“Ftoj çdo demokrat që të marrë pjesë në protestë”/ Berisha: Ky është procesi më i thellë i ripërtëritjes së PD që nga themelimi i saj!
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
Atentati në Sarandë/ Kush është Thimjo Rubati i plagosuri i cili rezulton me precedent të shumtë kriminal 17...
Raporti i KE: Ndikimi politik në media mbetet problem në Shqipëri 17 Korrik, 19:45 “Vijon ndë...
Në fjalën e saj në Kuvend, Xhixho deklaroi se ky vendim ka ulur padrejtësisht pagat e mësuesve nga 20 deri në 60 mijë lekë të vjetra në muaj, duke i lënë ata pa një shumë deri në 1 milion lekë të vjetra për periudhën njëvjeçare e gjysmë.
TIRANË- Deputetja e Partisë së Lirisë, Erisa Xhixho, ngriti shqetësimin e mbi 11,000 punonjësve mësimorë për efektet e vendimit të qeverisë nr. 425, që sipas saj ul pagat e mësuesve. Në fjalën e saj në Kuvend, Xhixho deklaroi se ky vendim ka ulur padrejtësisht pagat e mësuesve nga 20 deri në 60 mijë lekë të vjetra në muaj, duke i lënë ata pa një shumë deri në 1 milion lekë të vjetra për periudhën njëvjeçare e gjysmë.
Xhixho paralajmëroi se situata rëndohet edhe nga rritja e çmimeve të ushqimeve dhe të karburantit, duke rënduar jetesën e mësuesve dhe duke kërcënuar stabilitetin e sistemit arsimor. Ajo kërkoi nga Kuvendi dhe Ministrja e Arsimit që të kthejnë menjëherë paratë e mbajtura padrejtësisht dhe të miratojnë amendimin ligjor që do të zgjidhë këtë padrejtësi.
“Kam kërkuar këtë seancë me Ministren e Arsimit për një shqetësim real të 11,172 punonjësve mësimorë. Vendimi i qeverisë nr. 425, datë 26 qershor 2024, u ka hequr padrejtësisht mësuesve nga 20 deri në 60 mijë lekë të vjetra në muaj, duke ua mbajtur nga paga e plotë jo për një muaj, por për një vit e gjysmë. Pra, kjo qeveri jo vetëm që nuk i rriti pagat, por në fakt u ka marrë mësuesve padrejtësisht, në mënyrë flagrante, deri në 1 milion lekë të vjetra. Dhe jo vetëm që nuk ka asnjë ndjesë për këtë gabim skandaloz, të qëllimshëm, pasi për muaj të tërë nuk i dëgjoi mësuesit, por edhe projektligji që synonte të korrigjonte këtë padrejtësi u paraqit gjysmak. Ai krijon një tjetër diskriminim në karrierën e mësuesve dhe nuk përfshin amendamentin që propozova, i cili parashikonte mbulimin e efekteve financiare edhe për një vit e gjysmë të pashlyer.
Sot, mësuesit përballen edhe me një krizë të rëndë ekonomike. Çmimet e ushqimeve janë rritur me 50%: domatja ka arritur në 5 mijë lekë të vjetra, ndërsa edhe mielli dhe vaji kanë pësuar rritje. Po ashtu, është rritur edhe çmimi i naftës, që ka arritur në rreth 220 lekë për litër, duke rënduar më tej buxhetin e familjeve të mësuesve. Nuk duhet harruar se rreth 60% e këtij çmimi përbëhet nga taksat e qeverisë. Po flasim për gjërat bazike të mbijetesës së mësuesve, të cilët duhet të japin mësim në këto kushte. Ndaj, pyetja është: a keni ndërmend t’u ktheni mësuesve paratë që u janë mbajtur padrejtësisht për një vit e gjysmë? Sot ju kërkoj të sillni me urgjencë në Parlament amendimin e ligjit, në mënyrë që efektet financiare të zbatohen që nga momenti kur këto para u janë mbajtur me vendim qeverie.
T’u ktheni 1 milion lekë çdo mësuesi. E kuptoj që standardi juaj është 33 mijë euro vera dhe 4.2 milion euro “Kopshti Eden” për qejfin e Kryeministrit, por mësuesit duan paratë që u janë marrë padrejtësisht. Unë e di shumë mirë që çdo vendim në këtë vend merret nga Edi Rama dhe ju thjesht zbatoni urdhrat e tij. Prandaj dilni përpara mësuesve dhe, kur u merrni padrejtësisht paratë, nuk ua ktheni mbrapsht. Kjo tregon qartë se keni zero ndjeshmëri ndaj njerëzve të punës dhe zero ndjeshmëri ndaj krizës së thellë që po përjetojnë sot mësuesit në këtë vend. Por mësuesit sot përballen edhe me një problem tjetër madhor, të shkaktuar nga kjo qeveri. Pas 15 vitesh në sistem, duke edukuar fëmijët tanë, sot qeveria u thotë se të gjithë mësuesit e diplomuar para vitit 2011 duhet të pajisen me licencë. Pra, u zhvlerësohen diplomat mijëra mësuesve, u mohohet përvoja 15-vjeçare dhe njëkohësisht u rriten kostot. Vetëm regjistrimi kushton 100 mijë lekë të vjetra, ndërsa pajisja me licencë edhe 200 mijë lekë të tjera. Ndërkohë, u kërkohet edhe master, me qëllim mbushjen e universiteteve që po zbrazen për shkak të shpopullimit.
Atëherë lind një pyetje shumë e thjeshtë: nëse sot po kërkoni këto kualifikime dhe testime shtesë, pse i keni mbajtur këta mësues në sistem për kaq vite? Nëse, sipas jush, nuk janë të aftë, atëherë a nuk jeni ju në shkelje të ligjit që i keni mbajtur? Këta mësues kanë edukuar disa breza nxënësish dhe krejt papritur e gjejnë veten të palicencuar. E vërteta është se, në vend që të gjeni zgjidhje dhe t’ua lehtësoni jetën mësuesve, krijoni artificë pas artificë për t’ua vështirësuar atë. Në vend që të rrisni realisht pagat – pasi mësuesit shqiptarë janë ndër më të keqpaguarit në rajon, sipas OECD – ju u shtoni pagesa të tjera mbi supe. Sepse, nëse nuk do të ishte qëllimi për të marrë sërish para nga xhepat e tyre, të paktën këtë licencim do ta bënit me kosto zero. Por jo, ju zgjidhni t’ua merrni paratë mësuesve të keqpaguar, që punojnë në kushte të vështira, me dy turne, që udhëtojnë kilometra për të dhënë mësim dhe që përballen çdo ditë me burokraci të pafundme. Dhe tani doni t’i tarifoni edhe për këtë pseudo-reformë.
Zonja ministre, dega e mësuesisë sot numëron me gishtat e dorës studentët. Jemi në një krizë kombëtare për mësues, sepse të rinjtë nuk e shohin më këtë profesion si një mundësi. Rrezikojmë të mbetemi pa mësues të matematikës, fizikës, kimisë dhe lëndëve të tjera bazë. Dhe ju, në vend që të merrni masa për ta zgjidhur këtë krizë, po ua nxini jetën edhe atyre pak mësuesve që kanë mbetur në sistem. Sepse arsimi nuk ka qenë kurrë prioritet për ju. Shqipëria ka nevojë për njerëz të ditur dhe jo për analfabetë funksionalë me diploma. Kjo është emergjenca kombëtare që kemi sot,“ tha Xhixho./Dosja.al
Foto Ilustruese TIRANË- Bordi i Transparencës është mbledhur ditën e sotme duke përcaktuar çmimet e reja që ...
Andis Salla Ministri i Bujqësisë Andis Salla ka deklaruar se gjatë vitit 2025, u analizuan 32 mostra për aflatoksinë dhe se 1...
Erion Braçe TIRANË- Deputeti socialist Erion Braçe deklaroi se kishte një fushatë deizinformimi në javën e dyt&...
Eno Bozdo TIRANË- Deputeti i PD Eno Bozdo në prezantimin e projektligjit “Për mekanizmin e reagimit të krizave të furnizimit...
Tomorr Alizoti TIRANË- Deputeti demokrat Tomorr Alizoti hodhi akuza të forta në drejtim të qeverisë dhe kryeministrit Edi Rama, du...
Gazmend Bardhi TIRANË- Kreu i grupit parlamentar të Partisë Demokratike, Gazmend Bardhi u shpreh se mazhoranca socialiste po e përdor i...
Ted Blushi TIRANË- Deputeti i opozitës Tedi Blushi ka deklaruar se mazhoranca po tregon mungesë totale respekti për kushtetutën d...
Kliti Hoti TIRANË- Debate me tone të larta kanë shoqëruar seancën e sotme plenare mes deputetit të Partis&eu...
Sali Berisha TIRANË- Kryetari i Partisë Demokratike, Sali Berisha duke folur në foltoren e parlamentit, ka akuzuar Edi Ramën se e ka kt...
TIRANË- Deputeti i Partisë Demokratike, Luciano Boçi u shpreh se parlamenti shqiptar është kthyer në një "tualet me grop&...
