Berisha premton rishikimin e moshës së pensionit: Ata që e rritën, u ngutën
15 Shkurt, 13:51
"Do i ja...
Politike
FOTO/ "Zëri i dridhej nga mirënjohja për Udhëheqësin!" Gazetari: Një malësor lumjan që u shkri në lot sapo buzët e tij prekën duart e Kryeministrit
Në imazhe shihet një i moshuar i cili përkulet dhe i prek duart Ramës. Gazetari shkruan se këtu kemi një malësor lumjan, me një zell poshtërimi që tejkalon çdo imagjinatë, edhe atë të kohës së Enverit.
4 Nëntor 2024, 19:59Nga M.B
Foto nga takimi
TIRANA- Gazetari Ermal Mulosmani ka bërë një postim në rrjetet sociale ku ka publikuar fotot e një prej takimeve të Kryeministrit Edi Rama me qytetarët. Në imazhe shihet një i moshuar i cili përkulet dhe i prek duart Ramës. Gazetari shkruan se këtu kemi një malësor lumjan, me një zell poshtërimi që tejkalon çdo imagjinatë, edhe atë të kohës së Enverit.
Ai shton të moshuarit, zëri i dridhej nga mirënjohja për Udhëheqësin, por kjo iu duk pak lumjanit, pasi ia preku duart, plot adhurim. Mulosmani shton se lumjani harroi dinjitet e krenari, burrëri e traditë dhe u shkri në lot sapo buzët e tij prekën duart e Kryeministrit.
"Këtu kemi një malësor lumjan, me një zell poshtërimi që tejkalon çdo imagjinatë, edhe atë të kohës së Enverit. Zëri i dridhej nga mirënjohja për Udhëheqësin, por kjo iu duk pak lumjanit. Ia preku duart, plot adhurim dhe, një e papërmbajtur dëshirë për t'i puthur ato "duar të arta" ia pushtoi krejt qenien!
Harroi dinjitet e krenari, burrëri e traditë dhe u shkri në lot sapo buzët e tij prekën duart e Kryeministrit. I shkreti, fëmijët e vet me siguri ka vite që nuk i puth. Urime, urime...", shkruan Ermal Mulosmani.