Politike

‘Rindërtimi pas tërmetit’/ Aplikimi nis në 29 janar, Ahmetaj: Afat 30 ditë! Rama: Kujdes me abuzimet, do ndëshkoheni. Ftesa për opozitën

  • Lulzim Basha: Dy muaj nga tërmeti ende asnjë i arrestuar
  • Prezantohet plaftorma online për qytetarët e prekur nga tërmeti dhe që do që përfitojnë nga Programi i Rindërtimit. Ministri i Rindërtimi, Arben Ahmetaj ka bërë me dije se procesi fillon me 29 janar dhe afati është një muaj. Kryeministri Edi Rama ka kërkuar paralajmëruar për abuzimet. Kërkoi edhe ndihmën e opozitës për t’i denoncuar.
    Featured image of article: ‘Rindërtimi pas tërmetit’/ Aplikimi nis në 29 janar, Ahmetaj: Afat 30 ditë! Rama: Kujdes me abuzimet, do ndëshkoheni. Ftesa për opozitën Arben Ahmetaj dhe Edi Rama

    TIRANË– Ditën e sotme në sallën e Albanologjisë në Pallatin e Kongreseve është prezantuar platforma online për qytetarët e prekur që do që përfitojnë nga “Programi i Rindërtimit”. Ka qënë ministri i Rindërtimi, Arben Ahmetaj ai që ka prenzantuar planifikimin duke  u kërkuar nëpunësve të shtetit që të shkojnë ata tek qytetarët dhe t’i ndihmojnë me procedurat. 

    Sipas tij, i gjithë procesi do të jetë me pikëzim në mënyrë që të shmangen të gjitha rastet e abuzimit duke paralajmëruar se procesi do të ndiqet me imtësi nga zyra e kryeministrit. Më pas, fjalën e mori kreu i qeverisë, Edi Rama, i cili u kërkoi qytetarëve që të tregohen të duruar pasi kabineti i tij ka bërë shumë dhe nuk po harxhon kohë kot.

    Për më shumë bëhu pjesë e grupit më viral në Facebook, Dosja.al

    Në fjalën e tij, Rama ka pasur edhe një paralajmërim me të gjithë personat që do të merren me caktimin e qytetarëve që do të kenë nevojë për një banesë të re. Numri një i maxhorancës tha se kush abuzon do të ndëshkohet duke paralajmëruar një grup “misterioz” që do të vëzhgojë nga larg për të gjetur shkelje. 

    Këtu socialisti ka kërkuar edhe ndihmën e opozitës duke i kërkuar që të bërtasin me të madhe çdo rast abuzimi me të cilin do të ndeshen. 

    (k.m/dosja.al)

    • 11:53

      Rama lëshon paralajmërimin: Kush merr shtëpi pa të drejtë do ndëshkohet

      Kryeministri Edi Rama ka qënë i pranishëm në prezantimin e “Platformës së Rindërtimit”. Në fjalën e tij, numri një i maxhorancës ka paralajmëruar të gjithë nënpunësit që t’u japin të gjithë të prekurve nga tërmeti atë që meritojnë. Kreu i qeverisë ka paralajmëruar edhe për pasojat e përfshirjes së personave që mund të përftojnë shtëpi pa të drejtë, duke iu bërë me dije se një grupi “misterioz” do t’i vëzhgojë për të zbuluar të gjitha shkeljet. Rama nuk është mjaftuar me kaq, por ka kërkuar edhe ndihmë nga opozita për të denoncuar çdo rast abuzimi që do të zbulojnë.  

      “Ne do të garantojmë që parametrat e ndërtimit të jenë anti-sizmike. Që nëse ndodh një tjetër lëkundje, shtëpitë të jenë shumë më rezistente dhe që garantojnë cilësi jete. Pallatet të jenë shëmbullore për nga pikëpamja e të gjithë parametrave. Patjetër është e lehtë të thuhet por jo e lehtë të bëhet. Siç e tha ministri shumë shpejt do të keni modelet e zhvillimit. Moslejimin e degradimit në dallavere dhe qoka. I kemi studiuar eksperiencat në vend të tjera. Ka procese që e kanë çuar vendin më lart, dhe ka shembuj historish të turpshme. Ne kemi ndërtuar këtë platform transpartente ku bashkitë do të kenë regjistrim eletronik për programin. Çdo familje do të ketë akses për ta ndjekur gjithë procesin. Do të ndëshkohen rastet që janë futur familje që nuk e meritojnë. Iu lutem shumë mos i hyni në hak askujt. Mos hyni në gjynah. Bëjeni sikur të kishit mbetur ju pa shtëpi. Kryebashkiakëve iu them faleminderit për punën e bërë deri më tani. E keni përballuar me dinjitet dhe vullnet, por duhet t’i qëndroni në kokë këtij procesi. Ndarja e shkallëve të dëmit të jetë e drejtë. Të gjitha këto do të monitorohen dhe kush do kapet do ndëshkohet. Kemi një grup që do bëjë vetëm këtë punë. Nuk i njeh asnjëri. E ftoj opozitën që të dali dhe të vëjë ulërimën për çdo rast të tillë. Të na shurdhojnë me shpifje. Por në mes të shpifjeve do të jetë edhe ndonjë e vërtetë,”-tha Rama në fjalën e tij. 

    • 11:28

      Rama apel qytetarëve: Kërkojmë durim, s’po rrimë duarkryq

      Kryeministri Edi Rama ka qënë i pranishëm në prezantimin e “Platformës së Rindërtimit”. Në fjalën e tij, kreu i qeverisë është shprehur se për një kohë shumë të shkurtër prej 50 ditësh, kabineti i tij ka bërë një punë të madhe duke parashtruar edhe shembuj jo të suksesshëm nga vendet me të njëjtën eksperiencë.

      “Më vjen mirë të them se për një kohë të shkurtër kemi bërë një volum pune shumë të madh. Jemi të vetëdijëshëm se ky është në moment i rëndësishëm për të krijuar një prespektivë konkrete për ata që humbën strehën në më pak se një minutë. Dua të prek disa aspekte në funksion të qytetarëve që na ndjekim. Kërkojmë durim nga qytetarët nuk jemi duke ndenjur duarkryq. Përkundrazi po punojmë orar pa orar. Ne kemi nevojë që nëse themi do të ndërtojmë këtu, duhet të bëjmë një studim gjeologjik të terrenit pastaj të gjithë nivelet e tjera teknike. Në 50 ditë kemi bërë një volum pune që është shëmbullor. Eksperienca e vendeve të tjera ka shumë pamje. Ne kemi Italinë fqinje që ka sot që flasim familje që ende presin në kabina,”-tha Rama.

    • 11:24

      “Mos i lini qytetarët të bredhin zyrave”, Ahmetaj ‘sqaron’ nënpunësit: Dokumentet t’i bëni ju

      Ministri i Rindërtimi, Arben Ahmetaj ka prezantuar paraditen e sotme një platformë online të quajtur “Programi i Rindërtimit”, për qytetarët e prekur nga tërmeti i 26 nëntorit. Në fjalën e tij, Ahmetaj ka paralajmëruar nënpunësit e Bashkive të prekura nga tërmeti që të mos i presin qytetarët të shkojnë tek ata, por të ndodhë e anasjellta.

      “Do të ketë dy sportele, nuk do të vijnë qytetarët tek ju por ju t’i ndihmoni për aplikimin online. Platforma bazohet në vetëdeklarimin e qytetarëve. Do të prezantohen në bashki dhe do të deklarojnë dëmet. Deri nesër do të nisin tre persona që të trajnohen në bashkinë e Tiranës në orën 11, të cilët më pas do të trajnojnë të tjerët. Në bazë të dëmit, qytetarët do të përfitojnë nga vetëm një prej platformave për rindërtim. Kryetari i njësisë administrative dhe stafi t’ja marri deklarimin me dorë qytetarit po nuk pati internet dhe t’ja hedhë më pas online. Lista do të jetë me anë të sistemit të pikëzimit. Nuk bëhet sipas qejfit tonë,”-u shpreh ministri.

      Ahmetaj më tej ka shtuar se aplikimi do të nisë të mërkurën, më datën 29 janar dhe do të zgjasë 30 ditë.

      “Fillon vlerësimi dhe apelimi, brenda fazës së dytë. 30 ditë duhet të ketë mbaruar aplikimi me dosjet e shoqëruara. Më 6 shkurt mbaron procesi në Entin e banesave e prokurimit për modelet modulare, por që janë anti sizmike euro kode“, tha Ahmetaj.

    Shto Koment