Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Çupi ka bërë një paralelizëm mes basteve dhe kazinove që u rikthyen vetëm 2 vite pasi u ndaluan.
TIRANA- Deputetja opozitare, Dhurata Çupi ka reaguar në lidhje me projektligjin për rikthimin e basteve. Çupi ka bërë një paralelizëm mes basteve dhe kazinove që u rikthyen vetëm 2 vite pasi u ndaluan. Me anë të një postimi, deputetja ka thënë se projektligji i ri nuk parashikon mekanizma që synojnë të parandalojnë pastrimin e parave në bixhozin online, pasi sipas saj një gjë e tillë nuk i intereson kryeministrit Edi Rama.
Sipas Çupit, rikthimi i basteve online është basti i dytë për bixhozin që Rama humb në raport me premtimet për shqiptarët.
Postimi i plotë:
Basti i humbur i Edi Ramës
Edi Rama ka humbur shumë baste që kur u zgjodh kryeministër.
Ka humbur bastin e legalizimeve falas. Ka humbur bastin e shëndetësisë falas. Ka humbur bastin e fitores mbi krimin e organizuar në 300 ditët e para të qeverisjes. Kanë kaluar 3800 ditë që kur Edi Rama ka ardhur në pushtet dhe krimi i organizuar jo që s’është mundur, por ai bashkëqeveris. Bastet e humbura të Edi Ramës janë kryesisht mashtrimet elektorale për të ardhur në pushtet, por ai ka aftësinë dhe mundësinë propagandistike për ta servirur dështimin si sukses. Këtë po bën tani edhe me bastin tjetër të humbur, atë të basteve sportive online. 4 vjet pas fushatës radikale, të udhëhequr nga vetë Udhëheqësi, për të mbyllur gjithçka që kishte të bënte me bixhozin, sot jemi gdhirë një vend që lejon bastet sportive online. Njësoj siç u gdhimë ca kohë më parë si vendi që lejonte kazinotë, edhe ato të mallkuara çdo ditë të fushatës nga kryeministri. Edi Rama i lejoi kazinotë në hotele me 5 yje vetëm 2 vite pasi i ndaloi ato. Ky i kazinove ishte basti i parë i humbur i Edi Ramës, në lidhje me bixhozin. Rikthimi i basteve online është basti i dytë për bixhozin që Edi Rama humb në raport me premtimet për shqiptarët.
Me bindjen se Edi Rama nuk bën kurrë atë që thotë, e kam paralajmëruar këtë lojë të kryeministrit gjatë diskutimeve të ligjit ndalues në Parlament në tetor-nëntor 2018. Ia vlen të sillet në vëmendje se atëherë qeveria nuk parashikonte mbylljen e basteve online dhe ishte presioni ynë, i deputetëve të opozitës, që sollëm fakte të lidhjes se qeverise me koncesionarin e monitorimit online, që detyroi Edi Ramën të shtonte edhe mbylljen e basteve online. “Mos u lodhni kot,- Bastet s’i shpëtoni dot më! Edhe bastet, edhe ky monopoli online do të vdesin për Vit të Ri.” Citimi i përket Edi Ramës me 14 Tetor 2018. Kuptohet qartë që adresimi është për opozitën, për faktin e vetëm se denoncuam lidhjet socialiste me bastet sportive online. Tani ato bëhen të ligjshme, pas një periudhe fitimesh marramendëse të përfitura në ilegjitimitet, me dijeninë e kryeministrit dhe të çdo shefi policie, nga veriu në jug. Në ndryshim nga fushata e ndalimit, këtë herë, gjatë procesit të lejimit, pa shumë bujë, çfarë nuk kam parë janë lotët e krokodilit të kryeministrit për familjet që vuanin nga bixhozi. Kur mbylli bastet, Udhëheqësi u qante hallin grave me burra bixhozxhinj, që kishin futur familjen në borxhe. Kjo është vërtetë një plagë sociale, por Udhëheqësi e ka harruar tani. Në ligjin e ri as nuk është kujtuar që, nga qindra milionë eurot që do të përfitojë shteti ndër vite, të vendosë fond për të evidentuar dhe trajtuar personat me varësi nga bixhozi. Një përvojë kjo që shumë shtete të BE-së e kanë të përfshirë në legjislacionin e tyre.
Ose të paktën, të kishte marrë mundimin të bënte një sondazh real sesi po pritej nga qytetarët kjo përmbysje e premtimit të tij për të mbyllur bastet. Njësoj ka harruar Edi Rama edhe alarmin e kuq se pas bizhozit fshihet krimi i organizuar dhe pastrimi i parave. “Aktiviteti i bixhozit në Shqipëri financohet në një masë të madhe nga krimi i organizuar. Janë burime financimi kriminale, janë para që pastrohen përmes aktivitetit të kumarit”. Ky është një citim tjetër i Edi Ramës në 22 tetor 2018. Dhe ky i krimit të organizuar dhe pastrimit të parave në bixhozin online është basti tjetër i humbur i Edi Ramës. Por besoj fort, se të gjitha janë baste të humbura me dëshirë. Nëse do të ishte ndryshe, në ligjin e ri të miratuar nga Parlamenti, do të ishin parashikuar mekanizma që synojnë të parandalojnë pastrimin e parave në bixhozin online. Një politikë që s’i intereson një kryeministri si Edi Rama, që, siç e përshkruan ish-zëvendëskryeministri i tij, vendos për pasuritë dhe pasurimin duke ngrënë qofte te veranda. Bixhozi i tij i preferuar!
belind kellici TIRANË- Anëtari i kryesisë së PD, Belind Këlliçi, në një deklaratët për mediat nga selia...
Foto ilustruese TIRANA- Numri i bashkive dhe qarqeve që kanë bërë një përpjekje për të përmirësuar transp...
Albana Vokshi TIRANË- Deputetja e opozitës, Albana Vokshi gjatë konferencës së Departamentit të Arsimit dhe Shkenc&...
oerd bylykbashi TIRANË- Nënkryetari demokrat, Oerd Bylykbashi, ka deklaruar në konferencën e Departamentit të Arsimit dhe Shkenc&...
TIRANË- Bledi Çuçi mblodhi sot Grupin Parlamentar të Partisë Socialiste për të diskutuar mbi axhendën e javës...
ilir meta TIRANË- Kryetari i Partisë së Lirisë, Ilir Meta ka deklaruar se nuk mund të ndalet shpopullimi kur qëllimi i qeveri...
PD TIRANË- Grupit parlamentar i PD-së do të zhvillojë nesër mbledhje në orën 15:00 në selinë qendrore të ...
Kryeministri Rama me syze TIRANË- Një foto e padëshiruar ka dalë sot nga Asambleja e Partisë Socialiste për tu s...
Sali Berisha TIRANË- Kreu i partisë Demokratike, Sali Berisha gjatë fjalimit para mbështetësvë të tij poshtë pallat...
Sali Berisha TIRANË- Kreu i partisë Demokratike, Sali Berisha gjatë fjalimit para mbështetësvë të tij poshtë p...
