Politike

Shkarkimi i Metës, Komisioni bën gati raportin, më 20 korrik shkon në Kuvend, caktohen dy relatorët

VIDEO
  • Përcaktimi i relatorëve për Shkarkimin e Metës, ISP zbulon detajin që i shpëtoi Manjës
  • Komisioni Hetimor për shkarkimin e presidentit Ilir Meta, ka përfunduar hetimet. Nga mbledhja e ditës së sotme, u caktua data 17 korrik, ku relatorët, Klotilda Bushka nga mazhoranca dhe Halit Valteri nga opozita e re, do të paraqesin raportet paraprake. Më pas 3 ditë më vonë do të përgatitet raporti final, i cili do ti dorëzohet Kuvendit.
    Featured image of article: Shkarkimi i Metës, Komisioni bën gati raportin, më 20 korrik shkon në Kuvend, caktohen dy relatorët Ilir Meta dhe Komisioni Hetimor

    TIRANË– Komisioni hetimor për shkarkimin e presidentit Ilir Meta, do të mblidhet sërish ditën e premte, ku do të paraqiten raportet paraprake nga të dy palët. Kreu i Komisionit, Ulsi Manja,u shpreh, se Komisioni e ka përfunduar tashmë hetimin administrativ, por nga deputetët u kërkua një raport paraprak, përpara se të përpilohej raporti final.

    Nga votimi në mbledhje, u vendos, që realtore për mazhorancën do të jetë Klotilda Bushka, ndërsa për opozitën e re, Halit Valteri, ndërsa u la si afat dita e premte për prezantim. Më pas, 3 ditë më vonë do të hartohet edhe raporti final, i cili do t’i dorëzohet Kuvendit.

    Në fillim të mbledhjes, Manja tha se raporti do të jetë gati më 18 korrik, por deputeti Bashkim Fino kërkoi më shumë kohë.

    Gjatë mbledhjes, pati edhe një përplasje mes kreut të Komisionit, Ulsi Manja dhe deputetit Alban Zeneli. Ky i fundit u shpreh, se komisioni po shkon në traditën e të tjerëve ku nuk ka pasur gjetje paraprake, ndërsa përsëriti edhe njëherë qëndrimin e opozitës së re, e cila ka qenë kundër shtimit të objektit hetimor. Manja ndërkohë u përgjigj, se Komisioni e ka të përcaktuar objektin dhe kërkohet një analizë teknike.

    Për më shumë bëhu pjesë e grupit më viral në Facebook, Dosja.al

    Komisioni hetimor për shkarkimin e presidentit Ilir Meta, ka marrë në shqyrtim dekretin e Metës për shtyrjen e zgjedhjeve të 30 qershorit, si dhe veprimet e tij për emërimet në Gjykatën Kushtetuese.

    Pak ditë më parë Komisioni i Venecias publikoi raportin përfundimtar për emërimet në Gjykatën Kushtetuese. Sipas Venecias, Presidenti nuk ka shkelur Kushtetutën në procedurën e tij dhe me faj bëhet KED, pasi sipas Komisionit ka vepruar në fshehtësi dhe nuk ka qenë transparente. Po ashtu Venecia kërkoi dhe bashkëpunim mes palëve për vijimin e punës për emërimin e anëtarëve të Gjykatës Kushtetuese. Pas deklaratës së Komisionit, Meta dhe Ruçi zhvilluan një takim dhe u zotuan se do të vijonin punën së bashku.

    Ndërkohë nga ana e maxhorancës ka pasur ‘zbutje’ në lidhje me kërkesën për të shkarkuar Presidentin Ilir Meta. Vetë Ulsi Manja u shpreh se ka parë reflektim tek Meta.

    (f.m/g.sh./dosja.al)

    • 15:20

      Debatet te Komisioni për shkarkimin e Metës, Zeneli: U ngrit për anën e paligjshmërisë, pastaj shto ujë shto miell. Përgjigja e Manjës: Objekti është i përcaktuar, misioni është përmbushur

      Kreu i Komisionit Hetimor për Shkarkimin e Presidentit, Ilir Meta, Ulsi Manja, u përplas me deputetin e opozitës së re, Alban Zeneli. Ky i fundit, pati disa vërejtje për punën e Komisonit, duke thënë se po shkon në traditën e komisioneve të tjera, ku nuk është prezantuar asnjë raport paraprak.

      Gjithashtu ai theksoi sërish qëndrimin e opozitës së re, duke thënë se nuk kanë kërkuar shtim të objektit hetimor, por vetëm shtim të kohës.  Manja u përgjigj nga ana tjetër, duke thënë se komisioni e ka përmbushur objektin dhe detyrë e tij ka qenë analiza teknike.

      Alban Zeneli dhe Ulsi Manja

      Debatet në Komision

      Alban Zeneli: Un kam shum vërejtje sepse po shkon në traditën e komisioneve hetimore, që nuk kanë nxjerrë asnjë raport paraprak

      Ulsi Manja: Nuk po shkon në traditën e komisioneve hetimore. Është hera e parë që një komision ngrihet për shkarkimin e presidenit.

      Alban Zeneli: Jam dakort për aspektin administrativ. Mos harroni që ky komision është ngritur për anën e ligjshmërisë, pastaj shto ujë e shto miell.

      Ulsi Manja:  Objekti i hetimit ka qenë i përcaktuar për anulimin e zgjedhjeve, por edhe emërimin e gjyqtarëve të Kushtetueses, prandaj kërkohet ekspertizë tekniko ligjore. Shkarkimi i Presidentit është procedurë e ndërvarur mes Kuvendit dhe Gjykatës Kushtetuese. Ne vlerësim tim komisioni e përmbushi vlerësimin për të cilin u ngrit, pastaj konkluzionet do të jetë objekt diskutimi.

      Alban Zeneli: Nuk kemi qenë dakord me shtimin e objekteve të hetimit të këtij komisioni, por kërkuam shtimin e kohës.

    • 14:39

      Raporti përfundimtar për shkarkimin e Metës, Manja propozon datën 18 korrik, Fino kërkon më shumë kohë

      Komisioni Hetimor për shkarkimin e presidentit Ilir Meta do të përfundojë punën më 30 korrik. Këtë fakt e bëri të ditur kreu i Komisionit, Ulsi Manja, gjatë një replike me deputetin Halit Valteri.

      Manja bëri me dije, se më 18 korrik raporti do të jetë gati dhe më 30 korrik është afati i punimeve të Komisionit.

      Me propozimin nuk ishte dakord, deputeti Bashkim Fino, i cili u shpreh se nevojitet më shumë kohë për raportin final.

      Bashkim Fino dhe Ulsi Manja

      Pjesë nga diskutimi

      Manja: E deklaroj të mbyllur hetimin administrativ. Jemi në debat mbi prova.

      Fino: Para se të diskutojmë për provat, duhet të votojmë edhe raportin. Të na lihet koha e nevojshme që të flasim për raportin përfundimtar. Ç’kuptim ka të diskutojmë ne sot? Se do ta miratojmë ose do ta rrëzojmë, dhe do flasim sërish.

    Shto Koment