Sulmoi me sende të forta efektivin e policisë në Shkodër, identifikohet autori (EMRI)
25 Mars, 17:45
Godit...
Ekonomi
Raporti i kredive me probleme bie në 6.5%, niveli më i ulët që nga nëntori 2008
5 Nëntor 2021, 06:39Nga DOSJA
Raporti i kredive vijoi rënien në muajin shtator. Sipas të dhënave nga Banka e Shqipërisë, ky tregues ra në 6.5%, nga 6.9% që kishte qenë një muaj më parë. Shifra e shtatorit është niveli më i ulët i kredive me probleme i regjistruar që prej nëntorit të vitit 2008.
Deri tani, ecuria e raportit të kredive me probleme po shfaqet dukshëm më e mirë se parashikimet. Kur ekonomia u prek nga efektet e pandemisë, frika e një vale të re të kredive me probleme ishte një nga shqetësimet kryesore për rregullatorët. Banka e Shqipërisë parashikonte në analizat e saj të brendshme se raporti i kredive me probleme mund të rritej deri në 15%.
Gjatë periudhës kur efektet e krizës ishin më të forta, raporti i kredive me probleme nuk u rrit falë masave të përkohshme lehtësuese të Bankës së Shqipërisë, siç ishin shtyrja e pagesave apo ristrukturimi i kredive pa përkeqësuar statusin e huamarrësit. Masat që mbështesnin ristrukturimet ishin në fuqi deri në fund të muajit mars të këtij viti dhe për shkak të afateve të përcaktuara në rregulloret përkatëse për klasifikimin e kredive me probleme pritej që efekti i tyre të vërehej duke filluar nga mesi i këtij viti.
Por, një gjë e tillë nuk ka ndodhur, madje raporti i kredive me probleme ka vazhduar të ulet më shumë. Mosrritja e raportit të kredive me probleme tregon se masat e përkohshme e kanë arritur qëllimin e tyre, që ishte dhënia e kohës së mjaftueshme që gjendja financiare e huamarrësve të rimëkëmbej nga pasojat e pandemisë.
Përmirësimi i ekonomisë reale besohet se ka ndikuar pozitivisht aftësinë paguese të subjekteve huamarrëse. Për tremujorin e dytë të këtij viti, Prodhimi i Brendshëm Bruto u rrit me 17.9% dhe tejkaloi nivelet e vitit 2019, para pandemisë. Megjithëse fundi i pandemisë ende është larg, deri tani situata duket të jetë e kontrollueshme dhe nuk ka pritshmëri për vendosjen e kufizimeve të reja serioze, që do të ndikonin në mënyrë të ndjeshme aktivitetin ekonomik.
Një rol po aq të rëndësishëm në rënien e raportit të kredive me probleme ka pasur rritja e kreditimit. Guvernatori i Bankës së Shqipërisë, Gent Sejko, tha këtë javë se portofoli i kredisë bankare u rrit me 8.9% në fund të tremujorit të tretë të këtij viti, i diktuar nga zgjerimi i kredisë në lekë, i kredisë për qëllime investimi dhe i asaj për blerje banese. Ecuria pozitive e kreditimit ka pasqyruar si zgjerimin e kërkesës ashtu dhe përmirësimin e ofertës dhe kjo e fundit është ndikuar nga bilancet e shëndetshme të sektorit bankar. Zmadhimi i portofolit total të kredisë ka ndihmuar në uljen e peshës relative të portofolit të kredive të këqija, si edhe ka ndihmuar vazhdimësinë normale të aktivitetit të sektorit privat.
Propozimet e paketës të re fiskale 2022 po detyrojnë përpunuesit të qumështit të nisin shqyrtimin e kontratave për blerjen e qumështit nga Gjermania dhe vendet ...
Banka Europiane për Rindërtim dhe Zhvillim (BERZH) e rishikoi me ulje parashikimin për rritjen e ekonomisë së Shqipërisë për këtë vit.Në raportin e projeksionev...
Çmimet e karburantit në muajt e fundit po rriten me ritme të shpejta dhe iu janë afruar niveleve më të larta historike. Në pikat e shitjes së tregtuesve ...
Kompania koncesionare që do të ndërtojë dhe operojë Aeroportin e Vlorës ka dorëzuar së fundmi pranë autoriteteve shqiptare përmbledhjen joteknike të raportit të...
Përjashtimet tatimore që qeveria ka lëshuar ndaj disa linjave të biznesit për të incentivuar zhvillimin e tyre kanë arritur vlerën e 81 miliardë lekëve ose rret...
Këshilli Mbikëqyrës i Bankës së Shqipërisë paralajmëroi sot se normalizimi i politikës monetare, i kuptuar si tërheqje graduale e stimujve dhe rritje e normave ...
Menaxhimi i financave publike po shfaq probleme sa i takon administrimit të fondeve që burojnë nga taksat e qytetarëve dhe borxhi, në raport me legjislacionin n...
Kur të dhënat e matësit të energjisë nuk janë të disponueshme për shkak të dëmtimit apo kushteve teknike, faturimi pritet të bëhet në bazë të vlerave referuese....
Kjo do të thotë që bizneset në tregun e lirë do të sigurojnë energjinë me çmimet e tregut ku 1 kwh energji arrin në 25 lekë, më shumë se dyfish nga &cced...
Këshilli Mbikëqyrës i Bankës së Shqipërisë paralajmëroi sot se normalizimi i politikës monetare, i kuptuar si tërheqje graduale e stimujve dhe rritje e normave ...