Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Kim reagoi pas sulmit të dytë të Ramës, por statusi i Metës nuk 'i shpëtoi'.
TIRANË- Në harkun kohor të një muaji kryeministri Edi Rama ka ashpërsuar tonat ndaj Prokurorisë së Posaçme kundër Korrupsionit dhe Krimit të Organizuar (SPAK). Fillimisht, në muajin prill të vitit 2022, sulme që siç duket nuk kanë rënë në veshin e ambasadores së Shteteve të Bashkuara të Amerikës në Tiranë, Yuri Kim.
Nga kongresi i Partisë Socialisre që u mbajt në Pallatin e Kongrseve, Kryeministri i kërkoi SPAK-ut që të niste hetimet për ish-kryeministrin Sali Berisha, të shpallur non-grata nga Departamenti Amerikan i Shtetit. Më tone të ngritura, Rama tha se SPAK se nuk ka çuar para drejtësisë politikanë vrasës, duke nënëkuptuar këtu Berishën, por ka dënuar një zëvendësministre me 10 muaj burg, referuar Rovena Vodës.
“Po kthehem tek ato 10 muaj burg për një arkë peshk për një punësim që nuk u bë. Çfarë dreqin bëhet kështu do të thonë kur janë dhjetëra të vrarët dhe të vdekurit nga politikanë që kanë emër dhe mbiemër, të cilët rrotullohen në varr në kërkim të drejtësinë pa llogaritur vjedhje kolosale që vetëm SPAK-u nuk i di, burgoset një grua për 10 kg peshk. Ndërkohë që SPAK-u vihet në lëvizje edhe nga një deklaratë partie, për këdo zyrtar të lartë, akoma nuk është vënë në lëvizje nga deklarata më e rëndë që është bërë zyrtarisht në 30 vite nga aleati më i madh strategjik i Shqipërisë, SHBA, sepse ai njeri ka drejtuar Shqipërinë. SPAK ka një detyrim. Ajo deklaratë s’mund të rrijë pezull, ose ka bazë ose s’ka. Këtë nuk mund ta thotë politika e brendshme. Duhet ta thotë drejtësia. Ajo deklaratë e mbetur pa përgjigjen e drejtësisë, për të gjithë ata që kuptojnë dy gram nga marrëdhëniet ndërkombëtare dhe që kuptojnë një gram nga pesha e marrëdhënieve mes Shqipërisë dhe SHBA, është gur në qafën e Shqipërisë. SPAK duhet t’ia heqë Shqipërisë këtë gur nga qafa, duke e ndarë, ka bazë apo nuk ka bazë. Që shqiptarët ta marrin mesazhin, ka bazë apo nuk ka bazë,”- tha Rama në atë kohë.
Pas këtij sulmi, nuk pati reagim nga ambasadorja Kim, por Rama s’e ndali shprehjen e pakënaqësisë së tij ndaj institucioneve të drejtësisë.
Në muajin maj, kryesocialisti la të kuptohej sërish se SPAK po godet më shumë nga e majta, duke theksuar megjithatë se partia e tij ka patur gjithnjë të njëjtin qëndrim sa herë që është dashur të merret përpara drejtësisë cilido pjesëtar i tyre e se nuk është bërë strehë e asnjë personi që ka shkelur ligjin.
Kryeministri Rama tha se SPAK veproi me nxitim të hetonte gjyqtarin Ardian Dvorani, ndërsa për Berishën, ende nuk ka ndërmarrë asnjë hetim.
“Kampioni i anti-korrupsionit me vulë dhe me firmë të Sekretarit Amerikan të Shtetit është futur në hetim nga SPAK, në hetim për çfarë? Për një hetim të kujt? Për një denoncim të atij që, jo unë, por gjithë Shqipëria mezi pret që ta shohë para SPAKU-t, Ilir Metës. Po si qenka kjo kështu, kaq e përmbysur? Zonja e zotërinj të SPAK-ut, zgjohuni e dilni në mbrojtje Shqipërisë. Nëse Shqipëria sot është e turpëruar përpara një non grate, një të vdekuri që i bën karshillëk këtij populli dhe tërë dynjasë, këtë turp ka vetëm një që duhet ta mbajë, SPAK-u. Askush tjetër!”- tha Rama.
Rama nënvizoi se kjo sipas tij nuk është një thirrje politike, por për të vepruar e për drejtësi.
“Nuk është një thirrje partiake, nuk është një thirrje politike por është thirrja e forcës që e ka udhëhequr dhe që e garanton reformën në drejtësi. Po sfidohet drejtësia dhe se po delegjitimohet SPAk-u dhe i gjithë sistemi i ri i drejtësisë,”- tha Rama.
Pas këtij sulmi të dytë, Kim nuk qëndroi duarkryq. E pranishme në konferencën “Drejtësi në kohë sfidash”, ambasadorja Yuri Kim tha se sulmet nuk janë standardi që kërkohet për Reformën në Drejtësi. E futur në rolin e saj si diplomate, Kim shtoi se drejtësia duhet të jetë funksionale atëherë kur politikanët të mos kërkojnë hetime, ose kur prokurorët të mos hapin dosje me porosi, urdhër apo kërcënim.
Në një postim në rrjetet sociale, ajo bëri një tjetër reagim në të cilin kujtonte sulmin e Sali Berishës ndaj ish-kryeprokurores, Ina Rama.
“Do ta marrim vesh kur të jetë e suksesshme kur të mos ketë magjistratë të angazhuar në sjellje të keqe. Gjithashtu konsiderohet e suksesshme kur të mos mendojmë që është e përshtatshme që drejtuesit politikë në pushtet ose jo, ta quajnë prokuroren kështu apo ashtu, të mos thonë që nuk ka drejtësi kur ‘ana ime’ futet në burg. Kjo nuk është drejtësi! Këto nuk janë standarde që populli kërkon. Duhet drejtësi që i besohet me sy të verbër. Të gjithë të jenë të barabartë para ligjit,”- thoshte ajo.
Sulmet e Ramës stopuan në atë kohë, por sot, SPAK është vënë në shënjestër nga kryetari i Partisë së Lirisë, Ilir Meta. Ky i fundit u mor nën hetim nga SPAK pas kallëzimit të bërë nga ish-deputeti Halit Valteri. Kallëzimin e ka depozituar në SPAK ish-deputeti Halit Valteri, pas një artikulli të botuar në gazetën austriake, "Kronen Zeitung", e cila akuzonte ish-Presidentin Ilir Meta se kishte paguar 700,000 mijë dollarë për lobim përmes një kompanie qipriote guaskë, që të siguronte një foto në ceremoninë e inaugurimit të ish-Presidentit Amerikan Donald Trump. Por, kreu i PL-së nuk e priti mirë këtë nisje hetimi.
Në një reagim në rrjetet sociale, Meta e konsideroi kreun e SPAK, Arben Kraja si ‘spurdhjak’ të partisë që i shërben mafias.
“Meqënëse spurdhjaku i partisë ka vendosur t'i shërbejë hapur mafies së inceneratorëve në panik ju lutem njihuni edhe me një kërkesë tjetër serioze për karagjozët më të mëdhenj të Ramaformës. Shtatori po vjen dhe Drejtësia e Popullit nuk do ndalet më! Ramoviçin asgjë nuk e shpëton dot më!”- shkruante Meta.
I rrufeshëm ishte reagimi i Kim. Ambasadorja e Shteteve të Bashkuara të Amerikës në Shqipëri, Yuri Kim është rreshtuar krah drejtuesit të Prokurorisë së Posaçme, Arben Kraja. Në një qëndrim zyrtar në Twitter, Kim thotë se kërcënimet për të prishur reformën nuk duhet të pranohen. Ajo shton se askuhs nuk është mbi ligjin dhe se të gjithëve atyre që janë shqetësuar, odo tu vijë fundit, duke nënkuptuar Metën.
“Kërcënimet dhe nxitjet për prokurorët dhe gjyqtarët - dhe përpjekjet e tjera për të prishur reformën në drejtësi - nuk duhet të pranohen më si "normale". Kjo sjellje nuk i përket një vendi që është në NATO, ka hapur negociatat për anëtarësim dhe është ulur në Këshillin e Sigurimit të OKB-së. ër një kohë të gjatë, të pasurit dhe/ose të fuqishmit kanë besuar se janë të paprekshëm. Tani ata janë të shqetësuar, mosndëshkueshmërisë së tyre mund t'i vijë fundi. Ndërsa reforma në drejtësi zbatohet dhe jep gjithnjë e më shumë rezultate, do të bëhet më e qartë se askush - ASKUSH - nuk është mbi ligjin,”- shkruan Kim.
Belinda Balluku TIRANË- Zv.kryeministrja dhe ministrja e Infrastrukturës dhe Energjisë, Belinda Balluku ditën e sotme ka inspektu...
Tedi Blushi TIRANË- Sekretari i Përgjithshëm i Partisë së Lirisë, Tedi Blushi ka mbështetur thirrjen e ambasadores s&eu...
Silva Caka TIRANË- Sekretarja për Marrëdhëniet me Publikun në Partinë e Lirisë, Silva Caka ka publikuar një dokumen...
Edi Rama TIRANË- Kryeministri Edi Rama është shprehur se Turqia, Kina e Rusia janë vendet që u kanë ardhur në ndihmë...
Yuri Kim dhe Ilir Meta TIRANE- Ambasadorja e Shteteve të Bashkuara të Amerikës në Shqipëri, Yuri Kim është rreshtuar kr...
Edi Rama TIRANË- Kryeministri Edi Rama e ka konsideruar sëriush një pengmarrje bllokimin e integrimit të Shqipërisë e Maqedon...
Edi Rama TIRANË- Kryeministri Edi Rama ka përmendur çështjen e vizave të Kosovës. I pranishëm në Samitin "Zgjimi ...
AUSTRI- Kryeministri Edi Rama ndodhet në Austri dhe po merr pjesë në samitin ‘Zgjimi Gjeopolitik i BE-së’. Gjatë fjal&eum...
Halit Valteri TIRANË- Ish-deputeti Halit Valteri ka reaguar pas nisjes së hetimeve për kryetarin e Partisë së Lirisë Ilir Met...
Arben Kraja dhe Ilir Meta TIRANE- Kryetari i Partisë së Lirisë, Ilir Meta ka reaguar pasi Prokuroria e Posaçme ka nisur sot hetimin ...
