Politike

Rikthehet KUVENDI! Opozita ‘hallin’ tek deti, Rama zotohet: Sa të jem unë, s’ka cënim të interesave kombëtare. Na duhet ligji për presidentin dhe ‘anti-shpifja’

  • Hapja e listave 100%, Rama tregon kushtin: Vetëm po të na garantohet kuota gjinore
  • Rama: Detin s’ka kush e merr, sa të jem unë… Keni marrë frikën e Lulit
  • Ruçi vendos objektivat: Me hir apo pahir “Kushtetuesja” hapet brenda 1 janarit
  • BATUTAT: “Po deshe ta nxjerr…!”/ Gjuzi kap telefonin dhe i ofrohet kryeministrit, Rama e refuzon: Jo!
  • Pas një muaji pushime, rikthehet Kuvendi! Opozita ka shprehur shqetësimin për kërkesën e Greqisë për zgjerim për 12 milje në detin Jon. Ndërsa kryeministri Edi Rama në fjalën e tij, është zotuar se deti nuk preket. Nuk kanë munguar as komentet për takimin e delegacioneve Kosovë-Serbi në SHBA.
    Featured image of article: Rikthehet KUVENDI! Opozita ‘hallin’ tek deti, Rama zotohet: Sa të jem unë, s’ka cënim të interesave kombëtare. Na duhet ligji për presidentin dhe ‘anti-shpifja’ Pamje nga seanca plenare sot

    TIRANË– Zgjerimi i Greqisë me 12 milje në detin Jon është kthyer në temën e debatit për seancën e parë parlamentare pas pushimeve të verës. Për të sqaruar të gjithë zërat, ka qënë vetë kryeministri Edi Rama ai që ka siguruar se me fqinjët nuk ka asnjë negociatë duke u shprehur se ishin treshja; Berisha, Basha dhe Meta ata që nënshkruan marrëveshjen për detin, duke theksuar se ishin socialistët ata që e çuan në Gjykatë Kushtetuese.

    Numri një i maxhorancës u zotua se përsa kohë të ishte në pozicionin e kreut të qeverisë, Shqipërisë nuk do t’i cënohej interesi kombëtar. Nuk munguan as “thumbat” ndaj opozitës duke i akuzuar se po përdornin qytetarët e painformuar për qëllimet e tyre politike. Rama ka adresuar shkurt edhe vendimin e Gjykatës Ndërkombëtare të Arbitrazhit që detyron shtetin shqiptar të paguajë 44 milionë dollarë dëmshpërblim për kompaninë greke “Aktor”, për punimet në autostradën Tiranë-Durrës. Pas publikimit të lajmit në Dosja.al, Rama dha sot në Kuvend: Deti aty është, nuk ka lëvizur. Nuk ndahet dot as deti, as toka. Nuk ndahet, siç ndaheshin tenderat kur LSI drejtonte ARRSH-në, sepse negociatat bëhen me persona të autorizuar, nuk bëhen me muhabet varkash.

    Më pas kryesocialisti foli për takimin Kosovë-Serbi në Uashtington dhe për hapjen e listave për zgjedhjet parlamentare që do të zhvillohen më 25 prill. Rama u shpreh se pranon hapjen e listave vetëm nëse sigurohet kuota zgjedhore, ndërsa takimin e cilësoi pozitiv, duke mos i kursyer edhe akuzat për politikën e Kosovës. Ai u shpreh se është krijuar një luftë imagjinare me Serbinë, e cila dëmton popullin e Kosovës. Gjatë verës, kryesocialisti nuk e ka harruar as nismën e tij për ligjin anti-shpifje, duke u zotuar se do të kalojë në Kuvend, pasi të rregullohet me rekomandimet e Komisionit të Venecias.

    Kuvendi u rikthye sot pas thuajse një muaj pushimesh verore. Seanca e parë për këtë sesion të fundit, është nisur nga kryeparlamentari Gramoz Ruçi, edhe pse 7 shtatori është pushim zyrtar për shkak se dita e “Shenjtërimit të Nënë Terezës” ishte ditën e shtunë.

    Për më shumë bëhu pjesë e grupit më viral në Facebook, Dosja.al

    Ky sesion, i cili do të jetë i fundit për këtë legjislaturë pritet që të jetë mjaft intensiv. Kuvendi i Shqipërisë duhet të formojë Komisionin Qendror të Zgjedhjeve, pasi ekzistuesi u riformatua si pasojë e marrëveshjes së 5 qershorit. Parlamenti duhet të zgjedhë deri më 19 tetor 12 anëtarët e rinj të KQZ-së, kryekomisionerin, nënkomisionerin dhe 10 anëtarët e dy komisioneve, atij rregullator dhe atij të ankesave dhe sanksioneve. Ndërkohë, Kuvendi pritet që të ngrejë Komisionin e Posaçëm për verifikimin dhe përzgjedhjen e 12 anëtarëve të KQZ-së.

    Sakaq, në Kodin e ri Zgjedhor parashikohet edhe një dispozitë kalimtare, që meqenëse opozita e bashkuar dogji mandatet në 2018 dhe nuk ka përfaqësues në Parlament për të përzgjedhur anëtarët, këtë herë do të ketë një anëtar nga jashtë me të drejtë vetoje. Po kështu, në këtë sesion parlamentar do të ndryshohet sërish Kodi Zgjedhor, pasi ndryshimet kushtetuese të seancës 30 korrik 2020 kërkojnë ndërhyrje në ligjin e zgjedhjeve.

    k.m/J.V/Dosja.al 

    • 19:52

      Ruçi vendos objektivat: Sesioni i kaluar ishte produktiv, me hir apo pahir "Kushtetuesja" hapet brenda 1 janarit

      Kryetari i Kuvendit, Grazmoz Ruçi, ka hapur sesionin e ri të parlamentit. Ai u shpreh se Gjykata Kushtetuese duhet të bëhet funksionale dhe deri më 21 janar të 2021 të ketë filluar punën. Ai vlerësoi sesionin e mëparshëm duke u shprehur se ishte produktiv pasi Shqipëria fitoi vendimin e merituar për çeljen e negociatave. Ruçi përshëndeti edhe marrëveshjen e arritur nga Kosova dhe Serbia.

      Edhe pse Kuvendi ka hapësira tëkufizuara për të nxituar organet e drejtësisë të bëjnë punën e tyre, nuk do tëfalim asnjë vonesë. Brenda këtij sesioni, me hir ose me pahir, Gjykata Kushtetuese do të bëhet funksionale. Më 1 janar 2021 gjyqtarët e rinj kushtetues do të kenë filluar nga puna,”– tha Ruçi në fjalën e tij.

      FJALIMI I PLOTË:

      Në hapje të këtij sesioni, dëshiroj të përshëndes marrëveshjen ekonomike midis Kosovës dhe Serbisë, të firmosur në prezencën e Presidentit të ShBA Donald Trump. Kjo marrëveshje i hap rrugën marrëveshjes përfundimtare dhe njohjes së ndërsjelltë. Natyrisht, marrëveshja e Ëashingtonit e 4 shtatorit nuk është gjithshka do të dëshironim ne, shqiptarët. Por, të paktën, për momentin, procesi është po aq i rëndësishëm sa edhe produktet e kësaj marrvëveshjeje.

      Hyrja e flamurit të Republikës së Kosovës në Shtëpinë e Bardhë dhe hapja e dosjes së Kosovës në tryezën e punës së Presidentit të Shteteve të Bashkuarsa është garanci e një procesi pa kthim prapa. Le të kontribojmë të gjithë që ajo dosje të mos hiqet nga tryeza e Presidentit amerikan, pa u zgjidhur përfundimisht njohja e Kosovës.

      I.

      Më 25 mars, Këshilli  i  Ministrave  të  BE-sëvendosiçeljen e negociatave me Shqipërinë dhe Maqedoninë e Veriut, vendim  i  cili  u  miratua nga Këshilli Europian më 26 mars 2020. Ky ishte një sukses i merituar për Shqipërinëdhe rajonin. Me progresin e rajonit drejt Bashkimit Europian, do të vijë momenti kur termat Europa Juglindore e Ballkani Perëndimor do tëçlirohen nga përmbajtja politike dhe kufijtë politikë të Europës do të afrohen me kufijtë gjeografikë të saj. Kuvendi i Shqipërisë ka kontribut kyç të pazëvëndësueshëm në rrugëtimin europian, duke garantuar legjitimitetin demokratik dhe kontrollin ligjor e politik të procesit. Kuvendi ka rritur përputhshmërinë e ligjeve me standartet e BE-së, duke garantuar një cilësi më të mirë të legjislacionit kombëtar. Komisioni për Integrimin Europian, gjatë sesionit të kaluar shqyrtoi dhe miratoi 11 ligje me përafrim ose 2 më shumë se periudha janar-korrik 2019, duke propozuar 97 amendamente ose 63 me shumë se e njëjta periudhë. Mbledhja e zgjeruar e Këshillit Kombëtar të Integrimit, më 9 qershor, kontriboi në projektin e Planit tëMasave të Integrimit Europian, të hartuar nga Qeveria.

      Kuvendi vijon zbatimin e masave të Planin të Veprimit për zbatimin e rekomandimeve të KE-së për vitin 2019. Nga 44 masat e parashikuara, janë realizuar plotësisht 35 masa ose (80%) dhe 9 masat e tjera (ose 20%) janë në proces realizimi. Procesit të integrimit europian i ka shërbyer edhe diplomacia parlamentare. Në janar u zhvillua në Bruksel Samiti i Kryetarëve të Parlamentave të BE-së dhe të Ballkanit Perëndimor; ndërsa në Kuvendine Shqipërisë u mbajt Konferenca e 16 e Komisioneve Parlamentare për Integrimin Evropian të Evropës Juglindore. Në shkurt erdhi në Kuvendin e Shqipërisë Presidenti i Parlamentit Europian, David Sassoli, ndërsa në mars Presidenti i Parlamentit të Austrisë, Sobotka. Të dyja këto vizita kishin në fokus ndikimin në vendimin e Këshillit Europian për celjen e negociatave.

      II.

      Gjatë sesionit të kaluar Kuvendi i Shqipërisë pati njëveprimtari ligjvënëse produktive dhe ushtroi kontroll parlamentar me efektivitet dhe efikasitet. Me efektivitet sepse kryem detyrat ndaj çështjeve prioritare të zhvillimit të vendit.  Me efikasitet, sepse racionalizuam kontributet, prodhuam ligje cilësore dhe nxitëm Qeverinë e institucionet të bëjnë detyrat. Pandemia rrezikoiedhe veprimtarinë parlamentare. Por Kuvendi i Shqipërisë reagoi menjëherë, në disa drejtime:

      Së pari, deputetët nuk i shkëputën për asnjëçast vëmendjen dhe lidhjet me qytetarët.

      Së dyti, përshtatëm Rregulloren e Kuvendit  dhe komisionet parlamentare, Konferenca e Kryetarëve e Byroja funksionuan onlain.

      Së treti, sipas praktikave të ngjashme të parlamenteve tëBE-së, seancat plenare u zhvilluan normalisht dhe i dhamë Shqipërisë ligjet e reformat që i duheshin.

      Së katërti, Kuvendi siguroi transparencë maksimale për median dhe qytetarët, duke ofruar transmetimin direkt të të gjitha veprimtarive parlamentare.

      Në raportin e OSBE/ODIHR “Dimensioni Human i OSBE dhe përgjigjet shtetërore ndaj pandemisë Covid-19”, Kuvendi u vlerësua ndër parlamentet që iu përgjigjën më mirë pandemisë, nëpërmjet inovacionit, produktivitetit e transparencës. Gjatë sesionit të kaluar miratuam 115 ligje ose 18 më shumë se gjatë dy sesioneve bashkë të vitit 2019, ndër të cilat 107 propozime të Këshillit të Ministrave dhe 8 nisma deputetësh.23 ishin nisma të reja, 38 ndryshime e shtesa në legjislacion, 22 marrëveshje dhe 32 akte normative, 29 prej të cilaveishin në përgjigje të pandemisë. Miratuam 75 ligje, 26 akte normative dhe zhvilluam 8 interpelenca më shumë sesa në sesionin e pestë. Trefishimi i akteve ligjore është një tregues thelbësor i produktivitetit ligjvënës. Gjatë këtij sesioni zhvilluam 11 interpelanca me anëtarë të Qeverisë,kërkuar nga deputetët e opozitës e shumicës. U trefishuan kërkesat për interpelancë, çka provon rritjen e llogaridhëniese transparencës për çështje me ndjeshmëri të lartë publike si rendi, arsimi, shëndetësia, mjedisi e drejtësia.

      Kontrolli parlamentar është ushtruar edhe me anë të raportimeve të Këshillit të Ministrave mbi zbatimin e detyrimevetë Planit Kombëtar për Integrimin Europian,  ecurinë e bisedimeve për anëtarësim etj. Këshilli Kombëtar i Integrimit Evropian ka raportuar mbi bashkëpunimin midis forcave politike, institucioneve shtetërore e të pavarura dhe shoqërisë civile si dhe çështje të tjera jetike tëintegrimit. Kuvendi, pas raportimeve të mësipërme, miratoi Rezolutën “Mbi progresin e Shqipërisë në procesin e integrimit në Bashkimin Evropian përgjatë vitit 2019”.

      III.

      Reforma zgjedhore po shkon drejt finishit. Kuvendi i Shqipërisë, grupet parlamentare, përfshirëato të opozitës, në emër të ardhmes e integrimit të Shqipërisë, u ngritën mbi sedrën politike parlamentare dhe kontribuan në një forum jashtë-parlamentar, siç ishte Këshilli Politik, i cilifunksionon jashtë Komisionit Parlamentar për Reformën Zgjedhore. Kynuk ishte oportunizëm politik, por një veprim me vetëdijetë qartë kombëtare. Me këtë veprim, gratë dhe burrat e këtij Kuvendi u krijuamnjëmundësi forcave politikeqë kishin braktisur Kuvendin, të kontribonin në legjislacioninpër zgjedhjet. Kuvendi i Shqipërisë i rikrijoi një mundësi përfaqësimi asaj pjese të popullsisë që beson te opozita jashtëparlamentare dhe kontributi i saj për vendin.

      Për më shumë bëhu pjesë e grupit më viral në Facebook, Dosja.al

      Produkt i bashkëpunimit me opozitën jashtëparlamentare ishte “përkthimi” i marrëveshjes së 5 qershorit në dispozita ligjore, nëpërmjet miratimit të ligjit “Për disa ndryshime dhe shtesa në ligjin nr. 10.019, datë 29.12.2008 “Kodi Zgjedhor i Republikës së Shqipërisë” të ndryshuar”, në seancën plenare të datës 23 korrik 2020. Parashikimi në Kodin Zgjedhor i pikave të Marrëveshjes së 5 qershorit garantoi gjithëpërfshirjen dhe moralitetin e reformës zgjedhore.

      Ndërsa parashikimi  në Kod i ndryshimeve kushtetuese të kërkuara nga opozita parlamentare dhe të votuara nga Kuvendi, pra miratimi i ligjit  “Për disa ndryshime në ligjin nr. 8417, datë 21.10.1998 “Kushtetuta e Republikës së Shqipërisë” të ndryshuar””, në seancën plenare të datës 30 korrik 2020, garantoi legjitimitetin dhe kushtetueshmërinë e reformës zgjedhore.  As gjithëpërfshirja e moraliteti dhe as kushtetueshmëria e legjitimiteti nuk mund të qëndrojnë pa njeri-tjetrin. Prandaj dëshiroj edhe njëherë të bëj të qartë se ndryshimet kushtetuese për sistemin zgjedhor nuk ishin as një tirani apo hile e shumicës,dhe as prishje e rregullave të lojës, por jetërsim i forcës së parlamentarizmit, i vullnetit të pakicës parlamentare e,ç’është më e rëndësishmja, i vullnetit të shumicës së shqiptarëve. Këto ndryshime nuk ishin një vetëtimë në qiell të pastër, por ishin sinjalizuar nga opozita parlamentare në Komisionin  e Posaçëm  për Reformën  Zgjedhore. Këtë vullnet politik konsistent ajo e solli në Kuvend, duke depozituar më 15 qershor nismën ligjore për ndryshime kushtetuese.

      Kuvendi u hapi rrugën këtyre ndryshimeve, i bindur se ato e bëjnë garën elektorale më konkurruese dhe qytetarët më përcaktues në zgjedhjen e grave dhe burrave që do t’i përfaqësojnë në Kuvendin e Shqipërisë. Kuvendi ndan të njëtin mendim me qytetarët shqiptarë se këto ndryshime janë në të mirë të vendit. Kriteri për refuzimin e një ndryshimi ligjor nuk është fakti se ky ndryshim nuk është i përsosur, por nëse ndryshimi përmban më shumë të mira sesa mangësi. Në këtë botë, të nderuar kolegë, sidomos në jetën politike, ka shumë pak gjëra që janë tërësisht të mira apo tërësisht të këqija.

      Prandaj unë ndaj të njëjtën bindje me shumicën e deputetëve të Kuvendit dhe të qytetarëve se këto ndryshime avancojnë demokracinë brenda partive dhe rrisin si përgjegjësinë e tyre dhe të qytetarëve në zgjedhjen e degës legjislative të qeverisjes. Këto ndryshime krijojnë një kuadër ligjor  zgjedhor,  në  përputhje me standartet më të mira  ndërkombëtare, ku zgjedhësi voton  jo vetëm për subjektin zgjedhor,  por edhe për kandidatin e parapëlqyer prej tij. Me këto ndryshime, plotësuam kuadrin ligjor për ndryshimet në Kodin Zgjedhor dhe mundësiuam një garë të barabartë në zgjedhjet parlamentare të vitit 2021.

      IV.

      Nëecurinë e reformës në drejtësi, vazhdoi asimetria midis investimit politik e ligjor të Kuvendit për ndërtimin dhe bërjen funksionale të organeve të reja të sistemit dhe inercisë së institucioneve, sidomos KLGj dhe KED, të cilat po vonojnëngritjen e tyre. Konsensusi i forcave politike e qytetarëve për reformën në drejtësi mbështetej në premisën se institucionet e drejtësisënuk mund të reformonin vetveten. Vonesat dhe inercia e sistemit, me të cilat vazhdojmë të ndeshemi, tregojnë sesa e domosdoshme ishte kjo reformë dhe sa jetike po bëhet ajo për fatine Shqipërisë.  Në takimin vjetor të Mekanizmit Institucional Kuvend-Institucione të Pavarura-Qeveri, në maj, unëu bëra apel institucioneve të drejtësisë, pa cënuar pavarësinë e tyre, t’u japin fund zvarritjeve në bërjen funksionale të organeve të sistemit.Pas takimit me Presidentin e Republikës me 30 qershor, i kërkova  KED-it me një letërpërshpejtimin e procedurave të verifikimit të kandidatëve  që   Gjykata Kushtetuese të jetë funksionale  për  vendimmarrje, të cilat kërkojnë  të paktën  6 anëtarë. KED-i, pas miratimit të amendamenteve mbiprocedurën e verifikimit, vlerësimit, pikëzimit e renditjes së kandidatëve për Gjykatën Kushtetuese, vendosi ndalimin e kandidimit për  kandidatët për dy vendet vakante të shpallura nga Kuvendi e  Presidenti i Republikës.

      KED-it iu desh gati një vit të shqyrtonte dy kandidatura! Me këto vonesa të zgjatura, tashme kupa ka filluar të derdhet dhe ky shpërpjestim midis investimit të Kuvendit dhe investimit institucional të një pjese të organeve të reja të sistemit, nuk do të tolerohet më. Edhe pse Kuvendi ka hapësira tëkufizuara për të nxituar organet e drejtësisë të bëjnë punën e tyre, nuk do tëfalim asnjë vonesë. Brenda këtij sesioni, me hir ose me pahir, Gjykata Kushtetuese do të bëhet funksionale. Më 1 janar 2021 gjyqtarët e rinj kushtetues do të kenë filluar nga puna.

      Çdo institucion i shtetit, i përfshirë në këtë proces, ta lexoj qartë këtë apel të Kuvendit! KLGj,më 27 shkurt 2020, i propozoi Presidentit të Republikës tre kandidatë për anëtarë të Gjykatës së Lartë nga radhët e juristëve të spikatur, të cilët u  dekretuan. Më 26 shkurt 2020 KLGj hapi procedurëne ngritjes në detyrë në Gjykatën e Lartë, për gjashtë pozicione të lira dhe ftoi për aplikim të gjithë gjyqtarët që plotësojnë kriteret ligjore. Aplikuan 25 kandidatë dhe KLGJ po shqyrton këto kandidatura.

      Do të nxisja anëtarët e tij të veprojnë në minimumin e afateve kushtetuse e ligjore, për të përmbyllur këtë proces dhe për të hedhur një hap të vendosur drejt bërjes së Republikës me Gjykatë të Lartë. Gjatë sesionit të kaluar, miratuam shtesat e ndryshimet në një ligje prioritar të reformës në drejtësi, ligjin 15/2020 “Për disa shtesa dhe ndryshime në ligjin nr. 96/2016 “Për statusin e gjyqtarëve dhe prokurorëve në Republikën e Shqipërisë”, të ndryshuar. Në seancën plenare të 20 janarit, Kuvendi zgjodhi Inspektorin e Lartë të Drejtësisë, ndërsa më 18 qershor miratuam  strukturën organizative, organikën dhe klasifikimine pagave të personelit të Inspektorit. U zgjodh gjithashtu dhe ka filluar nga puna drejtuesja e Byrosë Kombëtare të Hetimit. Komisioni i Pavarur për Koordinimin, Monitorimin dhe Ndjekjen e zbatimit të ligjit “Për organet e qeverisjes së sistemit të drejtësisë” i ka  vënë në dispozicion Komisionit të Ligjeve raportin përkatës. Kuvendi, me vendimin nr 37, datë  9 korrik 2020,vendosi deklarimin e përfundimit të veprimtarisë së Komisionit.

      V.

      Kontrolli parlamentar vazhdoi të përbënte një përparësi të sesionit të kaluar. Kuvendi shqyrtoi 24 raporte të institucioneve të pavarura dhe hartoi 24 analiza të veprimtarisë vjetore për shqyrtim nga komisionet parlamentare. Me gjithë kushtet e disfavorshme, Kuvendi vlerësoi me rezolutë të gjitha institucionet e pavarura dhe përcaktoi detyra konkrete për secilin prej tyre për vitin 2020. Shërbimi i Monitorimit hartoi Raportin e zbatimit të rekomandimeve në rezolutat e Kuvendit për vitin 2019 dhe Raportin për nivelin e zbatimit të rekomandimeve të institucioneve të pavarura nga ekzekutivi dhe agjencitë e varësisë për vitin 2019, raporte të publikuara në faqen e Kuvendit. Nga 227 rekomandime të institucioneve të pavarura për vitin 2019, janë zbatuar 75% e tyre, janëtë parealizuara 11% dhe janë në proces zbatimi 14%. Niveli i zbatimit të rekomandimeve të institucioneve të pavarura nga administrata publike për vitin 2019 ishte 62%. Ky tregues bën thirrje për më shumë vëmendje nga Qeveria për rekomandimet e institucioneve të pavarura, si zëdhënëse të interesave të qytetarëve. Më 7 maj 2020, Kryetari i Kuvendit realizoi takimin vjetor periodik me 24 institucionet e pavarura. Në këtë takim uvlerësua veprimtaria e institucioneve të pavarura dhe u adresuan rekomandime konkrete për përmirësimin e punës së tyre.

      VI.

      Sesioni që po nisim do të jetë sesioni i arritjes sëdisa objektivave të rëndësishme, midis të cilave nënvizoj: Pasqyrimi në Kodin Zgjedhor i ndryshimeve kushtetuese të 30 korrikut dhe përfundimi i reformës zgjedhore, në mënyrë që zgjedhjet parlamentare të ardhshme të jenë një garë me regulla të qarta dhe të barabarta për të gjitha partitë politike. Nxitja e Këshillit të Emërimeve në Drejtësi për bërjen funksionale brenda vitit 2020 të Gjykatës Kushtetuese.

      Nëse do të rezultojë e nevojshme, për të mbështetur  realizimin e këtij objektivi, unë do t’i propozoj Këshillit të Legjislacionit dhe Komisionit të Ligjeve  ndryshimet përkatëse, në zbatim edhe të rekomandimeve të Komisionit të Venecias të 19 qershorit 2020 “Për zgjedhjen/emërimin e gjyqtarëve kushtetues”. Nxitja e Këshillit të Lartë Gjyqësor për të bërë funksionale Gjykatën e Lartë brenda vitit 2020.

      Edhe pse ky mund të tingëllojësi një objektiv i guximshëm, unë mendoj se nëse KLGj shfrytëzon maksimalisht të gjitha mundësitë, mund të arrijëqë gjashtë vakancat e shpallura dhe që janë në proces, të plotësohen brenda vitit. Kuvendi do të kontribojë nënegociatate anëtarësimit, nëpërmjet përafrimit të legjislacionit, forcimittë mbikëqyrjes dhe kontrollit parlamentar dhe hartimit e zbatimittëPlanit të Veprimit për zbatimin e rekomandimeve në Raportin 2020 të KE-së për Shqipërinë.

      Miratimii Planit Strategjik dhe Planit të Veprimit të Kuvendit të Shqipërisë, për periudhën 2020-2025, financuar nga Qeveria e Zvicrës. Për zbatimin e këtij projekti Kuvendi do të vazhdojë tëbashkëpunojë me OSBE-në dhe Institutin Kombëtar Demokrat Amerikan, të cilët bashkë me Ambasadën e Zvicrës, i falenderoj për partneritetin e shkëlqyer. Për forcimin e kontrollit parlamentar do të përfshijmë në Platformën Ndërinstitucionale Onllain rezolutat e Kuvendit, me hapësirë të dedikuar për çdo institucion të pavarur, duke bërë të mundur ndjekjen e zbatimit të tyre nga të gjithë deputetët dhe grupet e interesit. Ju faleminderit dhe ju uroj të gjithëve një sesion të mbarë e të suksesshëm!

    • 19:18

      "T’i japim fund ngërçeve"/ Rama i vendosur: Ka ardhur koha që të ketë një ligj për presidentin

      Ne seancën plenare të sesionit të ri pas pushimeve të verës, kryeministri Edi Rama u shpreh se ka ardhur koha që të ketë një ligj për presidentin e vendit dhe madje për këtë sipas tij ka eksperienca nga vendet e tjera.

      “Emërimi i anëtarëve të Gjykatës Kushtetuese, duhet të normalizojmë një draft konkret, duhet një harmonizim i i plotë i partnerëve që e ndjekin reformën në drejtësi dhe t’i japim fund ngërçeve shumë të dëmshme që u krijuan në të shkuarën. Të kthejmë përpara edhe draftin e presidentit të republikës, mendoj që ka ardhur koha që të ketë një ligj për presidentin, ka këtu eksperienca plot që nuk ka nevojë që t’i shpikim por që ti harmonizojmë që të kemi një ligj për presidentin që është sa i nevojshëm aq sa edhe i munguar në gjithë këto vite”, tha Rama.

    • 18:45

      “O shqipe, mos fluturoni me zarzavate se s’ka negociata”/ Rama: Detin s’ka kush e merr, sa të jem unë… Keni marrë frikën e Lulit, ai s’më takon dot!

      Kryeministri Edi Rama, nga foltorja e Kuvendit, ka siguruar të gjithë se nuk do të merret asnjë vendim që do të cënojë Shqipërisë. Në fjalën e tij, Rama është shprehur se nuk ka asnjë negociatë me Greqinsë, pasi ato janë pezulluar që prej ndryshimit të qeverive ne vendin fqinjë, megjithatë ka shtuar se zgjerimi me 12 milje është një e drejtë. 

      PJESË NGA FJALA E RAMËS:

       Ju kapni ça të kapni për sa kohë keni truppeshq që e hanë karremin tuaj dhe të Salit, Lulit dhe të Monikës që këtu ka ardhur dita për të mbrojtur detin. Dua që thjesht t’ju lutem mos u bëni qesharakë. Detin dilni dhe mbrojeni atje ku ka peshq që votojnë. Dilni kapini dhe futini në rrjetë. Detin e Shqipërisë, fjala e kryeministrit të Greqisë nuk ka lidhje me Shqipërinë. Dhe që ta dini ju, që e doni shumë Shqipërinë, nuk ka hapësirë fizike, nuk ka hapësirë për të ushtruar të drejtën e 12 miljeve. Ajo buron nga Konventa Ndërkombëtare. Është për të gjitha vendet. Çdo vend që ka mundësi, mund ta bëjnë. Aty ku nuk e kanë shtetet duhet të negociojnë. Negociatat kanë ndaluar o shqipe që fluturoni lart, me zarzavate. Nuk ka negociata që nga ndryshimi i qeverive. Nuk ka marrëveshje o shqipe. Mos më ndërprit më se më je bërë si zhurmuesi i Jugosllavit. Mos u bëni qesharakë para fëmijëve duke mbrojtur detin nga asgjëja. Ne e rrëzuam marrëveshjen, s’mund të jemi ne ata që ta ribëjmë. S’ka sesi të jemi. Fjalën shitje mos e përdorini vend e pavend për çdo gjë. Se nuk funksionon. 12 milje nuk është kamion që ka kaluar natën, nuk është më nga ajo kohë. Deti nuk fuksionin si trau i doganave. Dhe del pastaj pala tjetër dhe thotë po shtrihemi ne se na erdhi kamioni. Viti 2020! Ka njëmijë gjëra për të bërë opozitë, ku i gjeni këto? E çoroditët këtë pjesë të popullit që iu beson verbërisht. Të paktën ju që jeni këtu, mos flisni si ata që ikën për çdo gjë. Deti është aty nuk ka kush e merr. Sa të jem unë në këtë detyrë, cënim interesash kombëtare… kurrë! Nuk është faji im që besoni se mund të fitoni kundër Serbisë duke qëlluar në ajër. Nuk është faji im. Ju demokratët e mëdhenj keni frikë nga takimet. Mos merrni frikën e Lulit. Luli ka frikë të takohet me mua. Takimet janë pozitive edhe në luftë.

    • 18:45

      Zgjerimi i Greqisë me 21 milje, Rama iu kthehet kundërshtarëve: Detin e copëtoi Berisha, Basha dhe Meta. Lulzimi nënshkroi marrëveshjen me buzëqeshje kilometrike


      Kryeministri Edi Rama ka folur në Kuvend për zgjerimin e Greqisë me 12 milje në detin Jon. Në fjalën e tij në Kuvend, Rama është shprehur se zgjerimi është një drejtë e Greqisë, ndërkohë që ka theksuar se nuk ka pasur negociata për asnjë moment. Më tej, në fjalën e tij Rama ka përmendur me emra paraardhësin e tij, kryedemokratin Lulzim Basha dhe presidentin Ilir Meta, duke u kujtuar nënshkrimin e marrëveshjes me Greqinë. Nga batutat e kreut të qeverisë nuk ka shpëtuar as kryetarja e LSI-së, Monika Kryemadhi, të cilën numri një i kabintetit e ironizoi për videon e saj në plazh.

      Se pashë se kush po mbronte deti se ishte me maskë. Kushdo që do të donte ta lëshonte nuk e lëshon dot, se s’ka mundësi. Mos u bëni qesharak dhe të poshtër. Sepse ata që i fryjnë këtij zjarri e dinë mirë se nuk ka asgjë të vërtetë. Në vend që të punojnë për shqiptarët, duan t’i përdorin. Të kapin ndonjë votë. Kap ça të kapesh! Dhe nisen me varka mono për të mbrojtur detin, duke i rënë lopatës majtas-djathas. Deti aty është, nuk ka lëvizur. Nuk është dot as deti, as toka. Nuk ndahet, siç ndaheshin tenderat kur LSI drejtonte ARRSH-në, sepse negociatat bëhen me persona të autorizuar, nuk bëhen me muhabet varkash. Dhe nëse një autoritet që është qeveria firmos një marrëveshje, ka një tjetër që e gjykon. Është zoti President. Ai e di shumë mirë që po nuk erdhi deti tek ai, askush nuk ka çfarë do t’i bëjë detit. Ata që e kanë copëtuar detin sot kanë dalë ta mbrojnë. Ilir Meta, Sali Berisha dhe Lulzim Basha bënë marrëveshjen më të gabuar. Monika Kryemadhi nuk ka pasur lopata në atë kohë. Marrëveshjen e bënë me firma dhe me vula, s’ka marrëveshje m,e fjalë. E firmosi me buzëqeshjen më të gjatë që kam parë në fytyrën e Lulzim Bashës. Ishte buzëqeshje me milje, po ta shohësh edhe nga pas, mund ta shohësh edhe me buzën pas. Ka dalë Ilir Meta e ka mbrojtur në atë kohë me gjithë peshën e tij, edhe fizikë. Ishte dyfish atë kohë,”-tha Rama.

    • 18:13

      Ligji anti-shpifje kundër mediave online, Rama: Duhet adresuar ligjërisht, shpifja po bën kërdinë

      Kryeministri Edi Rama duket se nuk ka hequr dorë për ligjin kundër mediave online që ai e quan anti-shpifje, madje ishte ndër gjërat e para që ai preku në sesionin e ri pas pushimeve. Rama është i vendosur për ta kaluar këtë ligj edhe pse cënon fjalën e lirë, për të eliminuar sa më shumë sulmet ndaj qeverisë. “Sa i përket ligjit që unë e quaj anti-shpifje duhet adresuar ligjërisht kur vjen puna puna tek mediat online. Fatmirësisht kemi nje raport ndihmues nga komisioni i Venecias dhe mbi ate raport duhet të punojmë bashkarisht që të dalim në konkluzionin e duhur dhe ta kalojmë atë ligj këtu në parlament një orë e më parë ndërkohë sepse shpifja po bën kërdinë për ditë, për ditë dhe për natë për natë për natë”, tha Rama.

    • 18:04

      Hapja e listave 100%, Rama tregon kushtin: Vetëm po të na garantohet kuota gjinore, s’mund të kthehemi pas në kohë

      Kryeministri Edi Rama ka mbajtur një fjalim nga foltorja e Kuvendit të Shqipërisë. Fjalën e tij, Rama e ka nisur me pandeminë e koronavirusit dhe më pas ka folur për hapjen e listave, për zgjedhjet parlamentare të 25 prillit. Kreu i qeverisë është shprehur se do të bjerë dakord vetëm nëse do të garantohet kuota gjinore, në të kundërt nuk ka dakordësi me opozitën.

      “Mirëse ritakohemi pas ndërprerjes. Uroj të gjithë të jeni mirë, në kushtet kur jemi dëshmitarë të një situate që befason shpesh. Pa humbur asnjë minutë, duhet që përmes komisionit të ligjeve të hedhim në letër ato që do të jenë reflektimet e ndryshimeve në Kushtetutën e Republikës së Shqipërisë në Kodin Zgjedhor. Nuk ka kohë për të humbur dhe duhet të punojmë me të gjithë ekspertët. Nga njëra anë për mekanizimin e listave të hapura, kur na duhet të diskutojmë dhe të gjejmë rrugën e duhur, jo vetëm brenda sallës por edhe me opozitën jashtë. Detyrimisht një orë më parë, nuk mund të jetë një proces i tejzgjatur për konsensus 100%. Por duhet konsesus për të mbaruar punë sa më shpejt. I vetmi problem për ne për hapjen e listave 100% është mbajtja e kuotave. Nëse nuk ka një mekanizëm të besueshëm, mos prisni nga ne hapjen e listave 100%. Lista të hapura që e kthejnë Shqipërinë pas në kohë, nuk çojnë asgjëkundi për ne. Por besoj kjo nuk është sfidë e panjohur dhe e re që shfaqet për herë të parë,”-tha Rama. 

    • 17:54

      ME FOTO: Maska nuk mungon! Nga ministrat tek deputetët, meshkujt zgjedhin në “maxhorancë” ngjyrën blu, as zonjat nuk mbeten pas me modën…

      Pas thuajse një muaji pushime, deputetët e Kuvendit të Shqipërisë janë kthyer në vendin e tyre, duke rinisur edhe sezonin politik. LSA ka publikuar disa foto ku shfaqen ministrat dhe deputetët në ditën e parë të seancës, ku tek zotërinjtë mbizotëron ngjyra blu. Ndërkohë, pas me modën nuk kanë mbetur as zonjat deputete, të cilat kanë shpalosur garderoën e tyre “vjeshtë-dimër 2020”.

      Deputetët në Kuvend

      Po ashtu aksesori që nuk mungon, jo vetëm për deputetët por në rang global, është maska.

    • 17:54

      Nis sesioni parlamentar pas pushimeve/ Rama i veshur i gjithi në të zezë, kapet duke pikturuar. Në krahë të besuarit Braçe dhe Spiropali. Balluku në ballkon

      Kuvendi ka nisur sot sesionin parlamentar pas pushimeve verore. Kryeministri Edi Rama ishte i veshur i gjithi në të zezë duke filluar nga kostumi, kollarja dhe deri tek maska. Në krahun e tij të djathtë ishte zv.kryeministri Erion Braçe ndërsa në krahun e majtë ishte Ministria për Marrëdhënie me Parlamentin, Elisa Spiropali, ndërsa ministria e Energjitikës Belinda Balluku ishte në një nga ballokonet e parlamentit. Braçe dhe Spiropali janë dy më të besuarit e Ramës, ku kjo e fundit madje është edhe deputetja më aktive sa u përket rrjeteve sociale dhe ka marrë edhe përgëzimet nga kryeministri. Rama është fotografuar në një moment duke pikturuar.

    • 17:52

      Dy ‘rebelët’ e Parlamentit Shqiptar! Opozitarët thyejnë rregulloren, ja kush janë deputetët që nuk duan t’ja dinë për COVID-19

      Ditën e sotme ka nisur seanca plenare pas më shumë se 1 muaji shkëputje. Situata tashmë është totalisht ndryshe për shkak të koronavirusit. Pjestarët e kuvendit duhet të mbajnë distancë nga njëri-tjetri si edhe të vendosin maskën për tu mbrojtur. Mirëpo këtë rregull të fundit nuk e kanë zbatuar të gjithë.

      Deputetet e Kuvendit Shqiptar

      Korab Lita dhe Arben Elezi janë dy deputetët opozitarë që ndryshe nga kolegët e tjerë nuk kanë zgjedhur që të mbajnë maskë.

    • 17:12

      FOTO-LAJM/ Gramoz Ruçi në Kuvend me “new look”, tregon aksesorin e ri teksa lexon fjalimin hyrës

      Kryeparlamentari Gramoz Ruçi e ka nisur seancën plenare me një pamje të re. Teksa mbante fjalën hyrëse në sesionin e ri dhe të fundit para zgjedhjeve parlamentare, Ruçi është shfaqur me një aksesor të ri.

      Gramoz Ruçi

      Në foltore, teksa lexonte Ruçi ka treguar syzet e tij, duke dalë për herë të parë me to në publik për të lexuar fjalimin e tij.

    Shto Koment