Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Tabaku shkruan se qeveria po përdor KISH si një maskë për të fshehur abuzimet me pronat publike.
TIRANA- Deputetja e Partisë Demokratike, Jorida Tabaku ka bërë ditën e sotme një denoncim me anë të rrjeteve sociale, që sipas saj lidhet me Korporatën e Inestimeve Shqiptare (KIESH), një strukturë që siç thotë ajo është krijuar me qëllimin e keqpërdorimit të pronave publike dhe private në emër të zhvillimit. Tabaku shkruan se qeveria po përdor KISH si një maskë për të fshehur abuzimet me pronat publike.
Sipas Tabakut, Këshilli Bashkiak i Tiranës do të vendosë, në mënyrë të nxituar dhe pa konsultim publik, që t’i japë Korporatës së Investimeve dy sipërfaqe të mëdha, të cilat shërbejnë si terrene sportive. Ajo thtotë se Stadiumi “Selman Stërmasi” dhe Pallati i Sportit “Asllan Rusi” janë lënë me dashje në harresë nga Bashkia, e cila ka lejuar degradimin e tyre me qëllimin e vetëm për të justifikuar ndërtimin e kullave shumëkatëshe.
Postimi i plotë i Jorida Tabakut:
Kur shteti bën biznes!
Në vitin 2019, me një procedurë të paligjshme dhe të palogjikshme, qeveria shqiptare, përmes një parlamenti që funksionon vetëm si noter i mazhorancës, miratoi krijimin e Korporatës së Investimeve Shqiptare. Kjo strukturë e re nuk është gjë tjetër veçse një maskë për të mbuluar keqpërdorimin e pronave publike dhe private, gjithmonë nën justifikimin e “zhvillimit.”
Kësaj radhe, Këshilli Bashkiak i Tiranës do të vendosë, në mënyrë të nxituar dhe pa konsultim publik, që t’i japë Korporatës së Investimeve dy sipërfaqe të mëdha, të cilat shërbejnë si terrene sportive. Stadiumi “Selman Stërmasi” dhe Pallati i Sportit “Asllan Rusi” janë lënë me dashje në harresë nga Bashkia, e cila ka lejuar degradimin e tyre me qëllimin e vetëm për të justifikuar ndërtimin e kullave shumëkatëshe.
Këto prona nuk janë të parat e as do jenë të fundit, korporata e investimeve ka ndërmarrë një operacion kirurgjikal në te gjithë Shqipërinë duke identifikuar prona tejet të majme financiarisht prej pozicionit për t’i dhënë për ndërtim, sepse kjo është një situatë “win-win” thotë realicioni. Duke nënkuptuar që aty fiton korrupsioni, pasurimi i një klike të vogël në kurriz të shumicës.
Nuk ka si të jetë ndryshe përderisa deri më sot, Korporata e Investimeve Strategjike ka qenë një institucion qokash që merrte paga, bonuse e shpërblime të majme duke u mjaftuar me kryerjen e operacioneve të marrjes së fondeve publike pa realizuar apo raportuar ndokund për projektet apo planet e saj. Lëre më pastaj të tërhiqte ndonjë investim të huaj strategjik, sikundër na u shit ditën kur u votua.
Mirëpo, glutonia e një qeverie të tillë nuk mbaron dot ndaj kanë nisur të punojnë për projekte me qëllime të qarta grabitqare përfshirë edhe mbledhjen e çdo prone publike me qëllim “shfrytëzimin”. Duke konvertuar pak a shumë shtetin në një entitet privat, apo më saktë duke e shndërruar qeverinë në një pronë private të disa individëve që nuk raportojnë për të mirën publike por thjesht e marrin me arrogancë. Kjo duhej të kish hapur një debat të gjerë për mënyrën e qeverisjes, çfarë bën shteti e çfarë duhet të bëjë privati? Për publiken e privaten.
Qeveria shqiptare që është ndër më të korruptuarat në vite dhe në rajon. Me një listë të gjatë ish funksionarësh nën hetim për afera koncesionare dhe abuzime me pronat publike. Shumë pyetje të tjera mund të kishin lindur duke nisur që me faktin se sot shteti nuk po ofron dot shërbimet bazë në shëndetësi e punë publike që i koncesion e tani po mendon për hapjen e bizneseve për dhënie lejesh ndërtimi e administrim pronash?
Korporata e investimeve është produkti i një ligji të debatuar dhe kam denoncuar fortë vite më parë nga çdo foltore e mundshme, si një nga ligjet me porosi që kurrë nuk e ka fshehur qëllimin e tij të keq për të abuzuar me pronat publike sikur të jenë pronat private të qeverisë. Një ligj i miratuar nga mazhoranca socialiste, me bindje të plotë për t’i shërbyer edhe një herë pakicës jo shumicës!
Për asnjë nga këto vendime e prona nuk është zhvilluar asnjë proces transparent dërgesash publike. Projektet mbeten të fshehta dhe larg syve të qytetarëve. Transparenca dhe përgjegjshmëria ndaj publikut janë detyrime, jo opsione!
Sali Berisha TIRANA- Prokuroria e Posaçme po bëhet gati të mbyllë hetimet ndaj kreut të Partisë Demokratike, Sali Beri...
Enkel Joti TIRANË- Ditën e sotme po zhvillohet mbledhja e Komisionit Hetimor për Sterilizimit, dhe i pari që është marr&...
Foto Ilustruese BRUKSEL- Për shumicën e kandidatëve me shpresë në BE, krahas përpjekjeve të tyre për reforma dhe p...
Tritan Shehu TIRANË- Komisioni i Shëndetësisë është zhvilluar ditën e sotme me debate të shumta mes deputetit demok...
SPAK GREQI- Mediumi grek ‘Kathimerini’, ka publikuar një artikull pas lirimit të eurodeputetit Fredi Belerit nga burgu. Në shkri...
Gazment Bardhi TIRANË- Kreu i grupit parlamentar të PD-s, Gazment Bardhi ka pyetur ministrin e Financave, Petrit Malaj se çfarë e sht...
Edi Rama BERAT- Kryeministri Edi Rama ka bërë disa batuta me mjekun Kita Sallabanda teksa ky i fundit ka treguar një histori dashurie q...
Anila Denaj TIRANË- Ministrja e Bujqësisë Anila Denaj ka deklaruar se mund të ulen taksat për kompanitë që importojn&eum...
Edi Rama BERAT- Kryeministri Edi Rama ka deklaruar se siguria në shkolla mbetet një problem për çdo prind. Duke folur nga shkoll...
Edi Rama BERAT- Kryeministri Edi Rama ka ftuar mësuesit që kanë dalë në pension që të angazhohen në nj&eu...
