Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË– Një ditë pasi gjykata e Tiranës vendosi të pushojë hetimet për çështjen “CEZ”, Shkëlzen Berisha, djali i ish-kryeministrit Sali Berisha shkruan se akuza e ngritur ndaj tij ishte politike, dhe e ndikuar nga kryeministri Edi Rama. Berisha akuzon Ramën se ka qenë organizuesi i një procesi hetimi ku është thirrur 4 herë, ndërkohë që e akuzon atë dhe qeverinë se i kanë shkaktuar një dëm prej 600 milionë euro shqiptarëve me marrëveshjen për largimin e CEZ.
Reagimi i plotë:
Të dashur miq, Dje gjykata me kërkesë të prokurorisë vendosi rrëzimin e padisë së Grupit Parlamentar të PS (pra të Edi Ramës) pasi e gjeti pa prova, pa fakte e të pabazuar në ligj.
I njëjti gjykatës, që pa asnjë provë apo fakt para dy vjetësh, nën presionin politik, urdhëroi marrjen e dëshmisë time, duke e kaluar barrën e provës nga akuzuesi tek i akuzuari, u detyrua të pranojë konkluzionin e prokurorisë (për të dytën herë) se akuza e ngritur nga Grupi Parlamentar i Partisë Socialiste nuk mbështetej në prova, por në shpifje, duke vërtetuar në fakt atë që dihej: ky qe thjesht një sulm i pastër dhe i paprecedent politik. I gjithë hetimi e posaçërisht provat e mbledhura nga autoritetet çeke me kërkesë të prokurorisë, dhanë përgjigje shteruese se Shkëlzen Berisha nuk ka patur lidhje me CEZ, as fizikisht, as elektronikisht e në asnjë lloj forme tjetër.
Shkëlzen Berisha, u akuzua dhe kallëzua me urdhër të Edi Ramës nga Grupi Parlamentar i Partisë Socialiste (e paprecedentë në 30 vjet politikë që parlamenti të thërrasë e kallëzojë familjarët e kundërshtarëve politikë) për ndikim të paligjshëm në një proces me të cilin nuk kisha kurrfarë lidhje, pa ASNJË prove apo fakt (sikundër provohet nga vendimi i gjykatës dhe prokurorisë).
Sot kur përgjigjet nga Çekia provojnë përtej çdo dyshimi se unë, nuk kam udhëtuar në Çeki as në kohën dhe as me personat e pretenduar, as për CEZ e as për ndonjë çështje tjetër, sot kur emaili i famshëm mohohet të jetë nisur apo dhe që të ketë ekzistuar, pikërisht nga ata që prezumohet se e kanë nisur, sot kur pas kontrollove të llogarive bankare, tabulateve telefonike e sistemit TIMS, Shkëlzen Berishës nuk i del asnjë lidhje direkte apo indirekte me këtë çështje apo me personat e lidhur me të, nuk mund të mos shtroj pyetjen: Për cilën arsye jam thirrur për të dëshmuar 4 herë para një komisioni parlamentar dhe një herë para prokurorisë?
Edi Rama orkestroi thirrjen time 4 herë në komisionin e tij parlamentar dhe më pas padinë në prokurori me qëllimin e vetëm, se do mund të mbulonte akuzën tashmë të njohur botërisht për korrupsion e tij dhe ministrave te tij, në procesin e largimit të CEZ nga Shqipëria, që sipas dokumenteve të KLSH-së, u kushtoi qytetarëve shqiptarë plot 600 mln euro (pa llogaritur dëmet me të cilat kjo faturë rritet disa herë). A është normale që Parlamenti i Shqipërisë të shpërdorohet e abuzohet në këtë mënyrë për të goditur jo vetëm kundërshtarët politikë, por dhe familjaret e tyre pa asnjë provë apo fakt?
A është normale që një gjykatë apo prokurori nën presionin politik, të thërrasë një qytetar për të dëshmuar para se të administrojë në mënyrë të ligjshme prova që prezumohet se kanë shërbyer si indicie se ky qytetar mund të ketë patur dijeni për rrethana të caktuara? Dje gjykata me kërkesë të prokurorisë vendosi të rrëzojë akuzën e Edi Ramës si politike e të pabazuar në ligj, por kjo nuk është drejtësi!
Drejtësi do të ketë ditën kur, regjisori dhe zbatuesi i këtij teatri të shëmtuar e bajat të përballen me ligjin jo vetëm për koncesionet korruptive dhe shpërblimet e trafikantëve të drogës që u financojnë pushimet ne kembim te tenderave, jo vetëm për “përlarjen” e 600 milionë eurove në marrëveshjen korruptive te largimit te CEZ nga Shqipëria, por dhe për shpërdorimin e detyrës e konkretisht atë të instrumentalizimit të Parlamentit të Shqipërisë dhe drejtësisë si “armë” kundër familjarëve të kundërshtarëve politikë.
Dje, gjykata e Tiranës vendosi mbylljen e dosjes “Cez”. Gjyqtari Lazër Sallaku, i cili vendosi të mbyllte disa ditë më parë edhe çështjen e lobimit të Lulzim Bashës, por edhe lirimin nga akuza për të dyshuarit e dosjes së Toyota Yaris, ishte ai që dha vendimin edhe për “Cez”. Hetimet për privatizimin e OSSH nga Cez, marrëveshje e vitit 2007, nisën në vitin 2016, ku Partia Socialiste akuzonte një sërë zyrtarësh të lartë të kohës së PD, përfshirë edhe Shkëlzen Berishën. PS ngriti edhe një Komision Parlamentar, që doli në përfundimin se shtetit iu shkaktua një dëm nga ky privatizim në vlerën e 414 milionë eurove. Ndërkohë që Taulant Balla, kryesues i Komisionit, kërkoi që SPAK të hetojë këtë çështje, që për socialistët është një aferë.
(F.g/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Anëtari i Kryesisë së Partisë Demokratike, Kreshnik Çollaku ka publikuar një mesazh, ku sipas tij Zyra Vendore Arsimore Tiranë, u ka dërguar...
TIRANË- Një status i tij në muajin shtator të vitit 2018, ku kritikonte Policinë e Shtetit për dy vrasje të ndodhura në Mamurras, i kushtuan atij përjashti...
Tiranë– Ditën e sotme kryeministri Edi Rama, i shoqëruar nga kryebashkiaku i Tiranës Erion Veliaj kanë inaguruar rikonstruktimin e shkollës në Surrel. Rama në k...
TIRANË- Kryeministri Edi Rama e ka nisur ndryshe këtë të shtunë, ku i shoqëruar nga kryebashkiaku Erion Veliaj ka inspektuar rikonstruksionin e një shkollë...
Tiranë- Kryeministri Edi Rama, i shoqëruar nga kryebashkiaku i Tiranës Erion Veliaj kanë inaguruar ditën e sotme rikonstruktimin e shkollës në Surrel. Në këtë ...
TIRANË- Kryetarja e Lëvizjes Socialiste për Integrim, Monika Kryemadhi ka shprehur mesazh ngushëllimi për familjet e viktimave dhe për të plagosurit në Tur...
TIRANË- Deputetët socialistë në Kuvendin e Shqipërisë vijuan procedurat këtë javë për të rrëzuar dekretin e presidentit Ilir Meta për kthim për shqyrtim pa...
TIRANË- Kryebashkiaku i Tiranës, Erion Veliaj është solidarizuar me shtetin turk për tërmetin me magnitudë 6.8, i cili goditi mbrëmjen e djeshme Turqinë. M...
Tiranë- Kryetari i Partisë Demokratike, Lulzim Basha ka shprehur ngushëllimet më të thella për viktimat e tërmetit në Turqi, i cili ka shkaktuar, deri tani, 21 ...
Tiranë- Presidenti i vendit Ilir Meta ka reaguar për tërmetin e fortë që goditi Tuqinë një ditë më parë. Në një postim në Facebook, Meta shprehet se në këto mom...
