Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
•Kryeministri Rama kërkoi nga grupi negociator i Shqipërisë me BE-në, seriozitet. • Në një konferencë për mediat me ekipin e negociatave me Bashkimin Evropian, së bashku me Ministren për Evropën dhe Punët e Jashtme Olta Xhaçka, si dhe Ministrja e Shtetit, njëkohësisht Kryenegociatore Majlinda Dhuka, Rama ndau disa porosi. • Kryeministri u shpreh se misioni është që Shqipëria të fitojë respektin në aspektin teknik, pas respektit politik që mori. • Po ashtu, Rama përmendi edhe ndryshimet në kabinet. Ai lavdëroi punën e deritanishme të ambasadorit Mazi dhe tha se me emërimin e Majlinda Dhukës procesi fiton një dimension të ri. •Rama tha se Dhuka i ka kompetencat e të gjithë procesit që lidhet me përthirthjen e normativës evropiane në të drejtën kombëtare.
5 artikuj për këtë temë.
TIRANË- 'Do të keni dhimbje koke'- ishte paralajmërimi i kryeministrit Edi Rama për grupin e negociatorëve të Shqipërisë me BE-në. Gjatë konferencës së sotme, Rama tha se edhe pse do të kenë dhimbje koke, do të ndihen të nderuar pasi po punojnë për diçka të rëndësishme për vendin.
' Dhimbje koke për prcocesin do ti keni do ti mbani, do ndiheni të nderuar që do të jeni ju që do t'ju dhembi koka për dicka kaq të rëndësishme per vendin. '- tha Rama.
TIRANË- Kryenegociatorja e sapoemëruar, Majlinda Dhuka, është shfaqur për herë të parë përkrah kryeministrit Edi Rama, gjatë një takimi me grupin e negociatorëve të Shqipërisë në BE. Dhuka e nisi fjalën e saj me falënderim ndaj qeverisë, ndërkaq theksoi përgjegjësinë për detyrën e re.
“Faleminderit për besimin tuaj dhe të qeverisë shqiptare. Është me përgjegjësi të lartë që e nis detyrën time sot.
Të dashur kolegë, kërkoj bashkëpunim, shpejtësi, progres, rezultat. Me shumicën prej jush kam punuar edhe më herët, Momenti është historik, besimi qe na është dhënë është i veçante, do t’ju lutesha për bashkëpunim maksimal”, tha ajo.
TIRANË- Kryeministri Edi Rama deklaroi ditën e sotme se do të krijohet Këshilli ndërministror për çështjet europiane. Gjatë konferencës me grupin negociator të Shqipërisë për BE-në, Rama tha se në këtë këshill do të adresohen të gjitha problematikat që hasen gjatë rrugës.
' Mendoj se është e udhës që ne ti japim jetë një këshilli për cështjet europiane. Duhet të garantojë në vazhdimësi në diskutimin e brendshëm lidhur me qëndrimet dhe me ecurinë e procesit. Ky është një proces që kërkon një thellësi të madhe. Ky këshill do na ndihmojë që do të jetë në përgjithësi i huaj, do të mblidhet në mënyre periodike, sa herë që është e nevojshme e të adresohen problematika të caktuara. Po ashtu, do të mblidhet dhe në raste të caktuara për ndonjë çështje të veçantë që kërkon një konsultim. është një forum i brendshëm për të pasur sensin e ecurisë së gjërave. '- u shpreh Rama.
TIRANË- Kryeministri Edi Rama deklaroi ditën e sotme se pa njerëz si kryenegociatorja e re e BE-së, administrata nuk do të funksiononte. Gjatë konferencës me grupin e negociatave me BE-në, Rama përmendi një rast kur dikush tha se nuk gjente emrin e Majlinda Dhukës në Google. Mirëpo, kësaj deklarate ai u shpreh se pa njerëz ai Dhuka, administrata nuk do ishte siç është sot.
'Vendosja e kryenegociatore të re nënvizon ndryshimin e marrëdhënieve mes nesh dhe BE. Mazi bëri një punë të lavdërueshme, diplomatike, duke qenë një krah i rëndësishëm në këtë proces, deri në momentin kur u vendos që negociatat të hapen formalisht. Më bëri përshtypje dikush kur doli emri i kryenegociatores, se ‘s’më doli në gogle’. Ka shumë njerëz në administratën tonë që s’i gjen në gogle por që pa ta nuk do të funksiononte administrata jonë. Janë pjesë e palcës së shtetit.'- u shpreh Rama.
TIRANË- Kryeministri Edi Rama ka këshilluar ekipin e negociatave me Bashkimin Europian. Gjatë një konference për mediat, Rama u bëri të ditur grupit se duhet të jenë aktiv, të shkojnë çdo javë në Bruksel si dhe theksoi se përshtypja që duhet të lënë atje të jetë sa më pozitive.
' Do garantojmë maksimumin e kordinimit të të gjithë ju në një proces që është sfidues. Posacërisht për adresimin e problematikave të cdo sektori dhe për kordinimin mes sektorëve. Angazhimi për procesin duhet të jetë prioriteti absolut dhe i të gjithë atyre që janë nën varësinë tuaj. Nuk është e tepërt ta përsërisim se në këtë proces intensiteti i punës tuaj rritet eksponencialisht, nuk jemi më në kushtet e intensitetit të deritanishëm. Vizitat tuaja në Bruksel dhe të përfaqësusve janë të përjavshme. Shqipëria duhet të shikohet me respekt në çdo hap.Dua që në Bruskel, skuadra shqiptare të krijojë një përshtypje pozitive dhe dua që të flitet për seriozitetin dhe për këmbënguljen e për cilësinë e punës të skuadrës shqiptare. Pjesën më të madhe tuajën kam pasur mundësi t'i njoh dhe ta shikoj në një progres të caktuar. '- u shpreh Rama.
