Politike

Meta thirrje popullit që të dalë më 2 mars në bulevard: Do firmos dekretin e parë kundër grushtit të shtetit, Rama të përgatisë poture të gjera

  • Spiropali: Zoti e ndihmoftë presidentin, as Luli e as populli s’i bëjnë derman
  • Meta thirrje popullit që më 2 mars të dalë në bulevard kundër grushtit të shtetit. Meta bëri përgjegjës të grushtit të shtetit kryeministrin Edi Rama. Kreu i Shtetit: Ata që kërkojnë popullin e presidentit në WhatsApp të porosisin poture të gjera.
    Featured image of article: Meta thirrje popullit që të dalë më 2 mars në bulevard: Do firmos dekretin e parë kundër grushtit të shtetit, Rama të përgatisë poture të gjera Ilir Meta, president
    Përditësuar:

    Tiranë- Presidenti Ilir Meta në një konferencë për mediet, i bëri thirrje popullit  që më 2 mars të dalë në bulevardin”Dëshmorët e Kombit”, përpara Kryeministrisë për të lidhur besën për të shpartalluar atë që e quan grusht shteti. Meta teksa u ngacmua me pyetje nga gazetarët për deklaratën e shpërndarjes së parlamentit, nuk u përgjigj drejtëpërdrejt, por theksoi se më 2 mars do të firmosë dekretin e parë përballë popullit në Bulevard për të shpartalluar grushtin e shtetit.

    Kreu i shtetit i dha një përgjgje Edi Ramës, pas deklaratës së këtij të fundit “Ku e ka popullin presidenti, në WhatsApp?’, pasi theksoi se “Ata që kërkojnë popullin e Presidentit të WhatsApp të përgatisin poturet e gjera më 2 mars.” 

    Po kështu në konferencën e sotme Meta publikoi sipas tij, provat e grushit të shtetit dhe tha se përgjegjësi kryesor është Edi Rama. Ai theksoi se anëtarët e Gjykatës Kushtetuese mund të betohen vetëm tek Presidenti dhe se qeveria po shkel Kushtetutën me ndryshimin e ligjit. Kreu i shtetit nënvizoi se në relacionin që shoqëron projektligjin theksohet se për ndryshimet në betimin e gjyqtarëve të Kushtetueses është marrë edhe mendimi i shumë institucioneve, mes tyre KED, KLGJ, KLP, Magjistraturës, Komitetit të Helsinkit, etj. Por sipas tij, KED, Magjistratura, Komiteti i Helsinkit dhe disa institucione të tjera nuk kanë dhënë fare mendim ose kanë qenë kundër për këtë çështje.

    Një ditë më parë  kreu i PD-së, Lulzim Basha zhvilloi një takim me presidentin Ilir Meta. Pas takimit Basha u shpreh se u bind nga Meta se po tentohet që të bëhet një grusht shteti.

    Për më shumë bëhu pjesë e grupit më viral në Facebook, Dosja.al

    Më herë më 8 dhjetor të vitit të kaluar, Presidenti bëri tentativën e parë për të zbritur në shesh në Qytet Studenti, pasi foli për një tubim. Por ky tubim u anulua pas tragjedisë së 26 nëntorit të vitit të kaluar, ku humbën jetën 51 persona.  Nuk dihet ende nëse Meta do të lejohet që të mbledhë popullin në  bulevard më 2 mars pasi tri qarqet, Tiranë, Durrës dhe Lezhë janë në gjendje emergjence,  deri më 31 mars për shkak të tërmetit.

    J.V/Dosja.al

    • 15:38

      “Besëlidhje kundër grushtit të shtetit”/ Meta publikon posterin pas thirrjes së fortë për qytetarët (FOTO)

      Presidenti i vendit Ilir Meta ka lajmëruar se në datën 2 mars, në bulevardin Dëshmorët e Kombit, përpara Kryeministrisë, me popullin shqiptar do lidhet një besëlidhje “për të shpartalluar regjimin e oligarkëve’. Pak pas kësaj deklarate, kreu i shtetit postoi në Facebook posterin me shkrimin: “Më 2 mars besëlidhje kundër grushtit të shtetit.”

      Posteri i publikuar nga Ilir Meta
    • 13:21

      Ilir Meta: Rama përgjegjës për grushtin e shtetit, betimi i gjyqtarëve bëhet vetëm tek Presidenti

      Presidenti Ilir Meta në konferencën e sotme ka deklaruar se në relacionin që shoqëron projektligjin, theksohej se për ndryshimet në betimin e gjyqtarëve të Kushtetueses është marrë edhe mendimi i shumë institucioneve, mes tyre KED, KLGJ, KLP, Magjistraturës, Komitetit të Helsinkit, etj. Por sipas tij, KED, Magjistratura, Komiteti i Helsinkit dhe një sërë institucionesh të tjera nuk kanë dhënë fare mendim ose kanë qenë kundër për këtë çështje.

      “Ju kërkoj falje për vonesën. Dokumente të reja për Gjykatën Kushtetuese. Dokumentet që do ju japim juve, janë provë që Rama është përgjegjësi i këtij puçi shteti. Ai është përgjegjësi i parë. Së dyti gjymë parlamenti, që shqyet për gënjeshtra dhe mashtrime, për të bërë ceremonitë e betimit, buzë lanës, ka marrë aprovimin e një sërë insticucionesh, e KLP, KLGJ, Magjistratura, Fondacioni Soros (që nuk besoj), ministria e Drejtësisë, etj. Këto përgënjeshtrohen, në radhë të parë nga Dvorani, që thotë se nuk ka dhënë asnjë mendim në mbështetje të këtij grupi shteti. Dhe unë këtu e duartrokas, se veproi në përputhje me ligjin. Të gjitha këto që u bëmë të ditur herën e kaluar, tregojnë hap pas hapit se Dvorani nuk ka marrë asnjë vendim të tillë. Dele deputetët dhunojnë popullin shqiptar. Ku thotë se Shkolla e Magjistraturës nuk ka dhënë opinion për këtë ligj fare, falenderoj edhe zotin Sadushi. Vijmë te Komiteti Shqiptar i Helsinkit, që thotë se ligjet duhet t’i nënshtrohen konsultimit me Presidentin, etj. Lidhur me këtë propozim, pra betimin te Lana, KSHH, vlerëson se ceremonia e betimit te Presidenti nuk mund të realizohet në formë të shkruar. KSHH thotë se akti i betimit duhet të bëhet vetëm përpara Presidentit” thotë Ilir Meta.

    • 13:27

      Meta thirrje popullit: Më 2 mars dilni në bulevard kundër grushtit të shtetit

      Presidenti Ilir Meta i ka bërë thirrje popullit që më 2 mars të dalë në Bulevardin “Dëshmorët e Kombit” kundër grushtit të shtetit. Nuk dihet ende formati i protestës, por Presidenti theksoi se ata që i dërgojnë mesazhe në What’s up, më 2 mars të porosisin poture të gjera.

      Biseda: 

      GazetarjaZoti presidenti ju thatë disa herë gjymëparlamentin/ Pse nuk e shpërdanni atë meqë e quani gjymsë parlament? Keni ju emra konkretë për  grushtin e shtetit?

      Meta: Pjesëmarrje në këtë grusht shteti është qeveria, ai është një parlament jo kushtetues. Çdo ditë do të ketë lajme për grushtin e shtetit. Veprimet e presidentit do të jenë në mbrotje të Kushtetutës. Nëse kjo godinë është sot një kështjellë e mbrotjes së Kushtetutës, nga data 2 mars kur do të vendoset dekreti i parë i grushtit të shtetit, pikërisht para popullit shqiptar në bulevardin “Dëshmorët e Kombit” , do të lidhim një besëlidhje për të shpartalluar regjimin e oligarkëve, me qëllim shpopullimin e këtij vendi, duke e kthyer në një bazë operacionale të krimit të organizuar, por edhe shumë problemeve të tjera.  Ne në 2 mars pasdite ju presim të gjithëve në bulevardin Dëshmorët “e Kombit”.  Ata që kërkojnë popullin e presidentit në What’s up të porosisin poture të gjera.

    • 13:22

      Meta: S’po gjejmë ku është realizuar betimi i Arta Vorpsit, as ‘Venecia’ s’e ka gjetur, afati ka skaduar (VD)


      Presidenti Ilir Meta gjatë fjalës së tij është shprehur se ligji qëndron në zbatim të Kushtetutës dhe jo në përdhunim të saj. Kreu i shtetit u shpreh se Gjykata Kushtetuese ka thyer rolin e presidentit. Meta tha se as Komisioni i Venecias që ka ardhur për opinion në Tiranë, nuk e ka gjetur këtë akt, por Qendra e Botimeve Zyrtare, sipas tij, i ka refuzuar kërkesën që t’ia vendosë në dispozicion. Kreu i shtetit i paralajmëroi drejtuesit e këtij institucioni se do të mbajnë përgjegjësi të plotë.

      Ligji është në zbatim të kushtetutës jo në përdhunim të saj.Akti i betimit duhet të bëhet vetëm para presidentit. Ndryshe kjo shmang një kompetencë të presidentit sipas Helsinkit. Akti i betimit s’mund të jetë formal, duhet të kemi konsideratë për presidentin. Vetë GJK ka thyer rolin e rëndësishëm të presidentit të Shqipërisë. Ne çuditemi kur ka një rast që parlamenti respekton ligjin. Jam këtu për të kërkuar të gjithë ndihmën e popullit për të çmontuar grushtin e shtetit, që në emër të disa bandave kombëtare dhe ndërkombëtare, por edhe një pjese të mafies ndërkombëtare që i mbështet hapur aktivitetin në dhunim të sovranitetit. Kemi një problem të madh nuk po gjejmë dot aktin me të cilin është kërkuar dhe realizuar botimi në fletoren zyrtare i gjoja shpalljes në emër të KED Arta Vorpsit anëtare Kushtetuese. Akt me të cilin Kuvendi e konsideroi të zgjedhur dhe vijoi punët e mbrapshta. Ky është shqetësim, pasi parlamenti ka thirrur komisionin e Venecias dhe as ata nuk e kishin gjetur dhe ne nuk e kemi zyrtarisht, pasi duhet të jemi seriozë me komisionin e Venecias.Prandaj i kam kërkuar para 48 orëve, ka skaduar afati, QKZ dhe i është drejtuar me këtë mënyrë “Datë 9 nëntor rezulton të jetë botuar vendimi. Presidenti kërkon menjëherë dërgimin e të dhënave mbi mënyrën e administrimit të kërkesës zyrtare për betimin të vendimit për KED, shoqëruar me praktikën dhe botimit të aktit. Në mos përgjigje, personat përgjegjës do të mbajnë përgjegjësi. Për informacionet që kërkon Presidenti institucionet duhet të përgjigjen menjëherë. Na duhet akti që Komisioni i Venecias të jetë edhe më i ndriçuar pas takimit me anëtarët e KED-së së vjetër”,  tha Meta.

    Shto Koment