Përshkallëzohet situata në Lindjen e Mesme/ SHBA vijon bombardimet, Irani përgjigjet me sulme në shtetet e Gjirit
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
Ka qenë deputeti demokrat, Belind Këlliçi ai që me anë të një deklarata u shpreh se dhe pse Shqipëria nuk është një konflikt prodhon më shumë emigrantë se të gjitha ‘vendet e tmerrit’?
TIRANË- Në një raport të inteligjencës ushtarake britanike thuhet se 40 përqind e atyre që kalojnë Kanalin Anglez, me gomone, drejt Mbretërisë së Bashkuar, janë shqiptarë. Për këtë ka reaguar ditën e sotme dhe Partia Demokratike.
Ka qenë deputeti demokrat, Belind Këlliçi ai që me anë të një deklarata u shpreh se dhe pse Shqipëria nuk është një konflikt prodhon më shumë emigrantë se të gjitha ‘vendet e tmerrit’?
"Duke parë këtë tablo tmerri, kur shqiptarët janë të lirë për të lëvizur në Europë, vijnë nga një vend anëtar i NATO-s, kanë një pozicion gjeografik dhe klimë të mrekullueshme, nuk rrezikohen nga konflikte, sëmundje apo uria në shkallë të gjerë, atëherë përse rrezikojnë më shumë se bijtë e këtyre vendeve të sfilitura?
Përgjigja është: duke qenë europianë, duke i njohur dhe përqafuar parimet europiane të garës së ndershme, mundësive të barabarta, shtetit social, solidaritetit etj., dhe duke mos i parë të materializuara dhe të mundshme këto mundësi në atdheun e tyre, shqiptarët largohen. Duke parë se qeveria manipulon votat, vjedh me inceneratorët dhe fondet e BE, nuk ofron siguri jete për qytetarët, promovon elementët kriminalë në shoqëri, nuk ka prioritet arsimin dhe as shëndetësinë, shqiptari detyrohet të marrë rrugët e botës", tha Këlliçi.
DEKLARATA E DEPUTETIT BELIND KËLLIÇI
Raporti i inteligjencës britanike/ Shqipëria krah vendeve në luftë për numër popullsie të cilët kërkojnë emigracion ilegal.
Deklaratë e deputetit të Partisë Demokratike, Belind Këlliçi
Një raport i inteligjencës ushtarake britanike ka zbuluar se, 40 përqind e atyre që kalojnë Kanalin Anglez, me gomone, drejt Mbretërisë së Bashkuar, janë shqiptarë. Në periudhën 1 qershor - 12 korrik, 1075 shqiptarë kanë kaluar ngushticën detare mes Francës dhe Anglisë në gomone dhe varka të vogla.
Ajo që duam të theksojmë sot nuk është fenomeni i emigracionit, i vjetër sa vetë bota.
Pyetja që ngremë nga kjo foltore është se, pse Shqipëria, një vend jo në konflikt, dhe që as nuk vuan nga ndonjë epidemi, thatësirë apo krizë tjetër, prodhon më shumë emigrantë se të gjitha ‘vendet e tmerrit’?
Sipas raportit britanik, ndër ata që e kanë kaluar Kanalin Anglez, në një periudhë 6 javore, 13 përqind janë iranianë, 12 përqind afganë, 7 përqind irakenë, ndërsa me 5 përqind janë sirianët dhe eritreasit. Kreun e tabelës e kapin shqiptarët me 40 përqind.
Nëse bëjmë një bilanc të shpejtë të gjendjes së këtyre shteteve rezulton se:
Irani është në një regjim ajatollahësh, një diktaturë fetaro-politike, që shtyp dhe përndjek popullatën duke mohuar çdo liri dhe të drejtë.
Afganistani është rikthyer nën regjimin e talebanëve, persekutorë të kundërshtarëve dhe civilëve, që i kërkojnë popullatës të jetojë sipas kodeve të një islami fanatik. Dhuna sektare dhe aktet e terrorizmit janë pjesë e jetës së përditshme.
Iraku është një vend i dalë nga një luftë e gjatë sektare, shesh-betejë për ndikim dhe pushtet e disa fuqive dhe fraksioneve fetare e politike. Thënë shkurt: një prej vendeve më të pasigurta në botë.
Historia e Sirisë është e njohur për shqiptarët, duke qenë se disa familje u bllokuan në kampet e luftës atje. Vendi është një prej shesh - betejave të ISIS dhe pre e një lufte të gjatë civile dhe sektare.
Eritrea, një vend afrikan është prej kohësh territor i një lufte të përgjakshme në rajonin e Tigrey-t. Sipas një raporti të fundit të OKB, burrat merren me forcë për t’i çuar në luftë. Një vend i dalë nga një konflikt 30 vjeçar me Etiopinë, Eritrea e ka 66 përqind të popullatës nën linjën e varfërisë.
Duke parë këtë tablo tmerri, kur shqiptarët janë të lirë për të lëvizur në Europë, vijnë nga një vend anëtar i NATO-s, kanë një pozicion gjeografik dhe klimë të mrekullueshme, nuk rrezikohen nga konflikte, sëmundje apo uria në shkallë të gjerë, atëherë përse rrezikojnë më shumë se bijtë e këtyre vendeve të sfilitura?
Përgjigja është: duke qenë europianë, duke i njohur dhe përqafuar parimet europiane të garës së ndershme, mundësive të barabarta, shtetit social, solidaritetit etj., dhe duke mos i parë të materializuara dhe të mundshme këto mundësi në atdheun e tyre, shqiptarët largohen.
Duke parë se qeveria manipulon votat, vjedh me inceneratorët dhe fondet e BE, nuk ofron siguri jete për qytetarët, promovon elementët kriminalë në shoqëri, nuk ka prioritet arsimin dhe as shëndetësinë, shqiptari detyrohet të marrë rrugët e botës.
Kur nga një tokë e bekuar si jona qytetarët ikin, në dyfishin e shifrave në raport me vendet e rajoneve në luftë, atëherë Shqipëria është bërë një vend i pajetueshëm.
Qeveria është bërë e padurueshme. Vend më të mirë se yni, nuk gjejmë, dhe as nuk duam.
Qeveri më të mirë, sigurisht që po.
Edi Rama, Ornela Çuçi TIRANË- Zëvendësministrja e Mjedisit dhe Turizmit, Ornela Çuçi është shkarkuar...
Sali Berisha TIRANË- Situata e zjarreve në vend vijon të jetë e rëndë. Kryetari i Partisë Demokratike, Sali Berisha ka n...
Edi Rama TIRANË- Kryeministri Edi Rama ka fluturuar në Konya të Turqisë. Ditën e sotme, Rama ka fluturuar drejt Turqisë me f...
Dritan Leli VLORË- Agjencia Kombëtare e Mjedisit ka gjobitur Bashkinë e Vlorës për keqmenaxhim të mbetjeve. Fundja...
Leje qarkullimi TIRANË- Leja e re e qarkullimit ka hyrë në fuqi që prej muajit qershor, ndërsa deri më tani me të jan&eu...
Briseda Shehaj TIRANË- Kreu i Partisë së Lirisë, Ilir Meta në një konferencë për mediet ka akuzuar kryeministrin Ed...
Bardh Spahia SHKODËR- Kryebashkiaku i Shkodrës Bardh Spahia ka bërë bilancin e zjarreve këto ditë. Me anë të n...
Zjarret TIRANË- Sekretari i Përgjithshëm i Partisë së Lirisë Tedi Blushi ka reaguar për situatën e zjarreve n&...
Ilir Meta TIRANË- Kryetari i Partisë së Lirisë Ilir Meta ka reaguar përt situatën e zjarreve në vend. Me anë ...
Pamje nga zjarri DIVJAKË- Deputeti i Partisë Socialiste, Erion Braçe është shfaqur sot mes flakëve dhe tymit, në nj&eu...
