Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
DURRES – Trajneri i Kombëtares, Edi Reja, në resortin “Tropikal”, ku do të grumbullohet Kombëtarja, ka dalë sot në konferencë para mediave, ku ka folur në lidhje me dy ndeshjet miqësore të Shqipërisë në qershor, ndaj Uellsit dhe ndaj Çekisë. Tekniku kuqezi ka prekur disa tema, teksa ndër të tjera është shprehur:
Mungesa e Strakoshës dhe Kamberit? “Është kënaqësi që jam para jush. Kemi disa probleme për sa i përket pjesës së portierëve. Berisha dhe Strakosha kanë pasur problem fizike. Do flasim edhe me stafin mjekësor kur të gjithë lojtarët të jenë këtu, për t’i parë nga afër. Pasi të kenë mbaruar ndeshjet e kampionatit shqiptar, mund të bëj ndonjë ndryshim për sa i përket portës. Për sa i përket Kamberit kemi folur me përfaqësuesin e tij, nga i cili nuk i kemi marrë një përgjigje, si duket nuk është entuziast. Do e ndjekim në vazhdimësi atë, nuk mund të themi se është mbyllur këtu. Në ndeshjet e Ligës së Kombeve kemi bërë shumë eksperimente, lista është e madhe, e cila sa vjen dhe bëhet më e shkurtër. Shumë lojtarë të rinj ende nuk janë gati, prandaj nuk po i shikojmë në vazhdimësi. Ka shumë lojtarë të rinj, të cilët luajnë me ekipe të njohura në Europë. Për ndeshjet e Botërorit, unë do të bazohem të ata lojtarë që janë në formë dhe më japin besim. Mihaj ka probleme fizike, po ashtu edhe Dermaku me Hysajn. Ky i fundit ka edhe çështjen e kontratës dhe nuk është në një moment të mirë. Themi shpesh që kemi ndeshje miqësore, por për mendimin tim miqësoret nuk ekzistojnë. Kemi përballë dy ekipe të forta”.
Bajrami? “Për Bajramin do flasim në vijim. Dëshira e tij është e madhe për të ardhur këtu. Është nga më të mirët në Serie B. Ka aftësi të mira për të dribluar. I kalon lehtë kundërshtarët. Do të ishte ideal për ekipin tonë. Dëshira është e madhe që të zgjidhet gjithçka dhe besoj se do jetë një fund i lumtur”.
Afrimet nga Superiorja? “Për mua nuk janë dy ndeshje miqësore, por janë ndeshje të rëndësishme për atë që presim. I kam lënë një javë pushim për të qenë gati, deri të shtunën do jenë gati. Kemi dy kundërshtarë të rëndësishëm. Lojtarët duhet dhe besoj se do të jenë të motivuar”.
Ndeshjet dhe titulli në Superiore? “Ka qenë një kampionat shumë i ekuilibruar deri në javën e fundit dhe ende nuk dihet si do të shkojë, me 3 skuadra në lojë. Unë për vete do jem në Durrës. Do jem në Durrës, pasi e kam më lehtë. Salihi do të jetë në Shkodër. Do kemi nga një përfaqësues në fushat ku luhet për titull. Kanë të gjitha mundësi, sikurse edhe Partizani. Të gjitha skuadrat pretendente i kanë mundësitë për titullin. Marrim rastin e Napolit, që luante për Champions League, në letër dukej ndeshje e lehtë, por nuk rezultoi kështu. Për pankinën e Napolit nuk kam pasur asnjë kontakt, ndonëse kam marrëdhënie të mira. Më vjen keq edhe për Atalantën, që nuk arriti ta mbyllë në vendin e dytë kampionatin”.
Kundërshtarët e Botërorit? “Hungaria ka bërë mirë, ashtu si Polonia që njihet për aftësitë e tyre. Duhet të bëjmë mirë në këto ndeshje për të qenë gati në shtator. Ne kemi një strukturë të ngritur tani dhe një grup lojtarët me kualitet. Të gjithë lojtarët, jo vetëm Kamberi, duhet të jenë të gatshëm të ndjejnë të gjitha pasojat. Nëse vjen në Kombëtare, luan apo jo, motivimi duhet të jetë në maksimum. Një lojtar që grumbullohet në Kombëtare, është arritje e madhe. Kam folur me prindërit e disa lojtarëve dhe kanë pasur një entuziazëm të madh. Unë them që kjo është ajo që na duhet, lojtarë që janë entuziastë, që janë pjesë e Kombëtares, kjo është ajo që na duhet”.
Gjasula dhe Rroca? “Sa i përket Rrocës është një lojtar interesant, unë e kam ndjekur në vazhdimësi. Me Gjasulën kam folur dhe ka pasur probleme, ka edhe probleme në klube, ku do ndryshohet stafi. Më kërkoi leje të mos ishte në këto ndeshje dhe ne e kuptuam. Kemi lojtarë në të gjitha pozicionet. Do kemi në fushë një ekip për të përballuar me Çekinë dhe Uellsin”.
Rasti Kamberi? “Ne e kemi provuar gjatë javës në formacionin e titullarëve asokohe. Ai mendonte se do të luante dhe ishte i bindur për këtë. Ne bëjmë prova gjatë stërvitjeve. Lojtari më tha se kishte probleme fizike. Nuk kishte qasje pozitive. Ne e donim në skuadër, ai ose nuk është mire, ose ka probleme në kokën e tij. Në ndeshjet fundit e kam ndjekur dhe nuk është si më parë. Ne jemi gati të ulemi dhe të diskutojmë me të për të ardhmen. Edhe ne jemi gati të rishikojmë pozicionin tone”.
Miqësoret? “Janë teste shumë të rëndësishme, për mua janë dy prova shumë të rëndësishme. Na duhet mentaliteti i duhur për të luajtur këto ndeshje. Në Kombëtare nuk ekziston termi miqësore. Lojtarët që do të vijnë duhet të japin maksimumin. Do na vlejnë shumë për ndeshjet e shtatorit”.
B.T (Dosja.al)
Iftar dhe politikë, a u prek Muaji i Ramazanit nga politikanët?
POLONI – Sot, në orën 21:00, në stadiumin “Mijeksi” të Gdanskut në Poloni, do të luhet finalja e Europa Laegue. Spanjollët e Villarrealit do të luftojë pë...
TIRANE – Ka nisur në në resortin “Tropikal” grumbullimi i futbollistëve të Kombëtares të përzgjedhur nga trajneri Edi Reja për dy takimet miqësore, që do të luh...
ZVICER – UEFA ka hapur procedime disiplinore kundër Barcelonës, Juventusit dhe Real Madridit lidhur me përfshirjen e tyre në Superligën Evropiane të propo...
ITALI – “Aventurës” së Vedat Muriqit te Lazio duket se po i vjen fundi. Sulmuesi kosovar duket se ka vendosur edhe vetë të largohet nga skuadra italiane p...
TIRANE – Të martën Shqipëria U-21 ka nisur grumbullimin, në prag të ndeshjeve me Andorrën dhe miqësores me Bullgarinë. Kuqezinjtë synojnë t’i nisin eliminatoret...
TIRANE – Bardheblutë e Tiranës e mbyllin sezonin në shtëpi kundër Skënderbeut, ndërkohë që trajneri Orges Shehi kërkon tri pikët, edhe pse asnjë prej skua...
DURRES – Nesër zhvillohet java e fundit e kampionatit shqiptar. Teuta kryesuese pret Apoloninë në “Niko Dovana” (17:00). Fitorja është detyrim, teksa tifo...
ITALI – Trajneri i Portos, Sergio Conceicao, nuk do të jetë në krye të pankinës së Napolit sezonin e ardhshëm, sipas “Sport Mediaset”. Edhe ps...
ITALI – Gennaro Gattuso do të drejtojë skuadrën e Fiorentinës nga sezoni i ardhshëm, i cili sezonin që sapo është mbyllur ka drejtuar skuadrën e Napolit. ...
ITALI – Mediat italiane shkruajnë se sulmuesi belg, Eden Hazard, i cili nuk është përshtatur te Real Madridi për shkak edhe të dëmtimeve të shumta, u ka kërkuar...
