4 Nëntor 2024, 18:20
Nga E. D
Adea Pirdeni
TIRANË- Ministri i Shtetit për Administratën Publike dhe Antikorrupsionin, Adea Pirdeni prezantoi Strategjinë Ndërsektoriale Kundër Korrupsionit 2024-2030, hartuar në bashkëpunim me projektin EU 4 Good Governance financuar nga BE. Strategjia do të shërbejë si dokumenti politik themelor që parashtron zotimet konkrete të të gjitha institucioneve përgjegjëse për thellimin e mëtejshëm të luftës kundër korrupsionit në të gjitha nivelet e qeverisjes. Adea Pirdeni tha se qëllimi i Strategjisë Ndërsektoriale Kundër Korrupsionit 2024-2030, është që, përmes një qasje të trefishtë të bazuar në parandalim, ndëshkim, dhe ndërgjegjësim, të adresohen sfidat kryesore të luftës kundër korrupsionit.
Strategjia e re ka në fokus ndërmarrjen e një serie masash sistemike për konsolidimin e standardeve më të larta të integritetit, transparencës dhe llogaridhënies në institucionet publike dhe private në vend, me synim final, ofrimin e shërbimeve efikase për qytetarët. Ky dokument vë theksin në rritjen e sinergjisë dhe përmirësimin e koordinimit efektiv mes të gjitha institucioneve përgjegjëse për luftën kundër korrupsionit. Masat e parashikuara janë tërësisht të harmonizuara me vizionin kombëtar për Shqipërinë 2030 drejt Bashkimit Evropian, si dhe adresojnë të gjithë zotimet që burojnë nga procesi i negociatave me Bashkimin Evropian, për institucione më solide që krijojnë dita-ditës rezistencë të shtuar ndaj çdo cënimi të integritetit.
Në Strategji janë evidentuar sektorët më të riskuar ndaj të cilëve do të të ketë vigjilencë të shtuar për llogaridhënie më të madhe dhe transparencë të plotë në kryerjen e detyrave nga institucionet. Mes këtyre sektorëve renditen Pronat, Tatimet dhe Doganat, Shëndetësia, Kontratat Publike (Prokurimet dhe Koncensionet) dhe Arsimi. Zgjerimi i veprimit të strategjisë në mënyrë kapilare në qeverisjen vendore, sektorin privat dhe forcimi i edukimit për integritetin Për herë të parë Strategjia shtrihet dhe zbatohet dhe ndaj institucioneve të qeverisjes vendore dhe synon promovimin e integritetit edhe në sektorin privat.
Fokus të dedikuar merr gjithashtu mbrujtja e të rinjve me parimet e integritetit dhe ligjshmërisë. Në këtë drejtim, Strategjia synon rishikimin e të gjithë kurrikulës së arsimit parauniversitar me qëllim edukimin e të rinjve mbi ligjshmërinë dhe parimet e integritetit, si dhe bashkëpunimin e ngushtë me sektorin privat për promovimin e integritetit. Përgjatë 3 muajve të fundit një numër diskutimesh të hapura me fokus garantimin e eficencës së Strategjinë Ndërsektoriale Kundër Korrupsionit 2024-2030 u zhvilluan me përfaqësues të bizneseve dhe me dhomat e tregtisë, me përfaqësues të medias, shoqërisë civile dhe akademikë, si dhe me përfaqësues të Vetëqeverisjes Vendore.
Dokumenti iu nënshtrua një faze të gjatë 9-javore të konsultimit publik, që u pasua me reflektimin e komenteve dhe sugjerimeve të mbërritura nga të gjithë aktorët e interesuar. Ky proces synoi pasurimin e dokumentit dhe përfshirjen e perspektivave të ndryshme për të adresuar në mënyrë të plotë sfidat e identifikuara nga të gjithë aktorët dialogues. Aktiviteti i lançimit të SNKK 2024-2030 u mundësua falë mbështetjes nga Bashkimi Evropian përmes projektit BE për Mirëqeverisjen.
adea pirdeni
Politike
4 Nëntor 2024, 17:13
M.B
Silvi Bardhi
TIRANA- Koordinatorja e departamenteve në Partinë Demokratike, Silvi Bardhi, ka dalë në një deklaratë p&eum...
Politike
4 Nëntor 2024, 16:48
M.B
Albert Veliu
TIRANA- Albert Veliu, i njohur si “Babalja” është rishfaqur në një video-regjistrim të publikuar n&e...
Politike
4 Nëntor 2024, 16:32
M.B
Pavlos Marinakis
GREQIA- Athina zyrtare ka reaguar sërish pas deklaratës së kryeministrit Edi Rama nga takimi me diasporën në...
Politike
4 Nëntor 2024, 16:21
E. D
Adriana Kalaja
TIRANË- Zëdhënësja Antikorrupsionit parnë PD, Genta Vangjeli publikoi më 12 tetor të këtij...
Politike
4 Nëntor 2024, 16:14
M.B
Selia e PD
TIRANA- Partia Demokratike ka dalë me një deklaratë zyrtare lidhur me atentatin me 4 viktima në Shkodër. Në d...
Politike
4 Nëntor 2024, 15:22
M.B
Emiriana Sako
DURRËS- Kryetarja e Bashkisë Durrës, Emiriana Sako dhe kabineti i saj do të përfitojnë rritje pagash pas m...
Politike
4 Nëntor 2024, 14:13
r.ll
sali berisha
TIRANË- Kreu i Partisë Demokratike, Sali Berisha është pyetur për kreun e "Lëvizjes Bashkë", Arlind Qorin d...
Politike
4 Nëntor 2024, 14:07
N.F
Berisha
TIRANË- Kryetari i PD-së, Sali Berisha ka mbajtur ditën e sotme një konferencë për mediat. Gjatë fjalë...
Politike
4 Nëntor 2024, 13:52
r.ll
edi rama
TIRANË- Kryeministri Edi Rama pas takimit të tij në Selanik me diasporën shqiptare iu është përgjigjur mediave ...
Politike
4 Nëntor 2024, 14:05
N.F
Berisha
TIRANË- Kreu i Partisë Demokratike, Sali Berisha gjatë fjalës së tij në konferencë para gazetarëve fol...