Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Kërkesa u prezantua sot shkurt nga ish-ministrja Anila Denaj, por ndryshe nga sa ajo bëri me dije, nuk janë 27 firma, por 31 socialiste që nuk e duan Berishën në Kuvend.
TIRANË- Zbardhet kërkesa dhe lista e plotë e deputeteve të Partisë Socialiste, por edhe e ministreve që kërkojnë dënim të rëndë të kryedemokratit Sali Berisha. Kërkesa u prezantua sot shkurt nga ish-ministrja Anila Denaj, por ndryshe nga sa ajo bëri me dije, nuk janë 27 firma, por 31 socialiste që nuk e duan Berishën në Kuvend. Sipas tyre, Berisha ose të nxjerrë videot erotike që pretendon se ka, ose duhet të kërkojë falje për retorikën e tij në Kuvendin e Shqipërisë. Ndërkohë që Berisha nga ana tjetër, pikë së pari pretedon se deklaratat nuk i ka bërë në Kuvend pornë një konferencë për shtyp, e po ashtu theksoi se për t'i parë mund të krijojnë një Komision Hetimor, ndryshe nuk do t'i publikojë kurrë por do t'ja dorëzojë drejtësisë.
SHKRESA E PLOTË:
E nderuar zonja Kryetare,
Deputeti Sali Berisha ka arritur së fundmi një kulm të patolerueshëm në kapërcimin e çdo kufiri etik, përmes një agresioni vulgar që ka cënuar rëndë jo thjesht dinjitetin e ministreve dhe deputeteve të shumicës, po edhe të vetë Kuvendit të Shqipërisë. Ky individ i shpallur non grata nga SHBA dhe Britania e Madhe për minim të demokracisë dhe korrupsion madhor, ka minuar prej kohësh urat e komunikimit publik, duke e korruptuar deri në ekstrem gjuhën me helmet e urrejtjes, shpifjeve dhe fyerjeve më brutale. Ditët e fundit ai e ka përshkallëzuar paturpësinë e tij tradicionale, duke sulmuar me një vrazhdësi të skajshme edhe ambasadorët e këtyre dy vendeve.
Ky agresion i kryqëzuar me fantazitë monstruoze të videove kompromentuese ndaj të gjithë të lartpërmendurve, që deputeti Sali Berisha ka thënë publikisht se i ka po nuk do t’i bëjë publike, s’ka asnjë mundësi të lihet të kalojë s’i shumë përdalësi të tjera të gjuhës së këtij shpifësi veteran. Në Kodin e Sjelljes së deputetit, ndër të tjera, thuhet se deputeti duhet të reflektojë integritet individual dhe institucional dhe të shmangë çdo diskriminim për shkak të gjinisë, bindjeve politike apo çdo natyre tjetër. Ndërkohë deputeti Sali Berisha ka kohë që jo vetëm nuk reflekton asnjë integritet individual dhe institucional apo që jo vetëm nuk shmang asnjë diskriminim për shkak të gjinisë e të bindjeve politike, por ka marrë me përdhunë statusin e dikujt që mund të nxjerrë nga goja çdo lloj ultësie gjuhësore pa u përballur me asnjë konseguencë të asnjë natyre.
Kjo deklaratë bëhet referuar nenit 3 të Kodit të Sjelljes së Deputetit, i cili parashikon parimet e përgjithshme të sjelljes së deputetit gjatë ushtrimit të mandatit dhe aplikohet për çdo veprimtari të deputetit kudo në Kuvend e jashtë tij.
Normalizimi i vulgaritetit të këtij “shejtan budallai” të pandëshkueshëm qoftë për krimet ulëritëse të së shkuarës dhe qoftë për ulërimat kriminale të së tashmes, nuk mund të pranohet më prej nesh si një privilegj i pakontestuar, të cilin deputeti Sali Berisha mund ta ushtrojë në praninë tonë në çdo seancë të Kuvendit të Shqipërisë. Ai i ka lëshuar krejt frerët dhe ka bërë gjithçka të turpshme për një deputet të Kuvendit të Shqipërisë, duke shantazhuar pa dallim dhe në mënyrën më të padenjë zyrtare, deputete, ministre, ambasadore e mbi të gjitha vetë familjet tona, po ne besojmë se ky individ është kthyer në një ngacmues tejet problematik edhe për çdo familje normale shqiptare.
Ne kemi bindjen se deputeti Sali Berisha nuk duhet lejuar të marrë pjesë në seancat e Kuvendit, nëse nuk bën njërën nga të dyja: Ose të nxjerrë provat që mbështesin shthurjen ekstreme të gjuhës së tij ditët e fundit ose t’u kërkojë falje publikisht subjekteve të dhunës së tij të shfrenuar verbale. Përsa më sipër, kërkojmë që organet kompetente të Kuvendit të fillojnë menjëherë procedurat për marrrjen e masës disiplinore të përjashtimit të deputetit Sali Berisha nga seancat e Kuvendit të Shqipërisë, me afatin maksimal të lejuar nga rregullorja dhe njoftojmë Kuvendin dhe publikun e gjerë, se këtë kërkesë do ta përsërisim vijimësisht, deri kur ky shkelës recidiv i çdo norme të bashkëjetesës demokratike të ketë plotësuar njërën prej dy kërkesave të mësipërme, për t’u ulur në të njëjtën sallë kuvendore me të poshtëshënuarat.
FIRMAT E MBLEDHURA:
1. Antoneta Dhima
2. Desantila Tahiraj
3. Hatixhe Konomi
4. Pranvera Resulaj
5. Lindita Buxheli
6. Mirela Pitushi
7. Anila Denaj
8.Elisa Spiropali
9. Ogerta Manasterliu
10. Edona Bilali
11. Teuta Ramaj
12. Olta Xhaçka
13. Klodiana Spahiu
14. Milva Ikonomi
15.Evis Kushi
16. Blerina Gjylameti
17. Tatiana Piro
18. Elva Margariti
19. Mirela Kumbaro
20. Enslemvera Zake
21. Shpresa Marnoj
22. Delina Ibrahimaj
23. Klotilda Bushka
24. Ermonela Valikaj ( Felaj)
25. Frida Krifca
26. Bora Muzhaqi
27. Belinda Balluku
28. Etilda Gjonaj
29. Mimi Kodheli
30. Luljeta Bozo
31. Gerta Duraku
Sali Berisha TIRANË- Kryetari i Partisë Demokratike Sali Berisha ka deklaruar se ka siguruar dokumentet në lidhje me shpalljen e tij "non gr...
Sali Berisha TIRANË- Agron Neza i ka dërguar një mesazh kryedemokratit Sali Berisha. Ky i fundit, teksa fliste për skandalin e “C...
Sali Berisha TIRANË- Ish-kryeministri Sali Berisha ka deklaruar mbrëmjen e sotme se telefoni i tij është përgjuar nga ish-presiden...
Foto ilustruese Në Tiranë, vëzhgues të pavarur po publikojnë raporte problematike mbi klimën parazgjedhore. Ata shprehën...
Edi Rama TIRANË- Pas takimit të tyre, kryeministri Edi Rama dhe kryeministri i Bavarisë, Markus Söder kanë mbajtur një k...
Taulant Balla TIRANË- Kreu i grupit parlamentar të PS-së, Taulant Balla në përfundim të senacës plenare të Kuvendit...
Pamje nga protesta Në Tiranë përkrahës të opozitës dhe të ish-kryeministrit Sali Berisha zhvilluan për afro dy dor&...
Ina Zhupa TIRANË- Deputetja e Partisë Demokratike, Ina Zhupa e cila ka marrë pjesë në protestën e organizuar sot para Ku...
Edi Palok anga Kuvendi TIRANË- Me tensione e të papritura është shoqëruar sot protesta e opozitës ashtu edhe seanca plenare e...
Sali Berisha TIRANË- Kryetari i Partisë Demokratike, Sali Berisha ka konfirmuar se të enjten do të ketë sërish protestë....
