zgjidhur disa nga këto probleme, apo do të ndjekë rrugën e konfrontimit dhe agresionit?”

Sekretari amerikan i Mbrojtjes Lloyd Austin, zhvilloi një telefonatë me homologun e tij ukrainas, Oleksii Reznikov, për të diskutuar rreth rritjes se pranisë ushtarake ruse. Pentagoni vlerëson se rreth dy të tretat e forcave ruse pranë Ukrainës kanë ardhur nga pjesë të ndryshme të vendit.

Ministri i Jashtëm i Ukrainas Dmytro Kuleba tha se: “besoj se e vetmja mënyrë që rusët të konfirmojnë se nuk kanë si synim t’i zgjidhin problemet me forcë është që të vazhdojnë diskutimet, sipas formateve të vendosura, veçanërisht në OSBE”.

Rusia i ka hedhur poshtë komentet se po planifikon një sulm ndaj Ukrainës, por dislokimi i trupave ushtarake ka detyruar Shtetet e Bashkuara dhe aleatët e saj të ulen në tryezën e bisedimeve.

Moska thotë se ndihet e kërcënuar nga zgjerimi i NATO-s drejt kufijve të saj, duke u zgjeruar me 14 anëtarë të rinj nga Evropa Lindore që nga përfundimi i Luftës së Ftohtë. Ajo dëshiron të përcaktoje “vijat e kuqe” për të ndaluar aleancën të pranojë Ukrainën si anëtare apo që të dislokojë raketa atje.

Uashingtoni i ka hedhur poshtë këto kërkesa, por thotë se është i gatshëm të bisedojë mbi çështjen e kontrollit të armëve, dislokimin e raketave dhe masat për ndërtimin e besimit për të tejkaluar një nga momentet më të vështira në marrëdhëniet Lindje-Perëndim që nga Lufta e Ftohtë.

 

Eleminimi i kërcënimeve

 

Ambasadori Lukashevich tha gjatë takimit në kuadër të OSBE-së se nëse Moska nuk merr një përgjigje konstruktive: “ne do të detyrohemi të nxjerrim përfundimet e duhura dhe të marrim të gjitha masat e nevojshme për të siguruar ekuilibrin strategjik dhe për të eliminuar kërcënimet e papranueshme për sigurinë tonë kombëtare“.

Ai vazhdoi duke thënë se: “Rusia është një vend paqedashës. Por ne nuk kemi nevojë për paqe me çdo kusht. Nevoja për të marrë këto garanci sigurie të zyrtarizuara ligjërisht për ne është e pakushtëzuar“.

Sekretari i Përgjithshëm i NATO-s Jens Stoltenberg tha pas bisedimeve me Rusinë të mërkurën se vendet duhet të jenë të lira të zgjedhin marrëveshjet e tyre të sigurisë.

Zëdhënësi i Kremlinit Dmitry Peskov kritikoi një projektligj sanksionesh të prezantuar nga demokratët në Senatin amerikan të mërkurën, sipas të cilit nëse Rusia do të sulmonte Ukrainën do t’u vendoseshin sanksione zyrtarëve të lartë të qeverisë ruse e ushtarakëve, përfshirë edhe Presidentin Vladimir Putin, e institucione bankare.

Zoti Peskov tha se vendosja e sanksioneve ndaj zotit Putinit do të ishte e barabartë me ndërprerjen e marrëdhënieve.

Ne e shohim paraqitjen e dokumenteve dhe deklaratave të tilla një zhvillim jashtëzakonisht negativ në sfondin e një serie negociatash në vazhdim, megjithëse të pasuksesshme“, tha ai.

Zoti Peskov u citua nga agjencia e lajmeve TASS të ketë thënë se zoti Putin po merrte përditësime të rregullta mbi bisedimet dhe se Kremlini ishte i qartë për rezultatet, por po priste përgjigje nga pala tjetër me shkrim.

Zoti Carpenter tha në takimin e OSBE-së se: “Ndërsa përgatitemi për një dialog të hapur se si të forcojmë sigurinë për të mirën e të gjithëve, ne duhet të refuzojmë me vendosmëri shantazhet dhe të mos lejojmë kurrë që agresioni dhe kërcënimet të shpërblehen“.

Rusia ka thënë se do të vendosë mbi lëvizjet e saj të ardhshme pas bisedimeve të kësaj jave dhe kërcënoi me “masa ushtarako-teknike”, të cilat nuk i specifikoi, nëse kërkesat e saj refuzohen.

Zëvendës Sekretarja amerikane e Shtetit Wendy Sherman tha të mërkurën se nëse Rusia tërhiqej (nga përpjekjet diplomatike), ky do të ishte një tregues se ajo nuk e ka marrë me seriozitet diplomacinë që në krye të herës. (VOA)

(e.h/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

bota bota bisedimet rusi-shba konflikti rusi-ukraine bisedimet rusi-shba konflikti rusi-ukraine

Sondazh

Poll

VIDEO-VIRALE/ Po fliste në Rrugën e Salës, demokrati 'kapet mat' nga gruaja

VIDEO-VIRALE/ Po fliste në Rrugën e Salës, demokrati 'kapet mat' nga gruaja

"Injoranca nuk është argument" Nuk i pëlqeu pyetja, Rama prek në faqe gazetaren Ambrozia Meta

Del VIDEOJA, Elia godet Princ Lekën: Familja ime të ka mbajtur me bukë

VIDEO/ Noka i jep Spiropalit pankartën, Ministrja ofrohet ta mbaj para fytyrës

Publikohen pamjet nga brenda bazës ajrore të Kuçovës, Komandanti: E gatshme për stërvitjen e trupave

Tempulli 2/ Me kanabis gati për shitje dhe shuma parash, arrestohen 4 të rinj në Tiranë

Dalin pamjet nga kasollja ku u vra 50-vjeçari në Durrës

Kontrabandonin ilaçe dhe telefona, arrestohen dy persona në Tiranë, sekuestrohen 47 iPhone

I vunë flakën eskavatorit me vlerë 150 mijë euro, arrestohen 2 autorët e ngjarjes

Reshjet e shiut dhe borës në vend, policia: Moderoni shpejtësinë e mos kryeni parakalime të gabuara

Kampioni Alvin Karaqi mes lotësh: Për besë u ndjeva si Gjergj Kastrioti kur mora flamurin

'Dokumentar horror'/ Berisha publikon pamjet: Do ju paraqes terrorin që Bajrajt ushtruan më 14 maj

Krimi në Bulqizë/ Fqinji: Po hante bukë në banesë kur erdhën dy makina!

Dosja "Gjici"/ Zv.kryetari i bashkisë së Kukësit shkon në SPAK

Newsroom 11 |XAMA: LAJMI I FUNDIT FAKE QË PASHË, ISHTE PËR MUA

Newsroom 11 |XAMA: KËSHILLË QYTETARËVE- MOS LEXONI VETËM NJË BURIM

Newsroom 11 | XAMA: GAZETARËT NUK SHKRUAJNË ME EMËR, KJO S'ËSHTË ETIKE

Xama në Newsroom: Lajmet e rreme përhapin panik! Më akuzuan se kisha marrë para për një shkrim

Muka në Newsroom: Në Shqipëri ka portale gjobaxhie, u bëjnë shantazh njerëzve

Xama në Newsroom: Fake News shpërndahet më shumë në Facebook e Tik Tok! Gazetarët të shkruajnë emrin

Newsroom 11 |Kush prodhon lajme të rreme në Shqipëri

Newsroom 10 |SENJA: NE S'REAGOJMË NDAJ GJUHËS SË URREJTJES

Newsroom 10 |HAZIZAJ: 'ÇOHU ENVER', PJESË E GJUHËS SË URREJTJES

Newsroom 10 | HAZIZAJ KEMI MARRËVESHJE PËR TË MBROJTUR 'VIKTIMAT'

Newsroom 10 |HAZIZAJ: GJUHA E URREJTJES KA SHKAKTUAR DHE KRIME

Newsroom 10 |GAZETARI: GJUHA E URREJTJES, PJESË E SHOQËRISË

Newsroom 10 |HAZIZAJ: GJUHA E URREJTJES, E FRIKSHME NË SHQIPËRI

Vidhnin në banesa duke përdorur çelësa të klonuar, vihet në pranga 1 person,nje tjeter në kërkim

Newsroom 10 |GJUHA E URREJTJES PËRDORET NGA POLITIKA, AMA TË KONTROLLOJË GJUHËN E URREJTJES

Newsroom 10 | HAZIZAJ: STEREOTIPET NXISIN GJUHËN E URREJTJES

Newsroom 10 | HAZIZAJ: GJUHA E URREJTJES LUFTOHET ME EDUKIM

Newsroom 10 | Gjuha e urrejtjes në media, si dhe kush e shpërndan?

Ndryshimet në PS/ Gjiknuri: S'është fundi, por fillimi i diçkaje të re.

Inceneratorët/ S’kam dhënë asnjë kontratë pa garë, ato janë publike!

Ndihet 'i shitur' nga Rama? Gjiknuri: Nuk ndjej braktisje, kam komunikim me të prej 20 vitesh

Klosi: Kemi primare reformimin e partisë, PS synon mandatin e katërt

U shkarkua si Sekretar i Përgjithshëm, Gjiknuri: PS edhe kur fiton, refekton!

Digjet shtëpia në Shkodër, në banesë ndodhej një i moshuar, përfundon në spital

Vazhdon përplasja në PD! Basha kërkon mbledhjen e Komisionit të Etikës për të, Bardhi: Shenjë humbje

Vrasja e Jetmirës/ Autori u dënua me 28 vite burg, nëna e viktimës: Duhet dënim përjetë!

Newsroom 9 | Kallanxhi: Threads? S`besoj se do zgjasë shumë

Newsroom 9 | Eksperti i IT: Mos merrni për bazë asgjë thuhet në rrjet

Newsroom 9 | Gazetarja: po ndodhin vrasje nga tik tok

Newsroom 9 | Eksperti i IT: Fake News dallohet vetëm po të jemi kritikë

Newsroom 9 | Kallanxhi: Shqiptarët besojnë gjithçka shohin në rrjet

Newsroom 9 | Eksperti i IT, Tomi Kallanxhi: Tik Tok ka "fake news" sepse s'ka censurë

Newsroom 9 | Gazetarja: Shqipëria do kohë të përshtatet me Tik Tok

Newsroom 9| Eksperti i IT: Çdo rrjet është i përkohshëm, duhet të kujdesemi për vlerat

A mund të mbyllet TikTok për Shqipërinë? Flet për Newsroom eksperi i IT

Fëmija mbyllet brenda në shtëpi, nëna e alarmuar njofton zjarrfikësit, NDËRHYRJA nga ballkoni