Politike

VD/ Rama mbledh ministrat në Durrës, kritika të gjithëve: S’kanë arritur të komunikojnë me qytetarët. Diskutuam për 7 prioritetet

Edi Rama ka mbledhur sot kabinetin qeveritar në Golem. Rama dhe minsitrat kanë bërë një bilanc të punës së si vitit 2019. Kreu i qeverisë ka bërë kritika të gjithë ministrave dhe u ka kërkuar më shumë rezultat. Po ashtu Kryeministri u ka kërkuar të gjithë ministrave që të jenë më aktiv në terren për të përballuar tërmetin e 26 nëntorit.
Përditësuar:

DURRËS- Kryeministri Edi Rama ka mbledhur të gjithë ministrat në Durrës, ku ka bërë analizën e qeverisë në vitin që 6 mujorin e dytë të vitit. Burime për Dosja.al bëjnë me dije se në fokus të mbledhjes 8 orëshe ka qënë bilanci i punëve të vitit 2019.

Rama ka bërë një analizë për secilën ministri për 6 mujorin e dytë tëvitit 2019, si dhe është analizuar situata pas tërmetit tragjik të 26 nëntorit. Dosja.al mëson se Rama ka qenë i ashpër me të gjithë ministrat dhe u ka kërkuar më shumë rezultate për të arritur objektivat. Po ashtu kreu i qeverisë mësohet t’u këtë thënë ministrave që të angazhohen më shumë në situatën pas tërmetit dhe të shparndahen të gjithë në terren.

Një vit më parë, kryeministri Rama ndryshoi kabinetin qeveritar, duke zëvendësuar shtatë ministra. Në mesin e ndryshimeve, ishte edhe ardhja e dy ministrave nga Kosova, Besa Shahini mori timonin e ‘arsimit’, ndërsa Gent Cakaj zëvendësoi Ditmir Bushatin.

Për më shumë bëhu pjesë e grupit më viral në Facebook, Dosja.al

Gjithsesi, ngjarjet më të bujshme të vitit që po lëmë pas, që do të jenë edhe pikat kyçe të vlerësimit të ministrive është “PO”-ja me kushte nga Bundestagu për çeljen e negocitave dhe tërmeti i 26 nëntorit që la pas 51 viktima. Për gjendjen e post-tërmetit kryeministri Edi Rama vendosi Arben Ahmetajn si ministër për Rindërtim. Po kështu më 16 janar pritet të dalë fatura përfundimtare për dëmet e tërmetit dhe më pas do të zhvillohet në Tiranë konferenca e donatorëve, ku pritet të marrin pjesë biznesmenë nga shumë vende të botës.

(J.V. A.B. Dosja.al)

  • 18:42

    Rama tregon diskutimet në mbledhjen e qeverisë: Folëm për 7 prioritetet e qeverisjes, vijon puna për KÇK-në dhe strehimin e të prekurve nga tërmeti

    Edi Rama pas 8 orësh mbledhje me të gjitha ministrat, ku janë bërë bilancet e 6 mujorit të fundit ka dhënë një deklaratë për mediat.

    Në deklaratën e tij, kreu i qeverisë është shprehur janë diskutuar për 7 prioritetet e qeverisë, ku mes tyre kanë qenë strehimi i të prekurve nga tërmeti dhe nxjerrja e akteve nomrative për ligjin kudnër KÇK-së.

    Objektivi është që brenda pranverës të jetë e nisur dhe brenda 6 mujorit të parë një pjesë e madhe e atyre që janë sot në banesa individuale të jenë sistemuar në një shtëpi të re. Për ata që do të hyjnë në lagjet e reja do të vijojnë të qëndrojnë me qira, kemi diskutuar ato që ju i keni parë, si 7 prioritetet e qeverisjes. Në fillim të janarit do të kalojmë aktin që u pengua për shkak të gjendjes së emergjencës kundër krimit të organizuar dhe KÇK dhe njëkohësisht do të vijojmë punën për Paktin për Universitetin. Te Akademia e Arteve do të rindërtojmë nga e para pjesën e ndërtuar pas periudhës italiane. Energjinë dhe infrastrukturën kemi nisur procedurën për aeroportin e Vlorës. Shumë shpejt do nisë dhe procedura për rrugën e re, Thumanë-Kashar-Rrogozhinë. Po punohet dhe besoj se shpejt do të shpallet edhe për tunelin e Llogarasë dhe pastaj një sërë veprash të tjera, Shëngjin-Velipojë dhe të tjera”, ishte kjo një pjesë e deklaratës së Ramës.

  • 18:35

    Rama zbulon vendimin që është marrë sot: Brenda 2020 hiqen sportelet, dokumentet merren online

    Kryeministri Edi Rama pas mbledhjes së kabinetit qeveritar ka dhënë një deklaratë për mediat. Në deklaratën e tij, Rama tha se brenda vitit 2020 do hiqen të gjitha sportelet dhe dokumnetet do merren online.

    Kemi një tejtër prioritet të rëndësishëm shërbimet online, kemi folur dhe është një prioritet që do konkretizohet në janar. Qytetarët nuk do jenë më të detyraur të shkojnë në zyra, të gjithë dokumentat që qytetarët do marrin nga institucionet do i garantoj vetë shtetit. Këto shërbime do fillojnë në janar dhe në 2020 mbyllen të gjitha sportelet. Kemi diskutuar dhe për shengenin rajonal, që është një tjetër prioritet”, u shpreh Rama.

  • 18:45

    Shpërblimet e festave për pensionistët, flet Rama: S’e kam ende të qartë, do komunikojmë në vijim

    Kryeministri Edi Rama ka dhënë një prononcim për mediat lidhur me shpërblimin e pensioneve për festat e vitit të ri. Në fjalën e tij, Rama tha se ende nuk ka një ide të qartë lidhur me shpërblimin, duke premtuar se shumë shpejtë do të komunikojë vendimin e tij.

    Nesër kemi mbledhjen e qeverisë dhe do flasim për këtë. Ideja ka qenë dhe do mbetet që të mos cënojnë prioritetet, por do jemi të kujdesshëm që të shikojmë nëse do e përballojmë vetë rindërtimin. Për këtë gjë do komunikojmë në vijim dhe është një pyetje më vend dhe është një shqetësim që nuk e kam ende shumë të qartë”, u shpreh Rama.

  • 18:27

    Rama flet pas mbledhjes së qeverisë: Ministrat kanë punuar të gjithë, disa prej tyre…

    Kryeministri Edi Rama ka folur pas mbledhjes disa orëshe të qeverisë në një hotel në Durrës. Në fjalën e tij Rama ka treguar detaje nga mbledhja e qeverisë, ku është shprehur dhe për punën e qeverisë, ku tha se të gjithë kanë punuar shumë mirë, por një pjesë e tyre nuk kanë mundur të përcjellin tek publiku punët e tyre.

    Kur sheh punën e bërë, vërtetë mendoj se është një punë e madhe  dhe një nga gjërat që ne do e shohim është komunikimi dhe informimi për këto punë. Ju me një pjesë keni të drejtë se ju keni lajme të tjera më të rëndësihme dhe nuk mund të fajosëheni, por në mund të fajësojmë veten pasi nuk ua tregojnë të gjitha ato që bëjmë?”, tha Rama.

  • 17:30

    Mbledhja e qeverisë në Durrës, Rama merr vendimin e papritur. Ja çfarë do ndodhë nesër

    Kryeministri Edi Rama po vijon mbledhjen e ministrave në Durrës dhe ka marrë vendimin që nesër të mbledh Kryesinë e PS.

    Kryesia e PS, foto ilustruese

    Sipas burimeve nga mbledhja mësohet se Kruyesa e PS do mblidhet nesër në selinë rozë për të përcaktuar datën e mbajtjes së Kongresit dhe zgjedhjet brenda partisë.

  • 16:24

    Detaje të reja nga mbledhja e qeverisë në Golem, Rama nuk kursen ministrat, i kritikon të gjithë

    Detaje të reja janë mësuar nga mbledhja e Edi Ramës me minsitrat në Golem. Burime nga mbledhja e qeverisë bëhet me dije se Rama u ka bërë kritika të gjithë ministrave. Rama nuk ka kursuer askënd dhe u ka kërkuar rezultate në punë, pasi sipas tij janë mbrapa me objektivat e vendosur më herët.

    Rama me ministrat (Foto ilustruese)

    Më tej kreu i qeverisë ka kërkuar më shumë angazhim në përballimin e situatës pas tërmetit. Kritikat nuk janë kursyer as për kryetarët e bashkive, ku u ka kërkuar dhe atyre që të menaxhojnë më mirë situatën e krijuar nga tërmeti i 26 nëntorit që goditi Durrës, Thumanë, Laçin e Tiranë bashkë me fshatrat përreth.

  • 13:44

    FOTO/ Nga Spiropali tek Ahmetaj, kush janë ministrat që drekojnë me familjet e prekura nga tërmeti në Durrës

    Mëngjesin e sotëm kryeministri Edi Rama dhe gjithë kabineti i tij i janë bashkuar familjeve të prekura nga tërmeti, të cilat janë strehuar në kompleksin “Fafa” në Golem. Në fotot e mëposhtme, shfaqen politikanët dhe minstret, të cilët janë duke drekuar me qytetarët.

    Vihet re prania e ministrave, që nga Blendi Klosi, Elisa Spiropali, Olta Xhaçka deri tek ministri më i ri Arben Ahmetaj, që mesa duket po mban ndonjë fjalim ashtu siç di vetëm ai.

  • 13:37

    Zbardhen detaje nga mbledhja e Ramës, cilat ministra kanë raportuar përpara kryeministrit, pritet dreka

    Dosja.al ka zbardhur detaje nga mbledhja e kryministrit Edi Rama me kabinetin e tij, që po zhvillohet në Golem. Burime nga mbledhja, bëjnë me dije për Dosja.al se deri më tani në mbledhjen që ka vënë në ‘filtër’ punën e ministrave ka raportuar Anila Denaj dhe Belinda Balluku.

    Në takim janë të pranishëm të gjithë ministrat, ndërsa në fokus siç u raportua më parë është përballimi i përballimin e pasojave që la pas tërmeti i Nëntorit, ku u shuan 51 persona. Mbledhja e qeverisë pritet që të zgjasë deri në orët e vona të pasdites. Ndërsa në roët e drekës mësohet se Rama do të ulet për të ngrënë me banorët që janë strehuar në resortin ku po mbahet takimi.

Shto Koment