E rëndë në Maliq/ Vritet polici gjatë operacionit për kapjen e një personi në kërkim, plagoset dhe një tjetër (EMRAT)
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
TIRANË– Prej kohësh Tirana, por jo vetëm, “zien” nga zhurma për projektin me emër të ri, por që në fakt ka nisur prej kohës: Open Balkan! Tashmë nisma, me një emër të ri, synon që të bëjë punën e Procesit të Berlinit, por vetëm me tre vende, duke i vënë vendeve të tjera një “damkë”, e duke i cilësuar si të mbetur në të shkuarën. Në takimin e fundit në Shkup, kryeministri Edi Rama, homologu i tij maqedonas, Zoran Zaev, e presidenti serb Aleksandër Vuçiç, ‘treguan me gisht’ nga të gjithë liderët e vendeve të tjera që nuk dëshironin që të merrnin pjesë, ndërsa vetë gjithë kohës shkëmbenin buzëqeshje gjithë siklet, duke pritur reagime të forta. Dhe ato erdhën.
Deri më tani qeveria gjermane, DASH dhe BE, kanë reaguar dhe pavarësisht ftohtësisë dhe gjuhës diplomatike e kanë sqaruar qartë.
“Çdo bashkëpunim rajonal është i mirëpritur, por duhet GJITHËPËRFSHIRJE!”
Thënë ndryshe nuk ka “Open Balkan” pa gjithë Ballkanin. Kjo fjali është e përsëritur në të gjitha deklaratat duke e bërë me dije qartësisht se liderët botërorë nuk janë aq naivë sa të ngatërrojnë Procesin e Berlinit me “MiniShengenin”, që tashmë i kanë ndërruar edhe emrin, si për të treguar që Rama, Zaev dhe Vuçiç duan një rajon të hapur, e të tjerët jo.
Qeveria gjermane, në vitin 2014, filloi Procesin e Berlinit së bashku me vendet e rajonit dhe partnerë të tjerë për të promovuar bashkëpunimin rajonal dhe në të njëjtën kohë për të përshpejtuar afrimin e gjashtë vendeve të Ballkanit Perëndimor me Bashkimin Evropian. Fjala kyç: me të gjashta vendet e rajonit!
Në fokus të Procesit të Berlinit janë përmirësime konkrete për të përditshmen e njerëzve në rajon, për shembull: Marrëveshja për heqjen e tarifave roaming, ifrastruktura e transportit dhe energjisë dhe të tjera projekte si këto. Në të gjitha takimet e zhvilluara ka pasur gjithmonë pjesëmarrje të disa prej personave më të fuqishëm të Europës. Angela Merkel dhe presidenti francez Emmanuel Macron si dy “kumbarët” e nismës, nuk kanë munguar asnjëherë, ndërsa gjithëmonë kanë negociuar për “gjëra” të mëdha, në favor gjithmonë të afrimit me Bashkimin Europian.
Por cilat kanë qenë reagimet zyrtare lidhur me “Open Balkans” dhe pse e ndjeu Rama nevojën që të mbrohet me një shënim jo pak të gjatë?
Ana Pisonerio, BE: Ne mirëpresim angazhimet e udhëheqësve për bashkëpunimin rajonal, një element thelbësor i perspektivës evropiane të Ballkanit Perëndimor dhe një pjesë integrale e Procesit të Stabilizim-Asociimit. Ne e kuptojmë dëshirën për të ecur përpara. Në të njëjtën kohë, një proces që përfshin të gjithë rajonin e Ballkanit Perëndimor është thelbësor. Në këtë kontekst është e rëndësishme që rajoni të përparojë në krijimin e një Tregu të Përbashkët Rajonal, një angazhim politik i marrë nga gjashtë udhëheqësit e rajonit në Samitin e Sofjes vjeshtën e kaluar.
DASH: Udhëheqësit në rajon të përpiqen për të gjetur mundësi për reduktimin e pengesave tregtare, rritjen e konkurrencës ekonomike dhe ndërtimin e ekonomive të integruara, dinamike në shërbim të qytetarëve të tyre. Është me rëndësi esenciale për tërheqjen e investimeve dhe rritjen ekonomike krijimi i një Tregu të Përbashkët Rajonal – i tillë që garanton lëvizjen e lirë të njerëzve, mallrave dhe shërbimeve. Ballkani Perëndimor është një rajon me potencial shumë të madh të pashfrytëzuar, që shfaqet edhe tek vizioni dhe përpjekjet e popujve të tij për të krijuar një rajon të begatë e të suksesshëm, të integruar plotësisht në Bashkimin Evropian.
Qeveria gjermane: Çfarëdo bashkëpunimi rajonal në Ballkanin Perëndimor është i dobishëm. Në të njëjtën kohë, është e rëndësishme që bashkëpunimi të mbetet gjithëpërfshirës dhe i hapur për të gjashtë vendet në rajon. Kjo është arsyeja pse ne e mbështesim fuqishëm Planin e Veprimit për Tregun e Përbashkët Rajonal.
Pra nga Berlini zyrtar, kanë rikujtuar se të gjashtë liderët e Ballkanit Perëndimor i kanë dhënë zotimet e tyre në Samitin e fundit të Procesit të Berlinit, të mbajtur më 5 korrik për çështjen e Planit të Veprimit për Tregun e Përbashkët Rajonal, derisa e përmendin edhe kërkesën e Kancelares Merkel që të dyfishohen përpjekjet për finalizimin e katër marrëveshjeve deri më 6 tetor, kur edhe do të mbahet Samiti i radhës Bashkim Evropian – Ballkan Perëndimor.
Por Rama i ka lexuar ndryshe deklaratat, ose më saktë i ka interpretuar ashtu siç ka dashur që t’i kuptojë. Sipas kryeministrit të Shqipërisë, Kosova, ishte i vetmi vend i Ballkanit Perëndimor që nuk i ishte bashkuar nismës, gjë që nuk është e vërtetë. Mungon edhe Mali i Zi dhe Bosnje-Herzegovina. Ndërsa nisi dhe të listonte arsyet se përse ishte “atdhetar”. Ballkani i Hapur, sipas kryeministrit, është jo vetëm rruga e të ardhmes për prosperitetin e kombit shqiptar, si komb europian që përkatësinë e vet e ka në Europën e Bashkuar, por është edhe një mundësi e re dhe e madhe, më shumë në rrugën drejt njohjes së Kosovës nga Serbia. Fjali që kurrë nuk ka dalë nga goja e presidentit serb, as në prani të homologut të tij amerikan, Donald Trump, jo më për “Open Ballkan-in” e Ramës.
Edhe pse ndërkombëtarët flasin qartë, kreu i qeverisë që do të drejtojë vendin për herën e tretë radhazi, duket se nuk e kupton qartë. Nisma e tij për “Ballkanin e hapur” është diçka tjetër, procesi i Berlinit diçka tjetër. Ndryshimi është një dhe i vetëm, nisma e fundit është ideuar e mbështetur nga mendjet më të ndritura të Bashkimit Europian, kjo tjetra sdihet se ku…
(k.m/dosja.al)
Iftar dhe politikë, a u prek Muaji i Ramazanit nga politikanët?
TIRANË– Ana Pisonero, zëdhënëse e Bashkimit Europian për Fqinjësi dhe Zgjerim ka rikujtuar zotimin e liderëve të Ballkanit Perëndimor për krijimin e Tregut...
TIRANË– Presidenti i Shqipërisë, Ilir Meta ka përkujtuar Musine Kokalarin, një nga të persekutuarat e regjimit komunist në vendin tonë. Meta e cilëson Koka...
TIRANË– Gazetari Mero Baze, me anë të një shkrimi bën thirrje që ish-kryeministrit Sali Berisha, t’i hiqet dekorata e lartë “Nderi i Kombit”, akorduar nga ...
VLORË– Gazetarja franceze, Saliha Hadj-Djilani ka intervistuar kryeministrin shqiptar Edi Rama, duke e shkëputur nga pushimet e tij në Dhërmi. Ajo ka...
Kryeministri i Shqipërisë, Edi Rama dhe disa nga udhëheqësit politikë në Kosovë si të partive në pushtet edhe atyre në opozitë po vazhdojnë përplasjen në distan...
BEOGRAD– Presidenti i shoqatës “Serbia e Bashkuar”, Dragan Markovic Palma ka bërë bujë me një deklaratë të fortë. Ai tha se udhëheqësit e Serbisë, Maqedonisë së...
KORÇË-Partia Demokratike në Korçë ka komanduar drejtuesit e rinj në 15 seksionet pas dorëheqjeve të njëpasnjëshme në javët e fundit në këtë q...
TIRANË- Ish-kryeministri, Sali Berisha nuk ka mbetur jashtë debatit për pjesëmarrjen e këngëtarit serb Goran Bregoviç në festën e birrës në Kor&cced...
TIRANË– Kreshnik Çollaku, i cili ishte kandidat për deputet në Mat në listat e Partisë Demokratike ka komentuar reagimin e kryeministrit Edi Rama pë...
