Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Kryeministri doli mbrëmjen e djeshme në “Opinion”, një natë pasi studio mori shkëlqimin nga prania e Kujtim Gjuzit.
I qetë, me një dashamirësi të çuditshme me gazetarët, kryeministri “u lut” disa herë për të marrë fjalën prej tyre.
Në gati 2 orë debat, ajo që shqiptarët panë dje ishte një kryeministër përballë të cilit ishin gazetarët që nuk e lanë të fliste e të shpjegohej.
Sapo merrte fjalën, ndryshonte temën, e më pas ankohej: Pse ma ndërprisni fjalën, jo kjo gjë nuk mund të ndodhë, unë jam njeri i lirë.
Njësoj si një “rrobaqepës”, dëshirë që e artikuloi se do të jetë jeta e tij e tretë, kryeministri mori disa pjesë të një historie që nis me përgjimet dhe mungesën e hetimit nga prokuroria, për t’i bashkuar ato me pakënaqësinë e shqiptarëve.
Nga kriza politike, investimet e huaja, negociatat, shkrimi i BILD, dhe çështja e Kosovës, kryeministri preu dhe qepi një kostum që e veshi sy për sy para popullit që e ndoqi dje.
“Unë jam kryeministri më i mirë që mund të keni, ata ikën. Zgjedhjet do bëhen, s’ka rëndësi sa mirë qeverisim, por sa shumë që mendojmë për ju”-ishte mesazhi që adresoi Rama.
1.“Gjërat nuk shkojnë vaj as në Francë”.
Rama dje problemeve që ka Shqipëria, nuk iu dha përgjigjie. Kryeministri u mjaftua me një fjali të thatë “Gjërat vaj nuk shkojnë as në Francë.” Kryeministri e evitoi që t’a quante situatën problematike, dhe “përgjegjësinë” ua la shqiptarëve.
“Nuk janë budallenj këta, unë kam besim tek këta se në 30 qershor këta do të dinë si të veprojnë.”
2. Investimet e huaja
Njësoj si në 2017-ën, edhe mbrëmjen e djeshme, kryeministri nuk ia doli dot që të numërojë një investim të huaj me një vlerë të konsiderueshëm.
Pyetjes së gazetarit Andi Bejtja, Rama zgjodhi t’i përgjigjet me fjalët: Kemi një investim me kompaninë SHELL, kemi arritur një marrëveshje të re. Rama nuk dha shifra dhe as të dhëna të tjera për investimet e huaja në mandatin e dytë të qeverisë.
3. Hapja e negociatave me BE
Kryeministri bëri një deklarim të hidhur. “Nëse negociatat do të hapen, merita është e qeverisë shqiptare që ka bërë detyrat. Por nëse, BE ndan Shqipërinë nga Maqedonia e Veriut, atëherë shqiptarët duhet të pyesin Lulin, Saliun dhe Monikën.”-tha ai.
Kryeministri nuk pranoi përgjegjësinë mbi hapjen ose jo të procesit të radhës për integrimin në BE.
“Nxirr vendimin dhe lexoje këtu, nëse s’është shkruar se këtë qershor do të jepet për fillimin e negociatave dhe nëse nuk shkruhet se këtë dhjetor do të bëhet konferenca e parë, më thuaj që nuk qëndron. Më 25 maj del raporti. Do të dalë raporti. KE tha në qershor do t’i hapë negociatat. Për këtë pyetje fto këtu Angela Merkel, Emmanuel Macron. Unë di një gjë, që ne na është dhënë data, dhe e drejta që në shtator të hapim procesin screening. Për këtë duhet intervistë me Sali Berishën, Lulzim Bashës. Patjetër, nëse bëhet ajo ndarje, bëhet vetëm për një arsye për këtë hedhjen përpjetë të këtyre. Nëse marrin vendim, marrin për të dyja. Nëse e ndajnë, pyesni këta”.-tha Rama.
4. Artikulli i BILD u shkrua nga Manjani dhe Çollaku
Kryeministri u pyet mbrëmjen e djeshme edhe për artikullin e gjermanes “BILD”, e cila në shkrimin e saj, përmendte të përfshirë në dosjen 184, edhe kryeministrin Edi Rama.
Kryeministri tha se shkrimi është marrë nga burime të cilat janë pjesë e “fatkeqësisë mendore”, ku ndodhet elita e diskutimit publik në Shqipëri.
Rama “shiti” edhe Blerina Gjylametin, e cila akuzoi se shkrimi ishte sponsorizuar nga PD.
“Nuk ka dalë fare me dijeninë time, madje unë i kam tërhequr vëmendjen për atë deklaratë. Nuk ka urdhra partie për të dalë në media”, –-tha Rama.
Kryeministri u gjend ngusht kur gazetari i BILD, autor i shkrimit, Peter Tiede, doli paralelisht dhe tha se nuk është paguar nga askush.
“Gazetari gjerman, dhe ai tjetri që bëri atë në DW, nuk iu vë faj. Përderisa këtu janë këto burime të ndyra që furnizojnë me pisllëqe, që japin përgjimet si fakte, kanë edhe burime. Burimet janë publike, Ylli Manjani dhe Fahri Çollaku”—tha Rama, duke akuzuar Manjanin dhe Çollakun si ideatorët e shkrimit në BILD.
5. Pyetja që nuk iu bë.
Në diskutimin e Ramës me gazetarët, një pyetje s’u dëgjua. Një qytetar i zakonshëm shqiptar, kërkon të shkojë i sigurtë në shtëpi, të dalë dhe të votojë lirshëm më 30 qershor, të kalojë në rrugë në çdo orar, të mos thithë gaz, e të mos flejë gjumë nën frikën e bombës Molotov. Në këto kushte, kujt ia kërkojnë përgjegjësinë shqiptarët? A është paaftësi e kryeministrit dhe qeverisë për të zgjidhur krizën?
6. Paralelja mes hallit personal të Petrit Vasilit dhe përgjimeve të VOA
Kryeministri e quajti të njëjtë cilësinë e Zërit të Amerikës, si në rastin e përgjimeve për Dosjen 339, ku të përfshirë janë disa eksponentë të lartë të PS, edhe në rastin, kur VOA deklaron se ka dijeni se Petrit Vasilit mund t’i jetë refuzuar viza. “Sa e vërtetë është kjo e Petrit Vasilit tha Rama, aq e vërtetë mund të jenë edhe ato copëzat që kanë dalë”.
Gabimi i madh i rrobaqepësit Rama ishte se Petrit Vasilit, edhe nëse i është refuzuar viza, shqiptarëve kjo nuk iu rrit as rrogat, as pensionet, dhe as iu merr votat. Ai është një problem personal, i një politikani në opozitë me SHBA. Ndërkohë që përgjimet e VOA për Dosjen 339, janë kauza që nxorri opozitën në rrugë.
Tirana është boshatisur për ditët e pushimit. Cilën nga ritet e shenjta po ndiqni:
FRANCË- Kryetari i Partisë Republikane (LR) në Francë, Laurent Wauquiez ka deklaruar se partia e tij do të vendosë “veto” për Shqipërisë në sa i përket zgj...
BRITANI E MADHE- Kryedemokrati Lulzim Basha ka zhvilluar një vizitë në selinë qendrore të Partisë Konservatore Britanike në Londër, ku edhe u prit nga kryetari ...
TIRANË- Partia Demokratike është rikthyer sot në Komisionin Qendror të Zgjedhjeve. PD është rikthyer me përfaqësuesit e saj në këtë komision, tre muaj pasi...
KORÇË– Ministri i Brendshëm, Sandër Lleshaj, ishte paraditen e sotme në qytetin e Korçës, ku foli për procesin zgjedhor të 30-qershorit. Gja...
TIRANË- E ngarkuara me punë e SHBA-ve në ambasadën amerikane në Tiranë, Leyla Moses-Ones, në një deklaratë para medieve, në kuadër të ditës në luftën kundë...
TIRANË- Deputeti i ardhur në Kuvend nga listat e Partisë Demokratike, Kujtim Gjuzi, ka deklaruar se nuk shkohet në zgjedhjet më 30 qershor me këtë kod pena...
Tiranë-Deputeti Kujtim Gjuzi i ka bërë thirrje Ramës që të ulet me palët politike për të biseduar për krizën politike në vend. Ai është shprehur se Rama nuk mun...
ELBASAN– Kreu i Grupit Parlamentar të Partisë Socilaliste, Taulant Balla, njëherzi dhe drejtuesi politik i PS në Qarkun e Elbasanit, prezantoi sot listën e 51 k...
TIRANË- Presidenti Ilir Meta në një prononcim për mediat i është drejtuar me gjuhë të ashpër partive politike.Në prononcimin e tij, Meta theksoi se palët d...
TIRANË- Presidenti Ilir Meta në një prononcim për mediat i është drejtuar me gjuhë të ashpër partive politike. Në prononcimin e tij, Meta theksoi se palët ...
