Politike

S’ka marrëveshje për ‘Zgjedhoren’, dështon Këshilli Politik, nuk arrihet konsensusi as me ndërmjetësim amerikan

  • Reforma Zgjedhore, presidenti Meta u çon mesazhin e fundit palëve: Na keni premtuar konsensus!
  • Zgjedhje lokale në tetor! Ndërkombëtarët negociojnë marrëveshjen me palët, lëvizjet e orëve të fundit
  • Këshilli Politik dështon, nuk arrihet asnjë marrëveshje. Pas më shumë se 3 orësh bisedime palët nuk kanë rënë dakord për shumë pika dhe kanë hedhur akuza kundër njëra-tjetrës. Përfaqësuesit politikë dhe pse u ndihmuan nga një përfaqësues i SHBA-së nuk kanë arritur marrëveshjen që pritej nga të gjithë.
    Featured image of article: S’ka marrëveshje për ‘Zgjedhoren’, dështon Këshilli Politik, nuk arrihet konsensusi as me ndërmjetësim amerikan Petrit Vasili, Oerd Bylykbashi, Damian Gjiknuri dhe Rudina Hajdari
    Përditësuar:

    TIRANË- Për gati katër orë, palët u mbyllën sot në Pallatin e Kongreseve, por nuk kanë arritur që të gjejnë gjuhën e përbashkët dhe të firmosin një marrëveshje. Edhe pse i gjithë takimi i sotëm është ndihmuar nga ambasada e SHBA-së në Tiranë, e cila më një përfaqësues të saj kishte marrë frenat në dorë, nuk u arrit një marrëveshje.

    Çështja e teknologjisë në zgjedhje, roli i Gjykatës Kushtetuese, administrata zgjedhore dhe qeveria kujdestare kanë qenë disa nga pikat që kanë ndarë palët. Në përfundim të mbledhjes, opozita dhe maxhoranca kanë shkëmbyer akuza me njëra-tjetrën, ndërsa Rudina Hajdari ka bërë fajtorë të gjithë për dështimin.

    Palët kanë lënë të kuptohet se puna për përfundimin e zgjedhores do të vijojë, por këtë herë nuk do ketë më takime të Këshillit Politik, por negociatat mund të bëhen dhe në distancë.

    Për më shumë bëhu pjesë e grupit më viral në Facebook, Dosja.al

    Ndërkohë nga ana tjetër në mbledhjet e kaluara, anëtarët e Këshillit Politik janë dakordësuar në disa çështje si kuotat gjinore në lista, financimin e partive dhe kohën e periudhës zgjedhore.

    (A.B. Dosja.al)

    • 23:14

      Gjiknuri optimist: S’kemi dështuar, vijojmë ende negociatat. Shumë shpejt do u informoj dhe do habiteni të gjithë

      Deputeti Damian Gjiknuri ka folur pas tryezës së Këshillit Politik. Në një deklaratë për mediat Gjiknuri u shpreh se është gati për të arritur një marrëveshje, por janë dhe disa pika që duhet të negociohen sërish.

      Damian Gjiknuri, PS

      Ai u shpreh se shumë shpejt do të informojë qytetarët për të gjitha pikat e marrëveshjes që janë arritur deri tani dhe tha se do habiten të gjithë.

      Patëm një problematikë. Ne u munduam të adresojmë kërkesat e opozitës. Kemi një kuadër gati të përfunduar me të gjitha kushtet e OSBE dhe kushtet e opoztës. Nuk mundet që të pasi biem dakord dhe reflektojme, të fillohet me kërkesa të reja. Nuk e humbim qetësinë dhe do vijojmë. Dyert dhe dritaret e komunikimit janë të hapura me opozitën dhe po i presim në tryezë.

      Kemi adresuar të gjitha kërkesat e opozitës, nuk i deklaroj këtu, pasi nuk negocioj me mikrofon. Mbi të gjitha duhet një administratë e pavarur zgjedhore. Miqtë ndërkombëtarë kanë folur për dialog dhe të vijohet puna.

      Në kemi adresuar kërkesat që asnjë opozitë shqiptare nuk i ka menduar në vend, Ju shumë shpejt do i shikoni dhe do habiteni kur të infermoheni. Një gjë u garantoj, adminsitrata do jetë shumë profesionale dhe nuk do ketë më si më parë. Të gjithë qytetarët mund të aplikojnë për komisionerë, jemi të hapur dhe për takime të tjera”, u shpreh ndër të tjera Gjiknuri.

    • 23:04

      Hajdari me tone të forta pas dështimit me Zgjedhoren: S'duan marrëveshje, i mbyllën derën dhe amerikës

      Deputetja Rudina Hajdari ka treguar se çfarë ka ndodhur sot në mbledhjen e Këshillit Politik. Me tonë të forta, Hajdari tha se fajin për dështimin e kanë partitë e mëdha, pasi sipas saj ata mendojnë vetëm për interesat e tyre dhe nuk duan që që të arrihet një marrëveshje për ndryshimin e sistemit.

      Partitë poltike dështuan se kanë interesa të ngushta. Duan që t’i shërbejnë kryetarëve të partive dhe miqve të tyre biznesmen, nuk mendojnë për qytetarët. Këta i mbyllën derën ambasadës amerikane dhe thanë që nuk janë gati për konsensus. Nuk ranë dakord se shohin veten e tyre dhe bizneset e tyre, nuk mendojnë për shqiptarët.

      Përfaqësuesi i SHBA takoi në fillim Gjiknurin dhe Bylykbashin dhe më pas takuan dhe mua, Petrit bëri një xhiro aty. Pastaj u takuam të gjithë bashkë. Nëse nuk hapim listat dhe nuk ndryshojmë sistemit nuk do bëjmë dot asgjë, do mbetemi këtu ku jemi. Ambasada e SHBA nuk erdhi kot, pasi kërkon që reforma të ketë dhe bekimin e shqiptarëve. Unë nuk tërhiqem për ndryshimin e sitemit. Këta dështuan sot nuk duan ndryshimin e sistemit dhe nuk duan marrëveshje. Sa herë dështojnë këta fitojmë ne.

    • 22:56

      Nuk arrihet marrëveshja në Këshillin Politik, opozita: PS nuk ishte gati për konsensus

      Përfaqësuesi i opozitës në Këshillin Poliktik, Oerd Bylykbashi ka bërë me dije se nuk është arritur asnjë marrëveshje. Në një deklaratë për mediat, Bylykbashi u shpreh se  opozita ka bërë propozimet e saj, por maxhoranca nuk ka lëvizur nga pozicionet e mëparshme. 

      Opozita bëri propozimet e saj për çështjet kryesore, ofroi konsensus. PS nuk ishte gati për të arritur konsensus për çështje të rëndësishme. Opozita nuk heq dorë nga garancitë për votën e qytetarëve shqiptarë dhe për një proces zgjedhor që krijon garanci. Ne jemi të gatshëm për të vazhduar punën për të gjetur këtë konsensus dhe presim që PS të tregojë gatishmëri për konsensus”, tha Bylykbashi.

      Ndërkohë Petrit Vasili u shpreh se opozita nuk heq dorë nga garancitë për sigurinë e votës së qytetarëve shqiptarë. “Jemi gati të vijomë punën për të gjetur këtë konsensus”, shtoi Vasili.

    • 21:47

      Përfundon mbledhja e Këshillit Politik, nuk ka marrëveshje mes palëve

      Përfundon mbledhja e Këshillit Politik. Burime për Dosja.al bëjnë me dije se edhe pse palët janë ulur me ambasadën e SHBA nuk kanë arritur një marrëveshje.

      Sipas përfaqësueve të opozitës, maxhornaca nuk ka dashur që të arrijë në kompromis, pasi nuk ka dashur të heqë dorë nga privilegjet e qeveris/ mbi procesin zgjedhor. 

    • 22:06

      FOTO/ Takim në fshehtësi me palët, kush është amerikani që po bën përpjekjet e fundit për Reformën Zgjedhore

      Ambasada e SHBA në Tiranë ka marrë frenat e Reformës Zgjedhore. Gjiknuri, Bylykbashi dhe Vasili me kërkesë të ambasadës së SHBA, kanë zhvilluar një takim sekret me Ian Crawford.

      Ian Crawford, përfaqësuesi i SHBA

      Shefi i seksionit politik dhe ekonomik në Ambasadën e SHBA-së, është negociatori që kërkon të gjejë konsensusin mes palëve.

      Crawford është takuar fillimisht me Damian Gjiknurin dhe Oerd Bylykbashin, dhe më pas, kur kishte kaluar më shumë se një orë nga takimi, me ta është bashkuar dhe Petrit Vasili.

    • 20:22

      Petrit Vasili bashkohet në takimin me përfaqësuesin e SHBA

      Në takimin e përfaqësuesit të SHBA-sa me Damian Gjiknurin dhe Oerd Bylykbashin, është bashkuar së fundmi edhe Petrit Vasili. Sipas informacioneve të tre po diskutojnë veç grupit tjetër dhe mbledhja e Këshillit Politik është ndërprerë.  
    • 20:56

      Reforma Zgjedhore, zbardhet propozimi i plotë i opozitës për qeverinë kujdestare

      Dosja.al ka siguruar propozimin e bërë nga opozita në Këshillin Politik. Sot është PD dhe LSI kanë dorëzuar një dokumenti ku kërkojnë që para zgjedhjeve të ketë një qeveri kujdestare. Sipas propozimit qeveria kujdestare e zgjedhjeve ka për detyrë të sigurojë asnjanësi dhe paanshmëri të institucioneve të administratës publike në procesin zgjedhor.

      PROPOZIMI I PLOTË

      100 ditë përpara ditës së zgjedhjeve parlamentare, Kuvendi i Shqipërisë, miraton përbërjen e Qeverisë Kujdestare të Zgjedhjeve, e cila pas betimit përpara Presidentit të Republikës, fillon ushtrimin e detyrës për të garantuar standardet për zgjedhje të lira dhe të ndershme, me funksion të posaçëm ndalimin e përdorimit të burimeve publike në mbështetje të subjekteve zgjedhore. Ky rregull zbatohet deri në hyrjen në fuqi të marrëveshjes për anëtarësimin e Republikës së Shqipërisë në Bashkimin Europian.

      Qeveria Kujdestare e Zgjedhjeve ka për detyrë: të sigurojë asnjanësi dhe paanshmëri të institucioneve të administratës publike në procesin zgjedhor; të sigurojë barazinë e trajtimit midis kandidatëve dhe partive të ndryshme në lidhje me burimet administrative; të sigurojë barazi ndërmjet të gjithë subjekteve zgjedhore, duke mbrojtur nga keqpërdorimi i mundshëm i burimeve administrative për qëllime politike.

    • 20:36

      Prapaskenat e KP, Gjiknuri e Bylykbashi takim në fshehtësi me përfaqësuesin e ambasadës amerikane

      Damian Gjiknuri dhe Oerd Bylykbashi, kanë zhvilluar sot një takim me një përfaqësues të ambasadës amerikane në Tiranë.

      Oerd Bylykbashi dhe Damian Gjiknuri

      Takimi është bërë pa Petrit Vasilin dhe  Rudina Hajdarin dhe diskutimi është bërë për çështjet e mbetura pezull për Reformën Zgjedhore.

      Nuk dihet se çfarë natyre ka pasur diskutimi që është i mbajtur i fshehtë dhe nga anëtarët e tjerë të Këshillit Politik dhe të ekpsrtëve që po hartojnë Reformën Zgjedhore.

    • 20:26

      Këshilli Politik një orë i mbyllur në Pallatin e Kongreseve, çfarë negociuan palët në distancë para nisjes së takimit

      Për më shumë se një orë palët politike të ndihmuar dhe nga ekspertët po diskutojnë për të Reformën Zgjedhore. Mbledhja po zhvillohet me dyer të mbyllura dhe ende nuk janë mësuar detaje nëse është arritur konsensus apo jo.

      Mbledhje e Këshillit Politik

      Por edhe pse mbledhja u shty me dy orë, nga axhenda e dakordësuar më herët , palët gjatë pasdites kanë kryer negociata në distancë.

      Për disa orë, anëtarët e Këshillit Politik kanë zhvilluar telefonata, ku kanë treguar edhe njëherë pozicionet e tyre dhe shprësojnë që në mbledhjen e fundit të arrijnë në një pikë të përbashkët.

    • 20:14

      Opozita dorëzon propozimet e fundit: Kërkojmë qeveri kujdestare

       Partia Demokratike ka dorëzuar sot propozimet e saj të fundit për Reformën Zgjedhore. Dosja.al mëson se PD ka zyrtarizuar kërkesën e saj për qeveria  tranzitore dhe tashmë pret vetëm diskutimin dhe miratimin e kërkesave të saj.

      Po ashtu opozita ka ribërë dhe kërkesën për rolin e Gjykatës Kushtetuese në zgjedhje dhe kërkon që kjo gjykatë të ketë rolin e Kolegjit Zgjedhor. 

      Oerd Bylykbashi dhe Petrit Vasili
    • 16:55

      Shtyhet mbledhja e Këshillit Politik, diskutimet do fillojnë në orën 19:00

      Mbledhja e radhës e Këshillit Politik që ishte parashikuar të zhvillohe jnë orën 17:00 është zhvendosur me dy orë. 

      Burime për Dosja.al bëjnë me dije se 4 anëtarët e këshillit do të takohen në orën 19:00. 

    • 13:44

      Sot vendoset për Reformën Zgjedhore, presidenti Meta u çon mesazhin e fundit palëve: Na keni premtuar konsensus!

      Ilir Meta

      Presidenti Ilir Meta ka bërë paralajmërimin e tij të fundit kur vetëm disa orë nga ndajnë nga tryeza e tij e fundit e Reformës Zgjedhore. Me anë të një statusi në rrjetet e tij sociale, Meta ka shkruar se sot të gjithë presin që palët të mbajnë premtimin e tyre për marrëveshje.  Më tej, kreu i shtetit ka kërkuar që të gjithë politikanët të mos kenë më frikë nga vota e popullit.

      Edhe pse është e diel të mos harrojmë paralajmërimet e fundit të Bankës Botërore. Ndaj sot të gjithë presin nga palët të mbajnë premtimin e tyre për konsensus.  Jo vetëm kaq, pasi edhe kjo është shumë pak.  Të mos kenë më frikë nga vota e lirë dhe e barabartë e qytetarëve të vendit dhe t’u japin mundësi të shprehen, jo vetëm për partitë, por edhe për deputetët që këta të mos heshtin më në Parlament e të vazhdojnë të ngrenë duart për ligje e politika që shtojnë varfërinë në vend dhe favorizojnë vetëm një grusht oligarkësh dhe politikanësh që kurrë s’duan të japin llogari dhe të mbajnë përgjegjësi. Dhe për të dhënë shembullin i pari ju ftoj të vendosni edhe zgjedhjen e Presidentit nga populli, që në këtë vend Presidenti të mos këtë më detyrime ndaj asnjë partie, por vetëm ndaj Kushtetutës, qytetarëve dhe Republikës,“-shkruan Meta.

    Shto Koment