Dita e 43-të e protestës/ Qytetarët zbresin sërish në shesh, kërkojnë dorëheqjen e kryeministrit Rama: Ju erdhi fundi
"Ju erdhi fundi"/ Mbahet sot në Tiranë protesta e 43-të, kërkohet dorëheqja e kryeministrit Rama: Pa rini nuk ka S...
"Ju erdhi fundi"/ Mbahet sot në Tiranë protesta e 43-të, kërkohet dorëheqja e kryeministrit Rama: Pa rini nuk ka S...
“Unë e kam bërë dallimin e ditës së flamingos me natën e korbit dhe sorrës”/ Rama: Po dëgjoj...
Ekzekutimi i 50-vjeçarit në Vorë/ Zbardhet dinamika e vrasjes së Edmond Sulës, autori përdori armë me dylbi...
EMRI/ Vrasja në Shkodër, identifikohet viktima 11 Korrik, 20:12 E rëndë në Dukagjin! Vritet me arm&eu...
Artikulli nënvizon se mobilizimi vazhdon të rritet, pasi është forcuar edhe nga diaspora që po kthehet në vend për pushimet verore.
TIRANA- Media franceze “Le Temps” i ka kushtuar një artikull zhvillimeve të fundit në vend, të cilat lidhen me protestat masive përmes së cilave është kërkuar dorëheqja e kryeministrit Edi Rama. Në artikullin e publikuar nga media franceze shkruhet se kryeministri Rama po luan me provokimin, ndërsa prej gjashtë javësh vendi po përballet me protesta.
“Revolucioni i Flamingove” ka denoncuar vullnetin për të shitur vendin disa oligarkëve, duke pohuar se Shqipëria nuk është në shitje. Artikulli nënvizon se mobilizimi vazhdon të rritet, pasi është forcuar edhe nga diaspora që po kthehet në vend për pushimet verore.
Ai ndalet edhe tek koncerti i këngëtarit me famë botërore Kanye West, i cili performoi në Tiranë ditën e djeshme. Në lidhje me këtë, media shkruan se qeveria shpenzoi 4.2 milionë euro për të mundësuar zhvillimin e këtij eventi, i cili fillimisht ishte paraqitur si një “koncert privat”, që nuk do t’i kushtonte asgjë taksapaguesve.
Në realitet, biletat pothuajse nuk u shitën dhe për të mbushur 60 mijë vendet e stadiumit të përkohshëm Eagle Stadium, të ndërtuar posaçërisht për këtë rast pranë autostradës që të çon në Durrës dhe aeroportin e Tiranës, qeveria solli me autobusë të posaçëm nxënës të shkollave të mesme dhe punonjës të administratës publike.
Për qeverinë, koncerti duhej të nxiste turizmin duke e vendosur Shqipërinë në hartën botërore të këtyre ngjarjeve të mëdha.
Artikulli i plotë i LE TEMPS:
“Edi Rama luan me provokimin”. I sfiduar nga një valë protestash që nuk bën gjë tjetër veçse rritet prej gjashtë javësh, kryeministri shqiptar këmbënguli ta priste personalisht reperin shumë kontrovers amerikan Kanye ëest, të ndaluar të mbajë koncerte në shumicën e vendeve evropiane për shkak të provokimeve të tij antisemite dhe islamofobe, si edhe për admirimin e tij të deklaruar ndaj Adolf Hitlerit.
Madje, vetëm pak ditë para koncertit, u mësua se qeveria kishte shpenzuar 4.2 milionë euro për të mundësuar zhvillimin e këtij eventi, i cili fillimisht ishte paraqitur si një “koncert privat”, që nuk do t’i kushtonte asgjë taksapaguesve. Kjo shkaktoi indinjatën e artistëve shqiptarë, të cilët protestuan të enjten para ministrisë së tyre, duke kujtuar se kultura përfaqëson vetëm 0.1% të buxhetit publik. Ministri Blendi Gonxhja i hodhi poshtë këto kritika, duke i cilësuar si “donkishoteske”.
Për qeverinë, koncerti duhej të nxiste turizmin duke e vendosur Shqipërinë në hartën botërore të këtyre ngjarjeve të mëdha. Në realitet, biletat pothuajse nuk u shitën dhe, për të mbushur 60 mijë vendet e stadiumit të përkohshëm Eagle Stadium, të ndërtuar posaçërisht për këtë rast pranë autostradës që të çon në Durrës dhe aeroportin e Tiranës, qeveria solli me autobusë të posaçëm nxënës të shkollave të mesme dhe punonjës të administratës publike. Aktivistë të lëvizjes së majtë Bashkë arritën gjithashtu të hynin në stadium dhe të shpalosnin një banderolë ku shkruhej: “Edi Rama, Fuck Ye! Jep dorëheqjen!”
Ndërkohë, 10 deri në 15 mijë persona marshonin në Bulevardin “Dëshmorët e Kombit”, në qendër të Tiranës, për mbrëmjen e 42-të radhazi. Koncerti nuk arriti të ndezë një kundërzjarr të aftë për të larguar vëmendjen nga vala e zemërimit që po trondit Shqipërinë. Që nga 31 maji, protesta të përditshme denoncojnë dhënien e ishullit të Sazanit dhe gadishullit fqinj të Zvërnecit Trump Organization, konglomeratit familjar të drejtuar nga Ivanka Trump dhe bashkëshorti i saj Jared Kushner, të cilët duan të ndërtojnë aty një resort luksoz, duke vënë në rrezik zona natyrore të mbrojtura, veçanërisht lagunën e Nartës, strehë e flamingove.
“Revolucioni i Flamingove”
Që atëherë, protestuesit e “Revolucionit të Flamingove” denoncojnë vullnetin për ta shitur vendin interesave të disa oligarkëve, duke pohuar se “Shqipëria nuk është në shitje”. Këta protestues, shpesh të rinj, kërkojnë dorëheqjen e Edi Ramës, kreut të Partisë Socialiste, në pushtet që prej vitit 2013, por nuk kanë më shumë besim as te forca kryesore opozitare, konservatorët e Partisë Demokratike të Sali Berishës. Ata kërkojnë “një Shqipëri të re”, duke denoncuar rrjetet oligarkike që dominojnë vendin që nga rënia e komunizmit.
“Çdo parti ka mediat e veta dhe ka ndërtuar rrjetet e saj në botën e biznesit, madje edhe në qarqet kriminale. Pikërisht këtë duopol refuzojnë protestuesit”, shpjegon eseisti Fatos Lubonja, ish-i burgosur politik i diktaturës dhe një figurë e njohur e kundërshtimit.
Sigurimi ndërkombëtar i jetës
Që nga fillimi i lëvizjes, Edi Rama i është përgjigjur vetëm me përçmim, duke u përpjekur të diskreditojë kundërshtarët e tij, duke i akuzuar se janë “të manipuluar nga forca armiqësore ndaj Shqipërisë dhe Izraelit”, madje edhe nga Irani. Këto akuza tingëllojnë me ironi kur kryeministri sjell me një kosto të madhe një këngëtar të njohur për antisemitizmin e tij si Kanye ëest, por kjo shpjegohet me marrëdhëniet e ngushta që ai mban me qeverinë e Netanyahut.
“Edi Rama mbështetet te aleatët e tij ndërkombëtarë për të dalë nga kjo situatë, te evropianët dhe amerikanët. Ky është sigurimi i tij i fundit i jetës”, vijon Fatos Lubonja.
Në fakt, prirja autoritare dhe e korruptuar e regjimit shqiptar është e njohur në Bruksel, por Komisioni Evropian ka mbetur gjithmonë shumë i përmbajtur në kritikat e tij. Edi Rama, i cili e ka rreshtuar politikën e jashtme të vendit me atë të Bashkimit Evropian, shfaqet si një e keqe më e vogël e pranueshme dhe, ashtu si homologu i tij serb Vuçiç, si garant i stabilitetit rajonal.
Dyshime mbi financimet
Kryeministri, i cili nuk ka hequr kurrë dorë nga pretendimet e tij si artist i arteve pamore, pretendon gjithashtu se po farkëton “fytyrën e re” të Shqipërisë dhe kishte investuar shumë te botimi, rreth dhjetë ditë më parë, i një libri luksoz arkitekture me titull “The Albanian Files”, ku paraqiten projektet e mëdha urbanistike në zhvillim ose të planifikuara.
Por opozita menjëherë iu referua SPAK-ut, Prokurorisë së Posaçme Kundër Korrupsionit, pasi këto projekte ngrenë pikëpyetje mbi financimin e tyre tepër të dyshimtë.
“Zyrat më të mëdha ndërkombëtare të arkitekturës janë thirrur për të legjitimuar qarkullime ekonomike që bien ndesh me interesin e përgjithshëm”, shpjegon Fatos Lubonja.
Mobilizimi vazhdon të rritet, i forcuar edhe nga diaspora që po kthehet në vend për pushimet verore. Florian Haçkaj, zëdhënës i grupit “Diaspora për një Shqipëri të Lirë”, i bërë i njohur për debatet e tij me video me kryeministrin Rama, ishte një nga figurat e tubimit të së shtunës.
Ky profesionist shpjegoi se sapo kishte mbërritur nga Zvicra me familjen e tij, duke iu drejtuar turmës me fjalët:
“Ju jeni heronjtë tanë, mos lejoni t’ju frikësojnë. Koha e frikës ka marrë fund.”/Dosja.al
Ditmir Bushati TIRANA- Ish-ministri i Jashtëm, Ditmir Bushati, ka kritikuar kryeministrin Edi Rama, në lidhje me koncertin e këngë...
Foto ilustruse TIRANA- Protetat masive që kanë përfshirë vendin prej 43 ditësh tashmë kanë marrë jehonë komb&e...
Foto ilustruse TIRANA- Partia Demokratike Europiane ka reaguar pas deklaratës së këngëtares me origjinë shqiptare, Dua Lipa e...
Edi Rama TIRANA- Kryeministri Edi Rama foli edhe për protestat masive që kanë përfshirë vendin prej 43 ditësh, përmes s&...
Edi Rama TIRANA- Kryeministri Edi Rama deklaroi se 4 milionë eurot e dhënë nga qeveria për të mbështetur koncertin e kën...
Edi Rama TIRANA- Kryeministri i vendit, Edi Rama duke folur për koncertin e Kanye West i cili u zhvillua në Tiranë ditën e djeshme...
Edi Rama TIRANA- Kryeministri i vendit, Edi Rama ka reaguar sërish lidhur me koncertin e këngëtarit me famë botërore Kanye We...
Sali Berisha TIRANË- Kreu i Partisë Demokratike, Sali Berisha ka reaguar ashpër ndaj deklaratave të fundit të ministres s&eu...
Edi Ramaub TIRANË- Kryeministri Edi Rama ka ndarë pamje nga koncerti i artistit të famshëm amerikan, Kanye West, zhvilluar mbr&eum...
Albin Kurti KOSOVË- Dy ditë pas certifikimit të rezultateve të zgjedhjeve të 8 qershorit, kryeministri në de...
