Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
SKOCI– Kryeministri Edi Rama është shprehur krenar nga konferenca e OKB-së për faktin që Shqipëria, sipas tij nuk është vend ndotës. I pranishëm në Samitin për për ndryshimet klimatike COP-26, Rama e nisi fjalën e tij me faktin që është më i gjati nga të gjithë liderët pavarësisht se vjen nga një vend i vogël si Shqipëria. Kryeministri shtoi se prodhimi ynë i energjisë mbështetet te burimet e ripërtëritshme, 100% hidrike dhe zero nga karburantet fosile. Por, Rama ;thumboi’ vendet e fuqishme të cilat i pyeti se si do ta ndihmojnë vendin tonë ‘ndotësit’. Kryeministri kërkoi gjithashtu një mbështetje në këto kohë krize.
Fjala e plotë e Ramës:
Unë quhem Edi Rama. Me gjasë jam më i gjati këtu, por vij nga një prej vendeve më të vogla, Shqipëria. Unë dhe bashkëqytetarët e mi shohim nga vendet tuaja si modele të mirëqeverisjes. Në ngjarje të rëndësishme, si kjo e sotmja, na thuhet se çfarë duhet të bëjmë. Zakonisht, ne dëgjojmë dhe mbajmë shënim. Kështu bëra, ju dëgjova dhe mbajta shënim, por ende nuk kam marrë përgjigje për pyetjen me të cilën kam ardhur këtu. Ndoshta nuk i ka shkuar kujt në mend, kështu që po e them qartë: “Si mendojnë të na ndihmojnë ndotësit e mëdhenj neve, që jemi jondotës?” Po, jondotës! Prodhimi ynë i energjisë mbështetet te burimet e ripërtëritshme, 100 për qind hidrike, zero për qind karburante fosile. E nuk japim vetëm premtime se do të përballemi me sfidën e përbashkët të angazhimeve të ndërmarra dhe objektivave të vendosura. Ne e bëjmë këtë. Sot. Në vitin 2021. Por ne nuk jemi të vetëmjaftueshëm, kështu që na duhet të importojmë energji dhe, për pasojë, importojmë ndotje. Vendi ynë i vogël ju pyet: “Për sa kohë do të na duhet të vazhdojmë të bëjmë të vetëm gjënë e duhur? Për sa kohë do të na duhet të jemi të parët që paguajnë çmimin për kontributin tuaj në ndryshimin e klimës dhe, më tej, për mosndreqjen e pasojave të saj nga ana juaj? Ne mund t’i kishim pranuar të gjitha ofertat fitimprurëse që na janë bërë për vite me radhë për termocentrale me qymyr. Do të na kishin ndihmuar për të kompensuar sezonet tona të thatësirës, kur mungesa e reshjeve na detyron të dalim në treg dhe të blejmë energji me kosto shumë të lartë nga të mëdhenjtë. Jam krenar që nuk e kemi bërë, por, tani, vendi im i vogël sheh atë çfarë ndodh këtu, sesi ndotësit më të mëdhenj marrin racionet më të mëdha të parave, për të na ndihmuar ne të përballemi me ndryshimin klimës siç thonë.
Tani që po vjen dimri, buxheti ynë ka humbje, pasi na duhet të blejmë energji dhe çmimet kanë shkuar në qiell. Për më tepër, për shkak të thatësirës së madhe, hidrocentralet tona nuk i përmbushin dot nevojat e vendit. Kështu gjendemi midis dy përbindëshave, Shilës, ndërsa lutemi të bjerë shi për prodhimin e energjisë elektrike dhe Karibdës, rrezikut të përmbytjeve shkatërruese që gërryejnë pjesë masive të ekonomisë sonë të vogël rurale. Vetë kriza e klimës në veprim. Kështu, vendi im thotë me vete – ke 100 për qind burime të ripërtëritshme, po, por cila është përgjigjja për familjet dhe biznesin e vogël që nuk ia dalin të paguajnë fatura edhe më të larta për konsumin e energjisë elektrike? Mos po paguajmë çmimin se po bëjmë gjënë e duhur? Ne nuk mund të rrimë pa bërë gjë e të presim nëse tregjet lëvizin me shpejtësi në drejtimin e duhur. Shpresoj që do t’i mbani premtimet për financim, për të mbështetur vendet me të ardhura të ulëta dhe të mesme; duke nisur nga modele të energjisë së pastër, siç është Shqipëria. Ky financim nuk duhet të vijë në formën e huave që i zënë vendet tona në grackën e ciklit të borxhit, por përmes granteve që na fuqizojnë të investojmë. Dhe shpresoj që mbështetja nuk do të vazhdojë të nënkuptojë studime e strategji pa fund, ndikimi i të cilave është shumë herë më i ulët sesa kostoja që duhet për të paguar njerëzit nga vendet e pasura që i hartojnë ato. Është krejt fisnike të refuzosh çdo përzierje me karburantet fosile të prodhimit tonë të energjisë 100 për qind të ripërtëritshme. Disa prej jush mund të jenë në gjendje ta përballojnë. Për ne, është një betejë e përditshme. Modeli është i pamundur të përballohet pa mbështetjen e vendeve më të pasura e më të fuqishme. Jam i ndërgjegjshëm se nismat e ardhshme të klimës nuk kushtëzohen vetëm nga sa prekin Shqipërinë apo vende të ngjashme me të, por mungesa juaj e veprimit na ndikon ne dhe shumë si ne, që paguajnë çmimin e lartë për fitimet e ndotësve të mëdhenj. E nisa duke thënë se i kemi sytë nga vendet tuaja, si modele të mirëqeverisjes. Shpresoj të mos vijmë në pikën ku të kuptojmë që ka qenë gabim. Ju faleminderit.
Lajmi kryesor/Konferenca e OKB-së për klimën, gati marrëveshja për të ndaluar shpyllëzimin
(F.m/dosja.al)
Cila mendoni se është alternativa më e mirë:
TIRANË– Ish-gjyqtarja e arrestuar Enkelejda Hoxha ka pranuar akuzën për korrupsion duke bërë që të përfitojë nga gjykimi i shkurtuar. Mësohet se Hoxh...
FIER- Një 33-vjeçar është arrestuar ditën e sotme nga forcat e Policisë së Fierit për ushtrim të aktivitetit të paligjshëm të lojërave të fatit. Sipas nj...
LUSHNJE– Një 19-vjeçar me inicialet F.H., është vënë në pranga pasi akuzohet se ka kryer marrëdhënie intime me një vajzë të mitur, vetëm 11 vje&cce...
TIRANË– Gjykata Kushtetuese ka përfunduar diskutimet për zgjedhjet lokale të 30 qershorit të vitit 2019 dhe është tërhequr për vendim. Kryetarja Vito...
Bashkëshorti i saj është përdorues i rregullt i alkoolit. Por për të nuk ka problem. Bashkëshorti i saj ngre zërin në shtëpi. Për gruan nuk ka problem as që ai ...
TIRANË- Një 28-vjeçar i identifikuar si E.Z është arrestuar në flagrancë per posedim dhe trafikim të lëndëve narkotike.Sipas njoftimit të policisë, ...
TIRANË– Ditën e sotme ka nisur vaksinimi i mjekëve me dozën e tretë të vaksinës. Ministrja e Shëndetësisë, Ogerta Manastirliu ndoqi nga afër procesin...
Në 18 qershor, Kolegji i Posaçëm i Apelimit, KPA përmbysi si të pabazuar në fakte dhe ligj, vendimin e Komisionit të Pavarur të Kualfikimit për kryetarin...
DURRËS– Një person i shpallur në kërkim është arrestuar në Durrës. Pas hekurave ra 59-vjeçari me inicialet Xh. N, banues në Durrës pasi goditi...
TIRANË– Drejtori i Policisë së Shtetit Gledis Nano ka bërë dy emërime të tjera në nivel komisariatesh në vend pas aksioneve të zhvilluara së fundmi n...
